إضافة رد
  #1  
قديم 07-18-2011, 06:14 PM
عاشق فن إرتواء العقل عاشق فن إرتواء العقل غير متواجد حالياً
عضو فعال
 
تاريخ التسجيل: May 2011
المشاركات: 117
بمعدل: 0.05 يوميا
العمر: 37
الإقامة: مصر - الإسكندرية
الوظيفة: مدير علاقات عامة بشركة دعاية وإعلان وتسويق تجارى / أمين عام بأحدى الجمعيات الخيرية
التقييم: 10
عاشق فن إرتواء العقل is on a distinguished road
إرسال رسالة عبر MSN إلى عاشق فن إرتواء العقل إرسال رسالة عبر Yahoo إلى عاشق فن إرتواء العقل
Smile حوار مع دكتور / بقلم : عاشق فن إرتواء العقل

حوار مع دكتور / بقلم : عاشق فن إرتواء العقل

حوار مع دكتور

حوار مع دكتور / بقلم : عاشق فن إرتواء العقل




خالد : تسمحلى يا دكتور أبدأ حديثى مع سيادتك بدون مقدمات وأقول نفسى يا دكتور تكون صحتى كويسة ومش هعطلك كتير عايزك بس تقولى أعمل أيه علشان أطمن على حالى وصحتى




الدكتور / بص يا خالد يا حبيبى بأختصار هقولك كلمتين وبعد كده هقولك واحدة واحدة مضمون الأختصار أيه متفقين





خالد : طبعا يا دكتور متفقين





الدكتور / خليك معتدل . تكسب صحتك طول العمر





خالد : طب وتفصيلا للكلمتين دول هتقولى أيه يا دكتور




الدكتور / هقولك مستعجل ليه ؟




خالد : كلى أذان صاغية يا دكتور





الدكتور / أنا مش عايز أذنك أنا عايزك تتطلع ورقة وقلم وتكتب اللى هقوله





خالد : حاضر فورا





أسرة مول نت أستعدوا فى المرة القادمة بالورقة والقلم علشان تعرفوا الدكتور قال أيه علشان أضمن لنفسى صحة كويسة طول العمر وأنتم كمان معايا






إلى اللقاء غداااااااااااااااااااااااااااا


أنتظرونى







بقلم : عاشق فن إرتواء العقل
خالد نور الدين



حوار مع دكتور / بقلم : عاشق فن إرتواء العقل

شارك اصدقائك الان .. رابط الموضوع للنسخ
http://www.moolnt.com/vb/showthread.php?s=680482e6e5af20d8eff0e541e8c69ec8&t=4866
رد مع اقتباس
قديم 07-19-2011, 11:24 AM   #2
عاشق فن إرتواء العقل
عضو فعال
تاريخ التسجيل: May 2011
المشاركات: 117
بمعدل: 0.05 يوميا
العمر: 37
الإقامة: مصر - الإسكندرية
الوظيفة: مدير علاقات عامة بشركة دعاية وإعلان وتسويق تجارى / أمين عام بأحدى الجمعيات الخيرية
معدل تقييم المستوى: 7
عاشق فن إرتواء العقل is on a distinguished road
إرسال رسالة عبر MSN إلى عاشق فن إرتواء العقل إرسال رسالة عبر Yahoo إلى عاشق فن إرتواء العقل
افتراضي



خالد : يلا بينا يا دكتور نبدأ





الدكتور / أنت بتاكل أيه يا خالد




خالد : أنا باكل كنافة بالكستر




الدكتور / قصدك كنافة بالسم




خالد : أعوذ بالله يا دكتور أيه اللى حضرتك بتقوله ده


ماما دى روحى وحياتى مستحيل تموتنى يا دكتور






الدكتور / خالد بلاش هزار أنت فاهمنى كويس



خالد : أيوه يا دكتور فهمتك بس معذور بحب الكنافة أوى






الدكتور / وأنا كمان بحبها بس هيا لازم تتعمل بالسكر والسكر سم أبيض قاتل


بص يا خالد علشان أكون معاك واقعى مش هقدر أقولك تبطل الكنافة لأنى أنا الدكتور باكلها بس لازم تقلل من كل حاجة فيها سكر


لازم يا خالد وغلاوتك عندى السكر سم أبيض قاتل مدمر للصحة


قلل من السكر بقدر المستطاع








خالد : حاضر يا دكتور بجد من النهاردة أوعدك هقلل من السكر فى كل شئ







وأنتم يا أسرة مول نت لازم تقللوا من السكر وزى ما قال الدكتور السكر سم أبيض قاتل مدمر للصحة







يا زوار مول نت قللوا من السكر فالسكر فيه سم قاتل








إلى اللقاء غداااااااااااااااا مع تكملة الحوار الشيق مع الدكتور






بقلم / عاشق فن إرتواء العقل
خالد نور الدين
عاشق فن إرتواء العقل غير متواجد حالياً   رد مع اقتباس
قديم 07-20-2011, 11:25 AM   #3
عاشق فن إرتواء العقل
عضو فعال
تاريخ التسجيل: May 2011
المشاركات: 117
بمعدل: 0.05 يوميا
العمر: 37
الإقامة: مصر - الإسكندرية
الوظيفة: مدير علاقات عامة بشركة دعاية وإعلان وتسويق تجارى / أمين عام بأحدى الجمعيات الخيرية
معدل تقييم المستوى: 7
عاشق فن إرتواء العقل is on a distinguished road
إرسال رسالة عبر MSN إلى عاشق فن إرتواء العقل إرسال رسالة عبر Yahoo إلى عاشق فن إرتواء العقل
افتراضي



الدكتور / عامل أيه يا خالد ؟؟؟

خالد / أنا بخير الحمد لله

الدكتور / بالأحضان يا صديق عمرى

خالد / بالحضن يا غالى

الدكتور / أيه ده يا خالد

خالد / فى أيه يا دكتور

الدكتور / مش عارف بس حاسس كده أنك تخنت عن المرة اللى فاتت

خالد / أنا تخنت
لأ يا دكتور أنا بس اللى لابس تقيل

الدكتور / أه دى حجة البليد

خالد : فى أيه يا دكتور هوا أنا حامل ولا أيه ؟؟؟

الدكتور / بطل هزار وخليك جد معايا زى ما بكلمك

خالد / حاضر يا دكتور
أنا فعلا تخنت

الدكتور / أنت بتشرب ميه كتير يا خالد

خالد / ساعات وساعات بس بشرب مياه غازية كتيرة

الدكتور / يا فرحتى زعرطى يا أنشراح

خالد / دى بتاعتى يا دكتور

الدكتور / زعلتك يعنى أنى أخذتها منك
ماشى خلينا فى اللى أحنا فيه دلوقتى
المفروض يا فالح أنك تكتر من المياه

خالد / يعنى أشرب مياه قد أيه يعنى ؟؟؟

الدكتور / معقول 8 زجاجات 1 لتر فى اليوم

خالد / 8 لتر فى اليوم
أوكيه دى حاجة سهلة حاضر
طب وأيه تانى علشان أخس

الدكتور / أكيد يعنى تجرى كتير أو تتمشى كتير
أيه رأيك لما تجيلك مكالمة على موبايلك بدل ما تتكلم وأنت قاعد أتمشى فى الشقة أو تنزل تتمشى فى الشارع لغاية ما تخلص المكالمة

خالد / عملتها مرة يا دكتور ونزلت أتمشى فى الشارع وأتكلمت فى الموبايل بس الناس قالت عليا مجنون

الدكتور / ليه يا مجنون

خالد / علشان كده بتكلم فى الهاند فرى وكان الشارع ضلمة والناس كانت فكرانى بكلم نفسى

الدكتور / لأ فالح ياخويا
خلاص بلاش موضوع الموبايل
يا عم أنت ساكن جنب البحر أنزل أتمشى على البحر

خالد / مش هينفع

الدكتور / ليه تانى

خالد / بتعاكس من البنات

الدكتور / أنت اللى بتهزر أهو
أنا قايم

خالد / لأ أستنى خلاص معاك جاد أهو

الدكتور / والله يا خالد أنا عايز مصلحتك أصل ميصحش راجل يبقا عنده كرش والكلام ده ينطبق برده على البنات

خالد / طب والحامل يا دكتور

الدكتور / أشد فى شعرى يعنى علشان ترتاح

خالد / خلاص حقك عليا متزعلش أخر مرة وحياة أنشراح اللى ماتت قبل ما تشوف الكوبرى

الدكتور / يا خالد صحتك أهم من أى حاجة فى الدنيا
عارف لو فضلت كده سايب نفسك ووزنك زاد أكتر ممكن يجيلك بعد الشر القلب

خالد / يا ساتر يارب

الدكتور / بص علشان أنا عارف أن نظام شغلك
بيكون دايما على المكتب من غير حركة فممكن أوى وأنت رايح شغلك تتمشى نص
المسافة والنص التانى تركب مواصلات وأنت مروح البيت تتمشى برده وباقى
السكة مواصلات وحاول تخترع أى حاجة تخليك تنزل وتتمشى

خالد / عارف يا دكتور برغم أنك بتقول حاجات سهلة
أوى بس أنا عارف نفسى ممكن مهتمش بأنى أمشى كتير أصل أنا كسول شويه وزى ما
حضرتك قولت أنا دايما بقعد فى مكتب عملى على العموم هحاول أمشى كتير بس
لو معرفتش أعمل كده بكثرة مفيش بديل يا دكتور

الدكتور / أكيد فى بديل
بص يا حبيبى أهتم بأنك تاكل خضروات كتير
وأنت كده كده بتحب السلطة أوى صح

خالد / أوووووووووووووووووووى

الدكتور / خلاص كل يوم طبق سلطة كبير
وبطل تاكل سمك كتير نوع فى أكلك عارف أنك بتعشق السمك وبتاكله كتير بس دى مش ميزة مش هقولك غلط بس لما تنوع فى أكلك أفيد وأفضل صدقنى

خالد / حاضر والله
فى حاجة تانية يا دكتور أصلى أنا حاسس أنى هنام منك

الدكتور / فاضل شويه
بطل تاكل بره البيت خليك بيتى شويه والله لو قولتلك عن أضرار التيك أواى ممكن ترجع قدامى دلوقتى فبلاش علشان فى ناس بتشوفنا دلوقتى

خالد / خلاص قرفتنى فى عيشتى

الدكتور / الحق عليا أنى عايز مصلحتك أنت كده مش وش نعمة

خالد / فضحتنى يا دكتور

الدكتور / طب خلاص سبنى أكمل
أخر حاجة وحياتك

خالد / أتفضل

الدكتور / أهتم بأنك تفطر كل يوم وبلاش تكبر دماغك وتقول كفاية الغدا والعشا ده غلط لأن الفطار أهم من الغدا والعشا

خالد / خخخخخخخخخخخخخخخخخخخخ

الدكتور / أنت نمت
براحتك أنا كده عملت اللى عليا يا أسرة مول نت وخالد نام أهو


المهم أنتم كتبتوا كل حاجة أتقالت ولا نمتوا زى خالد
معلش حلقة النهاردة كانت طويلة


إلى اللقاء غدا


بقلم : عاشق فن إرتواء العقل
خالد نور الدين
عاشق فن إرتواء العقل غير متواجد حالياً   رد مع اقتباس
قديم 07-21-2011, 09:57 AM   #4
عاشق فن إرتواء العقل
عضو فعال
تاريخ التسجيل: May 2011
المشاركات: 117
بمعدل: 0.05 يوميا
العمر: 37
الإقامة: مصر - الإسكندرية
الوظيفة: مدير علاقات عامة بشركة دعاية وإعلان وتسويق تجارى / أمين عام بأحدى الجمعيات الخيرية
معدل تقييم المستوى: 7
عاشق فن إرتواء العقل is on a distinguished road
إرسال رسالة عبر MSN إلى عاشق فن إرتواء العقل إرسال رسالة عبر Yahoo إلى عاشق فن إرتواء العقل
افتراضي



خالد / أزيك يا دكتور

الدكتور / بخير يا سكر

خالد / أنا زعلان منك يا دكتور

الدكتور / أه عارف علشان نمت منك أمبارح

خالد / أتريق أتريق

الدكتور / أمال زعلان ليه ياخويا

خالد / هقولك بعد ما نخلص الحوار علشان فى ناس بتشوفنا

الدكتور / ماشى يا فالح
قوم يلا أعملنا حاجة نشربها

خالد / حاضر
بص بقا يا دكتور
عندى شاى أسود ومنيل وقهوة ونسكافيه وكابتشينو

الدكتور / ها وأيه كمان
يا فرحتى بيك ده أنت عندك كل حاجة مضرة تتشرب

خالد / مضرة ليه بقا

الدكتور / يعنى مش عارف

خالد / لأ عارف بس بستعبط

الدكتور / أنا مش عارف أيه حكايتك مع الحاجات اللى بتضر الصحة
ليه بتعمل كده فى نفسك

خالد / هوا أنا لوحدى ما مصر كلها بتشرب شاى
والدول الأوروبية كلها بتشرب نسكافيه
والعرب كلهم بيشربوا قهوة
ودول شرق أوسطية بتشرب كابتشينو

الدكتور / يا سلام يا سلام وعرفت منين بقا المعلومات دى كلها

خالد / أصل محسوبك لف العالم كله

الدكتور / لفيت مصر كلها تقصد
بطل فشر بقا

خالد / أرتحت أنت يعنى دلوقتى لما فضحتنى قدام الأجانب
ماشى براحتك خالص لينا قعدة بعد الحوار

الدكتور / يا عم خلصنى عايز أشرب حاجة

خالد / طب أجبلك حاجة ساقعة سودا

الدكتور / تانى يا خالد مش قولنا بلاش زفت مياه غازية والله هتدمر صحتك بالشكل ده

خالد / خلاص هجبلك نعناع

الدكتور / أيوه كده نعناع أو ينسون أو قرفة بالحليب أو كركديه أو حلبة ويا سلام ولو بالحليب

خالد / ما تيجى ننزل الكافتيريا أحسن وأنا هجبلك كل ده منين أرحمنى لأشدلك فى شعرى وأتقرع

الدكتور / لأ خلاص أهدئ
والله يا خالد أنا بحبك وخايف عليك
الشاى والقهوة والنسكافيه والكابتشينو حاجات كلها مضرة بالصحة
مفيش أحسن من المشروبات الساخنة الطبيعية

خالد / يا دكتور أنا بقالى 10 سنين بشرب نسكافيه أزاى عايزنى أبطله بسهولة كده

الدكتور /
بص يا خالد وأفهم ربنا هيسألك على صحتك هتقوله أيه أصلى مقدرتش أستغنى عن
وش النسكافيه وحلاوة القهوة المحوجة فوق لنفسك وأرحم جسمك اللى بتضيعه
بالمكيفات دى ده أنت كده تعتبر بتشرب سجائر وشيشه

خالد / خلاص يا دكتور أهدئ بالله عليك
والله خلاص مش هشرب الحاجات دى تانى وهلف كل المنتديات وأنصح غيرى

الدكتور / برافو يا خالد



وإلى اللقاء فى شهر رمضان

بقلم : عاشق فن إرتواء العقل
خالد نور الدين
عاشق فن إرتواء العقل غير متواجد حالياً   رد مع اقتباس
إضافة رد
الموضوع: حوار مع دكتور / بقلم : عاشق فن إرتواء العقل الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر
أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:19 AM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.