إضافة رد
  #1  
قديم 08-04-2011, 08:21 PM
عاشق فن إرتواء العقل عاشق فن إرتواء العقل غير متواجد حالياً
عضو فعال
 
تاريخ التسجيل: May 2011
المشاركات: 117
بمعدل: 0.05 يوميا
العمر: 37
الإقامة: مصر - الإسكندرية
الوظيفة: مدير علاقات عامة بشركة دعاية وإعلان وتسويق تجارى / أمين عام بأحدى الجمعيات الخيرية
التقييم: 10
عاشق فن إرتواء العقل is on a distinguished road
إرسال رسالة عبر MSN إلى عاشق فن إرتواء العقل إرسال رسالة عبر Yahoo إلى عاشق فن إرتواء العقل
Smile الأبتسامة صدقة / بقلم : عاشق فن إرتواء العقل

الأبتسامة صدقة / بقلم : عاشق فن إرتواء العقل

بسم الله الرحمن الرحيم

الأبتسامة صدقة

الأبتسامة صدقة / بقلم : عاشق فن إرتواء العقل

فالأبتسامة أولا صدقة

وثانيا تشرح الصدر

وثالثا تنشر كمال الصحة فى الجسم بأكمله

ورابعا تعطى أحساسا بهيا بالرضا للعقل


لذلك يجب بأن تعلموا بأن

الأبتسامة متعة حقيقية

ويكفى أنها صدقة وعبادة

حقا يكفى فمهما هقول أنا مش هتفرق كتير لأنها صدقة لكن أنا برده هقول وأعمل اللى عليا



فما أروعه هذا الأحساس

عندما نشعر بجمال وجوهنا دون الحاجة إلى عمليات تجميل ومصاريف ملهاش أول من أخر

وأحنا فى أيدينا ممكن نوفر ونبتسم

ده كمان مش بس كده ده أحنا هنوفر وهنكسب صدقة

وأحنا بجد فى أشد الأحتياج إلى الصدقة


يلا نبتسم بجد بس من قلوبنا مش بس لنفسنا ونسعد عقولنا وبس لألألألألألألأ


ونسعد كل اللى حوالينا

وعدوا بقا الصدقات

بجد حاجة تفرح عقولنا وذاتنا وأنفسنا وبنوظف كل دول فى أسعاد من حولنا

أننا بنسعد كل دول بأقل شئ ميسر لنا

بالإبتسامة


الإبتسامة يا جماعة جميلة بشكل وأجمل حاجة فى الوجود دى تقريبا أجمل من الحب لكن مش أجمل من العقل علشان محدش فينا دماغه تروح لبعيد إلا العقل ده العقل مفيش زيه أتنين فى الحياة

نرجع تانى أصل أنا بخاف منكم لتفتكروا أن فى حاجة أحلى من العقل لأ مفيش خالص أنسوا ده خالص وطلعوه من دماغكم الحلوة

العقل فريد من نوعه وربنا خلقنا وميزنا عن سائر المخلوقات بالعقل يبقا العقل أيه يا حلوين ؟

هو الأحلى فى الوجود كله

بس الإبتسامة أحلى حاجة فى الوجود بجد مش هزار دى حقيقة واقعية لا يختلف معى أثنان فيها

عارفين يا جماعة أن لو حد أبتسم لحد فى الشارع بيفرح أوى الحد ده برغم أننا منعرفهوش لكن أبتسامة منا غيرت مجرى حياته وبلاش نبتسم لبنات علشان متتفهمش غلط


فن الإبتسامة الحلوة اللى ممكن لما بتظهر على وجوهنا للأخرون تسحرهم وتنور طريقهم طول ما هما ماشيين ونبقا بكده بنسعد نفسنا وبنسعد غيرنا بالإبتسامة البسيطة المليئة بالعطر الفواح اللى بينتشر فى الجو وبيرسم الأمل فى وجوه البشرية

هتقولوا عليا بخرف ولا أتجنيت صح لأ أنا ولا خرفت ولا أتجنيت أنا بتكلم بجد

جربوا كده تمشوا فى الشارع وأبتسموا مش تتضحكوا ضحكة بقكم يبقا مفتوح زى نفق شبرا مثلا لأ طبعا

أبتسامة رقيقة أوى لأى شخص يمشى فى الشارع هتبقا جميلة أوى منكم وأكيد هوا كمان هيبتسم ردا عليك

يا سلام على الجمال ناس ماشيه بتبتسم لبعضها فى أحلى من كده بالله عليكم

بجد أنا مستغرب حال البشرية على كوكبنا هذا كلنا بشر زى بعض ونمشى جنب بعض ولا فى بينا سلام ولا كلام قال أيه مفيش بينا سابق معرفة لأ فى أحنا عباد الله وكلنا بشر يبقا لازم يكون فى ما بينا معرفة ولو تكون بالأبتسامة

لو نسينا أننا بشر لازم مننساش أننا مسلمين ولازم نسعد غيرنا ولو بالأبتسامة البسيطة


كثيرا نسمع أن لكل حاجة فى دنيتنا عايزة مفتاح علشان نقدر ندخل بيه الحاجة دى


زى ما بيقولوا كده أن كل إنسان منا ليه نقطة ضعف معينة بيتم الدخول منها


ليه محدش فكر فى الأبتسامة الغير مكلفة أطلاقا

الأبتسامة ليس لها ثمن ندفعه لكن ممكن نشترى بيه أى حاجة

الأبتسامة سحر الوجود ومفتاح القلوب الجميلة ومفتاح العقول كمان

ده عقلك يفرح أوى لما يعرف أنك أبتسمت ولو عرف أنك أبتسمت لغيرك والطرف الأخر أبتسم هوا كمان وفرح يفرح عقلك بيك جدا ويفتخر بيك كمان فى كل مكان وهتلاقى نفسك فى كل مكان مبتهج وسعيد حتى ولو كنت حزين فالعقل يهدى ذاته بالسعادة إذا ذاته أسعدت غيره


عارفين يا جماعة ساعات بقابل فى طريقى أجانب ساعات مش بفهم لغتهم وساعات بفهم

اللى مش بفهم لغته عارفين بعمل معاه أيه / ببتسم ومش قادر أقولكم بيكون فرحان أزاى أو بتكون فرحانة أزاى

أنا مرة كان هيكون فى أمكانية لى التعرف على سائحة بالأبتسامة الرقيقة لكن للأسف معرفتش أتعامل معاها لأنها بتتكلم بلغة مش متتداولة وفشل التعارف بينا لكن كفاية أنى أسعدتها بره بلدها بأبتسامة من شاب مصرى ودى كفاية عندها وكفاية عندى كمان


الأبتسامة أشهر لغة فى العالم


عارفين يا جماعة ساعات كتير بنصادف فى حياتنا ناس حزينة وناس دمعتها بتنزل على خدودهم الرقيقة وأحنا ساعات بنكون عاجزين بأننا نعمل حاجة بس لو شغلنا عقولنا هنلاقى بأننا نملك شئ جميل وبسيط وغير مكلف أطلاقا / الإبتسامة يا جماعة أقوى علاج للأحزان

ممكن هنا بقا نضحك شويه مع الأخرون نقول نكتة بس نكتة بجد مش نكتة رخمة لأن بجد مش هيكون وقته رخامة خالص لازم نسعد غيرنا بجد من أعماق قلوبنا لأننا لو نوينا بجد نسعد غيرنا من قلوبنا هنسعدهم غصب عنهم حتى ولو كانت الحالة ميئوس منها هيضحكوا برده أصل دى أبتسامة والأبتسامة سحر وأقوى سحر فى العالم

الأبتسامة بتسحر كل شئ قدامها

مرة كنت ماشى فى شارع من شوارع مدينة 6 أكتوبر ولقيت ولد بياكل فى لقمة من الأرض طبعا موقف صعب جدا فقولتله أرميها وأستنانى لحظة هجبلك أكلة حلوة / قالى أوعى تجبلى فول وفلافل ههههههههههههههههههه

قولتله لأ متخفش هجبلك شاورمه وأبتسمت ولقيته أنفجر فى الأبتسامة أكنه مضحكش من زمان أوى وفعلا جبتله سندوتشات شاورمه وقعدت جنبه على الرصيف وأكلنا سوا وكان فرحان أوى

أهى القعدة دى أخد عليها أكيد بإذن الله جبال من الحسنات ولا فكرت فى هدومى اللى أتوسخت ولا فكرت فى شكلى قدام الناس ولا أى شئ فكرت فى حاجة واحدة بس أنى أسعد الشاب الصغير ده مهما كان الثمن

والحمد لله أسعدته وكانت البداية أبتسامة والنهاية أبتسامة وضحكة وحضن أخوى جميل


السعادة فن راقى كمثل فن إرتواء العقل فهو فن راقى أيضا

فن إرتواء العقل فن راقى لأن ملهوش علاقة بالفن الأخر كالتمثيل والغناء لكن له علاقة بسمو الفنون وأرقى الفنون المتعلقة بالعفل بإرتواءه بكل ما هو مفيد وجميل والأبتسامة أيضا فن راقى جدا ومن أرقى فنون الحياة لأنه متعلق بسعادة الأخرون ومفيش أحلى من كده عقل بيفيد وأبتسامة بتسعد

أبتسمواااااااااااااااااااااااااااااا
أبتسمواااااااااااااااااااااااااااااا
أبتسمواااااااااااااااااااااااااااااا
أبتسمواااااااااااااااااااااااااااااا
أبتسمواااااااااااااااااااااااااااااا
أبتسمواااااااااااااااااااااااااااااا
أبتسمواااااااااااااااااااااااااااااا
أبتسمواااااااااااااااااااااااااااااا
أبتسمواااااااااااااااااااااااااااااا


أبتسمواااااااااااااااااااااااااااااااااااااااااااا اااااااااا لله وخدوا الصدقة يا أحبائى الكرام

وبعد الصدقة والحسنة الرائعة أسعدوا غيركم ولما نسعد غيرنا أكيد أحنا هنفرح وهنبسط يعنى السعادة سلاح ذو حدود من كل جانب الكل كسبان والله الكل كسبان



تعالوا نسلك أتجاه أخر أتجاه كثير من الناس يحبونه وسوف أتحدث عنه هو الأبتسامة ومفعولها


الأبتسامة مفعولها قوى أوى أسرع من مفعول الدواء اللى بناخده لما نكون مرضى فالدواء بياخد وقت كبير لغاية ما مفعوله يشتغل لكن الأبتسامة أسرع من سرعة الصوت

الأبتسامة علاج للمرضى وأحلى علاج وأنا جربت كتير والتجربة عن ثقة ناجحة 100 فى المائة


لو كنت مزعل حبيبتك أبتسم أمامها وشوف المفعول هيشتغل أزاى هتلاقيها أبتسمت وبكده خلاص مبقاش فى زعل ولا حوجة للأصحاب والأصدقاء يتدخلوا فى حياتكم ويعرفوا أسرارها


ضحكة من كل طرف ينهى كل المشاكل



أنا أتذكر فى أحدى القمم العربية السنوية أبتسم أحدى الرؤساء لا أتذكر أسمه للرئيس الليبى معمر القذافى أثناء المؤتمر ودار بينهم أبتسامة جميلة طيلة المؤتمر فما أجمل تلك الأبتسامات عندما تكون بهذا الشكل الجميل وبرغم سخونة جدول الأعمال المقترحة فى هذا المؤتمر لكن الأبتسامة مستمرة وهذا يعنى مدى صفاء الروح بين الرؤساء وبعضهم


الأبتسامة أنشودة لها أوتار يمكن بأن تعزف من تلقاء نفسها لمدى الحياة دون الحاجة إلى عازف محترف فالمحترفين غير لائقين فى تلك المهمة لأنها مهمة سهلة جدا فالأبتسامة سهلة أوى لكن الأحساس بها من القلب صعب والشعور بها رائع والأحساس بها له مذاق أخرررررررررررررررررررررر



سمعت أن الناس لما بتكون مبتسمة تبقا سعيدة فى حياتها


والناس الكئيبة بتكون حزينة فى حياتها


نفسى أعرف بقا حاجة مهمة واحد مخنوق فى البيت ومن مشاكل البيت ومن شغله أو من كليته أو أو أو .... إلخ


ذنبها أيه الناس اللى فى الشارع تشوف الناس المخنوقة فى حياتها كئيبة فى الشارع
مال الشارع بشغلك وحياتك الشخصية



ليه يا جماعة ميكنش فى فصل بين الحياة العامة والحياة الشخصية


ليه بنخلط الأمور ببعضها وبنزعل منا الأخرون


بجد حاجة مؤلمة لما أكون ماشى فى الشارع وأبتسم لحد وألاقيه حاسس أنه عايز يولع فى نفسه ومش طايق نفسه طب ليه ده كله يعنى هوا لو عمل كده هيرتاح أو لما يكتئب هيرتاح والله الكل خسران لو فكر أن الحزن بيعمل شئ ولا بيرجع اللى مات وقال أيه أحنا بنلبس أسود لما حد يموت بجد فكر سلبى سلبى سلبى


صعب يعنى لو أبتسمنا بالعكس دى أسهل حاجة بس أحنا أتعودنا على الحزن أحنا اللى تاعبين نفسنا بنفسنا محدش بيقول لينا أكتئبوا لأ أحنا اللى بنكتئب بنفسنا محدش بيغصبنا على شئ لكن نقدر نغصب نفسنا على أننا نبتسم لأن الأبتسامة صدقة أنسى أنها بتسعد غيرك



لو مش عايز تفكر تسعد غيرك وبتحب نفسك وأنانى أوكيه خليك أنانى بس أعملك صدقة يا عم دى حسنة تزود بيها جبال حسناتك تنفعك فى يوم القيامة ولا أنت فرحان بسيئاتك أنها بتزيد والحسنات عمال تقل لغاية ما فجأة هتختفى .


نفسى بجد بعد الموضوع ده ألاقى الكل قرر أنه يبتسم لله علشان تخدوا الصدقة ودى الأساس وللأخرون علشان تسعدوهم لأن أكيد زى ما بتعمل فى الناس هيجيى يوم وربنا يبعتلك حد يبتسم فى وجهك ويسعدك فالحياة دوارة وما أجملها عندما تكون فى الخير .




الأبتسامة يا جماعة أرجوكم

أبتسمواااااااااااااااااااااااااااااااااااااااااااا ااااااااااااااااااااا


عارفين لو حد أبتسم لحد الحد ده بيفضل فاكر الأبتسامة دى علطول مش بينساها أبدا وبتكون أحلى من الهدية لأن الهدية ممكن تزول فى يوم من الأيام لكن الأبتسامة لا تزول أبداااااااااااااااااااااااااااااااااا


الأبتسامة هيا الأمل المفقود بداخل القلوب النائمة


الأبتسامة هيا سر سعادة كل البشر


وسر سعادتى أنا لما أشوفكم كلكم مبسوطين وناجحين فى حياتكم


لأنكم كلكم أخواتى وأنا بحبكم كلكم بجد من قلبى


أسعدونى وأسعدوا غيركم وأنا هسعدكم وهسعد غيركم لننعم جميعا بالخير والصدقات والحسنات الوفيرة


فى ختام الموضوع


أود بأن أقول لكم

بأختصار شديد جداااااااااااااااااااااااااااااااااااااا

الأبتسامة صدقة
الأبتسامة صدقة
الأبتسامة صدقة
الأبتسامة صدقة
الأبتسامة صدقة



أنتهى


بقلم : عاشق فن إرتواء العقل
خالد نور الدين

شارك اصدقائك الان .. رابط الموضوع للنسخ
http://www.moolnt.com/vb/showthread.php?s=7090bf858ac8e5b2dccd3a99d9f7b074&t=5167
رد مع اقتباس
قديم 08-05-2011, 04:09 AM   #2
سمسمة
عضو مثالي
الصورة الرمزية سمسمة
تاريخ التسجيل: Apr 2011
المشاركات: 1,073
بمعدل: 0.44 يوميا
العمر: 27
معدل تقييم المستوى: 8
سمسمة is on a distinguished road
Smile

نعم الابتسامه صدقه موضوع رائع جداااااااااا
التوقيع
أتعلمون لأى درجة احببته ؟
لدرجة انى لم استخر الله به يوما
خشية ان يكون شرا
فيبعده عنى
سمسمة غير متواجد حالياً   رد مع اقتباس
قديم 08-24-2011, 03:15 AM   #3
مودى
عضو جديد
تاريخ التسجيل: Aug 2011
المشاركات: 19
بمعدل: 0.01 يوميا
الإقامة: فوق القمر
الوظيفة: طالب جامعى
معدل تقييم المستوى: 0
مودى is on a distinguished road
إرسال رسالة عبر Yahoo إلى مودى
افتراضي

من اجمل ما قرأت فى هذا المكان

رائع استاذى
مودى غير متواجد حالياً   رد مع اقتباس
إضافة رد
الموضوع: الأبتسامة صدقة / بقلم : عاشق فن إرتواء العقل الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر
أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 07:18 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.