إضافة رد
  #1  
قديم 05-14-2012, 10:09 PM
هلا ريفى هلا ريفى غير متواجد حالياً
عضو جديد
 
تاريخ التسجيل: May 2012
المشاركات: 4
بمعدل: 0.00 يوميا
التقييم: 10
هلا ريفى is on a distinguished road
افتراضي حياة الاسكندر الاكبر وتاريخه ومكان دفنه

حياة الاسكندر الاكبر وتاريخه ومكان دفنه

حياة الاسكندر الاكبر
اتولد الكسندر التالت فى بيلا اللى كانت عاصمة مقدونيا القديمه , جزء من اليونان دلوقتى، كان ابن الملك فيليبوس التانى المقدونى. الاسكندر اتعلم على ايد الفيلسوف الكبير ارسطو اللى علمه علوم كتيره و فلسفه. فى سنة 336 ق.م ابوه اتقتل وبقى هو الملك, راح قاتل المتائمرين على ابوه و مسك الحكم.


حملته علي الفرس
بعد ما مسك الحكم بفترة صغيرة , و فى سنة 334 ق.م راح محضر جيش عشان ينفذ خطة ابوه عشان يحارب الفرس, الفرس وقتها كانوا اعداء لليونانين كلهم و بيتدخلوا فى سياسيتهم وحاربوهم اكتر من مرة, الاسكندر كان جيشه حوالى 35،000 عسكرى واجه بيهم حوالى 40،000 وكسب معارك كتيرة قدام الفرس فى اسيا الصغرى وخسر عدد قليل جدا من جيشه حسب كتابات قديمة بتقول انه خسر فى الفترة دى بس 110 واحد. الاسكندر كان معاه قواد كانوا ليهم مستقبل فى الحرب و مستقبل كبير فى امبراطوريته منهم كان بطليموس الأول.
الاسكندر قابل ملك فارس داريوس التالت سنة 333 ق.م في أسوس شمال شرق سوريا. جيش دارويس كان كبير جدا قريب من 500،000 عسكرى فى جيشه. المعركة دى كانت حتحدد مين اللى حيكم العالم وقتها و حيحكم الامبراطورية بتاعة فارس. الاسكندر كسب الحرب دى و وورث اراضى الامبراطوريه الفارسيه. دارويس هرب بعد المعركة بس لقوه مقتول بعد ما حراسه و قواده خانوه فى سنة 331 ق.م


الاسكندر وتتويجه فرعون لمصر

دخل اسكندر مصر سنة 322 ق.م اللى كانت تحت حكم الفرس وقتها , رحب به المصريين واعتبروه محرر ليهم من ظلم الفرس اللى مكانوش بيحترموا دينهم او عادتهم واعتبروا الاسكندر واحد منهم, اللى احترمهم و احترم عاداتهم. الاسكندر شاف حته شمال نهر النيل و البحر المتوسط, قرر انه يبنى مدينة اسكندرية اللى اتسمت على اسمه و اعلنهاانه تكون عاصمة للامبراطوية بتاعته لما تخلص. فى سنة 331ق.م راح اسكندر حج لمعبد امون (كبير الالهه عند المصرين زمان) فى سيوه ,اللى اليونانين كانوا بيسموه عندهم زيوس. هناك امن بالمعتقدات المصرية و دخل الالهة مصرية عند اليوناين والعكس ومزج الديانتين و تقريبا تمصر و اخد معتقدات وعادات المصريين. كهنة امون اعلنوا رسمى انه فرعون مصر وانه ابن الاله الشمس امون او زيوس عند اليونانين. المصريين حبوه و اخلصوا ليه و عاملوه على انه فرعون من الفراعنة المصرين. بعد تتويجه كفرعون لمصر, راح يكمل حملاته فى الهند و بابل


وفاة الاسكندر
الاسكندر مات صغير بالرغم من الانجازات اللى عملها فى حياته, الاسكندر مات سنة 323 ق.م فى بابل فى مدينة اتسمت بعد كده باسكندرية على اسمه برضه, قبل ما يموت لما سألوه مين يستلم الحكم بعده رد : "الاقوى". بيعتقد إن الاسكندر مات مسموم بعد ما اختلف مع قواده و تعبهم بحملاته وطموحاته اللى ماكنش ليها حدود وافكاره الجديدة وقتها وفكرة الدمج بين الحضارات و اتجوز هو شخصيا واحدة من فارس ، و فيه رواية تانيه بتقول ان الاسكندر مات من الحمى. الاسكندر بعد ما مات قواده اتخانقوا على تقسيم الامراطوريه بتاعته و كل واحد انفصل بحته. كان منهم بيرديكاس اللى اخد مقدونيا و اليونان و بطليموس الأول اللى كان من قواده المقربين أخد مصر و اسس الامبراطورية البطلميه واتنصب بالطريقه الفرعونيه و بقى فرعون مصر و اتمصر هو و ولاده اللى حكمو بعده وبقوا فراعنه وفضلوا يحكموا مصر لحد ما مااحتلوا مصر فى عهد الامبراطور اغسطس ( اوكتافيوس)


قبر الاسكندر
بيعتقد إن الاسكندر مدفون فى اسكندريه فى مصر فى حته مش معروفة لحد دلوقتى . بيقول المؤرخين إن بطليموس الأول جاب جثمانه مصر وحفظه فى ممفيس و بعد كده نقله بطليموس التانى على اسكندريه و دفنه فى " السوما " و لحد دلوقتى محدش لاقى او عرف فين قبر الاسكندر فى اسكندرية بالضبط

شارك اصدقائك الان .. رابط الموضوع للنسخ
http://www.moolnt.com/vb/showthread.php?s=52368e12299b3335b360f6e45438b363&t=8452
رد مع اقتباس
إضافة رد
الموضوع: حياة الاسكندر الاكبر وتاريخه ومكان دفنه الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر
أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:05 AM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.