إضافة رد
  #1  
قديم 03-30-2016, 08:42 PM
MahmoudSaeed MahmoudSaeed غير متواجد حالياً
مشرف
 
تاريخ التسجيل: Mar 2016
المشاركات: 736
بمعدل: 1.16 يوميا
التقييم: 10
MahmoudSaeed is on a distinguished road
Thumbs up شرح مهمة الاخطبوط treasure in blue بالصور

شرح مهمة الاخطبوط treasure in blue بالصور

اهلا سهلا بكل اعضاء وزوار منتدى مول نت الترفيهى :-


شرح مهمة الاخطبوط TREASURE IN BLUE بالصور

ايه الاخبار يا رجالة ؟ يارب تكونوا كويسين وبخير دايما ^_^
الناهردة هشرح مهمة شغالة بقالها كتير وفى ناس كتير مش عارفينها وفى ناس عارفينها وبينفضولها .

معاد المهمة :

- كل يوم ما عدا الحد .
- من الساعة 12:30 لحد 13:30 .
- من الساعة 20:30 لحد 21:30 .
جوايز المهمة :

- تذاكر لوترى Small Lottery Tickets .
- شنط فلوس Class Money Bag
- ميتيورات .
- كتب استدى بوينت Study Point .
وجوايز تانية كتير .
شرح المهمة :

- الشرح فيها بسيط اوى , انت بتخش مكان كدة وفى 3 انواع من العملات Coins فى المهمة دى , فى نوع ال Gold , Silver , Copper طبعأ احسن واحد الدهب وبعديه الفضة وبعديهم النحاس , بص يا سيدى انت ببساطة بتجمع العملات دى عن طريق :
- اما تقتل وحوش وهتجيلك العملات منه ( وهيجيلك اى نوع منهم انت وحظك ) .
- اما تقتل اخطبوط ال Silver وده لازم يديك واحدة فضة .
- لأما تفتح صناديق والصناديق دى ممكن تطلعلك اى واحدة من التلاتة .
- لأما تقتل الاخطبوط ال Gold وده اللى بيقتله بيديله واحدة دهب فى الشنطة وده ليه جوايز لوحده غير جوايز المهمة .
اللى بيقتل الاخطبوط الدهبى ده او زى ما بيسموه ال Boss وهتلاقوا مكانوا متنور بأصفر على الخريطة , ده بيوقع ميتيورات وكتب استدى بوينت ودى بى ( ودى انت وحظك فيها ) , وطبعأ الارض دى فيها PK عادى , واللى بيقتل الاخطبوط هو اللى بيقدر ياخد الجوايز دى من ع الارض , لأما حد يقتلكم كلكم وياخد هو الجوايز .
شرح مهمة الاخطبوط بالصور :

امشوا ورا الصور وانتوا عارفين الشرح بالصور عندنا غير اى شرح ^_^ , هتشوفوا كل حاجة بالتفصيل فى الصور الجاية ان شاء الله .

شرح مهمة الاخطبوط treasure in blue بالصور

لما تدخل هتلاقى نفسك جمب الراجل ده ( فى منه اكتر من واحد جوه المهم انك تعرف مكان واحد على الاقل علشان تروح لمكان تسليم الجوايز لما تكلمه .

شرح مهمة الاخطبوط treasure in blue بالصور

دا واحد من الصناديق اللى قلتلكم عليها فوق , بتدوس عليه وبتاخد العملة اللى جواه وانت وحظك .

شرح مهمة الاخطبوط treasure in blue بالصور

دا اخطبوط ال Silver وزى ما قلتلكم دا 100% بيديك واحدة فضة .

شرح مهمة الاخطبوط treasure in blue بالصور

ودى الطريقة الى قلتها ف التجميع وهى انك تقتل الوحوش اللى جوه وهنا قتلت وحش منهم وجبلى واحدة Gold فى الشنطة .

شرح مهمة الاخطبوط treasure in blue بالصور

ركز معاية يا بطل , المهمة بتكون ساعة بس , وفى ناس كتير بتروح تسلم عملات من معاها , خد بالك دايمأ من الرسالة اللى زى دى ودى فيها تنبيه بيقولك ان فاضل اد ايه والتسليم يخلص .
وفى الرسالة دى كان بيقولى ان فاضل 100 واحدة من ال Copper بس ( لو ال100 دول اتسلموا وانت مسلمتش اللى معاك يبقى خلاص راحوا عليك ومينفعش تقول هخليهم واسلمهم بكرة لأن مدتهم ساعة واحدة بس وبعدها بيطيروا ) .

شرح مهمة الاخطبوط treasure in blue بالصور

لما تجمع وعاوز تبدل اللى جمعته تروح للراجل اللى دخلت من عنده ( هتلاقى زى ما قلتلك اكتر من واحد جوه المهم تعرف مكان واحد على الاقل علشان تعرف ترجعله ) , وهتدوس على اول واحدة من على الشمال اللى هى The Prize Center هيوديك المكان ده :

شرح مهمة الاخطبوط treasure in blue بالصور

لما تكلم الراجل ده هيطلعلك الرسالة دى وتدوس على العملة اللى عاوز تبدل منها سواء دهب Gold او فضة Silver او نحاس Copper والرقم اللى مكتوب بين القوسين ده اللى هو العدد الباقى , العدد ده لما بيبقى صفر محدش بيعرف يسلم تانى من النوع اللى بأه صفر .
الوحش الجاى ده هو اجمد وحش فى المهمة يا رجالة , وده بيوقع جوايز كتيرة اوى منها :
- Lottery Ticket .
- Quest Chance B .
- تذكرة PK .
- Refinery Pack Ticket .
- Dragon Soul Ticket .
- Racing Points Pack Ticket .
- Exp Ball .
- Meteor .
- كتب استيدى بوينت 20 نقطة .
وفوق كل ده , اللى بيقتل الوحش ده بياخد واحدة Gold Coin .

شرح مهمة الاخطبوط treasure in blue بالصور

كدة الشرح خلص يا رجالة ويارب اكون شرحت المهمة ببساطة واللى مكنش يعرفها عرفها ويعملها ويكسب منها , وفى مفاجأة كدة قلت اسيبها ف اخر الموضوع وهى صورة حددتلكم فيها مكان الصناديق ( ممكن تلاقوا صناديق مكانها انا مش حطه عادى , كنت بنام وانا بصور والله ههههههههههههه ) , المهم ان الصورة دى هتفيدكم اوى وهتساعدكم تلاقوا الصناديق اسرع .


شرح مهمة الاخطبوط treasure in blue بالصور


كدة الشرح خلص ,, ياريت تنشروا مع صحابكم علشان اشوف تشجيع اكتر واكمل فى شرح المهمات ^_^ .
لو فى حد عنده اى سؤال ياريت يسألها وان شاء الله هرد عليه علطول .

شارك اصدقائك الان .. رابط الموضوع للنسخ
http://www.moolnt.com/vb/showthread.php?s=de68cf696dd3f0ea6e7796753a2ecc16&t=35736
رد مع اقتباس
إضافة رد
الموضوع: شرح مهمة الاخطبوط treasure in blue بالصور الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر
أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 03:48 AM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.