إضافة رد
  #1  
قديم 11-19-2015, 10:44 PM
هدهد محمد هدهد محمد غير متواجد حالياً
مشرفة عامة
 
تاريخ التسجيل: Jul 2015
المشاركات: 634
بمعدل: 0.73 يوميا
الإقامة: القاهرة
الوظيفة: مشرفة المنتدي
التقييم: 10
هدهد محمد is on a distinguished road
Post قصة ألم ووجع ، قصة دموع وردة ، الحلقة الثامنة عشر

قصة ألم ووجع ، قصة دموع وردة ، الحلقة الثامنة عشر

الحلقة الثامنة عشر .. (18)
===============
دكتورة هويدا أول مرة تتخنق كده علشـان سارة و كأنها حد قريب ليها و هي سرحـانة بخيالها فـ سارة فجأة جه في بالها فكرة حلوة أوي و أوام جابت تليفـونهـا و اتصلت بـ آسر ...
*****************
مصطفي : بص يا سيدي ، أنا من فترة كنت في مكتب خالي كنت بزوره و هنـاك شوفت سارة تقريبا شكلها شغاله هنـاك و كانت معاها واحدة
آسر : ما تكمـل ساكت ليه !!
مصطفي : سبحـان ربي فيما صور بجد ، فجأة راجعت نفسي و غضيت بصري و مشيت و قولت لو ربنا كاتبلي الخير فيها هشوفها تاني أو هتبان علامه
آسر : يا سيدي يا سيدي ، يـارب يا عم لو فيها خير ليك يجعلها من نصيبك
مصطفي : يـــــارب
آسر: يعني أنت طلعت تعرف سارة ، يعني سارة شغالة عند خالك
مصطفي : الدنيـا دي صغيرة أوي يا آسر بجد ، آسر سارة دي شكلها طيبه أوي ، متفرطش فيها علشان خوفك ، يمكن تلقي معاها الأمان أصلا
آسر : لو ربنا رايدلي فيها الخير هتبان لي علامة مش أنت لسه قايلي كده !!
مصطفي : ربنا يرزقك الخيـر و يرزقني معـاك يارب ، ده أنا فيه حاجات كتير عاوز أحكيهالك بجد
آسر : احكي يا عم و الله أنت واحشني أصلا أوي
مصطفي : لا و الله علشان كده كنت بترد عليا
آسر : ههههههه معلش معلش ايه ده دكتورة هويدا بترن عليا !!
مصطفي : خير يارب يا تري فيه ايه !!
آسر : مش عارف و الله استني لما أرد عليـها
************************
د.هويدا : السلام عليكم ازيك يا آسر عامل ايه
آسر : عليكم السلام الحمدلله يادكتورة كويس !!
د.هويدا : بقولك يا آسر فيه حاجه جت في بالي و كنت عاوزه أخد رأيك فيها
آسر (باستغراب) : اتفضلي يا دكتورة
د.هويدا : باشمهندسه سارة جاتلي انهارده بعدك زي ما أنت عارف و كانت حالتها النفسية سيئه جدا ، بجد أول مرة أشوفها كده و مفروض ان عيد ميلادها كمـان يوم ، فـ أنا كنت بفكر ان نعملها كلنا عيد ميلاد مفاجأه يوم الجلسة الجمـاعية و كنت هكلم باقي الناس أعرفهم لكن قولت استشيرك كـ دكتور معايا و كنت متعودة استشيرك
آسر(متلخبط) : و الله يا دكتورة مش عارف (بيبص لمصطفي) بس هي الفكرة حلوة و أكيد هتفرحها ، حضرتك شوفي الناس هتقول ايه و انا معاكم عادي
د.هويدا : ماشي يا آسر ، معلش ع الازعـاج
آسر : ازعاج ايه يا دكتورة هو أحنا فيه بينا الكلام ده ؟!
د.هويدا : ههههه ماشي يا دكتور سلام
آسر : سلام عليكم
**********************
سارة : ألو ازيك يا هدير عاملة ايه ؟!
هدير : الحمدلله يا حبيبتي تمام وانتي !!
سارة : هدير هو أنتي فاضيه !!
هدير : أيوة مالك يا سارة ، فيكي حاجه !!
سارة : طيب أنا عاوزه أشوفك الوقت ، تجيلي أو أجيلك اللي يريحك
هدير : طيب أنا هجيلك أهو انا كده كده فـ الشارع هستأذن أمي و هجيلك
سارة : ماشي بس متتأخريش ماشي
هدير : أوك يا حبيبتي
************************
عماد : السلام عليكم ازيك يا آسر
آسر : الحمدلله ازيك يا عمي اخبارك ايه
عماد : الحمدلله انا بخير ، بس زعلان منك
آسر : ليه كده بس خير يارب ؟!
عماد (بحزن) : علشان انت نسيتنا و بطلت تجيلنا ، و احنا نفسنا نشوفك و نشوف شهد
آسر : أنا اسف و الله يا عمي انا اليومين دول فعلا كنت مشغول و كنت ببيع شقتي و كنت ملبوخ شوية ، بجد أسف
عماد : انا عارف يا ابني ان الدنيا تلاهي ، لكن و الله بتوحشوني و الحاجه نفسها تشوف شهد و تشوفك
آسر : خلاص أنا هجيلكم بكرة باذن الله و هاجي اتغدي معاكم كمـان
عماد(بفرحة) : بجد طيب خيـر هنستناك ان شاء الله
آسر : ماشي يا حبيبي ، سلام عليكم
عماد : عليكم السلام
ـــــــــــــــــــــــ
مصطفي : ايه يا عم الحاج التليفونات اللي ورا بعضها دي
آسر : ههههههه والله ما أنا فاهم فيه ايه يابني
مصطفي : طيب الدكتورة كانت عاوزاك ليه أول
آسر : مممم بتقولي ان سارة كانت مخنوقة و عاوزه تعملها عيد ميلاد فـ الجلسة الجماعية ، و بتاخد رأيي و بتقولي اني اروح يومها و كده
مصطفي : طيب و انت هتعمل ايه !! هتروح !!
آسر (حيران) : مش عارف انا بجد محتار أوي و خايف
مصطفي : من شوية قولتلي لو فيه خير ربك هيخليك تشوف علامة بـ كده
آسر : يعني ايه ، قصدك ايه !!
مصطفي (بهزار) : دي علاااااااااامة يا مارد طبعا روح و سيبها لله يا صاحبي
آسر : و نعم بالله ، أما حمايا زعلان اني مش بروحله و قولتله هروحله بكره
مصطفي : فيه الخير الراجل و الله انه بيعبرك اساسا
آسر : ههههههه بقا كده طب امشي مش عازمك ع العشا
مصطفي : حبيبي يا سوسو هو انا ليا الا أنت
آسر : هههههه الوقت بقيت سوسو يلا يا اخويا يلا
*********************
باب بيت سارة خبط ، سارة كانت فـ البلكونة و مسمعتهوش ، قام ابراهيم فتح البـاب لقي بنت واقفه قدامه و مستغرب مين دي أول مرة يشوفها ، و هي كمـان اتحرجت لما ملقتش سارة هي اللي فتحتلها ..
هدير : لو سمحت هي سارة موجوده !!
ابراهيم : أيوة موجوده أقولها مين؟!
هدير : انا صحبتها ، ممكن تناديهالي لو سمحت
ابراهيم : حاضر ثواني أروح اناديها من جوة
ـــــــــــ
سارة : أهلا يا هدير ، تعالي أدخلي يا حبيبتي
هدير : سارة لو الوقت مش مناسب ممكن اجيلك وقت تاني
سارة : مش مناسب ايه ده أخويا و شوية و نازل تعالي متتحرجيش
هدير : و اديني يا ستي دخلت ، مالك بقا فيكي ايه !!
سارة : معرفش ليه يا هدير نفسي احكيلك عن كل حاجه جوايا ، علي الرغم اننا منعرفش بعض لكن انا مخنوقة و نفسي أرتاح و انا بحكيلك
هدير : احكي يا حبيبتي فيكي ايه قلقتيني
سارة : انا هحكيلك كل حاجه يا هدير يمكن أرتاح (حكتلها كل حاجه عنها)
هدير : عارفه يا سارة أنا لما سمعت كلامك ده كله فكرتيني بايه !!
سارة : انا حكايتي دي ملهاش زي يا هدير
هدير : و الله فكرتيني بكتاب قريته اسمه #الخيميائي كان بيحكي عن راعي عن واحدة قالتله ان فيه كنز لو لقاه هيكون غني لكن الكنز في بلد بعيده عن بلده و كان علشان يسافر لازم يكون معاه فلوس تكفي ، و بدأ الرحلة بتاعته علشان يبدأ يجيب فلوس و يوصل لـ بلد الكنز ، و خلال الرحلة قابل ناس ادتله نصايح و ناس ضحكت عليه و خدعته قابل حب حياته ، و قابل ناس قدرته ، و لما وصل لـ للمكان ملقاش الكنز و أكتشف انه مكانه فـ بلده أصلا ، لكنه مزعلش و عرف ان الكنز الحقيقي فـ الرحلة و الناس اللي قابلها و عاشرها و حبها و حبيته الكنز كان في الدروس اللي اتعلمها سواء كانت وحشه أو حلوة و اكتشف ان ده لواحده كنز يغني عن الدهب اللي لقـاه ، و عالرغم ان القصه فيها حاجات خياليه لكن كانت مفيدة اوي
سارة : تصدقي حلو الكتاب ده شكلي هبقا اجيبه اقرأه
هدير : انا عارفة انك تعبتي و عارفه انك عارفه ان ربنا هيفرجها و عارفة أنك قوية ، هتفرحي قريب يا سارة بجد
سارة : ياااااااارب يا هدير و الله انا ارتاحت جدا لما حكتلك
هدير : و انا فرحت أول انك امنتيني علي سرك
سارة : ربنا يخليكي ليا
هدير : بس آسر ياتري عاوز منك ايه !!
سارة : مش عارفه يا هدير بحاول مفكرش لكن حاسه من كلامه حاجه غريبه
هدير : حاجه غريبة زي ايه مثلا
سارة : ههههههه مالك مبتسمة كده ليه ، مش عارفة
هدير : أو عارفه و بتستهبلي مثلا
سارة : هههههههههه ربنا يقدم اللي فيه الخير بقا
****************************
تاني يوم ..
سارة راحت شغلها و كانت نهي هنـاك مستنية م.رؤوف يجي علشـان المقابلة ..
آسر صحي من بدري لأن شهد صحيت بدري فـ قعد يلعب معاها و لما نامت كان هينام لكن لفت انتباهه الكتاب اللي جابهوله مصطفي فـ قعد يقرأ فيه ..
خلصت المقابلة بتاعت نهي و قبلها المهندس رؤوف و طلب منها تبدأ تشتغل من النهارده ، و فرحت سارة و فرحت نهي جدا
آسر سهر بليل يكمل قراءة الكتاب ، قعد يقرأ عن نساء كانت موجودة في عهد الرسول و أكترهم زوجـاته ، و اول واحدة فيهم كانت السيدة خديجة رضي الله عنها و عن حياته و حبه اللي كان أكبر و أطهر حب ممكن الواحد يشوفه في حياته و حزن جدا لما ماتت السيدة خديجة لكنه تزوج بعدها كتير و كانت السيدة عائشة بعدها ، و كتير من زوجاته حبوها من حبه ليها و قرأ عن ان الرسول طول حياته منسهاش و كان بيعملها الخير بعد وفاتها ، و فرح جدا و قلبه انشرح لما قرأ الكتاب ، و قام اتوضي و صلي ركعتين لله و دعي ربنا يوفقه لـ الخير
************************
قاسم : ازيك يا اسلام عامل ايه
اسلام : متلخبط أوي و الله يا قاسم حصلت حاجه مش ع البال
قاسم : خير ايه اللي حصــل
اسلام : يوم خطوبتي لقيت سارة واقفه قدامي ، عرفت ازاي ولا ايه جابها مش عاااارف لكن حسيت اني اتخدرت فجأه لما لقتها قدامي
قاسم : يا نهااااار أسود و بعدين ايه اللي حصل !!
اسلام : اختفت فجأة مشوفتهاش قدامي ، انا اللي خانقني اني مش هعرف اخد منها فلوس
قاسم (بصدمه) : انت ايه يا ابني انت مش بني آدم ، شعور الناس و اللعب بيهم بالنسبة لك عادي ، كل مرة بقول انت هترجع زي زمان ، و بدعيلك تكون كويس ، لكن انت مفيش منك فايدة انت ايييييييه
اسلام(بغضب) : انت بتتكلم معايا كده ليـه ، انت نسيت نفسك ، وبعدين متعمليش فيها أبو الشرف بالله عليك يا شيخ
قاسم : أبو الشرف !! هههههه ، كلنا بنغلط يا اسلام لكن مش كلنا بنغلط ببجاحه و انا يمكن غلطت كتير ، لكني مش نصاب ولا بلعب ببنات الناس حتي لو معنديش اخوات بنات ، انا بجد مبقتش عاوز اعرفك تاني ، و صدقني هيجيلك يوم و تندم ع اللي عملته فيهم و الله و هتخسر كل حاجه و هتلاقيك فجأه لواحدك
اسلام : مع السلااااااامه يا خويا ، و ياريت توفر نصايحك لـ نفسك ..

*************************

ماريهـان : يااااا علي علللللللللللي
علي (بخضه) : في ايه يا ماريهـان ، فيه حاجه ولا ايه !!
ماريهان : غمض عنيك كده بسرعه
علي : اغمض عنيا في ايه يا ماريهان
ماريهان : طيب خﻻص انت اساسا ملكش في الرومانسية، انا حامل
علي : يااا فرج الله انتتي بتتكلمي بجد بالله عليكي ؟!
ماريهان : امال دي كدبة ابريل يعني ، ايوة و الله انا حامل و هتبقي بابا
علي : الحمد ليك و الشكر ليك يااااااارب
ماريهان : ايه مش هتقولي اقعدي و متتعبيش نفسك و انا هعملك كل حاجه و الكلام ده
علي : هههههههههه هنمثل احبيبتي ليه احلي حاجه الكلام اللي طالع من القلب ، و الله انا فرحان اوووووي و نفسي اقول لكل الناس

**********************

اسلام : ايوة يا ميرنا ازيك عاملة ايه
ميرنا : الحمدلله يا اسﻻم مال صوتك ؟!
اسلام : مخنوق اوي يا ميرنا و عندي مشاكل في الشغل و ازمة في الفلوس
ميرنا : ليه كده ايه اللي حصل ؟!
اسلام : مش عارف الراجل اللي في شراكة بيني و بينه كل شوية يقولي مفيش شيولة و انا مبقاش معايا فلوس
ميرنا : معلش يا حبيبتي هتتحل ان شاء الله ، سيبها لله
اسلام : ميرنا ياريت متفهمنيش غلط بس انتي مبقاش معاكي فلوس ؟
ميرنا : لا و الله يا اسﻻم اللي كانوا معايا ادتهملك
اسلام : و لا باباكي يقدر يعني فلوس و ابقي اردهمله
ميرنا (بقلق) : لا يا اسلام انا اخاف اكلم بابا في حاجه زي دي
اسلام (بغضب) : ليييه يعني هو انا هسرقهم منه ده انا هردهم ليه تاني
ميرنا : يا اسلام انت بتزعقلي ليه كده ؟!
اسلام : انتي هتحققي معايا سلااااام

- ميرنا زعلانه و في نفس الوقت بدأ تخاف اسلام كلامه معاها كله محوره حاجه واحدة الفلوس ، هي ممكن تكون سارة كانت عندها حق !! لا لا أكيد انا بيتهيألي هو بس مضغوط مش أكتر

****************

ماريهان : عارف يا علي انا نفسي أتصل بمين أقوله اني حامل
علي : بـ سارة مثلا
ماريهان : طول عمرك فاهمني ، بجد وحشتني أووووي
علي : كلميها و فرحيهـا سارة طيبة و بتسامح بسرعه
ماريهـان هكلمها ان شاء الله أول ما ــ (فجأة بفزع) ينهاااااااار أسود ...

شارك اصدقائك الان .. رابط الموضوع للنسخ
http://www.moolnt.com/vb/showthread.php?s=37e7440114f4102bf4a51d949c56ef21&t=31266
رد مع اقتباس
إضافة رد
الموضوع: قصة ألم ووجع ، قصة دموع وردة ، الحلقة الثامنة عشر الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر
أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:53 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.