إضافة رد
  #1  
قديم 05-17-2011, 08:33 PM
noha2011 noha2011 غير متواجد حالياً
عضو ماسي
 
تاريخ التسجيل: Apr 2011
المشاركات: 700
بمعدل: 0.29 يوميا
التقييم: 10
noha2011 is on a distinguished road
افتراضي هتعملى ايه لو البطيخة طلعت قرعة !!

هتعملى ايه لو البطيخة طلعت قرعة !!

اخواتي البنانيت الحلوين في المنتدى

الموضوع ده عجبني وحبيت أفيدكم بالنصائح الذهبية اللي فيه

اتمنى تعجبكم يا رب


هتعملى ايه لو البطيخة طلعت قرعة !!


كلنا عارفين ان الجواز زي البطيخة .. يا قرعة .. ياقرعة ، ايووووووون ماهو ماتحسبوش يا بنات إن الجواز راحة ^ ^

المهم بقى الموضوع دا للبنات بس يعني الشباب ياريت يروحوا يشموا هوا كده بعيد عن المنطقة

نرجع بقى للبنات .. نعمل ايه لو البطيخة طلعت قرعة ؟؟

قدامك 3 حلول .. لأ علينا بأربعة .. نقولك هما مـ الآخر كده خمسة ..

يا إما تعيشوا مع بعض تقرفوا في بعض وتخلفوا عيال ويتربوا بقى على الخناق والمشاكل ووجع القلب

يا إما تخلعيه وتخلصي بس يا مين يعيش بقى

يا إما تقتليه وترتاحي بقى خمسة وعشرين سنة بالقليل في الزنزانة

يا إما تتقي الله فيه وفي حياتكم وتعامليه بالحسنى وتدعي ربنا يهديه

يا إما لو كل دا ما جابش نتيجة ..

اسمعي كلامنا وخدي النصايح الذهبية دي اللي هتخليه يطلقك في خلال اسبوع


نصيحة نمبر وان :الراجل ما يحبش الست الكئيبة وعشان كده .. هتبقى ولا أمينة رزق في زمانها ، تصبحيه بخناقة وتمسيه بخناقة وكل ما تتكلمي معاه تجيبي له سيرة كل حاجة تغم من يوم ما اتولدتي .. ولا نقولك ، من يوم ما الهكسوس دخلوا مصر^ ^ وكل ما يبقى فرحان فكريه بحاجة تضايقه ..


نصيحة نمبر تو : الراجل ما يحبش الرغي وعشان كده هتتحولي لراديو من غير ايريال ، دوشة ووش طول النهار ورغي في اللي ينفع واللي ما ينفعش واوعي تدي له فرصة يتكلم خااااااالص وكل ما تخلصي الكلام عيديه من الأول ^ ^ ..


نصيحة نمبر ثري : اوعي تنسي تكوني مثال للمرأة العاملة في جمع القمامة هتعملى ايه لو البطيخة طلعت قرعة !! .. يعني شعر منعكش هدوم متوسخة ريحة تسد النفس كل ما تشوفيه اهرشي في شعرك زي الجربانين هتعملى ايه لو البطيخة طلعت قرعة !!والغي من قاموسك كلمات زي غسيل وش ، ودش وشامبو وكده انسي انسي ..


نصيحة نمبر فور : الراجل ما يحبش الست اللي بتقول ألفاظ خارجة علشان كده ماتخليش في بؤك غير كل ما هو تيييييييييييييت من أول يا ولاد ... شحيبر .. لحد .. يا ولاد الــ ... شعب هتعملى ايه لو البطيخة طلعت قرعة !!


نصيحة نمبر مش فاكرة : اوعي تنسي تاكلي بطريقة مقرفة هتعملى ايه لو البطيخة طلعت قرعة !!.. كأنك محرومة وما شوفتيش الأكل قبل كده ، وتعمدي تخرجي من الباثروم ع السفرة على طول ولازم يشوف انك عملتي كده وطبعاً من غير ما تغسلي ايدك ، دا أكيد بالإضافة لإنك لازم تفتكري كل موقف مقرف حصل لك في حياتك وتحكيه ع الأكل .. حاجة كده لزوم السسبنس هتعملى ايه لو البطيخة طلعت قرعة !!


نصيجة نمبر بعد كده : الراجل ما يحبش الست اللي تقعد تجيب سيرة الناس بحاجة وحشة وعلشان كده ما تشوفيش وشه إلا وتحكي له على حاجة وحشة في فلانة وحاجة منيلة في علانة وما تنسيش تفبركي فضيحة هو متأكد انها ما حصلتش علشان يحتقرك زيادة وزيادة .. ولو كان ما بيكلمكيش - ودا احتمال قوي بعد كل العمايل دي - تعمدي تتكلمي في التليفون قدامه مع واحدة صاحبتك وتقولي المطلوب قدامه ..


نصيحة نمبر ... ولا بلاش..


أحنا بقى نكتفي بهذا القدر من المكالمات .. قصدي النصايح

وصدقيني بعد كل دا الراجل هيعمل حاجة من4


إما : هيضربك باللي يطوله وساعتها بقى ممكن تعملي له محضر في القسم وتوديه في داهية


يا إما هينتحر وساعتها تبقي خلصتي منه

يا إما هيطلقك ويكسر وراكي قلة

يا إما .. هيتحملك ويعاملك كويس ويدعي ربنا يهديكي و ساعتها بقى يبقى خسارة فيكي ^

شارك اصدقائك الان .. رابط الموضوع للنسخ
http://www.moolnt.com/vb/showthread.php?s=263d54b5798218fc94798041ca85799c&t=3744

التعديل الأخير تم بواسطة noha2011 ; 07-04-2011 الساعة 03:24 PM
رد مع اقتباس
إضافة رد
الموضوع: هتعملى ايه لو البطيخة طلعت قرعة !! الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر
أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:54 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.