كلمات اغنية الحاسه السابعه احمد مكي 2012 - كلمات الأغاني

الحاسة السابعة, احمد مكي, احمد مكي 2012, اصله عربي, اغنية, كلمات الحاسه

إضافة رد
  #1  
قديم 05-18-2012, 11:23 AM
mohammed sheshtawy12 mohammed sheshtawy12 غير متواجد حالياً
عضو فعال
 
تاريخ التسجيل: May 2011
المشاركات: 114
بمعدل: 0.05 يوميا
الإقامة: ام الدنيا
الوظيفة: طالب
التقييم: 10
mohammed sheshtawy12 is on a distinguished road
افتراضي كلمات اغنية الحاسه السابعه احمد مكي 2012

كلمات اغنية الحاسه السابعه احمد مكي 2012

كلمات اغنية الحاسه السابعه
البوم احمد مكي اصله عربي 2012


ف يوم قاعد ف كوفي شوب بشرب قهوة وسيجارة
سرحت قفلت عيني زرت ذكرياتي زيارة ..


سرحت فى قد ايه الدنيا دى واطية وغدارة
وان حب الناس 90% منو تجارة

وده مش كل الى افتكرتو ده عصارة العصارة
اصل افتكرت فترة ضعت فيها ودقت خسارة

على رأى ست كبيرة فى حتتنا الدنيا خيارة
اسمع منى الحدوتة دى وافهم معنى العبارة
شب زى كتير شباب طريقو مكسر مش باينلو فيه غير الضباب
الاكتئاب صايدو وناهشو نهش ديابة وكلاب قرب يتجنن

ليه دايما النتيجة سودا هباب

دا انا من صغر سنى بسعى وباخد دايما بالاسباب
كل اما اوصل لحاجة بتبعد زى السراب

تايه في دنيا سوده بيحكمها قانون الغابه
راس مالي فيها صحه وامي وشويه صحاب

حتى الصحاب من الاكتئاب اغلبهم ادمن
تحت التراب مكانهم الله يرحمهم واتقفل الباب

صعب جداً احساس ان انت تدي تدي ومتلاقيش
وتكمل الطريق من غير امل عليه تعيش ..

كل يوم زي اللى قبله شغلة شكل وما بتمشيش
اشتغلت كل حاجة كان ناقصنى اكون شاويش

لحد ما اشتغلت فى نادي فيديو وعشقت السيما
تاريخي عربي اجنبي حديثى او قديمة

كل المطلوب انك تعرف تحكى حدوتة
من كان يامكان لحد كلمة توتة توتة

فكرة حكى الحدوتة فى حد ذاتها جت شدتنى
جراب تاريخ حياتي مليان خبرات فادتنى

كل اللى شوفته فى طفولتى وفي شارعي حتة مني
درست سيما قولت اعبر عنهم بس بفنى

افلامى فى المعهد كسبت فى مصر وبره مصر
قولت الحمد الله .. اخيرا دوقت طعم نصر

وفعلا او لما اتخرجت روحت اخرج اول فيلم ليا
اصغر مخرج فى مصر وفى كل الدول العربية

الله
دا شكل الدنيا بتضحك ليا
ودعت الميكروباس وجبت لنفسي عربية

روحت اشتركت فى جولز وسيبت انا نادى الطلبية
ومن 3 صحاب بقوا ستين سبعين ومية

اضرب كمان فى مية واضرب .. كمان في مية
آمنت للدنيا وسلمت وقولت مية مية

ونسيت ان الدنيا دار ابتلاء ودي بلية
خدت الخازوء الصح وخوازيء الدنيا مغرية

نزل فيلمى فشل محدش شافه
اخدت صدمه .. اديتنى الدنيا ظهرا وشلوت وبوكس ولطمة

مولد واتفض
محدش جوه قلبه رحمة
مش ممكن تعرف مين صحبك بجد الا فى المحنة

رجعت حياتى اسوأ م الاول . بعت العربية
والميكروباس اجرته زادت شوية

بمرور الوقت فلوسي طارت طارت
وبقيت مديون .. ما بقيتش عارف ايه تصنيفى عاقل او مجنون

وفي يوم تعبت سخنت عرقت فى السرير نمت
قالى الدكتور اوعاك يا ابني تزعل .. قولتله زعلت


ما انا اصلي وقعت فى كدابين الزفة ومنهم اتعلمت

في ناس تحبك وانت عالى بس تسيبك لو وقعت

اتأثر الدكتور ساب الشنطة ومسح عنيه
بص في عنيا تايه مش عارف هيرد بايه

طبب عليا وقالى فيه مثل قالوه زمان
صحبك بجد اللى يفديك بنفسه فى الطوفان

مش هو بتاع القعدة الحلوة الضحكة والدخان
ضرب جرس بابي فتحت لقيت صحاب زمان

صحاب اصيله جوم يزوروا اخوهم العيان
الله لما تحس ان حد همه امرك

بيحبك من قلبه بجد مش مصلحته هبرك
مش بيضحلك وهو بيحفرلك فى قبرك

مش مهم كتر المعارف صاحب واحد اصلى ابرك
صحابي وقفوا جنبي طلعونى م اللى ظلمك

الضربة الجامدة لو ممتش منها تبقى اجمد

شارك اصدقائك الان .. رابط الموضوع للنسخ
http://www.moolnt.com/vb/showthread.php?s=2e67a1282fc9c56e2628b5179f815bd9&t=8493
رد مع اقتباس
إضافة رد
الموضوع: كلمات اغنية الحاسه السابعه احمد مكي 2012 الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر

أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 04:26 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.