إضافة رد
  #1  
قديم 02-28-2016, 01:02 PM
نهر العطاء نهر العطاء غير متواجد حالياً
كاتبة في مول نت
 
تاريخ التسجيل: Feb 2016
المشاركات: 623
بمعدل: 0.93 يوميا
التقييم: 10
نهر العطاء is on a distinguished road
Post اسهل طريقة لعمل الكشرى

اسهل طريقة لعمل الكشرى

طبعا كلنا عارفين الكشرى المصرى اللذيذ انهارده بقدمهلكو بطريقه بسيطه وسهله وجميلة
يلا بينا عالمطبخ

اسهل طريقة لعمل الكشرى
المقادير
1/2 ك مكرونه صغيره
1/2 ك ارز مصرى
1/4 ك شعريه
1/4 ك عدس بجبه
1/4 ك حمص الشام
3/4 كيلو طماطم
2 بصله كبيره
راس ثوم كبيره مفرومه
معلقة زيت
خل / ملح / كمون / ليمونه
الطريقه
اول حاجه بعملها بنقع الحمص من قبلها بيوم عشان تسويته تبقى سهله
بعد كده بحطه عالنار ولما الميه تغلى وهيدخل فى السوى بحط 1/2 كوباية عصير طماطم ومعلقة ثوم مفروم وملح وكمون وليمونه عشان يطلع زى حمص الشام بتاع بره
ودى صورته وهو فى الحله
كشرى مصرى جدا من مطبخى بالصور طريقة عمل الكشرى المصرى بالصور
تانى حاجه المكرونه
هنسلق المكرونه فى ميه مغليه ونضيفلها معلقة ملح كبيره اثناء السليق
بعدها هنصفيها ونغسلها غسله بسيطه ونحط عليها معلقة زيت صغيره ونقلبها كويس ونسيبها
زى كده
كشرى مصرى جدا من مطبخى بالصور طريقة عمل الكشرى المصرى بالصور
شوفى بتلمع ازاى من الزيت وكمان لو فضلت لتانى يوم مش هتنشف
نيجى للرز
هنغسل الرز كويس ونحمر الشعريه وعليها الرز لحد ما يسخنو كويس اوى بعدها نضيف الملح والميه المغليه ونسيبه يغلى لحد ما يتشرب زى الصوره
كشرى مصرى جدا من مطبخى بالصور طريقة عمل الكشرى المصرى بالصور
بعدها نوطى النار عليه ونسيبه يستوى براحته
على فكره انا بعمل رز الكشرى بزيت العباد او زيت الذره عشان يلمع ويبقى خفيف
العدس
هنغسل العدس كويس وعالنار هنحطه يتسلق وزى الحمص هنحطله ملح وكمون زى الصوره
كشرى مصرى جدا من مطبخى بالصور طريقة عمل الكشرى المصرى بالصور
اول ما يستوى بصفيه من الميه بتاعته عشان لو فضل فيها بيتهرى وبيستوى زياده
البصل او التقليه
هنقط بصلتين كبااااااااااار شرايح رفيعه ولو عندك ماكينه الشيبسى يبقى تمام اوى و لو معندكيش قطعيه بسكينه حاميه على لوح التقطيع
هنحمره فى زيت غزير لحد ما توصلى للون اللى بتحبيه
بعد كده خدى بالك عشان يطلع مقرمش ومش شارب زيت
هنصفيه كويس جدااااااااا من الزيت بتاعه ونحط تحته حاجه تشرب اى بواقى للزيت (مندايل المطبخ او ورقه بيضا) ولما يبرد حطى عليه برضه رشه بسيطه ملح وكمون وشيليه من الورقه او المنديل فى طبق تانى نضيف
وده شكله
كشرى مصرى جدا من مطبخى بالصور طريقة عمل الكشرى المصرى بالصور
شايفه مش ملزق فى بعضه وناشف ازاى
واخيرا الصلصه
هنضرب الطماطم فى الخلاط بعد ما غسلناها كويس وعالنار الحله فيها زيت عباد او ذره ونحمر فيها الثوم ولما يصفر لونه هنضيفله الخل ويغلى بسيط بعدها هنحط الطماطم ومعلقة كبيره صلصه (ممكن الاستغناء عنها) لحد ما تتسبك
بعدها هنغرف وتاكلى احلى كشرى واحلى من بتاع بره واضمن فى نضافته كمان وده الشكل النهائى
كشرى مصرى جدا من مطبخى بالصور طريقة عمل الكشرى المصرى بالصور
والصلصه لوحدها زى المحلات
كشرى مصرى جدا من مطبخى بالصور طريقة عمل الكشرى المصرى بالصور
وكمان بحب برضه اقدم البصل لوحده
يارب يكون عجبكم

شارك اصدقائك الان .. رابط الموضوع للنسخ
http://www.moolnt.com/vb/showthread.php?s=6a3bee226b8e3c19a403c67470f7cec3&t=34641
رد مع اقتباس
إضافة رد
الموضوع: اسهل طريقة لعمل الكشرى الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر
أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 08:10 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.