إضافة رد
  #1  
قديم 09-06-2015, 11:19 AM
هدهد محمد هدهد محمد غير متواجد حالياً
مشرفة عامة
 
تاريخ التسجيل: Jul 2015
المشاركات: 634
بمعدل: 0.73 يوميا
الإقامة: القاهرة
الوظيفة: مشرفة المنتدي
التقييم: 10
هدهد محمد is on a distinguished road
افتراضي قصة الم ووجع ,قصة دموع وردة

قصة الم ووجع ,قصة دموع وردة

دموع وردة

الحلقة (1)

في عيـادة دكتورة "هويدا الناغي" الدكتور النفسية

بنت قاعده علي كرسي جنب الشبـاك ، مستنية دورها لـ دخول الجلسة الأولي فـ الحقيقة هي اللي جت بدري عن ميعادها من كتر خنقتها كان نفسها تتكلم وتطلع كل اللي جواها فـ اقرب وقت حتي لو كانت الدكتورة دي متعرفهاش بس احيـانا بنكون نفسنـا نتكلم مع حد منعرفوش و نمشـي يمكن ده اللي شجعها ع فكرة الدكتورة النفسية ......

"سارة" سرحت في الشباك و المطرة اللي فجأه نزلت بغزارة و كأن السما زعلانه من أفعال البشر فـ بتبكي
سارة بتتكلم في سرها " كانت بتدعي ربنا يهون عليها اللي حساه و اللي بتشوفه من اللي حواليها "

توهـان سارة راح و لفت انتباها السكرتيرة و هي بتهزر مع حد في التليفون و بتضحك و بتقول " حسبي الله و نعم الوكيل " ضحكت سارة نص ضحكة و لفت وشها لـ الشبـاك و افتكرت حاجه بمناسبة كلمة حسبي الله و نعم الوكيل

سارة (باستغراب) : بتكلم مين يا اسلام كل ده ؟!
اسلام بيشـاورلها انها تسكت و تستني
سارة : اوك
اسلام: ميرنا لازم تصبري شويه ع خطيبك يابنتي و بعدين يعني ماهو ليه حق يغير ، معلش يا ميرنا هو مش بيكون قصده يزعلك ، هههههه يابنتي انا مجتش عليكي ولا حاجه والله انتي عسل يابت ، يلا اتمشي بقا علشان عاوزه انام ، سلام
سارة : اسلام انت مش قولتلي هتبطل تتكلم مع ميرنا دي
اسلام : زميلتي في الشغل و بتحكيلي انها زعلانه مع خطيبها عاوزاني اقولها ايه اقفلي علشان ست سارة مضايقه من مكالمتك
سارة : محسسني انكوا اطفال والله ، يا اسلام ميرنا دي مكتوب كتابها و انت متجوز مينفعش تقعد تكلمها بالساعات كده ، البت دي مش محترمة
اسلام : مين دي اللي مش محترمة ، احترمي نفسك يا سارة و خلي اليوم يعدي
سارة : يا سلاااااااام زعلان اوي اني بشتمها اه مش محترمه لما تكلم راجل من ورا جوزها
اسلام (بغضب) : سارااااا لمي الدور علشان اليوم يعدي بدل ما تروحي عند اهلك
سارة (بكسرة نفس) : حسبي الله و نعم الوكيـل يا اخي
اسلام : انتي بتحسبني عليا طب والله مانتي بايته فيها انهارده

(نص الليل ضرب و اهانه و غلط طردها اسلام بره البيت و سابها تروح بيت اهلها و تنزل و تركب لواحدها فـ الشارع)

************************

جوه مكتب الدكتورة ..

أسر : يا دكتورة انا حاسس بالذنب مش قادر انساها ولا قادر انسي اللي عملته فيها في يوم من الايـام
د.هويدا : يا أسر كل مشكله و ليها حل و بعدين كل مشكله بتنتهي زي البرد بس بتاخد وقتها مفيش مشكله بتدوم ولا فرحة بتدوم سنة الحياة ، وبعدين لازم تكون مؤمن ان ده قدر الله هو ده كان عمرها و خلص
أسر (بيبكي) : بس انا لو مكنتش مهمل ، مكنش حصل اللي حصل ، انا قصرت في حقها كتير
د.هويدا : هترتـاح قريب أوي بس قول يـارب ، عموما احنا كده وقتنا انتهي
أسر : شكرا يا دكتورة انا محستش بالوقت بجد
د.هويدا : العفوا ، هستناك المرة الجاية و ياريت تيجي متعملش زي قبل كده
أسر : لا قبل كده انا كنت بخاف ، الوقت بعد ما اتكلمت نص الخوف راح
د.هويدا : و قريب اوي كله هيروح انت بس شد حيلك ...
أسر : ان شاء الله سلام عليـكم .....

************************

ندهت السكرتيرة علي سارة علشان تدخل مسحت سارة دموعها بسرعه وخرجت من التوهان و قامت باصه في الأرض و ماشيه فـ نفس اللحظه كان خارج "أسر" و بيبص وراه بيسلم ع الدكتورة خبط سارة في كتفها جامد
سارة رفعت راسها تشوف ايه البني ادم اللي مش شايف قدامه ده و تزعقله ، أسر ابتسم ابتسامة مهزوم و قالها أنـا اسف (ابتسامة منعتها من انها ترد عليه و تكلمه)
اصل الاعتذار ثقافه ميتقنهاش الا القليــل أوي و كان أسر من الناس اللي عندهم الثقافه دي .........

*************************

دخـلت سارة مكتب الدكتورة و حست فجأه بالخنقة و كأنها عاوزه تمشي بعد ما كانت عاوزه تتكلم ، مش لـ حاجه في المكـان ولا في الدكتورة (الدكتور كانت في اواخر الاربعينات تقريبا ، باين عليها الطيبه و السماحه في وشها من الشخصيات اللي ترتاحلها من اول مرة) لكن ده كان هروب من حاجات مش عارفة تتخلص منها ، أو معندهاش القدرة تتخلص منهـا ....

د.هويدا (بابتسامة) : أهلا يا سـارة ازيـك
سارة (بقلق) : الحمدلله كويسـة
د.هويدا (ملاحظه قلق سارة) : ايه يا سارة مالك خايفه كده ليه
سارة : لا أبدا مفيش حاجه
د.هويدا : اوعي تكوني قتلتي حد و جايه تكلميني عن الجريمة
سارة : هههههه لا لسه هقتل حد
د.هويدا : ايوة كده اضحكي ، بصي يا سارة لو مش عاوزه تحكي الوقت عادي متحكيش بداية عرفي عن نفسك بس و قومي اتفرجي علي الصور اللي ع الحيطه دي وبعدها نتكلم ..

*****************************
من ناحيـة تانية

آسر : ايوه يا علا ازيك عاملة ايه
علا : الحمدلله يا آسر انا كويسه ، انت اخبارك ايه
آسر : الحمدلله بخير ، انا اسفه يا علا اني سايبلك شهد الفترة دي كلها ربنا يعلم حالتي
علا : انت بتتكلم في ايه يا آسر انت اخويا و بنتك زي هند و هدير بناتي بالظبط
آسر : ربنا يخليكي يا علا ، انا باذن الله بس اكون كويس كده و هاخدها تاني ان شاء الله
علا : متشيلش همها يا آسر و في اي وقت عاوز تشوفها تعالي البيت بيتك و ابقي تعالي اقعد معايا
آسر : ان شاء الله ، لما اكون قادر اقعد مع حد هجيلك ، سلام
علا : ربنا يقويك ، سلام يا حبيبي

***************************
في بيت (سارة)

عـادل : ماجده هي سارة فين !!
ماجده : عند واحدة صاحبتها
عادل : الجو تحت قالب و بتشتي جامد و تليفونها غير متاح
ماجدة : مش عارفه ممكن تكون مفيش عندها شبكه
عادل : ربنا يستـر .

************************

(في العيـادة)

سارة : حاضر ، أنا سارة عندي 29 سنة ، بشتغل مهندسة ديكور ، الكبيرة بين اخواتي و كنت متجوزة من سنة و اتطلقت بقالي شهر و لـ كذا سبب انفصلت عنه (سكتت سارة) رجعت لـ قلقها
د.هويدا : طيب تمـام حلو لـ حد كده ياستي و بما انك مهندسة ديكور قومي بصي ع الصور دي بقا و شوفيهم و اختاريلي ديكور جديد لـ الحيطه دي و يضم برضه الصور دي و صور كمــان
سارة : ههههههههه ده استغلال بقا وانا لسه محكتش حاجه
د.هويدا : اه هو استغلال و ده نظامنا حضرتك

قامت سارة تبص علي الحيطه المليـانه صور و مستغربة ..

سارة : مين دول يا دكتورة ؟!
د.هويدا : دول كل واحد و واحده جالي واتعالج و انا حبيت اصورهم علشان كل ما ابص احمد ربنا علي نعمته عليـا و علشان احس بالنجاح اللي عملته
سارة : فعلا النجاح حلو اوي يا دكتورة ، ربنا يكرمك و يكرمني واعملك ديزاين حلو
د.هويدا : أهم حاجه الديزاين ههههههه
سارة : ههههههههههههههه

لفت انتباه سارة صورة من الصورة و استغربت جدا منها ..

سارة : دكتورة : مين اللي في الصورة ده ؟! ....

ياتري مين اللي في الصورة ! ، ياتري ايه حكايه سارة و حكايه اسر ، ده اللي هنعرفه المره الجايه

شارك اصدقائك الان .. رابط الموضوع للنسخ
http://www.moolnt.com/vb/showthread.php?s=a6c428ba50073697aca618632ccdf33f&t=30073
رد مع اقتباس
إضافة رد
الموضوع: قصة الم ووجع ,قصة دموع وردة الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر
أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:13 AM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.