إضافة رد
  #1  
قديم 11-22-2015, 10:43 PM
هدهد محمد هدهد محمد غير متواجد حالياً
مشرفة عامة
 
تاريخ التسجيل: Jul 2015
المشاركات: 634
بمعدل: 0.73 يوميا
الإقامة: القاهرة
الوظيفة: مشرفة المنتدي
التقييم: 10
هدهد محمد is on a distinguished road
Post قصة ألم ووجع ، قصة دموع وردة ، الحلقة التاسعة عشر

قصة ألم ووجع ، قصة دموع وردة ، الحلقة التاسعة عشر

الحلقة التاسعة عشر .. (19)
================

ماريهان : عارف يا علي انا نفسي أتصل بمين أقوله اني حامل
علي : بـ سارة مثلا
ماريهان : طول عمرك فاهمني ، بجد وحشتني أووووي
علي : كلميها و فرحيهـا سارة طيبة و بتسامح بسرعه
ماريهـان هكلمها ان شاء الله أول ما ــ (فجأة بفزع) ينهاااااااار أسود هو النهارده كام في الشهر !!!!
علي (باستغراب) : انهارده ….. مالك يا ماريهان في ايه !!
ماريهان : انا نسيت عيد ميلاد سارة و نسيت أجيبلها هديـه
علي : عادي مفاتش كتير يعني ، تتعوض بس هتجبيها ايه !!
ماريهـان : مش عارفة بس عاوزة أجيبلها حاجه مختلفة كده
علي : أنـا أقولــــك

**************************
تاني يوم في شغل سارة ..

م.رؤوف : ممم ممم أوك تمام أنا موافق ، لا لا مدام الموضوع بالتراضي تمام ، أوك ماشي شكرا يا استاذ حسين سلام عليكم
سارة : أدخل يا باشمهندس !!
م.رؤوف : اتفضلي يا وش الخيـــــر
سارة (باستغراب) : أنا !! ليه خيـر يا باشمهندس فيه ايـه
م.رؤوف : فيه حاجه حلوة جدا اتعرضت عليا من شركة كده و لو تمت ان شاء الله يكون ليكي نصيب فيها و تفرحي من اللي هيعودلك منها
سارة : خير يارب أنا مش فاهمه حـاجة
م.رؤوف : هقولك باذن الله بس استني بكرة هحكيـلك علشان أكون اتأكدت و قولتلك الخبر صحيح
سارة : أوك ، ربنا يقدملنا الخيـر
م.رؤوف : ها ، كنتي عاوزه حاجه !!
سارة : كنت عاوزه حضرتك بس تمضيلي علي الأوراق دي
م.رؤوف : أوكـ تمـــام

*************************

آسر : السلام عليكم ازيك يا مصطفي عامل ايه
مصطفي : الحمدلله انا بخير انت اللي اخبارك
آسر : الحمدلله حاسس اني مطمن
مصطفي : الحمدلله بخير ، قريت فـ الكتاب حاجه ؟!
آسر : حلو اووووي يا مصطفي بجد ، ربنا يقويني
مصطفي : طيب الحمدلله خير ، انا كنت عارف انه هيعجبك
آسر : ربنا يفرحك زي ما فرحتني و يفرحني انهارده
مصطفي : ياااااااارب يا صاحبي يااااااااااارب

**************************

سـارة خلصت شغلهـا رايحة علي ميعاد جلستها ، بدأت تحس ان جلسـاتها شئ عادي مش فارق معاها زي الأول ، بقت بتروح بس لعل و عسي فـ يوم تلاقي الراحة ، رايحة و هي قلقانه تشوف آسر و بتفكر كان عاوزها فـ ايه ،و هل اللي في دماغها صح و لا مجرد خرافات مش أكتر ..

دخلـت سـارة القاعة اللي بيحضروا فيها الجلسات الجماعية و هي حيرانه و بتفتح البـاب ، لقت القـاعه متزينة و كل أصحابها المرضي واقفيـن كلهم بيبصولها و بيضحكوا فجأة جالها حالة زهول مش عارفة تضحك ولا تعمل ايه و فجأة قال الجميـع في صوت واحد
هابي بيرث داي تو يو ، هابي بيرث داي تو يو سارة ، هابي بيرث داي توووو يووووو
فجأة فضلت تضحك و عنيهـا فجأة دمعـت و جواها فضلت تقول شكرا يارب أنا كنت عارفه ان عمرك ما هتنساني كنت عارفة انك هتجبر بخاطري بجد
آسر من أول ما دخلت و هو متابع ملامحها كانت حزينة و فجأة ملامحها كلها اتحولت لـ فرحة ، و لقي قلبه فجأة فرحـان لـ فرحتها حس كأنه نجح في اسعادها حتي لو مكنش هو السبب ، حس بالتقدم لـ مجرد انه كان سبب في اسعاد سارة ، و لأول مرة يوحشه انه يرجع شغله و يعالج الناس و يرسم الضحكه علي وشوشهم بـ فضل الله ..

د. هويدا : كل سنة و انتي طيبه يا سارة
سارة (بفرحة) : طيب هو أنا ينفع أحضنك يعني
د.هويدا : انا بجد فرحنالك مش كأنك مريضه عندي انتي بجد بحسك بنتي
(حضنتها سارة و غصب عنها نزلت دمعة انما دمعت فرحة و جبر خاطر من ربنا )
سارة : ربنا يجازيكي خير يا دكتورة انا بجد بحبك
د.هويدا : لولا الناس دي و مساعدتهم مكنتش عملت حاجه
سارة : شكرا يا جمـاعه بجد انا فرحت أووووي ، بجد انا مش عارفة اقول ايه
(آسر واقف متابع و بيضحك و مش قادر يتكلم هو بس باصصلها و فرحان بضحكتها و فرحتها و كأن الفرحة فرحته هو بدأ الجميع يتكلم مع بعض و اللي بيقطع التورته و سارة واقفه لواحدها ، قرب منها و فـ ايده بوكيه ورد و علبه مغلفه)

آسر : كل سنة و انتي طيبة يا سارة
سارة : و انت طيب يا دكتور ربنا يخليك
آسر : اتفضلي دي حاجه بسيطه
سارة : تاعب نفسك بجد يا دكتور و الله
آسر : ولا تعب ولا حاجه و بعدين بلاش دكتور دي
سارة (بكسوف) : ماشاء الله الورد ده جميل أنا بحب الورد
آسر : مفيش بنت مبتحبش الورد اساسا
سارة : ههههههه ده شئ أساسي بجد شكرا ليك جدا
آسر : انا معملتش حاجه ، و بعدين ممكن تشوفي الهديه
سارة : هههههه هتنفجر في وشي و لا ايــه
آسر : هاتي الهديـه انا ماشي أصلا
سارة : خلاص ، خلاص انا اسفه

(فتحت العلبة لقت دبدوب صغير ماسك علبه علي شكل قلب فتحتها لقت فيها خاتم علي شكل وردة )

سارة (بفرحة) : اللـــه حلويـــن أووووووووي
آسر : بجد يعني عجبوكي
سارة : أوي شكرا بجد يا ــــ
آسر : ايه سكتي ليه ، تعرفي انا شوفتهم فـ المحل شوفتك فيهم حسيت انهم لازم يكونوا ليكي فـ جبتهم ليكي
سارة (بكسوف) : شكرا ، ايه ده هي شهد هنا تصدق مخدتش بالي
آسر : تصدقي انا نسيتها أصلا ههههههه
سارة : ههههههههه

( قعدت مع شهد و فضلت تهزر معاها و تلاعبها و تهزر مع الناس حواليها و الدكتورة تهزر معاهم و كانت اول مرة تاخد علي الناس كده و كانت فرحانة أوي ، و آسر قاعد مش شايف اي حاجه الا سارة و بس ^_^ )

(سارة قاعده حاسه بكل معني الكلمة لـ (الفرحة) فرحت أوي بهدية آسر و فرحت أكتر بالتورته و الهدايا اللي صحابها جابوهالها ، لكن هدية آسر و كلامه كانوا أخدين قلبهـا أكتر و طول ما هي قاعده و شايلة شهد حاسه كأنها شايلة حته منها و كأنها بنتها هي ، و بتدعي ربنا يتمم فرحتها ^_^)

*************************

سارة : بنتك ما شاء الله ربنا يحرسها عسل أوي
آسر : ربنا يخليكي ، هي كمان أخدت عليكي بسرعه و شكلها حبيتك
سارة : انا كمـان حبتها جدا بجد ، انا اصلا بحب الأطفال جدا
آسر : سارة انا (سكت و مش عارف يقول ايه )
سارة (بقلق و احراج و خوف) : مالك يا دكتور
آسر : اهي دكتور دي بتلخبطني اساسا :d هو انا اسمي وحش :d
سارة : هههههههههههه لا لا حلو حلو انا اسفه :d
آسر : انا بجد فرحـان أوي انك فرحتي انهارده (متلخبط) كنت حاسس – ااااه اقصد يعني ان – كنت فرحانلك أوي و كأن انا اللي فرحـان ^_^
سارة (بكسوف) : ^_^ انا فعلا فرحـت أوي ، تعرف يا آسر اني بحب الورد و الدباديب و فرحت لما قولت انك شوفتني فـ الهدايا و كأنها ليا ، حسيت يعني كأن ربنا أراد تكون الحاجات دي ليا و أفرح ^_^ مالك يا آسر بتبصلي كده ليه !!
آسر : اصلك قولتيلي يا آسر ، مش يا دكتور :d و بعدين كلامك مفرحني ^_^
سارة (حاسه انها طايرة لكن بخوف) : انا مش عارفة اوصفلك احساسي و لا اللي جوايا لكن بجد شكرا لأنك فرحتني – أقصد انكم فرحتوني يعني :d
آسر : هههههههههه لا شكر علي واجب ياستي ^_^

*******************

ابراهيم : ماما حضرتي الحاجات خلاص !!
ماجده : اه يا حبيبي ، و انت !!
ابراهيم : اه انا ظبطت الدنيـا بره ، بقولك ايه يا ماما
ماجدة : قول يا حبيبي في ايه !!
ابراهيم : هي مين صاحبة سارة اللي جتلها من كام يوم دي !!
ماجدة : دي معاها في الجمعية الخيرية اللي بتروحها ، ليه !!
ابراهيم (باحراج) : لا اصل شكلها محترمه يعني و أول مرة أشوفها :d
ماجدة : أيوه و بعدين :d
ابراهيم : و بعدين ايه يا ماما :d انا بسأل عادي يعني :d
ماجدة : ماااااشي و هعمل نفسي مش فاهمه حاجه
ابراهيم : خلصي شغلك يا حاجه يلا الله يباركلك :d
ماجدة : و يباركلك يابن قلبي و افرح بيك انت و سارة ^_^
ابراهيم : ياااااااارب يا حاجه :d

*************************

نهي : ازيك يا ميرو عامله ايه
ماريهان : الحمدلله يا حبيبتي و انتي اخبارك ايه
نهي : الحمدلله بخير ، ايه كلمتي طنط خلاص !!
ماريهان : اه كلمتها و كنت فـ الشارع بجيب حاجات و هعدي عليكي أهه
نهي : خلاص ماشي انا مستنيـاكي ، لما تيجي رنيلي تمام !!
ماريهان : ماشي تمـام ، سلام ..

ــــــــــ

علي : ايه رأيك في فكرتي يا ماريهان
ماريهان : حلوة أوي يا حبيبي تسلم دماغك
علي : يلا عدي الجمـايل بقا :d
ماريهان : ربنا يخليك يا بابتي ^_^
علي : يـاه امتي أسمع كلمة بابا ^_^
ماريهـان : فات الكتير ما بقي الا القليل يا حبيبي ^_^
علي : يـارب هونها و كمّل لحبيبي علي خير ^_^

*****************

سارة : شكرا ياجمـاعة بجد أنا محستش بالوقت معاكم و فرحتوا قلبي
د.هويدا : علي ايه يا سارة انتي فرحتينا كلنا احنا كمان من غير ما تحسي
آسر : أيوه فعلا انا واحد من الناس انا و بنتي منشكحين جدا :d
د.هويدا : انت منشكح علي طول يا آسر هههههههه
سارة ، آسر : هههههههههه
آسر : ماشي يا دكتورة ماشي :d

ــــــــ

آسر : سارة انا في كلام جوايا كتير عاوز أقولهولك
سارة (فاهمه و خايفه) : مممم طيب – اتفضل قول
آسر (بابتسامه و محرج) : انا عارف انك فاهماني و حاسه اللي في قلبي ، لكني مش قادر أقول حاجه و انا مش عارف جواكي ايه :/
سارة : سيب كل حاجه تاخد وقتها يا آسر و اللي فيه الخير ربنا هيقدمه
آسر : ماشي ربنا يقدم اللي فيه الخيـر

****************

هدي (والدة ميرنا) : انا سمعتك امبارح و انتي بتكلمي اسلام
ميرنا(بقلق) : سمعتي ايه يعني مش فاهمه :/
هدي (بغضب) : فلوس ايه اللي انتي ادتيهاله يا ميرنا !!
ميرنا (بخوف) : انا – انا اااا انا مدتلوش حاجه ، انتي بتتكلمي عن ايه
هدي : و الله !! طيب لما أقول لأبوكي و يسألك ساعتها تعرفي فلوس ايه
ميرنا : يا ماماااا استني بس ، انا هقولك ( حكتلها كل حاجه )
هدي : يا نهارك مش فايت ، انتي اتهبلتي يا بت انتي
ميرنا : يا ماما انتي مش كنتي بتقفي جنب بابا فـ أزمته
هدي : أبوكي كان راجل و ردلي اللي ادتهوله اضعاف ، انما اسلام ده شكله خاطبك علشان فلوس أبوكي مش أكتر
ميرنا : يا ماما اسلام بيحبني بجد و مش هيأذيني :/
هدي : خليكي عنيدة ، بكرة تندمي ع معرفة البني ادم ده و تعرفي ان ده ذنب ماجد -_-
ميرنا : يا ماما انا مش عنيدة انا بحبه
هدي : حب ايه و زفت ايه اللي يخليكي تصرفي ع واحد مفروض هيكون الراجل بتاعك و جوزك ، انتي بتستعبطي ولا عاملة نفسك مش فاهم ، خليكي كده لحد ما هتضيعي نفسك و هتلاقي نفسك لواحدك فجأة

(ميرنا عماله تفكر و خايفة جدا و خايفة أكتر يكون ده فعلا ذنب ماجد ، ذنب واحد حبها و صانها بالحلال و لا عمرها شافت منه حاجه وحشه و هي سابته و راحت لـ …. لااااا يا رب اسلام اكيد مش وحش و هما فاهميـن غلط (

**********************

ماجدة : أيوة يا سارة انتي فين !!
سارة : انا في الشارع يا ماما خلصت جلستي و جايه أهه
ماجدة : طيب أصل أنا و ابوكي نزلنا نجيب حاجات و محدش فـ البيت فـ بعرفك علشان متتخضيش
سارة : ماشي يا ماما ، انا قرب اصلا اهو ، متتأخروش بس لأن عاوزه احكيلك ع حاجات
ماجدة : ماشي يا حبيبتي سلام
سارة : سلام يا ماما

**********************

آسر خلص و راح البيت اتغدي و اتصل بمصطفي أوام يحكيله علي كل حاجه

مصطفي : هيـــح و انا اللي كنت فاكرك طلعت اتاريك يا عم آسر :d
آسر : ايه ده مين ده :d
مصطفي : هههههه المهم انت فرحـان يا صاحبي !!
آسر : فرحان !! انا حاسس اني طاير بجد
مصطفي : طيب أنت هتعمل ايه بقا ، بعد كده !!
آسر : مش عااارف ، مممم تصدق جتلي فكرة ^_^
مصطفي : ايـه هي :d !!

************************

سارة طلعت البيت و ماسكة تليفونها تتصل بهدير علشان تحكيلها اللي حصل ، و ماسكة مفتاح الشقة و بتفتح البـاب ، فتحت نور الشقة و فجأة

والدها ، مامتها ، اخواتها ، نهي ، ماريهان و علي ، خالتها : هيييييييييييييييييه كل سنة و انتي طيبة يا ساااااااااااارة

سارة عمـالة تضحك بهبل ، أحلي فرحة تيجي للبني أدم مهما كانت صغيرة أو كبير اللي تيجي من غير حساب ، اللي تيجي باهتمام و حب ، حتي لو كـانت بـ وردة أو كلمة صغيرة طالعة من القلب ، عمالين يبوسوها و يحضنوا فيها و فرحانة جدا بيهم و مش مصدقة نفسها ، و يرزقكم من حيث لا تحتسبوا ، أول حاجه جت في بالها فـ اللحظه دي

**********************

آسر دخل الأوضة جاب شهد و قعدها قدامه علي السرير ، شهد كانت لسه بادئة تتكلم كلمـات بسيطة أوي اللي كل طفل بيقولها ( بابا ، هم ، امبو )
لكنها كانت مدركة و فاهمه امتي باباها بيكون فرحان و امتي بيكون زعلان ..

آسر : ايه يا ست البنات ، بتضحكي علي ايه !! ، عارفة ان ابوكي فرحان مش كده ^_^ ، أبوكي شكله حب من أول و جديد ، لكن أكيد مش زي ما حب أمك ، متخافيش انا عمري ما ههملك تاني و لا هفشل في تربيتك ، انتي روحي و مليش غيرك ، أي نعم انا فجأة لقتني حاسس حاجات حلوة ناحية سارة ، لكن ده مش معنا اه اني هنساكي أو هقصر في حقك ، انا خايف أوي أكتر من أي وقت و كأني لسه شاب مراهق ، لكني مطمن بوجود ربنا معايا و وجودك و وجود مصطفي ^_^ ، انتي مبترديش عليا ليه يابت انتي :d

بصتله شهد و ضحكت و قالتله : بابا امبوووو
آسر : انتي همك علي بطنك :d طب مفييش ماية بقا :d

**************

سارة : شكرا يا جماعه ، انهارده الواحد فرح لما قال الحمدلله و كفي
عادل : ربنا يفرح قلبك كمان و كمان يا حبيبتي و يسعدك ^_^
سارة : أميــن يــاااااااااااااارب ^_^
ماريهان : و بالمناسبة الحلوة دي يا جماعه أحب افرحكم ” انا حامل ”
سارة (بفرحة) : اييييييييه ده بجددددددد مبررررررررروك يا حبيبتي ^_^
ماريهان (عنيها دمعت) : ربنا يبارك فيكي يا اختي و حبيبتي ^_^
نهي : مبروك يا ميرو و الله فرحنـالك أوي ^_^
علي : و انا يا جمـاعة مفيش مبرووووووك :d
ابراهيم : اسكت يا علي ده انا هعيط و ربنا منظرهم مؤثر :d
سارة : ههههههه ايه الرخامة دي ، الواحد ميعرفش يفرح يعني
عفاف : ربنا يديم عليكوا الفرحة يا بنات و يسعدكم ^_^

الجميـع : أميـــــــــــن

************************

محسن (والد ميرنا) قاعد في مكتبـه دخلت السكرتيرة عليه ..

السكرتيرة : يا فندم في واحد بره عاوز يدخل لحضرتك و معرفش مين ده
محسن : مقالكيـش عاوز ايه !! :/
السكرتيرة : لأ مش راضي يقولي بس بيقول موضوع مهم
محسن : قوليله اني مش فاضي ولا أي حاجه

و لسه خارجة السكرتيرة من المكتب لكن فجأة …….


شارك اصدقائك الان .. رابط الموضوع للنسخ
http://www.moolnt.com/vb/showthread.php?s=49d443c41a3329f5f3a4138534339a51&t=31360
رد مع اقتباس
إضافة رد
الموضوع: قصة ألم ووجع ، قصة دموع وردة ، الحلقة التاسعة عشر الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر
أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:27 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.