إضافة رد
  #1  
قديم 05-14-2011, 10:20 PM
noha2011 noha2011 غير متواجد حالياً
عضو ماسي
 
تاريخ التسجيل: Apr 2011
المشاركات: 700
بمعدل: 0.29 يوميا
التقييم: 10
noha2011 is on a distinguished road
افتراضي كيف تكعبلين عريسا

كيف تكعبلين عريسا

ازيكم يابنات بصوا بقا وبدون مقدمات في ظل الازمة الحالية اللي بتعاني منها البنات بسبب نقص العرسان وزيادة

عدد البنات بصورة تفوق عدد الولاد بمراحل (اية اللي انا بقولة دة )مالكيش دعوة فطبعا الولاد نافشين

ريشهم ومتقمرين قوي وتلاقي الواد عمال يتقمر علي البت تقوليش احمد عز يلا ما علينا بس علي مين دا

انا جايبلكم حتة خطة حتخليكي توقعي العريس حيقع يعني حيقع متقلقيش

بصي بقا ياسي اعملي اللي حقولك علية بالظبط ماشي (حتنشني علي ام الواد اللي علية العين وتنفذي عليها الخطة)


اولا: لما تكونوا في فرح او عزومة مثلا خليكي قاعدة جنب مامتك وبلاش شغل الطنتيطهبل اركزي كدا

واهمدي متخليش الست تقول عليكي مطيورة

ثانيا: امشي وانتي لازقة راسك في كتافك ومترفعيش وشك ابدا لو رقبتك نقحت عليكي قوي ابقي خلي ابو فاس احتياطي معاكي في الشنطة

ثالثا: قولي لام الواد يماما بلاش طنط دي حسيسيها بشوية تميز وخصوصا انها الوحيدة اللي حتقوليلها

ياماما (ممكن تقولي لام واحد تاني ياماما كخطة بديلة في حالة اذا الست دي طلعت مصفحة ومنفعش معاها حاجة )

رابعا: لو مامتك بتتكلم مع ام الواد اديها بكوعك في قلبها علشان تاخد بالها وتدخلك في نص الموضوع حتي لو مكنش ليكي لازمة

خامسا: لو عندك اخوات صغيرين يبقي عز الطلب عيزاكي ملاك وشغلي الاسطوانة بقا يا ماما اية يااخواتي الجمال دة والعبي معاهم ولو بيبيهات غيريلهم ولو لزمت ترضيعيهم رضعيهم مفيش مشاكل خالص علشان الست تعرف انك ام كويسة حريصة علي مستقبل ذريتها

سادسا: لو مامتك وام الواد بياكلوا والاكلة طلعت حلوة خلي مامتك تقول نفس الاكلة اللي بنتي بتعملها حتي ولو كان الاكل صيني مش في المود خالص وحتي لو متعرفيش تسلقي بيضة المهم تتدبس وخلاص

سابعا: اعملي نفسك بتاخدي حاجة وقولي اة خفيفة كدة مش عاااااااااااااااااااااااااا اترققوا شوية خلي الموضوع يمشي طبعا ام الواد حتقولك مالك ياحبيبتي قوليلها ابدا يا ماما واخدة بالك ماما ركزي تكوني انتي طبعا مسلطة مامتك فتقول مش قولتلك يا (......) دة اللي هو انتي متغسليش السجاجيد امبارح وطبعا مامتك بتقول في سرها (يااختي اتوكسي روحي نضفي اوضتك الاول اللي كأن اتفجر فيها قنبلة ذرية ) ودة طبعا علشان الست تقول دي ست بيت شاطرة وحتخلي بيت ابني فلة شمعة منورة (تبقي تقابلني مالكيش دعوة)


ثامنا: طبعا بعد كل دة ام الواد حتنبهر بيكي وحتفاتح مامتك تقومي انتي تكتمي نفسك لا تتنفسي من بقك ولا من مناخيرك علشان وشك يحمر ويقولوا البت بتتكسف وعندها دم محرجة

بس خدي بالك متطوليش قوي لحسن تفطسي واشيل ذنبك

تاسعا: اذا مامتك وام الواد بيتكلموا في اي موضوع وافقي علي رأي حماتك طبعا عادي يعني مامتك مننا وعلينا وبعدين هي مش حتكرهلك الخير وحتي لو حماتك بتفشر هاوديها ازاي بقا حقولك

مثلا حماتك قالتلك تصدقي احنا اوباما كان بيتغدي عندنا امبارح تقومي انتي تقوليلها بجد طب مقولتليش لية ياماما كنت جيت ساعدتك وعملتلة حلة المحشي اللي بيحبها

__________________________________________________ ____________________

ندخل بقا عليكي لما المحروس يجي يشوفك
اولا: تفردي شعرك تخلية زي السلك حتي لو الموضة كيرلي برضة سلك فاهمة مخنوقة
ثانيا : تقعديليك بتاع عشرتاشر ساعة في الكوافير وتسيبية يمارس فن النحت في وشك ويداري ما افسدة الدهر خلية كدة يطلعك شبة البت نانسي ولا هايفا
ثالثا : لو كنتي رفيعة قووووووي البسي 3 او 4 اطقم فوق بعض ولو كنتي مليانة البسيليك كرسية وشدية علي الاخر لحد مانفسك مينقطع
رابعا : وهو قاعد الزقي اخوكي جنبك علشان المحروس يختشي علي دمة ومش يركز فيكي قوي لحسن المستخبي يبان وننكشف
والف مبروووووووووووووك مقدما ومتنسيش تعزميني في الفرح ودي بقا مني ليكي لولولولولولولولولولولولولولولولولولولولولولولي



طبعا كنت بهزر معاكم مش عايز ضرب لا مالبنات ولا الولاد


م ن ق و ل

شارك اصدقائك الان .. رابط الموضوع للنسخ
http://www.moolnt.com/vb/showthread.php?s=52368e12299b3335b360f6e45438b363&t=3228
رد مع اقتباس
إضافة رد
الموضوع: كيف تكعبلين عريسا الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر
أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:10 AM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.