إضافة رد
  #1  
قديم 08-17-2015, 05:17 PM
هدهد محمد هدهد محمد غير متواجد حالياً
مشرفة عامة
 
تاريخ التسجيل: Jul 2015
المشاركات: 634
بمعدل: 0.73 يوميا
الإقامة: القاهرة
الوظيفة: مشرفة المنتدي
التقييم: 10
هدهد محمد is on a distinguished road
افتراضي قصة غلطة حب 15 حلقة

قصة غلطة حب 15 حلقة

الحلقه الاولي
.
.
.
وقفت ليلى قدام المرايه بعد ملبست فستان الفرح يتاعها وخلصت ماكياجها ومستنيه احمد يجى ياخدها علشان يروحوا القاعه بصت لنفسها مبسوطه وفرحاااانه وبينها وبين نفسها تقول ياااه اخيرا اليوم دا جه ( اعرف احمد من 7 سنين اتعرفت عليه فى اولي كليه كنا فى كليه تجارة سوا مع بعض ماكنش ليا صحاب كتير علشان انا شخصيه مش اجتماعيه اوى واتعرفت عليه بالصدفه فى محاضره اقتصاد كان بيسالى على حاجات مش فاهمها وكنت تلقائيه جدا معاه وشرحتله كل حاجه مش فاهمها واديتله ورق كنت ملخصاه وقولتله يذاكر منه علشان يلحق يلم الماده قبل الميد تيرم شكرنى جدا وانا قولتله وقتها العفو على ايه احنا زمايل لو احتجت اى حاجه قولى
ومع الوقت كنت بشوفه كل يوم فى المحاضرات وبنسلم على بعض من بعيد لبعيد ياما نشاور لبعض او ابصله ويبصلى ونضحك
وفى مره كنت طالعه من المحاضره ومعايا صحبتى الانتيم شروق كانت صحبتى من الاعدادى والقدر رمانا فى نفس الكليه مع بعض لقيت احمد لقيت احمد بيننادى عليا وبيقولى
احمد : ياانسه لو سمحتى
ليلى بصيتله مستغربه وردت : ايوه فى اى
احمد : انا اسف بس انا حتى معرفش اسمك ايه
ليلى ضجكت : تصدق وانا كمان ماعرفش اسمك اي
احمد : انا اسمى احمد
ليلى : وانا ليلى
احمد : اسمك حلو اوي علي فكره
ليلي : شكرا يا احمد دا من ذوقك
احمد : العفو انا بس لو مش مش يضايقك كنت عايز رقم تيلفونك
اتفاجئت اوى بطلبه وفى نفس الوقت فرحت وماعرفش ليه وسالته
ليلى : انت عايز رقمى ليه
احمد : انا مسافر اسبوعين القاهره رايح اخلص شويه مشواير وهرجع تانى اسكندريه عارفه كمان اسبوعين و4 ايام هيبتدى الميد تيرم وانا مش هحلق الم الحاجه وعندى صحابى زى مانتى شايفه فاشله وضحك
رديت وانا متردده : قولتله ماعنديش مشكله لو هتتصل تسال على اى حاجه فى الدراسه بس بعد اذنك بلاش تتصل بيا فى اوقات متاخره
احمد بفرحه : لالالالا خالص بقى اتصل بيكى الصبح شكرا اوى ليكى ياليلى مش عارف اقولك ايه
ليلى : العفو بس انت شد حيلك وياريت تاخد الموضوع بجد شويه
احمد : اكيد ان شاء الله مش هعطلك اكتر من كده علشان واضح ان صحبتك اتخنقت متى
ليلى : ههههه لا خالص ولا يهمك عن اذنك
احمد : ياليلى انتى هتمشى قبل متدينى الرقم اهو
وسجل رقمى فعلا ورجعت البيت كنت فرحانه وخايفه فى نفس الوقت فرحانه ان انا حاسه باهتمام من ناحيته ومرتحاله ماعرفش ليه وخايفه لـ يكون الموضوع بالنسبه له مصلحه وخلاص ... طب وانا محيره نفسى ليه وحتى لو مصلحه هو فارق معايا ايه
وبعدها بيومين اتصل بيا الظهر كانت الساعه 12 ونص كنت لسه صاحيه من النوم رديت عليه
ليلى : الو .. ازيك يا احمد عامل ايه
احمد : انا بخير الحمد لله انتى عامله ايه اسف لو صحيتك
ليلى : لا عادى خالص انا كده كنت نازله كمانم شويه علشان محاضره الماليه
احمد : تمام انا بس كنت عايز اقولك لو ينفع لما ترجعى من الكليه تكلمينى وتشرحيلى حاجات مش فاهمهم
ليلى : اوك مافيش مشاكل ان شاء الله عن اذنك دلوقتى علشان عايزه اقوم افطر علشان الحق البس وانزل ولما ارجع هكلمك
احمد : اوك خلى بالك من نفسك وانتى نازله ومستنكى لما ترجعى
روحت الكليه وطول النهار نفسى المحاضرات تخلص علشان ارجع واكلم احمد وواسمع صوته تانى .... واول ماخلصت المحاضره حسيت ان جالى الفرج واخيرا هروح لقيت شروق بتقوولى
شروق : ايه يابنتى فى ايييه هطيرى علشان تروحى وراكى حاجه مهمه اوى كده عايزه ترجعليها
ليلى : ابدا ياشروق مرهقه جدا ونفسى ارجع انام
شروق : احمد كلمك
ليلى : اشمعنا يعنى
شروق : لا اصل مش عارفه حاسه ان موضوع انه ياخد الرقم علشان تشرحيله مدا حوار علشان يبقى فى مجال كلام مابينكم
ليلى : لالالا مافتكرش هو فعلا عايزنى اشرحله اصلها مش اول مره يابنتى
شروق : مش اول مره ايه ... الله الله بقت ليلى تخبى عن شروق ماشى اعم
ليلى : لا ياشروق امنا مش عايزه ابدا شغل نفسى بالمواضيع دى انا عايزه اخلص ورجع لاهلى فى السعوديه مش معقول هنقل على عمتى اكتر من كده وانا لو انشغلت بحوار احمد واديته اكبر من حجمه يبقى مش هعرف اركز وهيضيع كل مجهودى واللى خطتتله
شروق : خططتى اى ومجهود ايه انتى ليه محسسانى انك عامله خطه علشانم تروحى تحررى فلسطين عموما يافالحه الموضوع مش بمزاجك لو قلبك طب زى ماطبيت انا مع محمود هتنسى كل كلامك دا
ليلى : ياستى انتى خلاص عملتينا هنحب بعض انتى سابقه الاحداث ليه
شروق : مش سابقه بس بكره نشوف انا وانتى هنروح من بعضنا فين و(ضحكت)
رجعت البيت وكلمت احمد وقولتله انا جاهزه اهو اشرحلك اللى انت عايزه لقيت صوته متغير .. سألته
ليلى : مالك يااحمد حاسه ان فى حاجه متغيره فى صوتك انت مضايق ولا تعبان ولا مالكش نفس اشرحلك حاجه دلوقتى
احمد : لا ياليلى مافيش مخنوق بس شويه
(اترددت اساله ماله علشان مميفكرش انى مهتميه بيه بس قولت واى يعنى هساله وخلاص )
ليلى : طب مالك يااحمد احكيلى ايه اللى مضايقك مش جايز اقدر اساعدك او اطلعلك من المود دا
احمد : ياريت ياليلى بس للاسف اانا عايش فى المرار دا بقالى كتير ابويا واحد مستهتر واخويا بتاع ممصلحته وطماع وامى كل همها نفسها وماحدش بيفكر فيا ولا فى مستقبلى طالع عينى
ليلى : طب اهدى اهدى وفهمنى فى ايه
احمد : الموضوع طويل اوى ياليلى وانا مش عايز اعطلك اكتر من كده واشغلك بمواضيعى
ليلى : لا بالعكس انا جايه اسمعك لو مش مضايقك
وحكالى حكايته واتقربنا جدا لبعض وبقى بيحككيلى كل حاجه وانا بقيت تلقائى بحكيله كل حاجه وفـ مره اتصل بيا
كان منهار جدا
ليلى : ايه يااحمد فى ايه مالك خضيتنى عليك
احمد : انا تعبان اوى ياليلى (بعيط)
ليلى : فى ايه يااحمد انا اول مره اشوفك فى الحاله دى
احمد : انا مش عارف اتصرف ازاى انا يأست من حياتى مش معايا فلوس ولا عارف اشتغل ولا عارف اعيش مع الناس الانانيه الى معايا فى البيت دول انا نفسى بجد اموت يمكن ارتاح
ليلى : بعد الشر عنك يااحمد لو انت حصلك حاجه انا هعمل اى من غيرك
(سكت مصدومه من رد فعلى انا ازاى اقوله كده )
احمد : ايه دا اتى قولتى ايه تانى كده
ليلى : مقولتش حاجه
احمد : لا قولتى انك هتعملى ايه من غيرى
ليلى : طب مانت سمعت اهو ايه لزمه الاحراج يعنى
احمد : واحراج ليه يعنى مانا كمان مبقتش اقدر استغنى عنك وبقيتى اقرب حد ليا والوحيده اللى واقفه جنبى واللى لما بحتاجلها بتساعدنى فى كل حاجه حتى الفلوس
ليلى : بس ماتقولش كده مانا لو احتجت حاجه اكيد انت مش هتتاخر عنى يا احمد
احمد : انا عايزه اقولك حاجه ياليلى نفسى اقولهالك من زمان
( ولقيت قلبى بيدق جامد وخايفه ومتوقعه )
ليلى : عايزه تقول ايه يااحمد
انا بحبك ياليلي
.....................................
احمد : ايه سكتى ليه انتى زعلتى
ليلى : لا بس مش عارفه اقولك ايه
احمد : لو اضايقتى اعتبرى انى ماقولتش حاجه بس بلا اخسرك حتى كصديقه
ليلى : انا بحبك يااحمد وبحبك اوى انت الوحيد اللى عوضنى غياب بقيت معايا فى كل خاجه وتسال عنى
احمد : اخيرااااااااا سمعتها منك تصدقى بالله انا بقيت اسعد واحد فى الدنيا ان احساسى بيكى مطلغش غلط واخيرا اتاكدت انك بتحبينى زى مابحبك
قصة غلطة حب 15 حلقة
الحلقه التانيه ,,
قصه (غلطه حب ) ..!
مرات السنين واحنا اتخرجنا من كليه وسافر احمد برا سنه يكون نفسه والحمدلله ربنا قدره اخدنا شقه ايجار واتخطبنا والظروف ابتدت تتحسن وجاله شغل حلو جدا فى مصر
واتعين واتخطبنا 3 سنين لحد ماظبطنا امورنا خلال فتره الخطوبه وكانت ابتدت تظهر المشاكل وابتديت اشوف عيوب احمد فى تحكماته وغيرته الزياده عن اللزوم وفسخنا الطوبه اكتر من مره ورجعنا تانى علشان ماكناش نقدر نستغنى عن بعض
(قطع تفكير ليلى صوت مامتها سحر يالا ياليلى احمد وصل اتاخرنا اوى عالقاعه )
طلعت ليلى لـ احمد كانت طايره من الفرحه يالهووووووى اخيرا رايحه بيت جوزها اخيرا هيبقالى بيتى وحياتى الخاصه
(عدى الفرح وكانت ليله جميله وكل الامور مشيت تمام الحمد لله اول مادخلوا بيتهم حكست ليلى ان قلبها بيدق جامد يمكن هي مش اول مره تبقى مع احمد فى بيت واحد لان هما ايام كتب الكتاب قبل الفرح بأسبوعين غلطوا مع بعض للأسف بس ماتكررش تانى قلعت فستانها ودخلت اخدت دوش وغيرت هدومها ولبست هدومكها ولبست طقم شيك وطلعت لـ احمد )
ليلى : ايه مش هتغير هدومك وتدخل تاخد دش عبقال ما اخضر العشا
احمد : لا مش دلوقتى انا كنت مستنيكى تخلصى علشان عايز اتكلم معاكى كلمتين مهمين اوى
ليلى : اى يااحمد خير فى ايه
احمد : انا عايزك تعرفى كويس اوى ان احنا الجواز اللى بينا دا مش هيطول
ليلى : ازاى يعنى انا مش فاهمه
احمد : بصى من الاخر كده انا كملت معاكى من ايام الخطوبه ماخليش شكلك وحش قدام اهلك اننا نفضل مخطوبين 3 سنين وفى الاخر اسيبك انا عن نفسي مابقتش حاسس بالحب معاكى وزوادت وغطا لما سلمتيلى نفسك حسيت ساعتها انى غلطت فى اختيارى
بصت ليلى مصدومه من الكلام وردت بهزار : على فكره المقلب بتاعك دا بايخ اوى ودمه تقيل يااحمد
احمد : انا مبهزارش ياليلى انا بتكلم جد زى مابقولك كده احنا هنعيش مع بعض هنا لمده سنه زى الاخوات لا ليكى دعوه بيا ولا تسالينى رايح فين ولا جاى منين ولا حاجه والى ليكى عليا طلباتك تلاقيها عندك اول باول اكتر من كده مالكيش حقوق عليا
ليلى : ايه الى انت بتقوله دا انت اكيد اتجننت
احمد : اتجننت ! اننى اللى اتجننتى لازم تعرفى ان من هنا ورايح ليكى حدود فى التعامل معايا لحد ماكل واحد فينا يروح لحاله واظن انا عملت باصلى معاكى للاخر واتجوزتك علشان مبقاش ندل ويتقال عليا عمل عملته وخلع وتتفضحى عاجبك يابنت الناس الوضع دا اوك مش عاجبك بكره اطلقك وتروحى بيت اهلك
ليلى : انت بتقول ايه انت بتخيرنى مابين قرارين اصعب من بعض ازاى عايزنى ارضى اعيش معايا العيشه دى ازاى عايزنى اتجوزك النهارده وتطلقنى بكره
احمد : خلاص يبقى ارضى بالقرار الاوانى عالاقل علشان ميبقاش شكلك وحش قدام الناس وعلشان الناس متشكش وتفكر حاجه تانيه .. احنا قدام الناس هنتعامل عادى بس بينا وبين بعض انتى فى حالك وانا فى حالى
ليلى : مش قادره اصدق انت ازاى بتقول كده امال فين حبك ليا يااحمد انت بتلومنمى عى غلطه غلطناها وكنت مراتك ماصلا وغلطه علطتها معاك انت مش مع حد تانى علشان بحبك ووثقت فيك ومش عايزه من الدنيا غيرك دانا استحملت 7 سنين ووقفت جنبك خطوه بخطوه علشان فى الاخر تقولى كده
كمل احمد كلامه اللى حست وقتها ان ليلى اكيد بتحلم معقوله تكون دى الحقيقه معقول اسعد يوم فى حياتى واللى عشت احلم بيه 7 سنين يتحول لكابوس ركزت لـ احمد تانى لما لقيته قام وانفعل
احمد : انتى هتعايرى انك وقفتى جنبى مانا كمان اخو بعمل معاكى الواجب ومافضحتكيش واحد غيرى كان رماكى ولا سال فيكى
انا داخل اغير هدومى وانام وتقدرى تنامى فى اوضه النوم وانا هنام فى اوضه بتاعت العيال
ليلى : استنى يااحمد ابوس ايدك انت بتعمل كده فيا ليه دانا بحبك
احمد : وانا مابقتش احبك ولا طايقك وربنا يقدرنى استحمل السنه اللى هعيشها معاكى هنا فى بيت واحد وسابها وداخل الاوضه
انهارت ليلى من العياط مبقتش مصدقه ابدا اللى بيحصل دا اكيد مامنا بحلم او ممكن يكون بيعمل فيا مقلب وهيطول شويه .. مقلب ايه دا بيتكلم بجد قعدت تعيط اكتر واكتر وبقت تكلم نفسها طب ازاى هيعيش معاه ازاى كده وهو كارهنى بالشكل دا هو انا غلطت فى ايه دا كان جوزى على سنه الله ورسوله معقوله بالبساطه دى طب لو فكرت اطلق هقولهم ايه موشكلى هيبقى ايه قدام اهلى الى هددتهم انى لو ماتجوزتش احمد هموت نفسى ومش هتجوز غيره وغصبت عليهم يستحملوا ظروفه لحد ميكون نفسه اروح اقولهم دا طلقنى علشان طلع ماببحبنيش رمت نفسها على السرير ووحطت راسها بين المخدات وقعدت تعيط من كتر تاعبها ووجعها نامت وماحستش بنفسها الاتانى يوم صحيت مش فاهمه اى حاجه حوليها افتكرت اللى حصل امبرح والموقف الزباله اللى اتحطت فيه وان اسعد يوم فى حياتها اتحول لماساه اتكسر فيها احلامها الى كانت بتحلمها من يوم ما شافت احمد كان نفسها حد يفكر معاها مسكت التيلفون تكلم شروق بس رجعت فى قرارها هقولها ايه بس دى مستحيل تصدق دى تبقى فضيحه ليا قامت غسلت وشها صلت وودعت ربنا يهديها للصح وللقرار السهل بين اصعب قرارين فى حياتها وبعدها بشويه لقت نفسها بتقول طب مانا هحاول ارجعه ليا تانى واخليه يحبنى اهتم بيه وهراعى ربنا فيه وهو اكيد لما يلاقينى بعمل كده معاه هيسامحنى وهيرجع يحس بيا ويحبنى زى زمان )
مسحت دموعها واعتمدت على ربنا انه ينصرها فى المعركه الى هيا دخلاها دى غيرت هدومها وصحيت تحضر الفطار وبتخبط على اوضه احمد علشان تصحيه اتفاجت امه مش فى الاوضه
دورت عليه فى البيت كله عرفت انه خرج الصبح
رجعت حست بـاليأس تانى وبصت على الفطار الى حضرته وحاولت تاكل لقمه والا اتنين وماقدرتش ولمت الاكل ودخلته زى ماهو التلاجه
رتبت اوضه ااحمد مكان مكان نايم واتصلت بيه مره واتنين وتلاته عرفت انه مش عايز يرد عليها والتمست عذر يمكن مش سامع الموبايل فقررت تبعتله رساله قالتله (احمد امنت فين ليه نزلت الصبح بدرى كده انا اتصلت بيك كتير ومابتردش عليا الله يخليك طمنى عليك ) وقعدت مستنيه الرد والدقايق تمر عليها ساعات فأجاه لقت رساله جاتلها عالموبايل ( لو سمحتى طول مانا برا ياريت متزعجنيش بمكلماتك الكتير دى مش هيبقى برا وفى البيت قرف )
اتصدمت وقرت الرساله مره واتنين وتلاته مش مصدقه اللى هيا شيفاهـ نزلت دمعه من عنيها غصب عنها هو للدرجادى كارهنى اكيد دا مش احمد الحنين الى عوضنى عن الدنيا كلها اكيد فى حاجه غلط مش ممكن دى تكون الحقيقه مش معقول
حست ان الدنيا ظلمه فى عينها ومش عارفه تعمل ايه حاسه انها جوا علبه ضيقه اوى ومخنوقه قعدت تعيط وتدعى ربنا يديها القوه
عدت ساعات طويله والشمس راحت وبقت الساعه 9 بليل واحمد لسه مرجعش جهزت ليلى الغدا من زمان ومستنياه يرجع علشان يتغدوا سوا وتحاول تقربه ليها فضلت مستنيه لحد الساعه بقت 10 كان نفسها تتصل بيه تعرف هو فين عالاقل خايفه وعايزه تطمن عليه بس خافت يرد عليها يشتمها وهى مش ناقصه تسمع كلام يوجعها اكتر وفاجاه
.قصة غلطة حب 15 حلقة
قصه (( غلطه حب )) ..!
الحلقه التالته
,
,
,
فاجاه باب البيت اتفتح طلعت عالباب وبحركه لا راديه حضنته
ليلى : كنت فين يااحمد قلقتنى عليك
بيرد عليها بقرف وهو بيبعدها عنه
احمد : هو انا مش قولتلك ملكيش دعوه بيا ولا تسالينى رايح فين ولا جاى منين هو انا هفضل اعيد الكلام دا كل شويه ولا ايه
ردت بـانكسار : انا قلقت عليك ومجهزه الغدا من بدرى علشان منتغدى سوا
احمد : نتغدى سوا ايه انا مش هاكل معاكى فى طبق واحد ولا سفره واحده وبعدين انا اتغديت برا لما تلاقينى اتاخرت ابقى اتغدى انتى لوحدك
ليلى : يااحمد انا من ساعه ماصحيت ماكلتش لقمه مستنياك علشان تاكل سوا
احمد : انا يعنى كنت مانع عنك الاكل ماتحملنيش ذنبك الله يخليك مش ناقص بقى تتعبى وتوجعى دماغى بوجعك
ردت وهيا مكسوره وبتعيط : اوجع دماغك بتعبى انت اكيد مش احمد انت واحد تانى انت اتغيرت اوى كده ليه
احمد : انا متغيرتش انا فوقت
ليلى : وانا اى ذنبى انت ليه طيب مقولتليش قبل الجواز انك ناوى تعمل كده انا لو كنت اعرف انك بس اتجوزتنى علشان كده انا مستحيل اوافق
احمد : اما صحيح معندكيش دم وبجحه كمان بتطلعينى انا اللى غلطان يعنى الحق عليا انى مفضحتكيش
ليلى :: ياريتك فضحتنى ياريتك .. ولا انى اشوف منك انت كده يااحمد
احمد : كفايا دموع التماسيح بتاعتك دى وارحمنا انا مش هتكلم تانى فى الموضوع دا ولو اتكلمتى فيه مش هتشوفى وشى هنا تانى مفهوم ولا لا
......
سابها ودخل اوضته كالعاده
(استمر الوضع دا شهرين ليلى بتحاول انها ترجعه ليها تانى مبقتش تقصر فى اى حاجه بتعمل الفطار والغدا وتغسل وتنضف ومهتميه وبيتها ومراعيه ربنا فيه ابتدت تتعود على كلامه السم وبقيت تجهز الغدا ودخلهوله واضته دا لو اتغدى معها وكل متحاول تكلمه يصدقها فى الكلام .... وفى مره كان احمد فى الشغل وكان ناقصها شويه حاجات فى البيت فقررت تنزل تجيب الحاجات دى كلها شارعين من البيت وهترجع على طول كانت فى العاده بتبعت رساله لـ احمد لو فكرت تنزل تشترى حاجه دا كان شرط احمد بس للاسف مكنش معها رصيد تبعتله فاضطرت انها تنزل من غير ماتقوله .. رجع احمد البيت بيدور عليها مش لاقيها غريبه يعنى البيت مضلم واوضتها مفتوحه وهيا مش فى البيت والله عال الهانم بتنزل من البيت من غير ماتعرفنى قكراها وكاله من غير بواب غلى الدم فى عروقه وومبقاش عارف يتصرف ازاى جرب يتصل بيها مش بترد مره واتنين وتلاته لحد ما اخد باله من التيلفون بتاعها سيباه فى اوضتها عالسرير ... يعنى كمان الهانم نازله من غير ماتاخد موبايلها معاها اكيد مش عايزه حد يزعجها انا غلطان انى سمحتلها انها تنزل .. اتأخرت ليلى عقبال مااشترت الحاج واول مادخلت البيت لقت اللى ماكنتش متوقعاه ))
دخلت ليلى البيت شايله الحاجات اللى اشترتها من خضار ولوازم البيت واتفاجئت باحمد قدامها اول ماشافها لقيته بيلطشها بالالم على وشها
اتفاجئت ليلى برد فعل احمد ومش فاهمه اي حاجه ولقيته بيزعق بصوت عالى وماسكها من دراعها
احمد : كنتى فين يامحترمه
ليلى : فى ايه يااحمد سيبنى انت بتضربنى ليه انا عملت ايه
احمد : لا ابدا ارجع البيت فاجأه الاقى الهانم مش فى البيت
ليلى : سبنى يااحمد حرام عليك دراعى وجعنى
احمد : مش هسيبك الا لما اعرف انتى كنتى فين انطقى احسن ادفنك مكانك
ليلى بتكلم بعياط : انا نزلت اجيب اكل من الشارع اللى جنبنا علشان كان ناقصنى شويه خضار
احمد : والهانم تنزل من غير ماتقول ليه متجوزه كيس جوافه
ليلى : والله ماكان معاايا رصيد قلتلك امبارح تشحلنى ماعبرتنيش
(بيضغط على دراعها اكتر )
احمد اه يابت طلعينى انا الى غلطان طلعينى انا السبب
ليلى : ابوس ايدك سبنى انا لا بطلعك غلطان ولا حاجه بس حتى لو كول مى مش هترد عليا وماتوقعتش انك هتيجى دلوقتى
احمد وهو بيزقها عالارض ,, اه يعنى بتغفلينى عارفه انى مش هرجع دلوقتى فقولتى انزل ادور على حل شعرى
ليلى وهى عالارض وماسكه ضهرها من الوجع ادور على حل شعرى ايه؟ حرام عليك انا نزلت اجيب اكل والله الكياس قدامكه اهى
احمد : وانا اش عرفنى امتى مش يمكن من الصبح وعملالى حجه الكياس دى
ليلى : وانا كنت هعرف منين انك هترجع دلوقتى علشان اعملك حجه الكياس احمد متظلمنيش
احمد : تلاقيكى كل يوم بتخرجى وتنزلى وياعالم بتعملى ايه ماهي وكاله من غير بواب ومدام انتى بريئه وشريفه زى مابتقولى ماخدتيش موبايلك ليه معاكى
ليلى وهيا منهاره من العياط وحاطه ايدها على وشها وبتتكلم : علشان شايله حاجات كتير وعلشان عارفه انك هش هتتصل بيا ابدا تسال عنى انت طول النهار برا وان جيت ممبتكلمنش
(بيشدها من ايديها وبعنف بيقومها )
اسمعى هنا دى اخر مره هتنزلى فيها من البيت وكلك وشربك هجبهولك معايا وانا جاى والباب هيتقفل عليكى وانا نازل كل يوم
ليلى : حرام عليك يااحمد انت مش مربى كلبه عندك انا اول مره اخرج من غير ما اقولك انهارده انا بقالى شهرين اقصى مكان بروحه بتاع الخضار واللحمه والفراخ دول الناس اللى بتكلم معاهم انا نسيت صوتى يااحمد انت عايز تحرمنى من انى اشوف الشارع دا مايرضيش ربنا
احمد : انا قولتل اللى عندى ياليلى وكلامى مش هرجع فيه (خرج ورزع الباب واره ومشى )
اترمت ليلى عالكنبه منهاره من العياط بتشوف جسمها ووشها اللى اتعلم عليه بصوابعه .. افتكرت كلامه اللى كان كله تجريح فيها وفى شرفها قعدت تعيط اكتر واكتر
(غاب احمد اليوم دا عن البيت ومارجعش وغاب اليوم التانى والتالت وليلى فى الشقه قافل عليه ومحبوسه بين اربع حيطان لا قادره تتصل بيه وللا عارفه هو جراله ايه .. م كتر تفكيرها تعبت قاومت تاعبها وفضلت تستناه 3 ايام ماكلتش اى حاجه حاسه بدوخه فظيعه قررت تقوم تجيب كوبايه ميه تشربها بس ماقدرتش وقعت عالارض مرميه )
ياترى احمد هيلحقها
ياترى اى اللى حصل لـ ليلى واى مصيرها
ياترى احمد هيرجع زى مكان لا برضو هيصمم على موقفه
قصة غلطة حب 15 حلقة
قصه (غلطه حب) ...!!
الحلقه الرابغه
وقعت ليلى من التعب والعياط وقله النوم والاكل وفضلت مرميه عالارض رجع احمد بيفتج الباب لقاها وقعه قى الارض اتخض حاول يفوقها لكن جسمها سخن اوى ووشها اصفر وعلامات ضربه ليها معلمه على جسمها افتكر انها موتت نفسها مش عارف هى واقعه كده عالارض بقالها قد ايه شالها نزلها واخدها المستشفى كان حاسس بخوف غريب انه يحصلها حاجه
كشف عليها الدكتور قاله : دى عندها هبوط حاد وواضح انها ماكلتش اى حاجه من فتره طويله وفى اثار ضرب على وشها وجسمها وواضح ان حضرتك السبب فى الحاله اللى هيا وصلتلها وانا المفروض اعملك محضر تعدى وضرب
احمد : محضر ؟؟
الدكتور : ايوه دى كانت ممكن تموت درجه حرارتها 40 مافيش طاقه فى جسمها تقاوم
احمد : بس انا جوزها
الدكتور : وانت يعنى علشان جوزها تعمل فيها كده
عموما لما تفوق انا هسالها لو جبت تعملك محضر تعدى او لا بس ياريت متاثرش عليها
سكت احمد مصدوم من رد فعل الدكتور الغريب دا
شويه وكانت فاقت ليلى ودخل الدكتور قالها حرارتك نزلت بس جسمك ضعيف جدا
مسكت ليلى دموعها لما شافت احمد ومش مستوعبه هي حراره ايه بصت لـ احمد وسالته
ليلى : هو فى ايه انا ايه اللى جابنى هنا
احمد : تعبتى واغمى عليكى
الدكتور : انا شايف اثار ضرب على وشكم ودراعك مين ضربك
سكت احمد مستنى رد فعل ليلى احسن موقف تاخد فيه حقها وترد اللى عملته فيها
ردت ليلى : ضرب ايه لا انا ماحدش ضربنى ممكن مكان ماوقفت عالارض
الدكتور : انتى متاكده من كلامك دا
ليلى : ايوه طبعا متاكده
الدكتور : طيب ياريت ياستاذ تخلى بالك من المدام وتهتم باكلها شيه لحد ماتتحسن حالتها
اتصدم احمد من رد فعل ليلى كان متوقع هتقوله هو الى ضربنى وبهدلتى وتاخد حقها تذلنى بصحتها نزكلت ليلى متسنده على احمد علشان تركب العربيه بعيده اووى علشان تفضل حاسه بيه قريب منها
دخلها العربيه طول الطريق ليلى ساكته ماتكلمتش نص كلمه قطع احمد السكوت ولاول مره بيتكلم معاها من نفسه
احمد : ليه انكرتى انى صربتك
ردت ليلى بصوت تعبان وماسكه دموعها : وهيستفيد ايه لما يعرف
احمد : هيعملى محضر
ليلى : محضر !!
احمد : مستغربه ليه كده اول مره تعرفى ان ممكن تعمليلى محضر عدم تعدى
ليلى : زمان يااحمد كنت بتحامى من الدنيا فيك كنت انت امانى .. تفتكر دا هيفدنى بأيه بعد ماخسرت الامان دا ((ومسكت دموعها ))
ماردش احمد وماعرفش يتكلم حس بتأنيب صمير
احمد : انتى عامله اى دلوقتى طيب
ليلى : مش عارفه اهو لسه عايشه وبتنفس
احمد : عايزه حاجه اجبهالك قبل مانطلع
ليلى : لا شكرا
نزل احمد فتح الباب وسند ليلى زى ماكان مسندها فى المستشفى طلعوا البيت
حاول يخليها تاكل بس هى قالتله انها مرهقه وتعبانه ومحتاجه جدا انها تنام شويه وقالتله انها لما تصحى هتاكل ان شاء الله
سابها احمد تنام وقفل نور الاوضه وطلع يقعد شويه فى الصاله عمال يفتكر انه اللى عمله دا جنان يحبسها 3 ايام فى البيت افرض كان البيت بيولع ولا حصل حاجه كنت هتشيل ذنبها طول العمر ,, رجع افتكر منظر ليلى وهى مرميه عالارض ووشها اصفر وتعبانه حس بوجع فى قلبه وفاجأه قام وقرر انه يدخل اوضه ليلى .
دخل احمد اوضه ليلى لقاها نايمه وتعبانه ومش حاسه بأى حاجه حواليها فتح نور خفيف وارح قعد جنبها عالسرير من زمان مابصش لملامحها بوضوح كده يمكن دى اول يشوفها وهى نايمه علامات التعب والارهاق والضرب على وشها ... حاول يصحيها بس خاف لتتخض بس هو مش قادر ينام من غير مايتكلم معاها وفى نفس الوقت حاسس بالذنب لو صحاها من النوم فقرر انه بأجل كلامه لبكره لسه جاى يقوم عالسرير قلقت ليلى واتخضت لوجوده وقالتله : احمد فى ايه انت تعبان
احمد : اتى اللى بتسالينى انا تعبان ولا لا
ليلى : امال مالك فى ايه
احمد : جاى اطمن عليكى بقيتى عامله ايه دلوقتى
ابتسمت ابتسامه تعبانه وقالتله : بخير الحمد لله
احمد : انا عايز اتكلم معاكى شويه ياليلى
ليلى : انا عارفه انك هتزعقلى علشان هتقولى ان انت مش ناقص توجع دماغك وتتبهدل فى المستشفيات تانى بسببى بس انا غصب عنى
( قاطعها احمد )
احمد : انا مش جاى علشان اقولك الكلام دا ياليلى
ليلى : امال فى ايه يااحمد
احمد : ليلى انا اسف انا فعلا اتسرعت انى حكمت بسراعه لما نزلتى من غير مااستنى اسمع منك وغلطان اكتر علشان سبتك وقفلت عليكى الشقه وغيب 3 ايام وانا عارفه انك لوحدك ماخدش ميعرفك عنا
(حست ليلى انها بتحلم مستحيل يكون الكلام دا بيقوله احمد بصلته مستغربه وحاولت تقوم تعدل نفسها )
احمد : خليكى مرتاحه ياليلى مش عايزك تتعبى نفسك
ليلى : انا مش فاهمه حاجه انت ايه اللى غيرك فاجأه كده
احمد : حاسس بتأنيب صمير وانى فعلا كنت بتصرف بعباء ودا ماينفعش فأنا بتأسفلك ياريت تقبلى اسفى
(ماكنتش مصدقه ليلى الكلام اللى هي بتسمعه وفرحت ان ممكن يكون احمد قرر يتغير معاها وان ربنا استجاب دعاها ومن الفرحه عنيها دمعت )
احمد : مالك ياليلى انتى بتعيطى ليه دلوقتى
ليلى : اصل مش مصدقه نفسى يااحمد انا كنت فقدت الامل خلاص ان انت تغير فكرتك دى ونعيش طبيعين
(ابتسم احمد وهو بيقوم )
طب ياليلى ارتاحى انتى دلوقتى وكملى نومك وانا هدخل انام نبقى نكمل كلامنا بكره
( حست ليلى انه لو قام من جنبها انها هتصحى من الحلم الحلو اللى هي بتحلمه فطلبت منه انه يفضل نايم جنبها النهارده بس )
احمد : ماشى ياليلى هروح اغير هدومى بس وهاجى انام جنبك
((حست ليلى ان قلبها هيقف من الفرحه ومش قادره تصدق اللى هى بتشوفه وبتسمعه شويه وجه احمد فعلا ودخل الاوضه ونام جنبها والاول مره تحس انها مش خايفه اول ماحط اسه عالمخده ناااااام بصتله ليلى ى بتتامل فى ملامحه من زمان مشوفتكمش هادى كده يااحمد ياريت ماكونش بحلم ... ونامت ليلى وهى بتدعى ربنا انها تبتدى حياتها مع احمد من اول وجديد وهى عندها استعداد تنساله كل حاجه وتبتدى من الاول وجديد نفسها فى حاجات كتير اوى ))
صجيت الصبح بتبص جنبها ملقتش احمد اتخضت حاولت تفتكر اللى حصل امبارح وبقت شاكه مابقتش عارفه اللى شافته امبارح دا حلم لا حقيقه قامت من السرير بسراعه
بتنادى على احمد فى الشقه وللاسف ملقتهوش فى البيت
قعدت على الكنبه محبطه وبتعيط معقول انا كنت بحلم او بتخيل بس ازاى انا متاكده انى كنت صاحيه ليه يااحمد دانا مصدقت انكم اتغيت معايا معقل فوقت من الصدمه حست ليلى بالاحباط تانى
وفاجاه ..
قصة غلطة حب 15 حلقة
قصه ((غلطه حب )) ..!
الحلقه الخامسه
اتفاجئت ليلى بـ احمد داخل عليها ومعاه بوكيه ورد كبير قرب عليها وباس ايديها وقال لها : انا صحيت بدرى علشان الحق اجبلك بوكيه الورد دا قبل ماتصحى بس برضو انتى سبقتينى ماكنمش مصدقه نفسها وقربت عليه وقالتله
ليلى : احمد انا مش مصدفه نفسى انا مبسوطه اوى انا حاسه انى بحلم
احمد : لا مش بتحلمى ويالا بقى خشى البسى طقم شيك كده عشان اخرجك فى مكان حلو بقالك كتير ماخرجتيش وفرحتى
(( ا ليلى زى العيله الصغيره ودخلت تجرى على اوضتها لبست هدومها ومن زمان ماحستش نفسها عايشه بصت على وشها لقت علامات ضرب خفيفه اضايقت من منظرها كده فرحت زعلانه لـ احمد ))
ليلى : وشى بايظ يااحمد شايف شكلى عامل ازاى
احمد : مالك مانتى زى القمر اهو
ليلى : لا وشى فيه اثار ضرب
احمد بهزار : مسمحولك تحطى ميك اب خفيف النهارده علشان تدارى الحاجات دى بس بعد كده ممنوع ماشى
ليلى : ضحكت ماشى طبعا انت تامرنى
ودخلت حطت ميك اب خفيف شويه كحل وبلاشر ابتدت عينها العسلى تبان حلاوتها
وحست نفسها حلوه اخر مره شافت نفسه فى المرايه وحست نفسها حلوه يوم فرحها يعنى 3 شهور
طعلت لـ احمد اتفاجئ بيها
احمد : لالا انا كده هغير رأى فى حوار المكياج طالعه حلوه اوى
ليلى : ياسلام يعنى انا من غير مكياج وحشه ولا ايه ياسى احمد
احمد : لا طبعا وانا اقدر اقول كده طول عمرك قمرايه
مسك ايديها وقالها يالا ننزل علشان متتأخرش
نزلوا سوا والاول مره من مده طويله محبوسه فى البيت وسط الدموع والنكد تنزل حاسه انها بتشوف اسكندريه لاول مره فى حياتها وحشها البحر اللى ياما مشيت عليه هيا واحمد ايام الجامعه ورايحه الهوا والناس والرحمه
وقفت العربيه قدام مطعم شيك عالبحر فى سابا باشا اسمه لاتينو
نزلو من العربيه ماسكه ايد احمد داخلين كمان ياسين مرتب كل حاجه وحاجز طربيزه
عالبحر على طول كان الجو حلو اوى لا هو حر ولا سقعه كانو فى شهر 10 كانت مبسوطه اوى
احمد : مبسوطه ياليلى
ليلى : اوى يااحمد بجد مبسوطه جدا حاسه انى بشوف البحر لاول مره فى حياتى بجد دى احلى مفاجاه حصلتلى
احمد : يارب اشوفك مبسوطه على طول
ليلى : طول مانت معايا هكون مبسوطه اكيد
( جه الويتر ومعاه المينو )
اجمد : تحبى تتغدى ايه
ليلى : اللى تختاره ياحبيبى
احمد : لا انهارده يومك شوفى انتى عايزه تاكلى ايه
ليلى : ماشى
(اختارت ليلى الاكل ونادى احمد الويتر وقاله عاللى طلبوه وجه الويتر ومعاه الطلبات قعدوا اتغدوا وبعدين طلبوا حاجه يشربوها وقعدوا شويه يتكلموا فى حاجات كتير راحو السينما
اختارت ليلى فيلم اجنبى ودخلوه وهما فى السينما كانو ماسكين ايدين بعض وليلى سانده راسها على كتف احمد ماكنتش مركزه فى الفيلم اصلا كانت مركزه مع احساسها بالفرحه واحساسها انها قريبه من قريبه من احمد ) خلص الفيلم
اتمشو ليلى قدام محل رجالى عارض جاكيت شتوى شيك جدا
ليلى : ايه رايك فى الجاكيت دا يااحمد
احمد : شكله حلو شيك
ليلى : طب يالا ندخل
احمد : ندحل فين بس تعالى يامجنونه
ليلى : علشان خاطرى يااحمد انا عايزه اشتريهولك هيبقى يجنن عليك
(دخلت ليلى المحل اشترته بفلوسها الجاكيت علشان دى هديه منها له )
(كانوا خلاص وصلو للعربيه ركبوا ومروحين عالبيت ركن احمد العربيه وقال ليلى اطلعى انتى اسبقينى وانا هطلع وراكى على طول )
وطلعت ليلى للورد بفرح وأخذته فى حضنها ودخلته اوضه النوم اخذت شاور وعبقال مخلصت كل اللى ورها كان احمد طلع
احمد :خدى الكيس دا خليه معاكى وافتحى فى اوضتك لوحدك
ليلى : ايه الكيس دا فى ايه
احمد : ادخلى اوضتك واافتحيه هتشوفيه
دخلت اوضتها وهيا طايره من الفرحه
فاتحته لقت فيه فستان بنفسجى وفى جيبه ورقه مكتوب فيها (( حبيبتى ليلى يارب تكونى انبسطتى النهارده حاولت اعمل اى حاجه علشان اعوضك عن اللى عملته الايام اللى فاتت وياريت تبقى تسمحينى ))
فرحت اوى ليلى وكانت هتموت من الفرحه ونامت وقعدت دعى ربنا انه يكون كده على طول طلع النهار صحيت ليلى علشان تحضرله الفطار
حضرت الفطار
وصحت احمد ( صحوا فطروا )
ليلى : احمد انت مارحتش الشغل انهارده صحيح
احمد : ياشيخه انتى لسه فاكره
ليلى : انا لسه مستوعبه دلوقتى والله
احمد : اانا اخذت اجازه النهارده وبكره كمان
( عدت الايام والامور كلها تمام مابين ليلى واحمد ونزل الشغل والحمد لله فى تفاهم كبير مابينهم وفى يوم حست ليلى بدوخه وحست انها حامل قررت تعملها مفاجاه لـ احمد واتصلت بيه )
ليلى : احمد ازيك
احمد : الحمد الله ياحبيبتى خير فى ايه
ليلى : انا حاسه ان انا تعبانه ياريت تيجى بدرى انهارده
احمد : فى اى ياليلى حاضر انا جاى دلوقتى مع السلامه
(( عملت ليلى الغدا وظبطت الدنيا ولاقت مسدج من احمد بيقولها ( انا قربت خلاص يدوب 10 دقائق واوصل )
ارحت ليلى تعمل تيست الحمل وزى ماتوقعت حصل فعلا حمل
كانت الفرحه مش سياعها استنت احمد عالغدا وقررت تعملهاله مفاجأه
ليلى : احمد عايزه اقولك على مفاجاه حلو اوى
احمد : يامفاجاتك ياست ليلى فاجئينى يالا
ليلى : انا حامل ياحبيبى اخيرا هتبقى اب وانا هبقى ام
وفجاه ؟؟
قصة غلطة حب 15 حلقة
قصه (( غلطه حب )) ..!!
الحلقه السادسه
قام احمد من عالسفره وهو بيزعق
احمد : حامل ؟؟ حامل ازاى يعنى
ليلى : يعنى ايه حامل ازاى
اجمد : يعنى انا مش عايز عيال دلقتى
ليلى : انت بتقول ايه يااحمد ازاى مش عايز عيال يعنى
احمد : يعنى انا مش عايز عيال اقولك بالانجليزى علشان تفهمى مش عايز عيال
ليلى وهيا بتعيط : يعنى انت عايزنى انزل البيبى
احمد : ايوه هتنزليه ومن بكره كمان
ليلى : ليه انزله انا نفسى اكون ام يااحمد
احمد : وانا مش عايز اكون اب دلوقتى ياليلى وبقولك اهو يانا يا الزفت اللى فى بطنك
ليلى : زفت .. انت بتقول على ابننا زفت انا افتكرتك هتفرح
احمد : افرح ايه قرف ايه هتلخمينى بعيال من دلوقتى ليه
ليلى : دى نعمه من ربنا محدش طايلها وانا بحلم باليوم دا من زمان
احمد : انا قولتلك الى عندى ياانا يا اللى فى بطنك فكرى يابنت الناس براحتك
وقمام لبس وزع الباب ومشى
اتصدمت ليلى من رد فعل احمد وماكنتش متوقعه ابدا ان دا هيكون موقفه زيها
قعدت تعيط واتصلت بيه اكتر من مره علشان يرد عليها ويرجع البيت وتتفاهم للاسف ماكنش بيرد عليها خالص
فضلت مستنياه طول الليل ولما فقدت الامل نامت التعب
تانى يوم بليل رجع احمد
ليلى : احمد اخيرا جيت كنت فين كل دا
اجمد : ملكيش دعوه كنت فين فكرتى هتعملى ايه فى البلوه الى فى بطنك دى
ليلى : مش هنزله يااحمد انت ايه مشكلتك مش فاهمه
احمد : لا هتنزليه ياليلى انتى مش هتلوى دراعى
وسابها ودخل الاوضه طلعت تجرى وراه
ليلى : ابوس ايدك يااحمد بلاش انزله انا بجد مش عايزه اموت ابنى ااموت الحلم اللى فعدت احلمه زمان
احمد : وانا ماعنديش استعداد اكون اب منك
ليلى : اب منى !! مش فاهمه
احمد : افهمى زى ماتفهمى لكن عيال مش عايز
قربت منه ليلى وهى بتتوسله انه مايخلهاش تنزل البيبى وهو مافيش فايده عدا يومين عالوضع دا رجع هو ينام فى اوضه وهيا فى اوضه كل يوم تتحايل عليه مافيش فايده وفى يوم وهيا بتتكلم معاه بتتحايل عليه
ليلى : ابوس ايدك يااحمد انت ايه الى حصلك ان احنا رجعنا زى زمان ليه اتغيرت تانى
احمد : واضح انى كنت غلطان لما اتعاملت معاكى كبنى ادمه بس انا اللى غلطان واستاهل ضرب الجزم
ليلى : هو انا عملت ايه لـ كل دا دا ابنك اللى فى بطنى مش ابن حد تانى
احمد : وانا قولتلك مش عايزه
قربت ليلى من احمد .. يااحمد دا دمك دا ابنك انت لما هتشوفه هتغير رأيك
احمد : ابعدى عنى بقى بلا اغير رأى بلا زفت انتى كرهتينى فى عيشتى هو انا هقول كلامى مليون مره ( وزقها)
كانت ليلى مش متوقعه انه يزقها نهائى بالعنف دا ولانها ضعيفه وقعت وقعت وقعه جامده واتخبطت فى الدولاب
مافيش ثوانى كانت ليلى بتنزف دم ومش قادره تتحرك
انفزع احمد من المنظر هو ماكنش قاصد كده ابدا وماتوقعش انها هتوقع بالمنظر دا حاول يتصرف ماعرفش يعمل ايه
اتصل بالاسعاف بسرعه يجوا يلحقوه بس دول عبقال مايجوا هتكون نزفت لحد ماماتت قالت ليلى : ابنى مات خلاص وفقت الوعى
شالها احمد بسراعه واخدها عالعربيه متبهدل دم وطلع على اقرب مستشفى كانت حالتها مستعجله جدا ولازم يوقفوا النزيف باى شكل دخلت اوضه العمليات وطلعت الدكتوره وهى بتقول ضرورى لازم ننقلا دم
احمد : فصيله دمها ايه
الدكتوره : A
احمد : حاضر هتصرف اتصل احمد بسرعه بصاحبه يوسف علشان يجى يتبرغ بالدم او لو يغرف حد ينفع يتبرع
احمد : الو يوسف الحقنى انا فى المستشفى الاهلى مراتى حامل وشكلها سقطت ونزفت كتير محتاجين حد يتبرع بالدم
يوسف : ايه دا امتى حصل الكلام دا
احمد : اجز يايوسف انا لسه هحكيلك
يوسف : حاضر مسافه السكه هكون عندك سلام
قفل احمد وه مش عارف يتصرف ازاى فصيله دمه غير دمها واهلها مسافرين واهله فى محافظه تانيه تقريبا هى متعرفش حد هنا غير صحبتها شروق ايوه شروق صح اتصل بيها اخد موبايل ليلى قعد يدر فى الاسماء لحد مالقى اسم شروق
احمد : الو السلام عليكم
شروق : ايوه مين معايا
احمد : انا احمد جوز ليلى ياشروق ليلى فى المستشفى واحنا محتاجينك ضرورى
شروق : مستشفى !! مستشفى ايه وايه اللى حصل
احمد : ليلى كانت حامل وسقطت ونزفت دم ومحتاجين حد يتبرع ارجوكى تعالى بسرعه
شروق : حاضر هصحى محمود جوزى وهنلبس حالا انتو فى مستشفى ايه
احمد : الاهلى التخصصى فى وينجت
شروق : طيب دى قريبه منى جدا حالا هكون عندك
وصل يوسف وبعدها بشويه وصلت شروق وجوزها محمود
يوسف : ايه اللى حصل
احمد : مافيش من ساعه ماجينا هى فى الاوضه
شروق : هى عامل ايه دلوقتى طيب
احمد : ممش عارف احنا لازم ننعرفهم ان وصل متبرعين علشان يلحقوها
شروق : هيا نزفت كتير
احمد : للاسف اه
شروق : امال انت كنت فين وازاى تسبها تنزف كل دا
احمد : مش وقته ياشروق خلينا نشوف مين فينا ينفع يتبرع بالدم دلوقتى بعدين نفهم الى حصل ( يوسف ومحمود جوز شروق وشروق كان فصيله دمهم زى ليلى واتبرعوا بالدم وشويه وطلعت الدكتوره )
الوقت طول اوى والدقايق بتعدى ساعات وايام
احمد قرب ينهار مش فاهم اللى حصل دا
يوسف : هو حصلها ايه لكل دا
احمد : كنت بتخانق علشان كنت عايزها تنزل البيبى وزقتها غصب عنى علشان تبعد وقتها وقعت عالارض ومافيش ثوانى ولقتيها بتنزف
يوسف: يعنى انت السبب انت اهبل ياجدع امكزماى تزقها وهيا حامل
احمد : والله ماعرف انها خفيفه كده ماكنتش قاصد اسقطها بالمنظر دا
يوسف : طب وانت اساسا عايزها تنزل البيبى ليه مكش فاهمك
احمد : مش وقته انا اللى فيا مكفينى عايز اطمن عليها
شويه وخرجت الدكتوره
خرجت الدكتوره حرى عليهم كلهم
احمد : طمنيني عامله ايه
الدكتوره : حالتها حرجه شويه
شروق : والجنين
الدكتوره : للاسف مات
احمد : يعني هي المهم عامله ايه
الدكتوره : هنحطها تحت الملاحظه جسمها ضعيف جدا ونزفت كتير لو عدت الكام ساعه الجايين علي خير ان شاء الله هتبقي كويسه
شروق : انا لازم افهم دلوقتي هو حصل ايه
احمد : انا مش قادر احكي اي حاجه دلوقتي بجد .. روحي انتي ياشروق انتي وجوزك وانا معايا يوسف لو فاقت ليلي هكلمك ان شاء الله
شروق : لا مستحيل انا قاعده هنا مش هسيبها الا اما تفوق واطمن عليها بنفسي
سحب يوسف احمد من دراعه
يوسف : هي صاحبه مراتك دي عارفه ان في بينك وبين ليلي مشاكل
احمد : معرفش يايوسف بس كلامها فعلا محسسني انها عارفه ان انا السبب بس انا ماكنتش بشوف ليلي تكلمها كتير يعني وبعدين دي ماكنتش تعرف اصلا ان ليلي حامل
يوسف : امال مالها بتحقق معانا كأنها مخبر كده
احمد : مش عارفه يايوسف انا مخنوق ومش طايق نفسي
يوسف : طب متيجي ننزل نقعد علي اي قهوه برا لحد مراتك ماتفوق
احمد : خايف تفوق وماتلاقنيش
يوسف : قول للمفتش كرمبو دي تتصل بيك اول ما مراتك تفوق
احمد : طيب
راح احمد لشروق قالها معلش انا هطلع اجيب حاجات من بره وجاي علي طول لو ليلي فاقت كلميني علي طول
شروق : حاضر هتصل بيك علي تلفون ليلي
احمد : ماشي عن ازنك
شروق : اتفضل
طلع احمد ويوسف وراحو قعدوا عالقهوة طلبوا اتنين شاي
كان شكل احمد مهموم وتايه وتعبان
ساله يوسف
يوسف : مالك يااحمد انا حاسس اني في حاجه مش طبيعيه وفي حاجه انت مخبيها عليا
اتنهد احمد بتعب وهو مش عارف يبدأ الكلام مني اصلا
يوسف : واضح ان الموضوع مش طبيعي ليه رافص انها تخلف
احمد : عشان انا مش عايز اخد الخطوه دي دلوقتي يايوسف
يوسف : ايوه مش عايز تادها ليه ايه اللي حصل يعني
( حكي احمد ليوسف كل حاجه من ساعة ماكتبوا الكتاب لحد اليوم ده )
يوسف : يانهار اسود يااحمد ايه الجنان ده
احمد : في ايه انت كمان انا بحكيلك عشان تسودها في وشي اكتر ماهي سودا اصلا
يوسف : ماهو بصراحه اللي انت بتقوله ده مش منطقي وجنان انت بتحاسبها عشان عملت كده معاك وهيا مراتك انت مجنون يابني
احمد : ماعرفش بس انا حسيت انها لو جاتلها فرصه مع اي حد تاني كانت عملت كده حتي لو مش مراته
يوسف : لا يااحمد بلاش هبل اللي انت بتقوله دا مش منطقي احنا نعرف ليلي من ايام الكليه وعارفين اخلاقها ياخي دا انا عمري ماشوفتها بتكلم حد غير المفتش كرمبو اللي جوا دي
احمد : مش عارف يايوسف
يوسف : لا يااحمد الصراحه انا مش معاك في اللي انت عملته دا حرام عليك ياشيخ دي مالهاش غيرك هنا اهلها كلهم برا ومالهاش حد تشكيله وحتي لو فكرت تحكي هتقول ايه دي فضيحه وعار علي كرامتها .. لا انت كمان مش من حقك تحرمها انها تكون ام لمجرد ان انت لسه مش قادر تسامح من قلبك اوي وخايف تفشل
احمد : انا مش خايف افشل
يوسف : امال اديني مبرر واحد مدام اتصالحتو وانت اللي صالحتها وانت اللي طلبت منها تكونو زوجين وهي سامحتك علي كل الاهانه اللي عملتها فيها وبدأت معاك صفحه جديده وحبت تكون ام ملكش مبرر الصراحه
( قطع كلام يوسف صوت تليفون ليلي كانت شروق اللي بتتصل رد احمد بسرعه )
ياتري قالتله ايه ؟؟
ياتري ليلي فاقت ولا لسه في غيبوبه
ياتري احمد هيقتنع بكلام يوسف
.قصة غلطة حب 15 حلقة
قصه ((غلطه حب )) ..!!
الحلقه السابعه
رد احمد علي شروق بسرعه
شروق : احمد ليلي فاقت تعالوا بسرعه
احمد : طيب طيب سلام انا جاي اهو
قام يوسف واحمد من القهوه بعد ماحاسبوا ورجعوا عالمستشفي دخلوا الاوضه عند ليلي متعلق ليها محاليل كتير ووشها شاحب واقفه جنبها شروق وماسكه ايديها وبتحاول تلفلها الطرحه علي شعرها كويس
ابتدت واحده واحده ليلي تفوق بصت لاحمد وسألته بعياط
ليلي : ابني مات صح
احمد : المهم انتي كويس
ليلي : ابني مات ياشروق مالحقتش افرح بيه راح مني ومش هعرف اعوضه تاني
شروق وهي بتهديها وبتطبطب عليها : ياحبيبتي معلش بتحصل كتير ومدام انتي كويسه وجوزك كويس هتخلفوا تاني ان شاء الله
ليلي : لا خلاص كل حاجه راحت
حاول يقرب ليها احمد شويه ويهديها
بس هي رافضت تتكلم معاه نهائي
ادخل يوسف عشان يلم الموقف والتوتر اللي بقي موجود
يوسف : انا شايف ان احنا نسبيهم مع بعض شويه وادينا اطمنا عليها الحمد لله
احمد : اه تقدروا تروحوا انتو دلوقتي تعبتكم معايا
سلمو كلهم علي ليلي واحمد وروحوا
وفضل احمد وليلي في الاوضه
جو من الهدوء والصمت مسيطر عليهم .. بيحاول احمد يتكلم معاها بس مش عارف يبتدي معاها ازاي
جرب يمسك ايديها بعدت ايدها عنه
احمد : انا اسف ياليلي ماكنتش قاصد دا
ردت ليلي بكسره وحزن : اسف علي اي مش كنت عايزني انزله اهو راح خلاص ونزلت دمعه من عنيها
احمد : بس انا ماكنتش عايز بالمنظر دا
ليلي : مش هتفرق يااحمد باي منظر خلاص اللي راح راح مش هتعرف ترجعهولي تاني خلاص
احمد : بلاش القسوه دي ياليلي
ليلي : قسوه وضحكت بتريقه .. حقيقي فعلا انا قاسيه اوي انا اللي معنديش قلب انا اللي قولت علي ابني قرف وقتلته بايدي
احمد : انتي بتقوليه اي قصدك انا اللي قتلت بأيدي
ليلي : ...................
احمد : ردي عليا ياليلي
ليلي : انا عايزه اطلق يااحمد
احمد : تتطلقي
ليلي : ايوه انا خلاص مش هقدر اسامحك بعد اللي انت عملته دا مش هقدر ابقي انا وانت في بيت واحد
احمد انتي مش في وعيك دلوقتي ياليلي
ليلي : انا اكتر مره اكون في وعي فيها النهارده من ساعه ماتجوزتك ... اول مره احس اني فوقت من الوهم اللي كنت عايشه فيه اول مره احس اني كنت عندك خدمه بكنس واطبخ وامسح عشان ارضيك اتحمل منك كل انواع الذل والاهانه والتجريح .. حولت اسعد ليله في حياتي واللي بتحلم بيها اي بنت لكابوس
خلتني عايشه ميته اتهمتني في شرفي وضربتني وحبستني 3 ايام زي الكلب ويوم ماحبيت اكون ام قتلت ابني وابنك بأيدك خليته بلوه كل ده وبتتكلم عن القسوه
( اتصدم احمد من كلام ليلي اللي مكنش متوقعه .. ضربته علي دماغه مليون ضربه .. مابقاش عارف المفروض يرد علي كلامها يقولها ايه )
احمد : اهدي ياليلي انتي منفعله احنا نقدر نعوض البيبي اللي راح
ليلي : نعوضه تاني .. لا خلاص يااحمد انا انا ا عايزه تاني ولا تالت سبحان الله دلوقتي بقي سهل نعوضه وموافق بعد ماضمنت انه راح خلاص واني مش ممكن احمل علي طول بعد النزيف اللي حصلي دا .. ومدام هو كده قتلته ليه يااحمد قولي قتلته ليه كرهته ليه قبل ماتشوفه .. كرهت انك تكو اب مني ليه يااحمد ليه قولي ليه يااحمد رد عليا وابتدت تتعصب وانهارت عياط وبقت تصوت دخلت الممرضه بسرعه
وقالتله : لو سمحت بلاش انفعال عليها
احمد : انتم ازاي سيبنها كده لازم تاخد ابره مهدئه
الممرضه : هسال الدكتور المسوؤل لو نفع هديلها حقنه مهدئه
حاول احمد يهديها من العياط والحاله اللي هي وصلتلها بس هي كانت رافضه حتي يقرب منها او تسمع صوته كانت كرهاه بكل معني الكلمه
دخلت الممرضه ومعاها الحقنه وادتهاله وشويه كانت ليلي نامت
فضل احمد سهرانم جنبها في في الاوضه وبيفكر في كل كلامها مبقاش عارف يتصرف ازاي مش ممكن يطلق ليلي .. مش هعرف اصلا اعيش من غيرها لا مستحيل مش هقدر هي اكيد منفعله دلوقتي ومش في وعيها اول ماتهدي هترجع تتعامل طبيعي انا عارف ليلي قلبها ابيض مستحيل هتتخلي عني دي بتحبني
( كانت مليون فكره وحوار بيدور جوا دماغ احمد افتكر لما قالتله انت قتلت ابنك بأيدك والكلمه وجعته اوي عشان هو عامل كده فعلا بس انا عملت كده من غير مااقصد ماكنتش عايز دا يحصل )
نام احمد عالكرسي من التعب صحي لقي ليلي صاحيه وساكته ماببتكلمش
احمد : صحيتي امتي
ليلي : .................
احمد : ليلي ردي عليا بالله عليكي
ليلي : .................
احمد : انا بس عايز اطمن عليكي
ليلي : طلقني يااحمد
احمد : انتي لسه مصممه عالموضوع دا ياليلي
ليلي : طلقني
احمد : ياليلي انا ماقدرش استغني عنك
ليلي : وانا مابقتش عايزه اعيش معاك لحظه واحده ارجوك تطلقني انا مش عايزه الجميله بتاعتك دي وشكرا انك انقذتني من الفضيحه وداريت عليا غلطتي اللي غلطتها مع جوزي
احمد : انسي اللي فات ياليلي خلينا نبتدي صفحه جديده
ليلي : اللي فات حاولت انساه واوضح انه مستحيل يموت وبعد اللي حصل لازم كل واحد فينا يكون من طريق
احمد : ياليلي
قطعته ليلي وبصتله نظره مافهماش
ليلي : انا مش عايزك تقولي ياليلي تاني انا كرهت اسمي اللي بسمعه منك كرهتك يااحمد كرهت كل حاجه طلقني يااحمد انا المرادي مش هتنازل عن الطلاق اثبتلي مره واحده انك راجل قد كلمتك وعندك دم وطلقني
احمد : دا اخر كلامك ياليلي
ليلي : ايوه دا اخر كلامي يااحمد انا مابقاش عندي كلام تاني ممكن يتقال ومن هنا لحد ماتطلقني ياريت مش عايز اشوفك هنا
احمد : وانتي هتروحي فين
ليلي : هرجع بيت اهلي كده كده معايا المفاتيح بتاعته
احمد : لا هترجعي بيتك ياليلي انا اللي هسبهولك
دا مش بيتي عمري ماحسيت انه بيتي قد ماحسيت انه سجن مستحيل هدخل البيت اللي اتكسر فيه كل حاجه حلوه جوايا
خرج احمد من الاوضه تايه وتعبان ومش مصدق ان كل حاجه انتهت مافيش فايده في ليلي مصممه علي موقفها
اتصل بشروق عشان تقعد معاها من غير مايرد علي اسئلتها الكتير اللي ماعندهوش رد ليها ورجع البيت يغير هدومه اول مره يدخل البيت ماتكونش ليلي جوا ... البيت هادي وكئيب دخل اوضه النوم واتصدم لما شاف مكان الدم عالارض قعد عالارض يعيط حس انه فعلا ماكنش بني ادم بس المرادي مافيش اي حاجه في الدنيا هقدر اعوضها بيها عن ابنها وعن الوجع اللي عملته فيها فتح الدولاب بتاعها لقي الطقم اللي جابهولها اليوم اللي اتصالحوا فيه متعلق اخده ريحتها فيه
قعد يتكلم بصوت تعبان مش هقدر اسيبك ياليلي مش هقدر اعيش لوحدي ياريت تديني فرصه اخيره ياريت تسمعيني
اخد الطقم في حضنه ونام
( في المستشفي )
وصلت شروق عند ليلي لقيتها بتعيط
شروق : عامله ايه انهارده ياليلي
ليلي : تعبانه ياشروق تعبانه اوي
شروق : اندهلك الدكتور طيب
ليلي : لا ياشروق انا التعب اللي جويا مش تعب جسدي دا تعب نفسي انا اتدمرت ياشروق اندمرت كل حاجه خسرتها خلاص
شروق : انا كنت حاسه ان الموضوع مش طبيعي
قعدت تعيط ليلي وقالتلها : لا مش طبيعي
شروق : امال حصل ايه احكيلي ماتكتميش في قلبك كل دا
ليلي : هحكيلك كل حاجه ياشروق هحكيلك
اتفاجئت شروق من اللي سمعته من ليلي
شروق : ايه اللي بتقوليه دا ياليلي انا مش قادره اصدق
ليلي : هو ده اللي حصل من يوم الفرح
شروق : وانتي ازاي رضيتي بالوضع دا انتي غلطانه
ليلي : كنت عايزه احافظ علي بيتي ماكنتش عايزه استسلم
شروق : ودلوقتي قررتي تعملي اي
ليلي : هطلق ياشروق
ليلي : هتطلق ياشروق
شروق : تتطلقي
ليلي : اه دا احسن حاجه ممكن تتعمل انا خلاص مش هقدر اعيش معاه ولا ادخل البيت بعد اللي حصل
شروق : بس انتي مفروض متاخديش القرار دا دلوقتي ياليلي لازم تفكري كويس
هفكر في اي تاني ياشروق انتي شايفه بعد كل اللي حصلي دا في امل اني افكر تاني احمد مش بيحبني ياشروق مكش بيحبني ( وهي بتعيط )
شروق : طيب خلاص اهدي انتي دلوقتي لما تطلعي من المستشفي هنبقي نتكلم في الموضوع دا
ليلي : هو انا هطلع امتي
شروق : احتمال بكره ماتستعجليش انك تخرجي عايزين نتاكد ان لاقدر الله مايحصلش نزيف تاني
ليلي : ماشي تعبتك معايا ياشروق
شروق : بطلي هبل انتي اختي يعني لو مافقتش جمبك هقف جمب مين
ليلي : طيب روحي انتي لبيتك دلوقتي قربنا عالمغرب واحمد مالهوش ذنب في كل دا
شروق : هسيبك لوحدك
ليلي : لا متقلقيش مش لوحدي الممرضات موجودين
شروق : ماشي هروح اعمل الغدا وانضف البيت واجيلك تاني علي بليل
ليلي : ماشي ياحبيبتي
( في البيت )
فاق احمد من النوم مفزوع لاقي نفسه نام للمغرب اتصل علي شروق ردت عليه
احمد : ايوه ياشروق ازيك
شروق : ازيك يااحمد خير
احمد : انتي عند ليلي في المستشفي
شروق : لا انا روحت اجهز الغدا لمحمود
احمد : ماقولتليش ليه ياشروق ازاي سيباها لوحدها
شروق : وانت محتاج عزومه عشان تروح تشوف مراتك
احمد : طيب طيب انا هروحلها
قفل احمد مع شروق وهو مخنوق من اسلوبها معاه .. هي بتهاجمني كده ليه دي .. هو انا ناقصها
فكر يقوم يلبس بس افتكر كلام ليلي انها مش عايزه تشوف وشه تاني
بس يعني ايه هيستسلم ويسبها لا طبعا
قام اخد دش لبس هدومه ونزل فورا
دخل عند ليلي الاوضه وهو خايف من رد فعلها لقاها نايمه مارضاش يصحيها
باسها من راسها حست بيه ليلي بس مارضتش تبينله انها صاحيه
قعد جنبها ومسك ايديها وباسها واتكلم بصوت واطي
احمد : انا عارف اني غلطان في حقك وجيت عليكي وعارف ان مش هعرف اعوضك عن الالم اللي عشتيه بس انا نفسي تسامحيني وتديني فرصه اخيره انا اناني فعلا
سمعت كلامه بس ماقدرتش تتكلم .. شويه وكانت شروق وصلت
اول مادخلت لقت احمد ماسك ايد ليلي قالتله عامله ايه دلوقتي
احمد : نايمه من ساعه ماجيت ومارضتش اصحيها
شروق : طيب روح انت يااحمد
احمد : اروح فين انا مستني ليلي تفوق عشان عايز اتكلم معاها واطمن عليها
شروق : معلش يااحمد اعصابها تعبانه دلوقتي اي كلام ممكن يتأجل لحد ماتطلع من المستشفي وكلها بكره ياريت بلاش نضغط عليها
احمد : خليها تطلع عالبيت انا مش هكون هناك
شروق : لا انا هاخدها عندي
احمد : تاخديها عندك فين جوزك
شروق : وايه المشكله
احمد : مراتي هترجع علي بيتها
شروق : خلاص اللي تشوفوه
احمد : عن ازنك
اول ماطلع احمد من الاوضه
صحيت ليلي وقالتلها شروق
شروق : ايه صحيتي
ليلي : انا صاحيه من قبل انتي ماتيجي
شروق : امال احمد قالي ليه انك نايمه
ليلي : انا عملت نفسي نايمه عشان مايتكلمش معايا في حاجه
شروق : طب هترجعي علي بيتك ولا عندي عالبيت
ليلي : مش عارفه والله ياشروق
شروق : انا شايفه فعلا انك ترجعي بيتك عشان دا حقك مش معقول هتخسري كل حاجه كده
ليلي : وانتي فكرك البيت دا اللي هيعوضني عن حبى واحلامى اللي ضاعت
شروق : عارفه انه مش هيعوضك بس دا ابسط حقوقك ومدام هو مش هيجي يبقي كده مافيش داعي تعترضي وانا هبقي اجي اقعد معاكي زي مابعمل هنا
ليلي : انتي شايفه كده
شروق : اه اسمعي كلامي
عدي اليوم دا وطلع النهار
شروق ومحمود وليلي في المستشفي وماشين رايحين عالبيت
دخلت ليلي البيت كانت متوقعه تلاقي احمد جوا بس مالقتش حاجه خلاص
وصلتها شروق وجهزت لها حاجه سريعه تاكلها ومشيت هي ومحمود وقعدت ليلي في البيت كانت نفسيتها تعبانه جدا ومش قادره تتخيل البيت من غير احمد
كل ماتبص علي اي ركن فيه وتفتكر ايام عشتها حلوه ووحشه
دخلت اوضه النوم واتفاجئت ...............
قصة غلطة حب 15 حلقة
قصه ((غلطه حب)) ..!!
الحلقه التامنه
لما دخلت ليلي اوضه النوم وبصت علي السرير لقت الطقم البمبي اللي جابهولها احمد يوم ماتصالحوا عرفت ان احمد طالعه من دولابها لما كانت في البيت
مسكت الطقم وقعدت علي السرير تعيط
اصعب قرار ممكن تاخده في حياتها انها تسيب احمد وتبعد عنه بس مابقاش ينفع تدوس علي كرامتها اكتر من كده الموضوع هيكون اصعب عليها
مسحت دموعها وحاولت تكون قويه وتواجه الايام اللي جاي لازم تعرف اهلها علي القرار اللي هي نوياه
بس لازم تعرف الاول احمد قرر يعمل ايه
ماهو لازمك يعرفني مش معقول هيسبني معلقه بالشكل دا
دخلت ليلي الحمام تاخد دش وتغير هدومها وتاكل
وهي طالعه من الحمام اتفاجئت بـ احمد قاعد بر علي الكنبه
ليلي : اي دا انت بتعمل ايه هنا
احمد : جيت اطمن عليكي
ليلي : كان ممكن تطمن عليا في التلفون انت قولتلي انك مش هتيجيلي البيت
احمد : لازم نتكلم ياليلي
ليلي : مبقاش في كلام ممكن يتقال انا قولتلك كل حاجه يااحمد خلاص
احمد : يعني انتي مصممه علي الطلاق
ليلي : ايوه يااحمد انا مش هرجع في كلامي تاني ابدا خلاص ارجوك خلينا ننفصل من غير مشاكل خلينا بحترم بعض للاخر
احمد : يعني دا اللي هيريحك ان احنا نسيب بعض
ليلي : ايوه
احمد : بس انا مش قادر ياليلي مش هقدر
ليلي : ليه مانت كده كده كمان 4 شهور كنت هتطلقني هنكون كملنا السنه
احمد : ماكنتش هطلقك
ليلي : كنت هتمدد المده شهري كمان ولا 3 ولا 4 كده كده هتطلقني عشان هتكون خلصت مهمتك الشريقه
احمد : بلاش تعملي فيا كده انا بقالي 3 ايام مانمتش ياليلي من التفكير
ليلي : اسفه يااحمد ... ياريت المره الجايه لما اشوفك يكون عند المأذون عشان تطلقني
اتعصب احمد : انتي بتضغطي عليا فوق طاقتي وبتحطيني في امر واقع عشان اطلقك .. انا مش هطلقك ياليلي مش هطلق
وسابها ومشي ... كانت فرحانه ان احمد لسه متمسك بيها وانه مش عايز يطلقها
اتصلت بشروق وحكتلها علي اللي حصل
شروق : طب كويس اوي كده .. الحمدلله كنت فاكركي هتبوظي اللي احنا اتفقنا عليه
ليلي : احمد صعبان عليا اوي ياشروق
شروق : معلش ياليلي لازم تجمدي وتحسسيه انك فعلا خلاص بايعه لازم تمشي زي ماتفقنا لازم يحس بقيمتك .. لازم يعرف انك مش لعبه في ايديه بيبع ويشتري فيها براحته
ليلي : طب وانا المفروض دلوقتي اعمل ايه
شروق : بما انه اكيد هيجي تاني البيت فانتي تغيري مفاتيح الشقه
ليلي : بس دا بيته بردو ماينفعش
شروق : معلش مش لازم يبقي سهل كده يدخل ويخرج في الشقه لازم يعرف ان في حدود
ليلي : طب وحاجته اللي في الشقه اودهاله فيمن
شروق : مش عارفه انتي ماتعرفيش هو بيروح يبات فين
ليلي : اه عارفه بيروح يبات مع بيوسف في الشقه
شروق : خلاص بسيطه اتصلي بيوسف
ليلي : انتي هبله اتصل بيوسف اقوله ايه
شروق : قوليله الخطه اللي احنا متفقين عليها
ليلي : لا طبعا ماينفعش
شروق : ليه مينفعش
ليلي : عشان حضرتك يوسف واحمد سر بعض واكيد لو شاف احمد بالمنظر دا هيقوله اللي فيها وساعاتها احمد مش هيعبرني واللي عملناه كله هيضيع علي الفاضي
شروق : تصدقي صح .. طب والحل
ليلي : انا عندي فكره انا هتصل بيوسف واقوله اني عايزه في موضوع ضروري بخصوصي انا واحمد
شروق : ايوه اللي هو اي الموضوع الضروري دا
ليلي : هقوله اني عايزه يقنع احمد انه يطلقني وهاخد معايا هدوم احمد وحاجته
شروق : صح كده انتي صح طب هتكلميه امتي
ليلي : بفكر اكلمه دلوقتي عايزه امشي بخطوات سريعه عشان ماديش لاحمد فرصه انه يفكر في اي حاجه
شروق : تمام اتصلي بيه دلوقتي وابقي عرفيني عملتي ايه
ليلي : اوك حاضر سلام
قفلت ليلي مع شروق وهي بتدور علي رقم يوسف في التلفون عندها .. فاكره ان مره احمد كلمه من تلفونها وهي سجلت رقمه عندها عشان لما تقلق علي احمد تتكلم علي تلفون يوسف
لقت الرقم وفعلا اتصلت بيه
ليلي : الو السلام عليكم ازيك يايوسف انا ليلي مرات احمد
يوسف : ليلي ازيك دلوقتي حمدلله علي سلامتك
ليلي : الله يسلمك يايوسف بقولك هو احمد عندك
يوسف : لا مش هنا دلوقتي في الشغل قدامه ساعتي كده وهيجي
ليلي : طب كويس
يوسف : هو مبيردش عليكي ولا ايه
ليلي : لا انا متصلتش بيه اصلا انا متصله بيك انت مخصوص عايزك في موضوع ضروري
يوسف : انا ؟؟ خير ياليلي في ايه قلقتيني
ليلي : انا عايزه اقابلك دلوقتي ضروري لو ماعندكيش مانع
يوسف : حاضر تحبي اجيلك فين
ليلي : تعالي عند البيت عشان معايا شنطه وحاجات عايزك تاخدها معاك
يوسف : شنطه ايه انتي هتسبي البيت ولا ايه ياليلي
ليلي : يايوسف هفهمك كل حاجه لما تيجي
يوسف : طيب مسافه السكه هكون عندك
قفلت ليلي مع يوسف واتصلت بشروق حكتلها اللي حصل وقفلت معاها عشان تحلق تلم حاجات احمد وتلبس هدومها
مافيش ساعه الا ربع كان يوسف بيتصل بيها بيقولها انا تحت البيت ياليلي انزلي
نزلت ليلي ومعاها الشنطه ودخلتها العربيه وقفت برا
يوسف : ادخلي ياليلي هتفضلي برا
ليلي : لا انا مش هدخل انا هقولك كلمتين وهمشي
يوسف : طب انتي هتمشي وبالنسبه للشنطه دي اللي في العربيه شايهل فيها مسروقات وهتبلغي عني ولا ايه هههههههه
ليلي : لا مش الفكره دي هدوم احمد
يوسف : ههههههههههههههههه طب وهدوم احمد هعمل بيها ايه انا .. هتبرع بيها
ليلي : بطل هزار يايوسف بقي شويه دي هدوم احمد عشان مش عايزه يجيلي البيت تاني
يوسف : مش فاهم
ليلي : يعني انا واحمد هنتطلق
يوسف : تتطلقوا ؟؟؟ لالا احمد بيحبك ياليلي مش ممكن اللي انتي بتقوليه دا خلاص
ليلي : انا جيباك هنا عشان تقنعه
يوسف : اااااااااه قولي كده بقي انتي بتحطيني انا في وش الاسد
ليلي : يايوسف انت صاحبه الوحيد اللي يقدر يقنعه
يوسف : اقنعه بإيه .. انه يطلق مراته
ليلي : يوسف لازم تقف جمبي
يوسف : مالقتيش غيري اقنعه بالمصيبه دي .. دا غير كمان المصيبه اللي في العربيه دي
ليلي : معلش يايوسف جميلك دا مش هنساه وانت زي اخويا
يوسف : طيب ياستي ربنا يستر
ليلي : ياريت تبلغني لما تقوله وتديله حاجته
يوسف : والله لو فات 24 ساعه من غير ماكلمك اعرفي ان الله يرحمني وان جوزك المجنون قتلني
ليلي : هههههههههه لا مافتكرش
يوسف : اضحكي ياختي مانتي مش خسرانه حاجه .. طيب عايزه حاجه انتي دلوقتي اجبهالك قبل ماامشي
ليلي : لا شكرا يايوسف مع السلامه
يوسف : مع السلامه
طلعت ليلي وهيا حاسه انها مشيت في اول خطه صح وكانن اختيار يوسف للمهمه دي اختيار كويس
دخلت ليلي البيت كلمت ليلي وحكتلها علي اللي حصل
شروق : انا حاسه صوتك بقي احسن دلوقتي
ليلي : مش عارفه ياشروق انا فرحانه وزعلانه وخايفه في نفس الوقت
شروق : طب زعلانه وعارفينها وفرحانه بردو عارفين عشان احمد متمسك بيكي بس خايفه من ايه بقي يالولو
ليلي : خايفه لاحمد يضايق من الحركه دي ويطلقني بجد
شروق : لو طلقك بجد يبقي هو مش بيحبك وبعدين دا حقك لان انتي تعبتي معاه اوي ولازم يحس بالتعب دا بقي
ليلي : ربنا يستر كلها شويه ويوسف يتصل بيا يقولي عمل ايه مع احمد
شروق : ان شاء الله خير اوعي تنسي تكلميني بس
ليلي : حاضر يلا باي دلوقتي
قفلت ليلي وهي خايفه من اخره اللعبه دي وقلقانه ومستنيه مكالمه زياد بأي شكل من الاشكال
( في بيت يوسف )
دخل احمد البيت
احمد : يوووسف يايووووسف انت يازفت فينك
ليلي : ايوه ياعم احمد في ايه انت فاكرني مراتك هاجي اقلعك الجزمه
احمد : بطل هزار الله يكرمك مش فايقكلك انا جاي اقوك اني هروح البيت النهارده وهصالح ليلي
يوسف : لالالالالا استني الله يكرمك انت .. تروح فين بس
احمد : ايه في اي رايح بيتي انا مش هفضل في الوضع دل
يوسف : استني يااحمد بس ليلي بعتلك شنطه هدومك معايا
احمد : انت بتقول ايه
يوسف : والله زي مبقولك اهو شنطه هدومك اهي
احمد : انت مجنون ياجدع ازاي تعمل كده من غير ماتقولي
يوسف : اقولك ايه بس ليلي اتصلت بيا قالتلي عايزاك في موضوع يخصني انا واحمد وقالتلي ماقولكش افتكرت انها عايزه تصالحك ومجهزه مفاجأه خصوصا انها قالتلي انها معاها حاجات مهمه
احمد : انت مجنون ياجدغ ازاي تعمل كده بردو من غير ماتعرفيني ادي غلطتي اني مصاحب عيال
يوسف : الله يسامحك ياعم احمد بس انا كمان عندي رساله ليك
احمد : بلا رساله بلا زفت
نزل احمد زي المجنو واخد العربيه علي البيت عند ليلي
_____________________
.
.
اتصل يوسف بسرعه بـ ليلي يبلغها اللي حصل
ليلي : ايوه يايوسف حصل ايه
يوسف : حصل نيله وهباب جوزك المجنون لما عرف كده بهدلني وقعد يزعق ونزل زي الاهبل وشكله كده جايلك
ليلي : يانهار اسود جاي يعمل ايه دلوقتي
يوسف : معرفش ياختي بقي شيلي ياختي مش دي افكارك المهببه
ليلي : طيب يايوسف انا هتصرف
يوسف : خلي بالك من نفسك ياليلي احمد مش فيه عقله دلوقتي
ليلي : ماتخفش عليا
قفلت ليلي بسرعه مع يوسف واتصلت بشروق وهي خايفه
وحكتلها اللي قاله يوسف واللي حصل
ليلي : طب وايه الحل دلوقتي اعمل ايه انا خايفه يضربني ولا يعمل فيا حاجه
شروق : لا متخافيش انا جايلك حالا
ليلي : جايلي تعمليلي ايه انتي كمان عايز يقتلنا بالجمله
شروق : امال اسيبك لوحدك معاه
ليلي : طب تعالى بسراعه
جات شروق عند ليلى
وقفلو الباب بالترباس
شروق : اوعى تفتحي حتي لو هيكسر الباب فاهمه
ليلي : حاضر فاهمه
قعدت شروق فى الاوضه مع ليلي وليلى مرعوبه مش عارفه تعمل ايه واخرتها ياربي في اللعبه دي شويه ولقت حد بيدخل مفتاح الشقه وبيحاول يفتحها عرفت ان احمد وصل
جرب احمد يفتح الباب والباب مش بيفتح خالص
احمد : افتحي ياليلي انا عارف انك جوا
ليلي : ....................
احمد : افتحي ياليلي احسن اكسر الباب عليكي
ليلي : امشي يااحمد ماتفرجش الناس علينا لو سمحت امشي
احمد : امشي ايه افتحي الباب مش همشي من هنا الا لما اعرف سبب اللي انتي عملتيه دا
ليلي : انت عارف ليه انا عملته امشي يااحمد الدنيا ليل مش عايزه الجيران تتفرج علينا الليله
احمد : بقولك افتحي ... وقعد يخبط علي الباب بكل قوته وهو بيزعق افتحي ياليلي بقولك افتحي
ليلي : امشي ابوس ايدك انا قولت ليوسف يقنعك تطلقني ارجوك كفايه كده بقي
احمد : طيب ياليلي مش انتي عايزه تطلقي
انتي طالق ياليلي طاااااااااالق
ومشي احمد وساب ليلي وهي منهاره مش مصدقه اللي هي سمعته ايه دا معقوله
طلقني بالبساطه دي
قعدت ليلي تعيط شويه لشروق
شروق : طمنيني عملتي ايه
ليلي : طلقني ياشروق طلقني ( وهي بتعيط )
شروق : طلقك معقوله دا اتجنن ولا ايه
ليلي : قولتك ان احنا هنكبر الموضوع وهخسره
شروق : ماتخسريه صدقيني هيفوق وهيرجعلك تاني كده كده في كل الاحول هو غلطان
( في عربيه احمد )
سايق بسرعه عاليه جدا ومتعصب ومش طايق نفسه يوسف عمال يتصل بيه ودا مابيردش علي اي حد اخر مازهق اح عامل الموبايل بتاعه سايلنت
وصل عند البيت بتاع زياد
يوسف : ايه ياعم مابتردش عليا ليه
احمد : عشان مش عايزه اعرفك تاني انا جاي اخد حاجتي من عندك وهغور في داهيه في ايه حتي تاني
يوسف : اهدا يااحمد بس انا كانت نيتي خير
احمد : اه نيتك خير عشان كده بعتلي معاك اني اطلقها مش كده
يوسف : يااحمد انا لحد ماروحتلها وانا معرفش عايزني في ايه
احمد : عموما ارتاح انا طلقتها خلاص
يوسف : طلقتها ايه يامجنون انت اكيد اتجنيت يااحمد
احمد : مش دي كانت المهمه بتاعتك تقنعني اطلقها
اديني وفرت عليك تعب الاقناع وفررت عليها التعب
يوسف : لا بس انا مش كنت هقنعها طبعا
احمد : تقنعي ولا مش تقنعني انا خلاص زهقت مابقتش قادر اتحمل القرف اللي انا فيه
يوسف : طب اهدا بس مش هتتنزل فين دلوقتي
احمد : مالكش دعوه رايح فين
يوسف : لا ليا دعوه طبعا
احمد : بقولك ايه يايوسف اطلع من دماغي دلوقتي احسن بلاش تخليني اخسرك انت كمان للابد
يوسف : لا انا مستحيل اسيبك في الحاله اللي انت فيها دي ابدا
احمد : ليه شايفنى مجنون ولا بشد فى شعرى انا طبيعى جدا اهو سبنى بقى ياخى
يوسف : طب انا هاجى معاك
احمد : لا انا عايز ابقى لوحدى مش دى شنطه هدومى
مسك يوسف ,.. لا ياعم مش هتاخدها انزل غير جو وتعالى
احمد : ماشى خد الشنطه كلها
نزل احمد تانى وساب الشنطه بتاعته مع يوسف
كان كده كده مش ناوى يرجع عالبيت عشان ماكنش طايقه فضل ماشى بالعربيه مش عارف هيروح على فين واحر مازهق وقف بالعربيه عالبحر ونزل قعد عالرمله قدام البحر كان الوقت متاخر والجو برد جد ومافيش عيره تقريبا عالبحر سرح فى الدنيا تانيه حاسس انه فى حلم طوووووويل اوووووى عامل زى الكابوس افتكر اخر ساعه
انا انا طلقت ليلى ... مسك دماغه وهو مش مستوعب اللى عمله ... ازاى بسهوله كده طلقتها ايوه هى حركتها مستفزه وماكنش مفروض انها تعملها بس بردو ماينفعش اطلقها كان لازم اسمع كلام يوسف واهدى قبل ما اروح
لا انا مش هينفع اسكت انا لازم اقوم اروحلها دلوقتى حالا لازم انى ماكنتش اقصد ابدا اللى حصل دا
قام احمد بسرعه ركب العربيه بتاعته وص لحد بيت ليلى
قعد يخبط كذه مره مافتحتش كان حاسس انها ممكن تكون نايمه قعد بتصل بيها اكتر من مره لحد ماصحيت شروق صحت ليلى
لقت ليلى احمد بيتصل بيها ردت عليه
ليلى : ايوه يااحمد
احمد : انا عالباب ارجوكى تفتحى
ليلى : ...........
احمد : ردى عليا ياليلى ارجوكى افتحى انا هبات عالسلم لو مافتحتيش رحت شروق قالت ليها : افتحيلو عادى
راحت ليلى فتحت الباب
كان شكله مبهدل خالص وتعبان مش هو احمد اللى دايما واخد باله من شكله فتحت الباب حبه صغيرين
ليلى : ايوه يا احمد خير ادينى فتحتلك
زق احمد الباب وداخل الشقه
احمد : انا تعبان ياليلى مش قادر حتى اتحرك
ليلى : انت حاسس بايه
دخلت شروق اخذته هيا وليلى عالكنبه وليلى مسكت دماغه لقت درجه حرارته عاليه
شروق : انت كنت فين قبل ماتيجى هنا
احمد : كنت على البحر
ليلى : قاعد عالبحر بالهدوم دى يااحمد واضح ان جالك برد
ليلى : الوقت متاخر مش عندى دوا تلحق الموقف
شروق : انا هنزل اجبلك الدواء البرد
ليلى : حاول تغير هدومك عبقال ماشروق تيجى
احمد : رايحه فين
ليلى : رايحه اعمل كمدات علشان الحراره
طلعت شروق بسراعه وفتحت ليلى ليها وليلى معاها الكمدات
لقو احمد واقع على الارض ومش حسس باى حاجه
نكمل فى الحلقه الجديده بقى
_هل ياترى ليلى هتكمل مع احمد وهتسامحه
_ ياترى احمد جراله ايه هيجراله ايه
هتعرفو فى الحلقه الجديده
قصة غلطة حب 15 حلقة
قصه ((غلطه حب ))
الحلقه التاسعه
.
.
.
اتخضت ليلى وشروق اكتر لما حاولو يفوقو احمد وهو مش حاسس بـ حد نهائى بس هم كانو لازم تصحيه لازم يعملولو حاجه ياكولها علشان يقدر ياخد العلاج دا قعدو يفوقو فيه مابقوش عارفين يتصرفو ازاى
ليلى : هنعمل ايه دلوقتى دا مش حاسس بحاجه خالص
شروق : اتصلى بيوسف قوليلو
اتصلت ليلى بيوسف
ليلى : يوسف ابوس ايدك الحقنى
يوسف : ليلى فى ايه خير
ليلى : الحقنى يايوسف احمد تعبان جدا
يوسف : هو فين
ليلى : عندى فى البيت
يوسف : طب انا جاى حالا
ليلى : بسرعه الله يخليك
نزل يوسف زى ماهو بهدوم البيت واخد العربيه طلع عالبيت عند ليلى لقى احمد تعبان جدا ودرجه حرارته عاليه وليلى وشروق بيفوقه فيه وليلى بتعيط
يوسف : احنا لازم ناخده المستشفى حالا
شروق : طب يلا يايوسف
يوسف : طب قولى لـ ليلى تحط عليه اى حاجه تقيله من فوق هاتيلى انا كمان
اى جاكيت من عنده البسه وانتى تقلى هدومك وليلى كمان الدنيا بتمطر تحت والجو برد جدا
شروق : حاضر حاضر
راحت ليلى عالدولاب تجيب اى حاجه تلبسها لـ احمد وحاجه ليوسف وشروق ولبست هيا البالطو بتاعها ونزلوا سندوا احمد والحمد لله ان العماره كان فيها اسانسير الا ماكنوش هيعرفوا ينزلوا بيه هما التلاته وصلو عالمستشفى ماكنش في وقتها الا الطوارئ
الدكتور : تقريبا عنده نزله شعبيه حاده
يوسف : طب وبعدين
ليلى بعياط : الله يخليك يادكتور اتصرف دا بقاله مده طويله اوى وحرارته عاليه اوى
الدكتوره : احنا هنعلقله شويه محاليل وهيكون كويس ان شاء الله
شروق : متخفيش ياليلى
ليلى : يارب ياشروق
ابتدت درجه حرارته تنزل شويه
يوسف : دكتور لو سمحت هو انا اقدر ارجعه عالبيت دلوقتى
الدكتور : اه مافيش مشكله بس لازم الادويه بتاعته ياخدها فى وقتها
شروق : اه ماتقلقش مراته اكيد هتاخد بالها منه
الدكتور : اوك اتفضل دى الادويه اللى المفروض ياخدها
ليلى : شكرا يادكتور
وطلع يوسف وشروق لقى ليلى قاعده وشكلها تعبان جدا
شروق : ليلى بقولك ايه يالا بينا نروح
ليلى : هنروح فين نسيب احمد
يوسف : لا احنا هناخد احمد
ليلى : بس دا لسه مافقش
يوسف : هنحاول نرجعه البيت مش هينفع تفضلى قاعده كده انتى وشروق مش هتفضل قاعده معاكى كل دا
شروق : اه ياليلى انا لازم اروح علشان محمود
ليلى : طب ياشروق روحى انتى علشان جوزك
روحت شروف البيت ويوسف وليلى روحو على البيت
يوسف وصل لحد اوضه احمد ونيمه
يوسف : لو حصل اى حاجه تانى كلمينى
ليلى : اسفه يايوسف صحيتك من النوم وبهدلتك معايا
يوسف : لا ابدا محصلش حاجه ابقى طمنينى عليه بقى
ليلى : حاضر تصبح على خير
يوسف : وانتى من اهله
قفلت ليلى الباب ورا يوسف ودخلت نامت فى اوضتها من تعب
صحى احمد اصبح قام احمد وغسل وشه ولبس هدومه راح اتكلم مع شيخ وساله فى موضوع الطلاق دا قاله ان هو لازم يدفع كفاره يمين وقعد يديله شويه نصايح فى معاملته مع زوجته وكده خرج احمد من الجامع وطلع علشان يدفع كفارة يمين
صحيت ليلى من النوم الساعه 7 مش لقت احمد فى البيت
اتصلت عليه لاقيته بيفتح باب الشقه
ليلى : انت كنت فين يااحمد
احمد : كنت فى الجامع بسال شيخ على موضوع الطلاق
ليلى : طب تاكل علشان تاخد الدوا
احمد : دوا ايه
ليلى : دوا البرد
احمد : برد ايه
ليلى : بعدين هفهمك دخلت ليلى المطبخ وتعمله اى لقمه ياكلها علشان تديله الدوا
اكل احمد وخدت علاج
ليلى : الدوا دلوقتى هيعمل مفعوله وهتبقى كويس
ودخلت المطبخ طلعت شويه خضار وفرخه وقالت هتعملهم عالغدا وفرصه ترد على شروق الى عماله تتصل حكلتها ليلى على اللى حصل
شروق : طب انتى هتعملى ايه دلوقتى
ليلى : اكيد مش هطرده من بيته وهو تعبان كده لازم اطمن عليه ولما يخف نبقى نتكلم
شروق : طب الف سلامه عليه ياحبيبتى لو احتجتى حاجه كلمينى
قفلت ليلى مع شروق ودخلت تكمل عمايل العدا ودخلت تطمن على احمد
ليلى : انت عامل ايه دلوقتى
احمد : احسن الحمد لله تعبتك معايا
ليلى : مش لوحدى يوسف كان معايا فى المستشفى
احمد : يوسف ؟؟
ليلى : اه لما لقيتك مابتردش عليا انا وشروق خوفت يكون حصلك حاجه اتصلت بيه وجه اخدك
احمد : كننى لبسه ايه لما يوسف جه
بصتله ليلى بصه غريبه وماردتش عليه
احمد : مش اقصد حاجه وحشه
ليلى : ولا تقصد ولا متقصدش انا هستنى لحد ماتخف لحد ماشوف انا هعمل ايه
كان خايف احمد جدا من للى ممكن يسمعه من ليلى ايه اللى ممكن تقوله
ليلى : اضمن منين يااخمد انك مش هتيجى عليا تانى .. اضمن منين انك مش هتتخلى عنى وتسبنى
احمد : مستحيل ياليلى ماانا لو عايز اسيبك او اتخلى عنك ماكنت هفضل اتحايل عليكى كل دا علشان ترجعيلى ياليلى
ليلى : نفسى اصدقك يااحمد نفسى احس بالامان وانك ممش هتغدر بيا
احمد : ادينى فرصه اخيره واوعدك انى مش هخيب املك فيا
سكتت ليلى كان خايف احمد اى كان نفسه الكابوس دا يخلص ويرجع لليلى تانى
ليلى : طب وبالنسبه لموضوع الطلاق
احمد : دا طلاق وقت غضب وسالت الشيخ عن الموضوع دا قالى لازم ادفع كفاره يمين ودفعته وجيت
ليلى : ماشى
احمد : افهم من كده انك موافقه
ليلى : ايوه موافقه يااحمد هثق فيك للمره الاخيره بس صدقنى المره الجايه قاطعها احمد صدقينى مش هيبقى فيه مره تانيه بوعدك
عدت الايام والامور مابين ليلى واحمد طبيعيه والحمد لله وفى يوم عالغدا رن تيلفون احمد
احمد : الو ايوه مين معايا
(صوت بنت ) ايه دا انت مش عرفنى
(ارتبك احمد شويه وليلى اخدت بالها )
لا مش عارف حضرتك مين
مريم : انا مريم يااحمد انت نسيتنى ولا ايه
قام احمد من عالسفره بسرعه ودخل البلكونه
احمد : انتى ايه اللى فكرك بيا بعد المده الطويله دى
مريم : انت اللى نسيتنى يااحمد انا سافرت عند اهلى امريكا وانت اللى قطعت الاتصال خالص وعرفتنى انك خطبت وبعدت
احمد : طيب كويس اديكى عارفه انى كنت خاطب ودلوقتى انا متجوز
مريم : ايه دا اتجوزت بسرعه كده
احمد : هو دا بالنسبالك بسرعه
مريم : مش عارفه
احمد : انتى متصله ليه دلوقتى
مريم : عايزه اشوفك واكلمك ضرورى
احمد : مش هينفع يامريم لو سمحتى انا مش عايزه مشاكل مع مراتى
مريم : ارجوك يااحمد فكر انا واقعه فى مشكله وماليش حد يقف جنبى غيرك
احمد : طيب ممكن نتكلم بعدين انا مش عايزه مراتى تشك فى حاجه دلوقتى لو سمحتى
مريم : اوك يااحمد انا هستنى اتصالك مع السلامه
طلع احمد وهو وشه احمر ومرتبك ومتوقع سوال ليلى
ليلى : كنت بتكلم مين يااحمد
قصة غلطة حب 15 حلقة
قصه (غلطه حب ) ..!
الحلقه العاشره
.
.
سالت ليلى مين كان بيكلمك يااحمد وبأرتباك رد عليها احمد
احمد : ابدا دى مكالمه فى الشغل
ليلى : طيب مدام هى فى الشغل ماتكلمتش جنبى ليه
احمد : عادى ياليلى ماكنتش سامع كويس والشبكه وحشه
ليلى : غريبه الشبكه مش وحشه ولا حاجه
احمد بعصبيه : خلاص ياليلى
شكت ليلى فى احمد حست انه بيكذب عليها وردت بزعل طيب
قامت ليلى تلم الاكل وهى مستغربه من المكالمه الى جت فاجأه وغيرت احمد
كان احمد سرحان وبيقلب فى القنوات
ليلى : هو انت ليه من ساعه المكالمه دى مش طبيعى وسرحان
احمد : لا انا حاسس نفسى تعبان وعايز انام بس
كانت كل الادله قدام ليلى بتاكدلها ان احمد بيكدب عليها
دل احمد نام شويه وقال لـ ليلى تصحيه وقت الماتش بتاع الاهلى النهارده قعدت ليلى محتاره ومضايقه من احمد بتبص لقت موبايل احمد قدامها اترددت تاخد الرقم تجرب مين اتصل واخر مزهق جمدت قلبها واخذت الرقم وكتبته عندها على الموبايل
خافت تتصل من تلفونها قالت مفيش غير شروق
اتصلت بشروق وحكتلها كل اللى حصل
شروق : اممم طب هاتى الرقم اتصل بيه اشوفه بنت ولا ولد
اخذت شروق الرقم وقفلت مع ليلى كانت ليلى خايفه اوى يطلع اللى فى بالها صح
مرت الدقائق وشويه اتصلت شروق بليلى
ليلى : ها شروق
شروق : ايوه بنت واستهبلت عليها قولتله اكلم منى قالتلى لا الرقم غلط اصبرى اغدى احمد ونفكر نعمل ايه بقى واتعاملى عادى وماتبينيش اى حاجه فاهمه
ليلى : فاهمه حاضر
شروق : انتى جوزك هيروح الشغل امته
ليلى : 9 اصبح
شروق طيب انا بكره هيجى نتكلم فى الموضوع دا سلام
قفلت ليلى مع شروق وهى بتغلى عايزه تقوم تصحى احمد وتولع فيه وكان معاد الماتش الاهلى قرب يجى صحى احمد وقعد يتفرج عالماتش كان كلامها قليل اوى معاه
احمد : مالك ساكته وهاديه كده ليه
ليلى : لا مقيش سيباك تركز فى الماتش
احمد : ليه همتحن فيه بكره
ليلى : مش عارفه عادى بقى
كانت ليلى فى ملكوت تانى خالص حتى لو كلمه ليها علاقه بالسوال
عدت الليله دى ونزل احمد الصبح للشغل
واتصلت ليلى بشروق وجات
شروق : انتى ياستى شكل حد بصلك فى الجوازه دى
ليلى : انا مش عارفه مبقعدش كام اسبوع كده كويسين لازم يحصل حاجه
شروق : بصى جايز يكون جوزك مظلوم
ليلى : طب واجنا هنعرف ازاى
شروق : طيب بصى انتى هتتعملى عادى لحد متحسيسه انك خلاص نسيتى الموضوع شوفي لو تصرفاته مش مظبوطه يبقى نشوف هنعمل ايه لو زى ماهيا يبقى كده احمد مظلوم
(فى الشركه )
قعد احمد ماسك التيلفون مش عارف يتصل بـ مريم ولا يطنش ماهو لو متصلش ممكن تتصل عليه تانى فى البيت وساعتها هتبقى مصيبه مع ليلى قرر احمد يتصل
مريم : الو يااحمد انا كنت مستنيه اتصالك
احمد : انا اتصلت علشان اعرف الموضوع المهم قولى بقى
مريم : مينفعش فى التلفونن لازم اقبلك لو ينفع دلوقتى ماشى هقبلك فيه كوستا عالبحر
احمد : خلاص مسافه الطريق هكون عندك
قفل احمد مع مريم وهو متوتر وحب يطمن على ليلى اتصل بيها وكلمها واطمن عليها مش عارف ليه بس كان حاسس بذنب وتانيب الضمير اتجاها
ونزل راح للمريم
دخل احمد شاف مريم
مريم : ازيك عامل ايه متغيرتش يااحمد
احمد : ولا انتى اتغيرتى
اخمد : ها ياستى طمنينى ايه الموضوع المهم اوى دا خلاكى تنزل من امريكا علشان تكلمينى
مريم : بختصار يااحمد انا عايزك تتجوزينى يااحمد
اتصدم احمد من طلب مريم
احمد : نــــــعـــــــــم
مريم : بص يااحمد انا اهلى عايشين فى امريكا وكده بس تفكيرهم العربى ماتغيرش خالص مصممين انهم يجوزونى واحد اكبر منى بـ 18 سنه وانا نفسى اسس حياتى زى حلمت ويبقى ليا مشروعى الخاص وانا قولتلهم ان اتجوزت واحد مصرى لما ضغطو عليا جامد
احمد : انتى ناسيه انى متجوز
مريم : لا مش ناسيه هما كام يوم كده فى سر على سنه الله ورسوله وطلقنى
احمد : انتى اكيد اتجنينتى يامريم
مريم : انا عارفه ان الطلب صعب بس ارجوك ساعدنى
احمد : اشمعنى انا يعنى
مريم : علشان انت الوحيد الى هيطلقنى من غير مايساومنى علشان متجوز وبتحب مراتك
احمد : وانا بحب مراتى مستحيل اعمل كده فيها
مريم : متستعجلش فى الرفض يااحمد الموضوع مستاهل تفكير على فكره احنا هنتجوز كام يوم وخلاص انا عندى بيتى ومعايا مصروفى وهنتجوز عالورق بس بس يعنى مش عايزه منك اى حاجه تانى ولا حتى اى حقوق ارجوك توافق دى هى كلها ورقه وخلاص فكر يااحمد ومستنيه ردك وافتكر حته الورقه اللى هنكتبها عند المأذون
وتنقذنى بيها احسن ماتفضل عايش بالذنب انك سبتنى اتجوز واحد قد أبويا يدفنى معاه بالحياه اوعدنى انك هتفكر
احمد : حاضر يامريم انا همشى دلوقتى علشان اتاخرت ياريت انتى مماتتصليش بيا ابدا وانا هبقى اتصل بيكى اقولك قرارى
مريم : اوك حاضر بس فكر كويس لو سمحت
مشى احمد وهو مصدوم ومتفاجئ من الورطه السودا الى حطيته فيها مريم رجع الشركه وحكى ليوسف
يوسف : ايه ياعم داخل زريبه مافيش ازيك السلام عليكم عامل ايه
احمد : بس يازياد الله يخليك سبنى فى حالى
يوسف : ايه ياعم مالك مضروب شبشبين ليه
احمد : انا ورطه مايعلم بيها الا ربنا
يوسف : قول انا عارف معرفتى بيك مش هيجى من ورها خير ابد متخانق مع ليلى تانى
احمد : لا ياريت
يوسف : امال سرقت الشركه
احمد : بس بطل هزار شويه واتكلم بجد
قعد حكاله احمد اللى حصل كله
يوسف : يانهار منيل بنيله
احمد : شوفت علشان لما اقولك انى فى ورطه تصدقنى
يوسف : دى مصيبه دا لو ليلى عرفت هطين عشتك وانت مش ناقص
قام احمد وراخ مكتبه وخلص شغله ورجع عالبيت
كانت ليلى مجهزه الغدا بتتعامل معاه عادى جدا واحمد لاحظ ان هيا عاديه فاطمن
وتانى يوم راح الشغل واتصل بمريم منها يتقابلوا فى نفس المكان
(فى الكافيه)
مريم : ايه يا احمد فكرت
احمد : ايوه فكرت يامريم ..
( لسه هيتكلم ككان تيلفون مريم بيرن ردت عالتيلفون )
مريم : ايوه يابابا انا بخير الحمد لله .. بجد جايين كمان اسبوع ... طبعا طبعا مستنياكم .. جوزى تمام اهو .. اه معايا )
مدت مريم اديها بتلفون لـ احمد وهى بتقول لباباها خد يابابا احمد معاك اهو شاورلها احمد انه مش هيكلم حد لكن ضغطت عليه مريم اخد التيلفون
( ايوه ياعمى .. اهلا بيك تنور ... مستنيك انا ومريم ... هتشرفونا .. هد مع حاضرتك اهى )
احمد : انتى ازاى تعملى كده وتخطينى امر واقع يعنى ولا ايه
مريم : اصل كل مره يتصل بيا بابا ويسالنى عن جوزى اقوله انه فى الشغل اشتغليت ان انت معايا النهارده وخليتك تكلمه
احمد : انتى تصرفاتك مستحيل تكون تصرفات واحده عافله ابدا انتى عرفتى قرلاارى
اتعصب احمد وقام وسابها ومشى
رجع احمد البيت ولقى ليلى قاعده بتعيط قالها مالك ياليلى
سكتت ليلى ومردتش غليه وقعدت تعيط اكتر
احمد خاف تكون عرفت حاجه سالها تانى
مالك ياليلى فى ابه ؟؟. ......
.قصة غلطة حب 15 حلقة
قصه (( غلطه جب ))
الحلقه (11)
.
.
احمد : مالك ياليلى بتعيطى ليه
ليلى : فات شهرين ولسه ماحصلش حمل
احمد : لا ياليلى مايمكن ربنا مش رايد
ليلى : لا يااحمد انا قلقانه لـ مش اخلف خالص وتكون الحادثه دى والنزيف يكون السبب
احمد : بلاش تخلى الشيطان يلعب فى دماغك ياليلى
ليلى : لا يااحمد انا لازم اروح للدكتور واتاكد
احمد : خلاص زى ماتحبى روحى للدكتور
عدى اليوم ونزل احمد الشغل
واتصل بـ مريم قالها انه موافق على موضوع الجواز دا وقالها بعد مااهلها يسافروا كل واحد فيهم هيروح من طريق وفقت مريم على كلامه
وليلى قالتله وقالتله انها حجزت معاد عند الدكتور الساعه 9 ياريت متتاخرش عليا
خلص شغله وراحت كشفت والدكتور قالها ان الحمل مش هيحصل بسهوله زى الاول بس لازم تنتظم على الادويه طلعت ليلى من عند الدكتور وهيا مضايقه ومخنوقه وبتعيط
احمد : مالك ياليلى بتعيطى ليه يابنتى اكيد هيحصل حمل بس خليكى منتظمه على الادويه
ليلى : انا مش عايزه اتكلم فى الموضوع يااحمد (بعصبيه)
وصلو البيت ليلى مش بتكلم مع احمد خالص طول اليوم ليلى زعلانه منه ومش طايقه هو السبب فى اللى هيا فيه هو اللى حرمها من انها تكون ام واحمد بيفكر فى تفكير ليلى وخايف من اللى بيجرى فى دماغها وبيفكر فى مريم وهيعمل اى معاها
كانت العلاقه ليلى مع احمد بتذداد سوء ليلى متجنبه احمد خالص وكلامها مع قليل جدا
احمد : انا مسافر اسبوع تبع الشغل ماموري ضرورى لازم اخلص
ليلى : ماشى يااحمد ترجع بسلامه
احمد : هتعملى ايه خلال وانا مسافر
ليلى : هروح اقعد عند شروق جوزها مسافر السعوديه سنتين هروح اقعد عندها
احمد : ماشى خلاص زى ماتحبى
طلع النهارد ومشى احمد راح للماذون هو ومريم وراحت ليلى عند شروق ووصت يوسف يبجلها العلاج على طول وكتبو الكتاب احمد ومريم واحمد من اول ماخرج منطقش بكلمه ومريم مستغربه وركبين العربيه علشان يجيبو اهل مريم كان شكل فى السن قبلو احمد بترحيب كبير واتكلمو معاه
وصلو البيت كانت مريم مجهزه كل حاحه مشيت تمام عدت ليلى تمام وكل شئ حصل زى ماهم عايزين واحمد اتصل بليلى اطمن عليها وكان حاسس ببرود فى صوت ليلى وتانى يوم اتصل احمد بليلى كانت الساعه 8 بليل
احمد : ايوه ياليلى عامله ايه طمنينى عليكى
ليلى : ازيك يااحمد بجد انت هتيجى امته بقى
احمد : حلاص هانت ياليلى كلها 3 ايام وجاى هانت
ليلى : مستياك اوى بقى
احمد : غريبه اى الى غير فكرتك
ليلى : حسيت انى غلطانه انى بعمل معاك وحش قبل ماتسافر
( كانت مريم بتسمع المكالمه بينهم وكانت متغاظه وخصوصن ان هيا كانت بتحب احمد حبت تغرى احمد بجمالها وفعلا نجحت فى كده وخليته يقرب منها والجواز مبقاش على ورق بس بقى زى اى اتنين متجوزين حست مريم انها انتصرت عليه وملكته فضل الوضع دا 3 ايام لحد ماهلها سافرو )
واخير فاق احمد من اللى كان وندم احمد جدا لانه خان ليلى ورجع لـ ليلى
لحظت ليلى انه بيعملها ببرود اول مادخل سلم عليها ببرود وحط شنطته على الارض ودخل على اوضته كانت فاكره ان احمد هيستقبلها احسن من كده دخل احمد اوضته وبيحاول يطرد مريم من افكاره ومش قادر ... طب ليلى ايه ذنبها لا مينفعش اظلمها انا لازم اطلق مريم وكل واحد يروح لحاله عدى اليوم وتانى يوم الصبح صحى احمد وهو مقرر انه ميردش على تليفونات مريم لحد ميطلقها ويرد يقولها انه طلقها راح حكى ليوسف اللى حصل يوسف مسكو زعقلو وبهدلو وقاله ان لازم يطلقها عدى 3 ايام ومريم عمله تتصل بيه وجات الشركه فى اليوم الـ 4 دخلت الاول على يوسف
مريم : ازيك يايوسف
يوسف : مريم ؟؟
مريم : اه مريم مالك استغربت ليه هو فين احمد ؟؟
يوسف : ابدا ابدا ايه اللى هيخلينى استغرب يعنى احمد فى مكتبه
مريم : طيب ...عن اذنك
دخلت لـ احمد
مريم : ممكن اعرف مبتردش على تلفوناتى ليه
احمد : انتى ايه اللى جابك هنا ... علشان مش عايز ارد وارجوكى امشى من هنا الناس كلها عارفه انى متجوز ووجودك هنا غلط عليا
مريم : انا مستنياك فى البيت انهارده في موضوع ضرورى تعرفه وان مجتش هروحلك البيت عند ليلى وقولهالك هنا ومشيت
رحلها احمد غصب عنه علشان خايف لليلى تعرف وساعتها مش هتسمحه طول عمرها راح لمريم البيت واتصل قال لـ ليلى انه هيتاخر ساعه كمان
احمد : خير عايزه ايه منى يامريم
مريم : احب اقول لحاضرتك يااستاذ احمد انى لعبه اللى لعبنها مش هتنتهى بسهوله زى مانت فاهم
احمد : عايزه تقولى ايه انجزى
مريم : يعنى انا حامل ياااحمد ‏‎gasp‎‏ رمز تعبيري ‏‎gasp‎‏ رمز تعبيري
نكمل بقى فى الحلقه الجايه ‏‎smile‎‏ رمز تعبيري ‏‎devil‎‏ رمز تعبيري
.
.
هل ياترى تصرف احمد هيكون ايه
ياترى هيعمل فيها زى ماعمل فى ليلى
ولو ليلى عرفت هيكون ردها ايه وهتعمل ايه فى احمد
قصة غلطة حب 15 حلقة
قصه (( غلطه حب )) ..!!
الحلقه ( 12 )
اتصدم احمد من كلام مريم
احمد : بتقولي ايه حامل ازاي
مريم : يعني حامل
احمد : اكيد طبعا اللي في بطنك دا هينزل
مريم : اه يبقي انت بتحلم اسمع يااحمد انا استحملت معاملتك الزباله معايا اليومين اللي فاتوا عشان انا بحبك
احمد : بتحبيني ايه وزفت ايه انتي عايزه تقنعيني ان الاسبوع اللي قعدت فيه معاكي دا خلاكي تحبيني
مريم : لا مش الاسبوع انت انسان مش بتفهم انا بحبك من زمان .. انت فاكر ان الحوار بتاع اهلي اللي غاصبني عالجواز والرجل الكبير اللي عايز يتجوزني
والروايه اللي قولتلك عليها ديه حقيقه
احمد : امال انتي كنتي بتضحكي عليا
مريم : كله كان فيلم عملته عليك عشان تتجوزيني هو انت فاكر اني ماكنش في ايدي اتجوز اي واحد غيرك بالفلوس واخليه يطلقني بالفلوس تبقي غلطانه اوي انا كنت عايزك انت وكنت عارفه انك هتضعف قدامي
احمد : دا انتي شيطانه
مريم : ماتحسسنيش ان انت اللي ملاك اوي .. ومدام حضرتك ملاك كده وافقت ليه من الاول انك تتجوز علي مراتك وتكدب وتمثل عليها لعلمك انا وانت عينه واحده
( ضربها احمد بالقلم علي وشها )
مريم : اسمع يااحمد انا لحد دلوقتي مش عايزه اوريك الحقاره اللي علي اصولها
بس خد بالك اللي في بطني مافيش قوه هتخليني انزله وهولده وهيتسجل بأسمك ولو فكرت تقل بعقلك معايا
رقم ليلي معايا هكلمها وهحكيلها علي موقفك البطولي معايا كراجل ( بضحكه مسفزه ) بصلها احمد بقرف وهو مش عارف يتصرف ازاي
احمد : يعني انا حرمت مراتي من انها تكون ام عشان انا اكون اب من واحده غيرها كان يااحمد مش قادر يفكر ولا قادر يعمل ايه حاجه دماغه قربت تنفجر وقع في مصيبه مش عارف هيقول ايه لـ ليلي لو عرفت حاجه زي دي مستحيل هتسامحيني مستحيل
كان وقف بالعربيه تحت بيت يوسف
دخل البيت علي طول وكالعاده يوسف عارف
يوسف : يامصابيك يااحمد بيه ها ايه المصيبه بتاعه النهارده
احمد : مريم حامل
يوسف : ايييييييييييييييييييه انت بتقول ايه حامل يانهار
احمد : شوفت المصايب اللي نازله ترف علي دماغي اخر حاجه كنت اتوقعها
يوسف : دي اكبر مصيبه فعلا ممكن تكون عدت علينا لازم تنزل البيبي دا
احمد : مش راضيه وهددتني اني لو ماتعدلتش معاها هتقول لـ ليلي
يوسف : لالالالا بقولك ايه اقعد كده خلينا تفكر في حل للمصيبه السودا دي
احمد : ..................
يوسف : بقولك ايه يااحمد مش هينفع نهائي انت عارف معني انك تكون اب دلوقتي من مريم بعد المصيبه اللي عملتها مع ليلي قبل كده انك ممكن تقضي عليها
احمد : مانا عارف وبعدين انا مش عايز اكون اب اصلا من مريم ازاي دي تكون ام عيالي دي شيطانه
يوسف : مش وقته شيطانه ولا زفت انت لازم تحرقلها الكارت اللي هي بتهددك بيه
احمد : انت اتجنينت عايزني اقولك لـ ليلي
يوسف : لا طبعا
احمد : امال
يوسف : انت تبعتلها رساله بكره تقولها انك حكيت كل حاجه حصلت لـ ليلي وانها تبعد عنك
احمد : وتفتكر هتدخل عليها
يوسف : ايوه هتدخل عليها قولها كده بلاش في رساله قولها في وشها خليها تشوف ثقه في عينيك ساعاتها هتنكسر
احمد : انا خايف يايوسف الموضوع يكبر
يوسف : واضح انها كانت لعباها ومخططاها صح عشان توقعك وعارفه كويس الكارت اللي تضغط عليك بيه
احمد : انا ماكنتش متوقع انها شيطانه كده
يوسف : انا لما شوفتها في المكتب كنت حاسس ان مجيتها مش ورها خير لازم بكره تنهي معاها الموضوع دل زي ماقولتلك عشان ماتروحكش هي تتصرف وتقول لـ ليلي
وساعات مفيش قوه هتخلي ليلي تسامحك
احمد : فعلا انا همشي دلوقتي عشان اتأخرت علي ليلي
يوسف : ماشي خليكي طبيعي معاها بس
احمد : ربنا يسهل
نزل احمد من عند يوسف وهو نفسه يكون في كابوس ويصحه منه قريب
وصل عند ليلي
ليلي : ايه ياحبيبي اتاخرت كده ليه
احمد : طلعت مع يوسف شويه كان مضايق وحبيت افك عنه شويه
ليلي : ثواني اجهز العشا
احمد : لا ياحبيبتي تعبان اوي انهارده ومليش نفس اتعشي انتي
ليلي : ماشي
دخل احمد ينام وهو مش عارف ينام بس عايز يهرب منن ليلي ونظرتها اللي مليانه اسئله مله مر الليل طويل اوي ومن كتر تفكيره سرح ونام
تاني يوم راح البيت عند مريم
عشان يقولها الكلمتين اللي اتفقو عليه هو ويوسف
مريم : كنت عارفه اني مش ههون عليك انا وابني
احمد : بس متقوليش ابني .. انا لا يمكن هسمحلك تكملي في لعبتك دي للاخر
مريم : تاني هتقول الكلام دا
احمد : اسمعي يامريم لو كنتي فاكره انك بتهدديني بـ ليلي فانا اعترفتلها بكل حاجه
مريم : اعترفتلها
احمد : ايوه قولتلها كل حاجه
مريم : ايه الرجوله اللي نزلت عليك فاجأه ديه
احمد : احترمي نفسك يامريم انا راجل غصب عنك
مريم : هو في راجل يتخلي عن ابنه
احمد : ايوه لو كان ابني من واحده محترمه
مريم : انا محترمه غصب عنك
( مسكها احمد من درعها وزقها ع الارض ونزل )
اتعصبت مريم من رد فعله
ماشي يااحمد انا هوريك وريني بقي الرجوله هتوديك لفين
قامت مريم لبست هدومها واخدت اورق تحاليل الحامل وقسيمه الجواز وحطتهم في الشنطه وخدت العربيه ونزلت
وصل احمد البيت عند ليلي كالعاده ليلي حاسه انه مش طبيعي بس سكتت
وجهزت الغدا لسه قاعدين عشان يتغدوا
جرس الباب كان بيرن
.
قامت ليلي تفتح الباب كانت مريم في وشها
ليلي : ايوه حضرتك مين
مريم : ممكن تسمحيلي ادخل
ليلي : ايوه لما اعرف مين حضرتك وعايزه ايه
مريم : هتعرفي كل حاجه دلوقتي
اول ماسمع احمد صوت مريم عارف انه وقع في المصيبه خلاص
دخلت مريم وقعدت
مريم : اظن احمد موجود ياريت تنديله في القاعده الحلوه دي
ليلي : انتي تعرفي احمد منين
مريم : هتعرفي كل حاجه مش تستعجلي
ليلي : يااحمد يااحمد
جه احمد
مريم : ايه يااحمد مش المفروض انك حكتلها كل حاجه بردو
ليلي : حكالي ايه مش فاهمه
مريم : تؤتؤتؤ .. كده يااحمد تكدب عليا وتقولي انك عرفت لـ ليلي ان انا مراتك
ليلي : مراااااااااته
احمد : سيبك منها ياليلي دي واحده متخلفه عقليه
مريم : عيب كده يااحمد تشتمني قدام ليلي اه ياحبيبتي مراته
وفتحت شنطتها وطلعت منها قسيمه الجواز وادتها لـ ليلي بصت فيها ليلي
وهي مش مصدقه نفسها ومصدومه وبتزعق لاحمد
ليلي : ايه دا يااحمد اللي بتقوله الست دي حقيقي ولا لا ماترد علياااااااا يااحمد
ساكت ليه
مريم : اهدي ياليلي مش لما تعرفي جوزك كمان عايز يعمل فيا
ليلي : هو لسه في حاجه كمان ماعرفهاش
مريم : ايوه طبعا في اهم حاجه قربت مريم من ليلي وماسكتها من كتفها وقفت ورها
ليلي : ...............
مريم : يرضيكي كده ياليلي جوزك عايزني انزل اللي في بطني ... يرضيكي يعني انتي لو حامل ترضي تتخلي عن ابنك كده ببساطه .. اسفه نسيت انه صعب شويه دلوقتي انك تحاملي
كان احمد واقف مصدوم مش عارف يتكلم يقول ايه ولا يبرر ايه ولا ايه ورحت مطلعه كمان تحليل الحامل وادته لـ ليلي
مريم : عقلي جوزك ياحبيبتي
ومشيت وسابتهم
ليلي مابقتش قادره تستوعب اغمي عليها تماماُ
شالها احمد اوضه النوم وفوقها
قعدت مده طويله فاقده النطق ومش قادره تتكلم بس بتعيط
احمد : ليلي ردي عليا ياليلي انا اسف عاللي حصل
لسه بيكمل كلامه كانت ليلي بتزعق في وشه قامت من عالسرير وقفت
ليلي : كل مره تغلط في حقي وتقولي اسف مره تضيع فرحتي كعروسه وتبهدلني وتقولي اسف ومره تضيع فرحتي كاام وتقولي اسف وتتجوز عليا وتقولي اسف غصب عني لا وكمان حامل منك وتقولي اسف
اسف علي ايه ولا ايه
الغلطه مش غلطك الغلطه غلطتى انا اللى استاهل الحرق انى سامحتك انا اللى بعتلك نفسى وكرامتى علشان بحبك ياخى ملعون ابو الحب اللى يخليك تعمل فيا كده
احمد : اهدى ياليلى
ليلى : اخرس خاااالص مش عايزه اسمع اسمى على لسانك انت لسه هتقولى اهدى انت عمرك ماكنت راجل معايا فى حاجه انت دمرتنى
احمد : ليلى افهمى اللى حصل الاول
ليلى : انا اصلا كنت شاكه فيك من الاول بس بغبائى مادورتش وراك شكيت اديتك الامان والثقه ادى اخرتها تتجوز علياااا انا ليه يااخى ليه
احمد : اللى حصل دا كان غصب عنى
ليلى : فعلا كان غصب عنك اتجوززتها غصب عنك كانت عملالك تنويم مغناطيسى ولا تهديد تحت السلاح يعنى كل الوقت دا بتتضحك عليا شغل وماموريه ماكنتش اى حاجه كنت بتقول كده علشان تروح للهانم الجديده وانا المغفله الهبله اللى مضحوك عليها
انهارت من العياط واخذت شنطتها وبتلم هدومها
وفتحت باب الشقه ورزعته جامد ركبت تاكسى ورحت لشروق
واحمد قام لبس وونزل راح على مريم
اول مادخل لطشها بـالقلم احمد : انتى شكلك عايزانى اموتك دلوقتى
مريم : موتنى لعلمك انا مبلغه البوليس واهلى ان لو حصلى اي حاجه هتكون انت السبب وهتروح فى ستين دهيه
احمد : انتى مش بنى ادمه انتى فعلا شيطانه
وسابها ونزل قعد يتصل بليلى ماكنتش بترد عليه اتصل بشروق
شروق : ايوه يااحمد عايز ايه
احمد : عايز ليلى
شروق : اسمع يااحمد شرق دلوقتى منهاره روح خل مشاكلك مع الهانم الجديده وبعدين ابقى دور عالغلبانه وقفلت السكه فى وشه
كان احمد منهار جدا ومش عارف يتصرف ازاى عرف انه خسر كل حاجه بغبائه وصل لحد بيت يوسف وحكاله احمد كل اللى حصل
وفجاه ؟؟
نكمل الحلقه الجايه بقى
اى رايكم فى الحلقه
وياترى احمد هيعمل ايه
وليلى هتطلب الطلاق ولا هترجع البيت وهتسامحه
ومريم هتعمل ايه تانى فى احمد
قصة غلطة حب 15 حلقة
الحلقه (13) من قصه (( غلطه حب )) ..!
.
,
طلع النهار كل واحد فاق من النوم كان حاسس انه بيحلم وعايش فى كابوس
شروق : ليلى انتى صحيتى
ليلى : انا ماعرفش انام اصلا ياشروق
شروق : ليه بس كده ياحبيبتى هدمرى نفسك علشان احد ندل زى دا
ليلى : حاسه انى حبيت واحد واتجوزت واحد تانى خاص ماتوقعتش لحظه ان يكون احمد كده ابدا تعرفى ياشروق لو كنتى تعرفى انا كنت راسمه احمد دا ازاى فى خيالى ماكنتش هتصدقى اد ايه انا كنت بس انا عارفه ان الحل الوحيد هو ان كل واحد فينا يروح لحاله ونتطلق ايوه انا هطالق لازم اطالق
عدى 3 ايام كان الوضع على ماهو عليه احمد بيكلم ليلى مابتردش عليه ولو اتصل بشرق تسمعه كلمتين زى الزفت وتقفل فى وشه اما بنسبه لمريم فهى بتحاول بأى شكل تاخد احمد فى صفها خصوصا انها عرفت ان الوضع بينه وبين ليلى زى الزفت وانها سابتله البيت ومشيت فدى كانت فرضتها الوحيده علشان تكسب احمد للابد اما احمد فكان كل همه يبعد عن مريم تماما وبتجنب اتصالاتها او انه حتى يشوفها صدفه اى نتيحه بس ماكنش عنده حل ومش عارف يتصرف معاها ازاى فى مره اتصل بـ ليلى وهو فاقد الامل تماما انها ترد عليه واتفاجى انها ردت عليه
ليلى : اسمع يااحمد انا رديت عليك علشان اعرفك انى طالبه الطلاق والمرادى مش هرجع فى قرارى حصل صدقنى انا بندم جدا انى ماصممتش على القرار دا من زمان عشان كده انا استاهل كل الى حصل فى حقى دا .. اثبتلى مره واحده فيها انك راجل وطلقنى .. انا بكرهك يااحمد
قفلت السكه فى وشه وهى بتعيط اتصدم احمد من المكالمه دخل عليه يوسف
يوسف : ايه يااحمد انت بتعيط يااحمد
احمد : ليلى كلمتنى
يوسف : وبعدين
احمد : عايز تتطلق
يوسف : دا الى كنت متوقعه انا شايف انك ماتضغطش عليها يااحمد سيبها بجد تاخد قرارها براحتها لحد ماتحل امورك مع مريم وتشوف هتعمل ايه ماتنساش كمان مريم حامل واللى فى بطنها مهما عملت هو ابنك ومالهوش ذنب فى غلطتك انت وهى يعنى بلاش تكرر وتغلط الغلطه وتخليها تنزله وتموت ابنك تانى .. هتزول النعمه من وشك انت كده هتغضب ربنا اكتر من كده مش معقوله هنصلح الغلط بغلط اكبر منه اسمع كلامى ياااحمد الموضوع دا بالذات مش محتاج تفكير صدقننى يااحمد لو عملت كده هيكون فى مصلحتك انت وليلى
احمد : انت اهبل فى مصلحتى من انهى اتجاه بالظبط
يوسف : فى مضلحتك انها هتبعد وهتفكر براحتها واننت كمان هتقدر تفكر فى مشكله مريم دى بهدؤء لازم المواضيع دى تهدى خالص علشان تقدر تشوف حل
احمد : هبفى افكر فى الموضوع دا
( طول الليل ليلى بتفكر فى قرار احمد ياترى يااحمد هتبقى راجل مره احده فى حياتك وتخلينى اخلص منك ومن الكابوس اللى انا عايشه فيه معاك ولا هتفضل زى مانت انانى مش بيهمك غير نفسك ومصلحتك وبس ) وفى نفس الوقت كان احمد ( بيفتكر كل كلام زياد الى قاله ومحتار معقوله يطلق ليلى افرض طلقتها يبقى انا كده بضيعها من ايدى للابد هبقى خسرتها على طول بس انا مش عايز احسسها انى انانى انا عارف انى غلطت فى حقها بس للاسف انا مافيش حل ممكن يخلينى اطلع من الورطه الى انا فيها .. منك الله يامريم دمرتى حياتى ) عدى يومين كل يوم فيهم اصعب من التانى اتفاجى احمد بتصال من ليلى
احمد : ايوه ياليلى
ليلى : ايوه يااحمد ياريت تقولى قررت تعمل ايه
احمد : حاضر ياليلى انا هطلقك
حست ليى بغيط من انها كانت عايزه كده ( يكون احسن بردو اهو عالاقل عشان افضليلك حياتك لمراتك الجديده وابنك اللى جاى فى السكه )
لسه جاى احمد يتكلم كانت ليلى قفلت السكه فى وشه حاس احمد ان ليلى فاهمه الموضوع غلط جدا وانها مش فاهمه اى حاجه خالص ماتعرفش الحقيقه الى خلت اتجوز العقربه دى دخلت ليلى لشروق
ليلى بعياط : هيطلقنى خلاص ياشروق
شروق : عرفتى ازاى
ليلى : كلمته وقالى انه قرر يطلقنى انا الى قاهرنى انه باعنى كده بسهوله كده انا اللى غلطانه انى صدقته
عدى يومين وشروق وليلى قررو انهم يقعدو مع بعض وليلى قررت انها تعيش حياتها وتامن مستقبلها وعلشان تنسى احمد قررت انها تشتغل هيا وشروق فى شركه وعملت انترفيو واتقبلت واشتغل وحياتها بقت استقرار
اما بقى عن احمد فـ ابو مريم اتصل بيه من بلاد بره وبهدلو ولسه هيرد عليه قفل السكه فى وشه
(بعد شهر )
كان احمد طلق ليلى وكانت مريم فى الشهر التالت من حملها وليلى طول فتره الشغل كانت بتبقى كويسه ومجرد ماترجع البيت تفتكر احمد كانت بتحس انها مخنوقه جدا وفى يوم كان فى رحله طالعه لساحل الشمالى تبع شغل ليلى وشروق وشروق اقنعت ليلى انها تطلع الرحله 3 ايام اما عن احمد فاحمد مكانش قادر يعيش من غير ليلى ومكنش بيرد على مكالمات ورسايل مريم وحس انه بدل مايدى فرصه لي ليلى تفكر انه ادلها فرصه تطلعو من حياتها خالص قرر انه يكلمها ويفهمها اللى حصل عرف ان هيا بتشتغل فى شركه وراح لها ومع حظه فى اليوم اللى كانو طالعين فيه الرحله
راح وسال عرف مكان الرحله وخد قرر انه يروحلها هناك قال ليوسف يوسف قاله ان هو هيجى معاه راح احمد على بيته ويوسف فى بيته جهزو الشنطه واخد احمد عربيته وطلع اخد يوسف ومشيو فى طريق السفر
كانت ليلى وشروق قرابو يوصلوا خلاص
(نرجع ليوسف واحمد )
احمد كان ماشى وسايق بـ اعلى قوه عنده
يوسف : متهدى ياعم انت سايق بسرعه كده ليه
احمد : عايز اوصصل
يوسف : وانت بسراعه دى فاكر ان هنوصل الساحل .. دا احنا كده هنوصل الجنه
احمد : نحستها ليه يافقر
يوسف : ياعم مش فقر احنا سه فى اول النهار وبعدين دول 3 ايام يعنى مش هنروح نلاقيهم مشيوا مستعجل على ايه
احمد : عايز اوصل علشان اعرف نظامهم ايه هناك
يوسف : طب انا عايز ادخل الحماام
احمد : هو انا واخد ابن اختى وطالع بيه رحله ... اصبر يايوسف قربنا نوصل
كانوا ليلى وشروق وصلو الساحل نزلو هناك فى مكان معروف ومشهور جدا
طلعو شروق وليلى لاوضتهم كانت حلوه وبسيطه اخدو دش وغيرو هدومهم وناموا علشان تاعبنين من السفر
كان يوسف واحمد وصلو
داخل احمد يسال على مكان الحاجز تبع الشركه الاسيراد والتصدير
وحجز احمد اوضه ليه بسريرين لـ احمد ويوسف
فى اوضه قريبه من الحجز بتاع الشركه
راح احمد ويوسف على اوضتهم غيرو وناموا
(وعلى الساعه 8 بليل )
نزلوا شروق وليلى مع صحابهم فى الشركه فى المطعم بتاع الفندق
قررو انهم يطلعو يقعدو على البحر ويلعبوا لعبه الصراحه قاعدوا كلهم على شكل دايره متوزعين وكانت دعاء صحبتهم اللى ماسكه الازارزه وبتدورها وفى مره جه الحظ على ان عمر يسال ليلى
عمر : قوليلى بقى ياليلى
ليلى : ايوووه ربنا يستر
عمر : ايه السبب اللى خلاكى تنفصلى انتى وجوزك
اتصدمت ليلى من السوال وحست شروق بتوتر ليلى
قالت ليلى : اسفه ياجماعه مش عايزه اتكلم فى الموضوع دا وقامت سابت اللعبه وراحت تتمشى عالبحر حس عمر انه ضايقها فقرر يقوم وراه يعتذر لها
عمر : ليلى
ليلى : عمر ؟؟ انت سبت اللعبه ليه
عمر : اصل حسيت ان ضايقتك بسوالى
ليلى : لا ابدا انا بس الموضوع دا مابحبش افتكرهـ
عمر : انا اسف لو فكرتك بيه
ليلى : انا مانستوش اصلا ياعمرو انا بعمل نفسى نسياه انا واحمد اتجوزنا عن حب وكنت فاكره ان هنكوون احسن اتنين بس يلا النصيب فى الاول ووالاخر
اتمشت ليلى مع عمر كان عمر فرحان ومبسوط جدا انه جاتله الفرصه اخيرا انه يتكلم معاها .. قعدوا يتكملو فى حاجات كتير وفى نفس الوقت
يوسف : الحق يااحمد
احمد : فى ايه يايوسف
يوسف : مش دى ليلى الى بتمشى مع الواد دا هناك
.قصة غلطة حب 15 حلقة
قصه ((غلطه حب )) الحلقه (14)
اتفاجى احمد لما شاف ليلى بتمشى مع عمر انفعل وقرر يروحلها ...
لكن وقفه يوسف يوسف : استنى ياعم رايح فين
احمد : رايح اشوف الهانم دى وقفه مع مين
يوسف : وانت مالك انت نسيت انك طلقتها
احمد : طب ودا يدلها الحق انها تعمل كده
يوسف : احمد بطل هبل واعقل
راح احمد ناحيه ليلى و عمر ,, وندها بصوت عالى
احمد : لـــــــــيـــــــلـــــــى
اول ماليلى سمعت صوت احمد اتجمدت مكانها واتخضت وتوترت ,, لاحظ عمر
عمر : مين دا
ليلى : دا احمد
كان قرب احمد ناحيه ليلى
احمد : عايزك شويه
ليلى : عايزها فين وليه
احمد : وانت مالك عايزها فى موضوع
لما لقا يوسف الموضوع كبر راح عندهم ومسك عمر من ايده وقال لـ عمر : معلش سبهم مع بعض شيه شويه وخدا عمر ومشيوا
ليلى : ايه دا يوسف هنا كمان
فضل احمد وليلى اللى كانت حاسه انها بتحلم
ليلى : انت ايه اللى جابك هنا
احمد : جيت وراكى
ليلى : وانت الـ يخليك تيجى ورايا اصلا
احمد : عايز اتكلم معاكى ياليلى
ليلى : احنا مبقاش بينا اى كلام احنا موضوعنا انتهى
احمد : لا منتهاش مش معنى انى طلقتك ان انا متنازل عنك
ليلى : اسفه انا مش فاضيه لكلامك انا جاى هنا علشان اتفسح وانبسط مش علشان اضايق نفسى
احمد : جايه تتفسحى معاه
ليلى : شئ مش يخصك انا حره فى تصرفاتى واعتقد انك زى مانت اتجوزت انا كمان من حقى اعيش حياتى انا وعمر بنحب بعض وهنتخطب قريب جدا كمان
احمد : انا مش هسمحلك تتجوزى حد غيرى
ليلى : انت فاكر نفسك مين علشان تسمحلى ولا متسمحليش
احمد : انا بحبك ياليلى
ليلى : وانا بحب عمر
وسابته وطلعت تجرى ليلى : ياعمر ياعمر
خدها عمر وورجع مكان ما اصحابهم قاعدين
وفى نفس اللحظه كان احمد عمال يزعق لـ يوسف ويشوط فى الرمله ويقوله : شوفت اديك خليتنى اطلقها قولتلك هخسرها
يوسف : لو مكنتش طلقتها كانت هتخلعك
(قعد على الرمله وهو بيعيط )
وزعق احمد : انا تعبــــــــــت زهــــــــقت من كتر التفكيــــر
حاول يقومه يوسف من على الارض
ووفى نفس الوقت ليلى رحت لشروق وهيا بتعيط وطلعو هما الاتنين الاوضه
شروق : مالك ياليلى بتعيطى ليه
ليلى : انا قبلت احمد وقالى انه عايز يكلمنى وانا قولتله انى بحب عمر وهنتخطب
شروق : طب وانتى المفروض تفرحى
ليلى : افرح ازاى وانا كذبت عليه وكمان انا مصدقت انه بعد وسابنى فحالى ودانى فرصه ان انساه
شروق : اسمعى ياليلى عمر كلمنى عليكى وقالى انه فعلا بيحبك وعايز يخطبك بس انا قولتله سبها دلوقتى لحد مااعصابها تهدى
ليلى : و مقولتليش ليه كده من بدرى
شروق : علشان انتى كنتى مخنوقه وتعبانه من موضوع احمد
ليلى : طب والحل
شروق : الحل انك تبتدى صفحه جديده مع عمر وتنسى بقى احمد دا خالص احمد اول ماهيشوف ابنه من مريم هينسى كل حاجه وهيبتدى يحب مريم عيشى ياليلى حياتك وكفايا اوى اللى انتى استحملتيه معه
ليلى : انا مستحيل ارتبط تانى
شروق : ادى لنفسك فرصه وشوفى
ليلى : حاضر هفكر فى الموضوع
( قعدت ليلى تفتكر اللى حصلها كله وكلام شروق ليها عن عمر معاملته الرقيقه وانه بيخاف عليها ... ايه الى يمنع انى ارتبط بـ عمر مدام بيحبنى ماانا خد اللى بيحبه قبل كده عملى ايه غير سبلى اجرح كبير علم عليا ,, انا هدى نفسى فرصه انى اقرب من عمر )
خلال اليومين دول كانت ليلى ابتدت تدى مساحه كبيره فى حياتها لعمر حبت فيه صراحته وحكمته حكلته على كل اللى مرت بيه مع احمد
( كان احمد قاعد مع يوسف بيراقب ليلى وعمر من غير مايحسو )
عمر : باس ايد ليلى وقالها انا بحبك ياليلى وعايز اعوضك على كل اللى شوفتيه
احمد شاف المنظر جن جنونه وكان قايم علشان يروحلها راح مسك يوسف ايديه
يوسف : لا مش كل مره تفضحنا وتروح تعمل مشكله امشى معايا نطلع الاوضه
سحب يوسف احمد بعافيه اول ماطلعو الاوضه
يوسف : اسمع احمد انا سايبك تعمل اى تصرف هجمى فى حق المخلوقه دى ومش وقفت ضدك بس من الاخر كده انت مش هتفضل تموت فيها بطريقتك واسلوبك دا قبل ماتعمل اى حاجه مع ليلى تقدر تقولى انت عملت ايه فى موضوع مريم طلقتها ؟؟؟ ناسى انك هتكون اب ذنب ابنك ايه لما يطلع يلاقى ان ابوه بيكره امه كل الكره دا خلاص مبقتش شايف كميه المصايب الى انت واقع فيها بمزاجك ولسه عايز تبوظ حيات ليلى انت دمرت حياتك بنفسك وياريتها جت على تدمير حياتك بس انت دمرت حياتك وحيات ليلى وحيات ابنك اللى لسه جاى دا كفايا كده يااحمد لازم تتصرف بعقلك كفايا الجنان اللى انت فيه دا بقى فكر تصلح علاقتك بمريم على الاقل علشان الغلبان الى جاى علشان يفتح عينه على القرف اللى مابينكم وسيب ليلى بقى سبها تعيش حياتها كفايا الى شافته معاك
قعد احمد على الارض ويعيط ويقول : بس انا بحبها
يوسف : لو انت بتحبها فعلا سبها تكون مبسوطه ... اللى بيحب حد مش بيموته
انا هجهز الشنطه علشان نسافر الاسكندريه كفايا كده
رجع يوسف واحمد الاسكندريه
وكان تانى يوم الصبح المعاد اللى المفروض ليلى وشروق وعمر يرجعو فيه خلصو اليومين
( عرف احمد ان ليلى خلاص سابته وخسرها للابد كل تفكيره ان ازاى ليلى هتكون لحد غيره افتكر مريم اللى كانت السبب فى كل الى حصله دا فحب ينتقم منها
كانت مريم فى الشهر الخامس فى حملها وعرفت ان هيا حامل فى بنوته قررت انها تسميها ( وعد )
وفى مره رن جرس الباب
.... : السلام عليكم
مريم : وعليكم السلام
.... : حضرتك استاذه مريم شريف
مريم : ايوه انا
.....: ممكن توقعيلى هنا
وقعت مريم واستلمت الجواب وقفلت الباب
فتحت مريم الظرف اتفجئت بورفه طلاقها
حست ان كرمتها وجعتها اوى واتعصبت وقررت تتقم
اتصلت بـ احمد
مريم : انت اى اللى عملته دا
احمد ببرود : عملت ايه طلقتك
مريم : انا هوريك يااحمد هعرفك مين مريم دى وقفلت السكه فى وشه
مرات الايام وليلى بتحاول تقرب عمر منها بس لسه متردده فى مشاعرها عمر كان فرحان جدا بيها وبقت حاجه اساسيه فى حياته
اما عن احمد فـ هو حياته مفهاش جديد من الشغل للبيت كلامه قليل مش بيتتكلم كتير ومبيخرجش مبيعمل اى حاجه غير انه يفكر فى ليلى نفسه يشوفها ولو لـ مره بس للاسف مينفعش الفكره بـ نسبه له بتقتله فى اليوم 100 مره
اما عن مريم فاكانت بتذداد حقد وغل والانتقام بيجرى فى دمها فكرت فى فكره هتنقتم منها بـ احمد
بعد يومين فى المكتب عند احمد كان يوسف معه جوا فاجاه دخل عليهم المدير
مدير : اهلا باستاذ احمد
احمد : اهلا يافندم خير اول مره تذوردنى فى مكتبى
مدير : انت متهم بسرقه 70 الف جنيه من خزنه الشركه
احمد : انا ... 70 الف ... اانا لا يمكن اعمل كده
مدير : اسف مضطر ابلغ عنك
مافتش 3 ساعات كان احمد فى القسم وبيتحقق معه حاول ينكر كل التهم لكن كانت كل التهم متوجهه عليه كانت شهاده دى كفيله تودى احمد فى 60 دهيه
استمر التحقيق واتحبس احمد 5 ايام على ذمه التحقيق
كان يوسف متاكد انه مظلوم وانه معملش حاجه حاول يتكلم مع العامل اللى شاهد زور لكن مفيش فايده واضح انه خد فلوس كتيير
الموضوع اتعقد ومكنش يوسف عارف يثبت براائه احمد وفى يوم زار احمد فجاه !!
نكمل بكره بقى فى الحلقه الاخيره
عايزه منكو اقترحات بقى ياترى اى اللى هيحصل فى الحلقه الاخيره
وليلى هتعمل ايه
ومريم هتولد ولا لا
واحمد هيثبت برائتها ولا لا
قصة غلطة حب 15 حلقة
قصه غلطه حب الحلقه الاخيره ..!!
.
.
احمد : ايه يايوسف حولت تتكلم مع العامل الى عمل فيا كده
يوسف : حاولت اتكلم معاه مليون مره بس مفيش فايده واضح انه مش خايف من حاجه
احمد : يعنى ايه ... يعىى انا هقضى باقيت عمرى فى االسجن فى حاجه انا معملتهاش
يوسف : احنا عايزين معجزه تثبت انك معملتش كده
احمد : انا عارف ان مريم هيا السبب ودا ذنب ليلى والى عملته فيها ربنا بيخلصه منى
يوسف : اصبرك يااحمد اصبر
احمد : حسبنا الله ونعم الوكيل فيكى يامريم
( عدت شهور ليلى بقيت مع عمر على طول فى كل حاجه واحمد لسه مسجون ومريم فى الشهر الاخير من حملها وكانت تعبانه اوى )
اتصلت مريم بمامتها وهيا بتعيط وطلبت منها انها ترجع مصر تقعد معاها
وركبت مامتها اول طياره وسافرت ليها قعدت معاها
(بعد يومين )
فى المكتب عند ليلى
عمر : انا عايز نتجوز ياليلى
ليلى : نتجوز ؟؟
عمر : اه مش انا بحبك وانتى بتحبينى اى اللى يمنع بصى ياليلى متستعجليش فى الرد وانا مش مستعجل
طول اليوم ليلى سرحانه فى كلام عمر
شروق : مالك ياليلى سرحانه فى ايه
ليلى : عمر عرض عليا الجواز
شروق بفرحه : بجد الف مبروك
ليلى : بس انا مش بحب عمر ى ماهو فاكر هو ساعدنى وخرجنى من الحزن اللى كنت فيه فـ ليه فضل عليا غير كده لا
شروق : ربنا يقدم اللى فيه الخير ياليلى
( فى نفس الوقت فى بيت مريم بتصوت وبتصرخ قامت مامتها مفزوعه ودايتها للمستشفى دخلت اوضه العمليات وبعد شويه الممرضه قالت للمامتها انهم هيفتحولها قيصرى وبعديها بساعات الممرضه خرجت وقالت لمامتها انها ولدت وجابت بنت وحطوها فى الحضانه علشان جسمها ازرق وعندها ثقب كبير فى القلب بيهدد حياتها فات يوم واحد وتانى يوم البنت ماتت انهارت مريم لما عرفت على طول بتصوت وبتعيط خرجت من المستشفى زى الزفت وتعبانه جدا لا بتاكل ولا بتشرب ولا بتكلم حد وفى مره كانت قعده مع مامتها بليل وبتعيط مريم : انا السبب ياماما فى قتل بنتى ربنا عاقبنى على اللى عملته فى جوزى ومراته وحكت لمامتها كل حاجه
مامتها زعقتلها وقالت ليها انها لازم تصلح اللى عملته لان هتفضل غضبانه عليها لاخر العمر ) عدى يوم
(ليلى قالت لعمر انها موافقه خلاص على الموضوع واتفقو ان كتب الكتاب بعد بكره ويوسف مضايق ومخنوق عامل زى العاجز مش عارف يعمل ايه لـ احمد اما احمد فى ايامه شبه بعض )
وفى نفس اليوم راحت مريم القسم وعترفت بكل حاجه خرجت مريم من القسم واتصلت بيوسف وقالتله ان بنتها ماتت وانها حست بذنب
تانى يوم الاربع
اخلو سبيل احمد وكان يوسف مستنيه كان احمد متفاجى وفرحان
حكله يوسف اللى حصل زعل احمد على بنته اللى ماتت وفرح ان كده مش فيه حاجه تربتطه بـ مريم رجع احمد بيته وخد درش ونزل يكلم ليلى من رقم غريب
اتصل بيها وردت
ليلى : الو .. الو .. الووو
اول ماسمع صوتها قلبه دق جامد
احمد : ليلى
اول ماسمعت صوته اتصدمت
احمد : ليلى ارجوكى اسمعينى مش تقفلى فى وشى
ليلى : عايز ايه يااحمد
احمد : ليلى ربنا اخدلك حقك منى انا اتعذبت شوفت ايام سودا من غيرك انا محبتش ولا هحب غيرك .. ارجوكى تدينى فرصه
ليلى : متاخره اوى يااحمد .. انا كتب كتابى بكره
اتصدم احمد من كلامتها ومعرفش يكمل كلامه وقفل ومشى تايه سرحان ودموعه على خده زى العيل الصغير مش مصدق نفسه وهو ماشى فى الطريق جت عربيه وخبطته
(فى بيت ليلى )
قعدت ليلى تعيط جامد علشان حاست انها لسه بتحبه وان هيا منستوش زى ماهيا فاكره شويه وكان جرس الباب بيرن فتحت اتصدمت بـ مريم قدامها
ليلى : انتى تانى جايه عايزه ايه
حكتلها مريم على كل حاجه فهمتها اللعبه اللى عملتها على احمد علشان يتجوزها وطلبت منها تسامح احمد وتسامحها وسابتها ومشيت
( فى المستشفى )
كان الراجل اللى خبط احمد وصله لحد المستشفى كانت حاله احمد خطيره اتصل بيوسف وقاله لان دا كان اخر رقم على تليفونه راح المستشفى وعرف ان احمد جاله ارتجاج فى المخ وحالته صعبه بص لاقه مريم بتتصل عليه وقالتله انها راحت لليلى وحكلته اللى حصل شكرها جدا وقفل معها ومرضيش يقولها اللى حصل اتصل بليلى
ليلى : ايوه يايوسف ازيك
يوسف : الحمد لله ياليلى ازيك انتى.. انا اسف اللى اتصلت بيكى
ليلى : واضح ان انتم متفقين عليا شويه احمد يكلمنى ووبعديها مريم تجيلى البيت ووبعدها انت تتصل ايوه يايوسف انت كمان عايز تقول ايه
يوسف : اى دا هو احمد اتصل بيكى
ليلى : على اساس انك مش عارف
يوسف : والله ماعرف بصى ياليلى احمد عمل حادثه وقى المستشفى ( اسم المستشفى ) حالته خطيره جاله ارتجاج فى المخ لو في بنكم مشاكل ياريت تاجليها وتيجى تقفى معه احمد محتاجلك قفل بيوسف معها
وليلى مش مصدقه حاسه انها بتحلم معقوله كل دا يحصل دا كان لسه مكلمنى
لبست ليلي هدومها ورحتله المستشفي
شافت يوسف هناك
ليلي : طمني يايوسف ايه اللي حصل
يوسف : لسه في اوضه العمليات
ليلي : بقاله قد ايه
يوسف : ساعتين
ليلي : طب محدش طمنك
يوسف : لا انا خايف علي احمد يموت
سمعت ليلي كلمه يموت ولقت نفسها بتعيط
ليلي : لا مستحيل ان شاء الله هيعيش وهيكون كويس ومش هيحصله حاجه
يوسف : انتي لسه بتحبي ياليلي وبتعيطي عليه
ليلي : عمري مانسيته ولا حبيت غيره
يوسف : ان شاء الله ربنا يطمنا
عدت ساعات خرج احمد من العمليات علي العنايه المركزه لما شافته ليلي كانت مش قادر تقف من الخوف تعبت من العياط
استمر احمد في العنايه يومين كاملين
( وفي مره كانت ليلي في وقت الزياره عند احمد كانت واقفه جنبه بتقراله قران وبتدعيله قبل مااتمشي مسكت ايده وباستها
واتكلمت بصوت واطي ..احمد ياريت تكون سامعني انا ليلي .. انا مسامحك يااحمد مسامحك .. انا عرفت كل حاجه .. انا مش هتجوز حد غيرك ... انت حبي الاول والاخير .. مش هبقي ام غير منك لو ربنا كتبهالي فوق عشاني ..... ماتسبنيش لوحدي انا بحبك .... كانت ليلي بتقول كلامها وهي بتعيط ومساكه ايد احمد
حست ان احمد ايده بتتحرك مسك ايديها جامد
ليلي : احمد حبيبي ات سامعني الحمد لله يارب الحمد لله
طلعت برا بتبلغهم ان احمد حرك ايده قالها الدكتور ان دي بشره كويس
ممكن علي بكره يبتدي يتفاعل ويفوق
كان يوسف فرحان ومبسوط وبلغه ان تليفونها اللي كانت سيباه معاه رن اكتر من مره لما شافت التلفون لقت عمر
عمر : اقدر افهم ايه اللي انتي بتعمليه معايا دا ياليلي
ليلي : انا اسفه ياعمر اني ماكنتش برد
عمر : بجد والله انتي نسيتي ان احنا كتب كتابنا كان مفروض يكون يوم الخميس ومن يوم الاربع وانتي مابترديش عليا
ليلي : اسفه ياعمر انا مش هقدر نكمل ونتجوز انا اكتشفت اني مش هقدر اكمل حياتي مع حد تاني
عمر : انتي بتقولي ايه
ليلي : عمر انت انسان كويس وطيب وتستاهل كل خير بجد ... مش ممكن اتجوزك وانا بخدعك انا بحب احمد وعمري ماحبيت غيره ولا هقدر اتخيل نفسي مع حد غيره انا اسفه ياعمر
عمر : دا اخر كلام عندك ياليلي
ليلي : معلش ياعمر
نهت ليلي مع عمر وهي حاسه ان هم وانزاح عنها
عدي اليوم وتاني يوم اتصل يوسف بـ ليلي قبل ماتيجي المستشفي
اتخضت ليلي من مكالمه يوسف وقعدت تدعي ربنا انها ماتسمعش خبر وحش
ليلي : في ايه يايوسف احمد حصله حاجه
يوسف : اهدي يابنتي مالك مرعوبه ليه
ليلي : انطق في اي
يوسف : احمد فاق وطلعناه الاوضه وعايز يشوفك
ليلي : بجد فاق والله العظيم بجد .. احلي خبر سمعته انا جايه حالا
يوسف : هههههههههههههه طيب يلا احمد مستناكي
( في المستشفي )
دخلت ليلي كان احمد نايم عالسرير كان قلبها بيدق جدااااااا
اول مكاشافها يوسف
يوسف : طب انا هطلع ازوع نفسي برا وهاجي كمان شويه وهو بييضحك
ليلي وهي بتضحك : ماشي
خرج يوسف
احمد : ليلي
ليلي : ماتتعبش نفسك في الكلام دلوقتي
احمد : انا بحبك ياليلي سامحيني
ليلي : مسامحك يااحمد خلاص
احمد : هتتجوزي عمر
ليلي : لا مش هتجوز حد غيرك
ابتسملها احمد ومسك ايديها جامد راحت بايسه ايده
( ابتدي احمد يتحسن وطلع من المستشفي واتجوز ليلي .. وبعد 11 شهر كان بابا احمد وماما ليلي عندهم بيبي جميل سموه ((محمد))
(القصه دى حقيقيه بكل تفاصيلها حصلت وهى حالا هيا واحمد الحمدلله كل خلافتهم اتحلت وعايشين سعدا جدا مع ابنهم محمد )
.................................................. ...............
( العبره : لما يكون فى ايدك حد بيحبك بيحترمك وبيسامحك على اخطائك ..
اووعى تضيعه من ايدك ولا تفكر ان دا ضعف منه .. ماتفكرش فى نفسك فكر فيه .. الحب لوحده مش كفايه علشان تستمر العلاقه .. الحب مع الاحترام والتقدير والخلاص والصدق وكل بنت بتعرف حدودها مع اللى بتحبه وتحافظ على نفسها لحد اخر لحظه وكل واحد راعى ربنا فى الانسانه اللى حبته لو كل واحد عمل كده حياتنا كلنا هتبقى حلوه )
اتمنى تكون القصه عجبتكم واستفادتو منها ويارب حياتكم كلكو تبقى سعيده بدون اى جرح شكرا لكل الى تابعو القصه ويارب تكون وصلت فكرتى
قصة غلطة حب 15 حلقة

شارك اصدقائك الان .. رابط الموضوع للنسخ
http://www.moolnt.com/vb/showthread.php?s=c8bbabbbbe1a970c6b6c7f77d37cb20c&t=29571
رد مع اقتباس
قديم 08-31-2015, 02:30 AM   #2
هدهد محمد
مشرفة عامة
تاريخ التسجيل: Jul 2015
المشاركات: 634
بمعدل: 0.73 يوميا
الإقامة: القاهرة
الوظيفة: مشرفة المنتدي
معدل تقييم المستوى: 3
هدهد محمد is on a distinguished road
افتراضي رد: قصة غلطة حب 15 حلقة

[QUOTE=هدهد محمد;48575][CENTER][SIZE="4"]الحلقه الاولي
.
.
.
وقفت ليلى قدام المرايه بعد ملبست فستان الفرح يتاعها وخلصت ماكياجها ومستنيه احمد يجى ياخدها علشان يروحوا القاعه بصت لنفسها مبسوطه وفرحاااانه وبينها وبين نفسها تقول ياااه اخيرا اليوم دا جه ( اعرف احمد من 7 سنين اتعرفت عليه فى اولي كليه كنا فى كليه تجارة سوا مع بعض ماكنش ليا صحاب كتير علشان انا شخصيه مش اجتماعيه اوى واتعرفت عليه بالصدفه فى محاضره اقتصاد كان بيسالى على حاجات مش فاهمها وكنت تلقائيه جدا معاه وشرحتله كل حاجه مش فاهمها واديتله ورق كنت ملخصاه وقولتله يذاكر منه علشان يلحق يلم الماده قبل الميد تيرم شكرنى جدا وانا قولتله وقتها العفو على ايه احنا زمايل لو احتجت اى حاجه قولى
ومع الوقت كنت بشوفه كل يوم فى المحاضرات وبنسلم على بعض من بعيد لبعيد ياما نشاور لبعض او ابصله ويبصلى ونضحك
وفى مره كنت طالعه من المحاضره ومعايا صحبتى الانتيم شروق كانت صحبتى من الاعدادى والقدر رمانا فى نفس الكليه مع بعض لقيت احمد لقيت احمد بيننادى عليا وبيقولى
احمد : ياانسه لو سمحتى
ليلى بصيتله مستغربه وردت : ايوه فى اى
احمد : انا اسف بس انا حتى معرفش اسمك ايه
ليلى ضجكت : تصدق وانا كمان ماعرفش اسمك اي
احمد : انا اسمى احمد
ليلى : وانا ليلى
احمد : اسمك حلو اوي علي فكره
ليلي : شكرا يا احمد دا من ذوقك
احمد : العفو انا بس لو مش مش يضايقك كنت عايز رقم تيلفونك
اتفاجئت اوى بطلبه وفى نفس الوقت فرحت وماعرفش ليه وسالته
ليلى : انت عايز رقمى ليه
احمد : انا مسافر اسبوعين القاهره رايح اخلص شويه مشواير وهرجع تانى اسكندريه عارفه كمان اسبوعين و4 ايام هيبتدى الميد تيرم وانا مش هحلق الم الحاجه وعندى صحابى زى مانتى شايفه فاشله وضحك
رديت وانا متردده : قولتله ماعنديش مشكله لو هتتصل تسال على اى حاجه فى الدراسه بس بعد اذنك بلاش تتصل بيا فى اوقات متاخره
احمد بفرحه : لالالالا خالص بقى اتصل بيكى الصبح شكرا اوى ليكى ياليلى مش عارف اقولك ايه
ليلى : العفو بس انت شد حيلك وياريت تاخد الموضوع بجد شويه
احمد : اكيد ان شاء الله مش هعطلك اكتر من كده علشان واضح ان صحبتك اتخنقت متى
ليلى : ههههه لا خالص ولا يهمك عن اذنك
احمد : ياليلى انتى هتمشى قبل متدينى الرقم اهو
وسجل رقمى فعلا ورجعت البيت كنت فرحانه وخايفه فى نفس الوقت فرحانه ان انا حاسه باهتمام من ناحيته ومرتحاله ماعرفش ليه وخايفه لـ يكون الموضوع بالنسبه له مصلحه وخلاص ... طب وانا محيره نفسى ليه وحتى لو مصلحه هو فارق معايا ايه
وبعدها بيومين اتصل بيا الظهر كانت الساعه 12 ونص كنت لسه صاحيه من النوم رديت عليه
ليلى : الو .. ازيك يا احمد عامل ايه
احمد : انا بخير الحمد لله انتى عامله ايه اسف لو صحيتك
ليلى : لا عادى خالص انا كده كنت نازله كمانم شويه علشان محاضره الماليه
احمد : تمام انا بس كنت عايز اقولك لو ينفع لما ترجعى من الكليه تكلمينى وتشرحيلى حاجات مش فاهمهم
ليلى : اوك مافيش مشاكل ان شاء الله عن اذنك دلوقتى علشان عايزه اقوم افطر علشان الحق البس وانزل ولما ارجع هكلمك
احمد : اوك خلى بالك من نفسك وانتى نازله ومستنكى لما ترجعى
روحت الكليه وطول النهار نفسى المحاضرات تخلص علشان ارجع واكلم احمد وواسمع صوته تانى .... واول ماخلصت المحاضره حسيت ان جالى الفرج واخيرا هروح لقيت شروق بتقوولى
شروق : ايه يابنتى فى ايييه هطيرى علشان تروحى وراكى حاجه مهمه اوى كده عايزه ترجعليها
ليلى : ابدا ياشروق مرهقه جدا ونفسى ارجع انام
شروق : احمد كلمك
ليلى : اشمعنا يعنى
شروق : لا اصل مش عارفه حاسه ان موضوع انه ياخد الرقم علشان تشرحيله مدا حوار علشان يبقى فى مجال كلام مابينكم
ليلى : لالالا مافتكرش هو فعلا عايزنى اشرحله اصلها مش اول مره يابنتى
شروق : مش اول مره ايه ... الله الله بقت ليلى تخبى عن شروق ماشى اعم
ليلى : لا ياشروق امنا مش عايزه ابدا شغل نفسى بالمواضيع دى انا عايزه اخلص ورجع لاهلى فى السعوديه مش معقول هنقل على عمتى اكتر من كده وانا لو انشغلت بحوار احمد واديته اكبر من حجمه يبقى مش هعرف اركز وهيضيع كل مجهودى واللى خطتتله
شروق : خططتى اى ومجهود ايه انتى ليه محسسانى انك عامله خطه علشانم تروحى تحررى فلسطين عموما يافالحه الموضوع مش بمزاجك لو قلبك طب زى ماطبيت انا مع محمود هتنسى كل كلامك دا
ليلى : ياستى انتى خلاص عملتينا هنحب بعض انتى سابقه الاحداث ليه
شروق : مش سابقه بس بكره نشوف انا وانتى هنروح من بعضنا فين و(ضحكت)
رجعت البيت وكلمت احمد وقولتله انا جاهزه اهو اشرحلك اللى انت عايزه لقيت صوته متغير .. سألته
ليلى : مالك يااحمد حاسه ان فى حاجه متغيره فى صوتك انت مضايق ولا تعبان ولا مالكش نفس اشرحلك حاجه دلوقتى
احمد : لا ياليلى مافيش مخنوق بس شويه
(اترددت اساله ماله علشان مميفكرش انى مهتميه بيه بس قولت واى يعنى هساله وخلاص )
ليلى : طب مالك يااحمد احكيلى ايه اللى مضايقك مش جايز اقدر اساعدك او اطلعلك من المود دا
احمد : ياريت ياليلى بس للاسف اانا عايش فى المرار دا بقالى كتير ابويا واحد مستهتر واخويا بتاع ممصلحته وطماع وامى كل همها نفسها وماحدش بيفكر فيا ولا فى مستقبلى طالع عينى
ليلى : طب اهدى اهدى وفهمنى فى ايه
احمد : الموضوع طويل اوى ياليلى وانا مش عايز اعطلك اكتر من كده واشغلك بمواضيعى
ليلى : لا بالعكس انا جايه اسمعك لو مش مضايقك
وحكالى حكايته واتقربنا جدا لبعض وبقى بيحككيلى كل حاجه وانا بقيت تلقائى بحكيله كل حاجه وفـ مره اتصل بيا
كان منهار جدا
ليلى : ايه يااحمد فى ايه مالك خضيتنى عليك
احمد : انا تعبان اوى ياليلى (بعيط)
ليلى : فى ايه يااحمد انا اول مره اشوفك فى الحاله دى
احمد : انا مش عارف اتصرف ازاى انا يأست من حياتى مش معايا فلوس ولا عارف اشتغل ولا عارف اعيش مع الناس الانانيه الى معايا فى البيت دول انا نفسى بجد اموت يمكن ارتاح
ليلى : بعد الشر عنك يااحمد لو انت حصلك حاجه انا هعمل اى من غيرك
(سكت مصدومه من رد فعلى انا ازاى اقوله كده )
احمد : ايه دا اتى قولتى ايه تانى كده
ليلى : مقولتش حاجه
احمد : لا قولتى انك هتعملى ايه من غيرى
ليلى : طب مانت سمعت اهو ايه لزمه الاحراج يعنى
احمد : واحراج ليه يعنى مانا كمان مبقتش اقدر استغنى عنك وبقيتى اقرب حد ليا والوحيده اللى واقفه جنبى واللى لما بحتاجلها بتساعدنى فى كل حاجه حتى الفلوس
ليلى : بس ماتقولش كده مانا لو احتجت حاجه اكيد انت مش هتتاخر عنى يا احمد
احمد : انا عايزه اقولك حاجه ياليلى نفسى اقولهالك من زمان
( ولقيت قلبى بيدق جامد وخايفه ومتوقعه )
ليلى : عايزه تقول ايه يااحمد
انا بحبك ياليلي
.....................................
احمد : ايه سكتى ليه انتى زعلتى
ليلى : لا بس مش عارفه اقولك ايه
احمد : لو اضايقتى اعتبرى انى ماقولتش حاجه بس بلا اخسرك حتى كصديقه
ليلى : انا بحبك يااحمد وبحبك اوى انت الوحيد اللى عوضنى غياب بقيت معايا فى كل خاجه وتسال عنى
احمد : اخيرااااااااا سمعتها منك تصدقى بالله انا بقيت اسعد واحد فى الدنيا ان احساسى بيكى مطلغش غلط واخيرا اتاكدت انك بتحبينى زى مابحبك
رد: قصة غلطة حب 15 حلقة
الحلقه التانيه ,,
قصه (غلطه حب ) ..!
مرات السنين واحنا اتخرجنا من كليه وسافر احمد برا سنه يكون نفسه والحمدلله ربنا قدره اخدنا شقه ايجار واتخطبنا والظروف ابتدت تتحسن وجاله شغل حلو جدا فى مصر
واتعين واتخطبنا 3 سنين لحد ماظبطنا امورنا خلال فتره الخطوبه وكانت ابتدت تظهر المشاكل وابتديت اشوف عيوب احمد فى تحكماته وغيرته الزياده عن اللزوم وفسخنا الطوبه اكتر من مره ورجعنا تانى علشان ماكناش نقدر نستغنى عن بعض
(قطع تفكير ليلى صوت مامتها سحر يالا ياليلى احمد وصل اتاخرنا اوى عالقاعه )
طلعت ليلى لـ احمد كانت طايره من الفرحه يالهووووووى اخيرا رايحه بيت جوزها اخيرا هيبقالى بيتى وحياتى الخاصه
(عدى الفرح وكانت ليله جميله وكل الامور مشيت تمام الحمد لله اول مادخلوا بيتهم حكست ليلى ان قلبها بيدق جامد يمكن هي مش اول مره تبقى مع احمد فى بيت واحد لان هما ايام كتب الكتاب قبل الفرح بأسبوعين غلطوا مع بعض للأسف بس ماتكررش تانى قلعت فستانها ودخلت اخدت دوش وغيرت هدومها ولبست هدومكها ولبست طقم شيك وطلعت لـ احمد )
ليلى : ايه مش هتغير هدومك وتدخل تاخد دش عبقال ما اخضر العشا
احمد : لا مش دلوقتى انا كنت مستنيكى تخلصى علشان عايز اتكلم معاكى كلمتين مهمين اوى
ليلى : اى يااحمد خير فى ايه
احمد : انا عايزك تعرفى كويس اوى ان احنا الجواز اللى بينا دا مش هيطول
ليلى : ازاى يعنى انا مش فاهمه
احمد : بصى من الاخر كده انا كملت معاكى من ايام الخطوبه ماخليش شكلك وحش قدام اهلك اننا نفضل مخطوبين 3 سنين وفى الاخر اسيبك انا عن نفسي مابقتش حاسس بالحب معاكى وزوادت وغطا لما سلمتيلى نفسك حسيت ساعتها انى غلطت فى اختيارى
بصت ليلى مصدومه من الكلام وردت بهزار : على فكره المقلب بتاعك دا بايخ اوى ودمه تقيل يااحمد
احمد : انا مبهزارش ياليلى انا بتكلم جد زى مابقولك كده احنا هنعيش مع بعض هنا لمده سنه زى الاخوات لا ليكى دعوه بيا ولا تسالينى رايح فين ولا جاى منين ولا حاجه والى ليكى عليا طلباتك تلاقيها عندك اول باول اكتر من كده مالكيش حقوق عليا
ليلى : ايه الى انت بتقوله دا انت اكيد اتجننت
احمد : اتجننت ! اننى اللى اتجننتى لازم تعرفى ان من هنا ورايح ليكى حدود فى التعامل معايا لحد ماكل واحد فينا يروح لحاله واظن انا عملت باصلى معاكى للاخر واتجوزتك علشان مبقاش ندل ويتقال عليا عمل عملته وخلع وتتفضحى عاجبك يابنت الناس الوضع دا اوك مش عاجبك بكره اطلقك وتروحى بيت اهلك
ليلى : انت بتقول ايه انت بتخيرنى مابين قرارين اصعب من بعض ازاى عايزنى ارضى اعيش معايا العيشه دى ازاى عايزنى اتجوزك النهارده وتطلقنى بكره
احمد : خلاص يبقى ارضى بالقرار الاوانى عالاقل علشان ميبقاش شكلك وحش قدام الناس وعلشان الناس متشكش وتفكر حاجه تانيه .. احنا قدام الناس هنتعامل عادى بس بينا وبين بعض انتى فى حالك وانا فى حالى
ليلى : مش قادره اصدق انت ازاى بتقول كده امال فين حبك ليا يااحمد انت بتلومنمى عى غلطه غلطناها وكنت مراتك ماصلا وغلطه علطتها معاك انت مش مع حد تانى علشان بحبك ووثقت فيك ومش عايزه من الدنيا غيرك دانا استحملت 7 سنين ووقفت جنبك خطوه بخطوه علشان فى الاخر تقولى كده
كمل احمد كلامه اللى حست وقتها ان ليلى اكيد بتحلم معقوله تكون دى الحقيقه معقول اسعد يوم فى حياتى واللى عشت احلم بيه 7 سنين يتحول لكابوس ركزت لـ احمد تانى لما لقيته قام وانفعل
احمد : انتى هتعايرى انك وقفتى جنبى مانا كمان اخو بعمل معاكى الواجب ومافضحتكيش واحد غيرى كان رماكى ولا سال فيكى
انا داخل اغير هدومى وانام وتقدرى تنامى فى اوضه النوم وانا هنام فى اوضه بتاعت العيال
ليلى : استنى يااحمد ابوس ايدك انت بتعمل كده فيا ليه دانا بحبك
احمد : وانا مابقتش احبك ولا طايقك وربنا يقدرنى استحمل السنه اللى هعيشها معاكى هنا فى بيت واحد وسابها وداخل الاوضه
انهارت ليلى من العياط مبقتش مصدقه ابدا اللى بيحصل دا اكيد مامنا بحلم او ممكن يكون بيعمل فيا مقلب وهيطول شويه .. مقلب ايه دا بيتكلم بجد قعدت تعيط اكتر واكتر وبقت تكلم نفسها طب ازاى هيعيش معاه ازاى كده وهو كارهنى بالشكل دا هو انا غلطت فى ايه دا كان جوزى على سنه الله ورسوله معقوله بالبساطه دى طب لو فكرت اطلق هقولهم ايه موشكلى هيبقى ايه قدام اهلى الى هددتهم انى لو ماتجوزتش احمد هموت نفسى ومش هتجوز غيره وغصبت عليهم يستحملوا ظروفه لحد ميكون نفسه اروح اقولهم دا طلقنى علشان طلع ماببحبنيش رمت نفسها على السرير ووحطت راسها بين المخدات وقعدت تعيط من كتر تاعبها ووجعها نامت وماحستش بنفسها الاتانى يوم صحيت مش فاهمه اى حاجه حوليها افتكرت اللى حصل امبرح والموقف الزباله اللى اتحطت فيه وان اسعد يوم فى حياتها اتحول لماساه اتكسر فيها احلامها الى كانت بتحلمها من يوم ما شافت احمد كان نفسها حد يفكر معاها مسكت التيلفون تكلم شروق بس رجعت فى قرارها هقولها ايه بس دى مستحيل تصدق دى تبقى فضيحه ليا قامت غسلت وشها صلت وودعت ربنا يهديها للصح وللقرار السهل بين اصعب قرارين فى حياتها وبعدها بشويه لقت نفسها بتقول طب مانا هحاول ارجعه ليا تانى واخليه يحبنى اهتم بيه وهراعى ربنا فيه وهو اكيد لما يلاقينى بعمل كده معاه هيسامحنى وهيرجع يحس بيا ويحبنى زى زمان )
مسحت دموعها واعتمدت على ربنا انه ينصرها فى المعركه الى هيا دخلاها دى غيرت هدومها وصحيت تحضر الفطار وبتخبط على اوضه احمد علشان تصحيه اتفاجت امه مش فى الاوضه
دورت عليه فى البيت كله عرفت انه خرج الصبح
رجعت حست بـاليأس تانى وبصت على الفطار الى حضرته وحاولت تاكل لقمه والا اتنين وماقدرتش ولمت الاكل ودخلته زى ماهو التلاجه
رتبت اوضه ااحمد مكان مكان نايم واتصلت بيه مره واتنين وتلاته عرفت انه مش عايز يرد عليها والتمست عذر يمكن مش سامع الموبايل فقررت تبعتله رساله قالتله (احمد امنت فين ليه نزلت الصبح بدرى كده انا اتصلت بيك كتير ومابتردش عليا الله يخليك طمنى عليك ) وقعدت مستنيه الرد والدقايق تمر عليها ساعات فأجاه لقت رساله جاتلها عالموبايل ( لو سمحتى طول مانا برا ياريت متزعجنيش بمكلماتك الكتير دى مش هيبقى برا وفى البيت قرف )
اتصدمت وقرت الرساله مره واتنين وتلاته مش مصدقه اللى هيا شيفاهـ نزلت دمعه من عنيها غصب عنها هو للدرجادى كارهنى اكيد دا مش احمد الحنين الى عوضنى عن الدنيا كلها اكيد فى حاجه غلط مش ممكن دى تكون الحقيقه مش معقول
حست ان الدنيا ظلمه فى عينها ومش عارفه تعمل ايه حاسه انها جوا علبه ضيقه اوى ومخنوقه قعدت تعيط وتدعى ربنا يديها القوه
عدت ساعات طويله والشمس راحت وبقت الساعه 9 بليل واحمد لسه مرجعش جهزت ليلى الغدا من زمان ومستنياه يرجع علشان يتغدوا سوا وتحاول تقربه ليها فضلت مستنيه لحد الساعه بقت 10 كان نفسها تتصل بيه تعرف هو فين عالاقل خايفه وعايزه تطمن عليه بس خافت يرد عليها يشتمها وهى مش ناقصه تسمع كلام يوجعها اكتر وفاجاه
.رد: قصة غلطة حب 15 حلقة
قصه (( غلطه حب )) ..!
الحلقه التالته
,
,
,
فاجاه باب البيت اتفتح طلعت عالباب وبحركه لا راديه حضنته
ليلى : كنت فين يااحمد قلقتنى عليك
بيرد عليها بقرف وهو بيبعدها عنه
احمد : هو انا مش قولتلك ملكيش دعوه بيا ولا تسالينى رايح فين ولا جاى منين هو انا هفضل اعيد الكلام دا كل شويه ولا ايه
ردت بـانكسار : انا قلقت عليك ومجهزه الغدا من بدرى علشان منتغدى سوا
احمد : نتغدى سوا ايه انا مش هاكل معاكى فى طبق واحد ولا سفره واحده وبعدين انا اتغديت برا لما تلاقينى اتاخرت ابقى اتغدى انتى لوحدك
ليلى : يااحمد انا من ساعه ماصحيت ماكلتش لقمه مستنياك علشان تاكل سوا
احمد : انا يعنى كنت مانع عنك الاكل ماتحملنيش ذنبك الله يخليك مش ناقص بقى تتعبى وتوجعى دماغى بوجعك
ردت وهيا مكسوره وبتعيط : اوجع دماغك بتعبى انت اكيد مش احمد انت واحد تانى انت اتغيرت اوى كده ليه
احمد : انا متغيرتش انا فوقت
ليلى : وانا اى ذنبى انت ليه طيب مقولتليش قبل الجواز انك ناوى تعمل كده انا لو كنت اعرف انك بس اتجوزتنى علشان كده انا مستحيل اوافق
احمد : اما صحيح معندكيش دم وبجحه كمان بتطلعينى انا اللى غلطان يعنى الحق عليا انى مفضحتكيش
ليلى :: ياريتك فضحتنى ياريتك .. ولا انى اشوف منك انت كده يااحمد
احمد : كفايا دموع التماسيح بتاعتك دى وارحمنا انا مش هتكلم تانى فى الموضوع دا ولو اتكلمتى فيه مش هتشوفى وشى هنا تانى مفهوم ولا لا
......
سابها ودخل اوضته كالعاده
(استمر الوضع دا شهرين ليلى بتحاول انها ترجعه ليها تانى مبقتش تقصر فى اى حاجه بتعمل الفطار والغدا وتغسل وتنضف ومهتميه وبيتها ومراعيه ربنا فيه ابتدت تتعود على كلامه السم وبقيت تجهز الغدا ودخلهوله واضته دا لو اتغدى معها وكل متحاول تكلمه يصدقها فى الكلام .... وفى مره كان احمد فى الشغل وكان ناقصها شويه حاجات فى البيت فقررت تنزل تجيب الحاجات دى كلها شارعين من البيت وهترجع على طول كانت فى العاده بتبعت رساله لـ احمد لو فكرت تنزل تشترى حاجه دا كان شرط احمد بس للاسف مكنش معها رصيد تبعتله فاضطرت انها تنزل من غير ماتقوله .. رجع احمد البيت بيدور عليها مش لاقيها غريبه يعنى البيت مضلم واوضتها مفتوحه وهيا مش فى البيت والله عال الهانم بتنزل من البيت من غير ماتعرفنى قكراها وكاله من غير بواب غلى الدم فى عروقه وومبقاش عارف يتصرف ازاى جرب يتصل بيها مش بترد مره واتنين وتلاته لحد ما اخد باله من التيلفون بتاعها سيباه فى اوضتها عالسرير ... يعنى كمان الهانم نازله من غير ماتاخد موبايلها معاها اكيد مش عايزه حد يزعجها انا غلطان انى سمحتلها انها تنزل .. اتأخرت ليلى عقبال مااشترت الحاج واول مادخلت البيت لقت اللى ماكنتش متوقعاه ))
دخلت ليلى البيت شايله الحاجات اللى اشترتها من خضار ولوازم البيت واتفاجئت باحمد قدامها اول ماشافها لقيته بيلطشها بالالم على وشها
اتفاجئت ليلى برد فعل احمد ومش فاهمه اي حاجه ولقيته بيزعق بصوت عالى وماسكها من دراعها
احمد : كنتى فين يامحترمه
ليلى : فى ايه يااحمد سيبنى انت بتضربنى ليه انا عملت ايه
احمد : لا ابدا ارجع البيت فاجأه الاقى الهانم مش فى البيت
ليلى : سبنى يااحمد حرام عليك دراعى وجعنى
احمد : مش هسيبك الا لما اعرف انتى كنتى فين انطقى احسن ادفنك مكانك
ليلى بتكلم بعياط : انا نزلت اجيب اكل من الشارع اللى جنبنا علشان كان ناقصنى شويه خضار
احمد : والهانم تنزل من غير ماتقول ليه متجوزه كيس جوافه
ليلى : والله ماكان معاايا رصيد قلتلك امبارح تشحلنى ماعبرتنيش
(بيضغط على دراعها اكتر )
احمد اه يابت طلعينى انا الى غلطان طلعينى انا السبب
ليلى : ابوس ايدك سبنى انا لا بطلعك غلطان ولا حاجه بس حتى لو كول مى مش هترد عليا وماتوقعتش انك هتيجى دلوقتى
احمد وهو بيزقها عالارض ,, اه يعنى بتغفلينى عارفه انى مش هرجع دلوقتى فقولتى انزل ادور على حل شعرى
ليلى وهى عالارض وماسكه ضهرها من الوجع ادور على حل شعرى ايه؟ حرام عليك انا نزلت اجيب اكل والله الكياس قدامكه اهى
احمد : وانا اش عرفنى امتى مش يمكن من الصبح وعملالى حجه الكياس دى
ليلى : وانا كنت هعرف منين انك هترجع دلوقتى علشان اعملك حجه الكياس احمد متظلمنيش
احمد : تلاقيكى كل يوم بتخرجى وتنزلى وياعالم بتعملى ايه ماهي وكاله من غير بواب ومدام انتى بريئه وشريفه زى مابتقولى ماخدتيش موبايلك ليه معاكى
ليلى وهيا منهاره من العياط وحاطه ايدها على وشها وبتتكلم : علشان شايله حاجات كتير وعلشان عارفه انك هش هتتصل بيا ابدا تسال عنى انت طول النهار برا وان جيت ممبتكلمنش
(بيشدها من ايديها وبعنف بيقومها )
اسمعى هنا دى اخر مره هتنزلى فيها من البيت وكلك وشربك هجبهولك معايا وانا جاى والباب هيتقفل عليكى وانا نازل كل يوم
ليلى : حرام عليك يااحمد انت مش مربى كلبه عندك انا اول مره اخرج من غير ما اقولك انهارده انا بقالى شهرين اقصى مكان بروحه بتاع الخضار واللحمه والفراخ دول الناس اللى بتكلم معاهم انا نسيت صوتى يااحمد انت عايز تحرمنى من انى اشوف الشارع دا مايرضيش ربنا
احمد : انا قولتل اللى عندى ياليلى وكلامى مش هرجع فيه (خرج ورزع الباب واره ومشى )
اترمت ليلى عالكنبه منهاره من العياط بتشوف جسمها ووشها اللى اتعلم عليه بصوابعه .. افتكرت كلامه اللى كان كله تجريح فيها وفى شرفها قعدت تعيط اكتر واكتر
(غاب احمد اليوم دا عن البيت ومارجعش وغاب اليوم التانى والتالت وليلى فى الشقه قافل عليه ومحبوسه بين اربع حيطان لا قادره تتصل بيه وللا عارفه هو جراله ايه .. م كتر تفكيرها تعبت قاومت تاعبها وفضلت تستناه 3 ايام ماكلتش اى حاجه حاسه بدوخه فظيعه قررت تقوم تجيب كوبايه ميه تشربها بس ماقدرتش وقعت عالارض مرميه )
ياترى احمد هيلحقها
ياترى اى اللى حصل لـ ليلى واى مصيرها
ياترى احمد هيرجع زى مكان لا برضو هيصمم على موقفه
رد: قصة غلطة حب 15 حلقة
قصه (غلطه حب) ...!!
الحلقه الرابغه
وقعت ليلى من التعب والعياط وقله النوم والاكل وفضلت مرميه عالارض رجع احمد بيفتج الباب لقاها وقعه قى الارض اتخض حاول يفوقها لكن جسمها سخن اوى ووشها اصفر وعلامات ضربه ليها معلمه على جسمها افتكر انها موتت نفسها مش عارف هى واقعه كده عالارض بقالها قد ايه شالها نزلها واخدها المستشفى كان حاسس بخوف غريب انه يحصلها حاجه
كشف عليها الدكتور قاله : دى عندها هبوط حاد وواضح انها ماكلتش اى حاجه من فتره طويله وفى اثار ضرب على وشها وجسمها وواضح ان حضرتك السبب فى الحاله اللى هيا وصلتلها وانا المفروض اعملك محضر تعدى وضرب
احمد : محضر ؟؟
الدكتور : ايوه دى كانت ممكن تموت درجه حرارتها 40 مافيش طاقه فى جسمها تقاوم
احمد : بس انا جوزها
الدكتور : وانت يعنى علشان جوزها تعمل فيها كده
عموما لما تفوق انا هسالها لو جبت تعملك محضر تعدى او لا بس ياريت متاثرش عليها
سكت احمد مصدوم من رد فعل الدكتور الغريب دا
شويه وكانت فاقت ليلى ودخل الدكتور قالها حرارتك نزلت بس جسمك ضعيف جدا
مسكت ليلى دموعها لما شافت احمد ومش مستوعبه هي حراره ايه بصت لـ احمد وسالته
ليلى : هو فى ايه انا ايه اللى جابنى هنا
احمد : تعبتى واغمى عليكى
الدكتور : انا شايف اثار ضرب على وشكم ودراعك مين ضربك
سكت احمد مستنى رد فعل ليلى احسن موقف تاخد فيه حقها وترد اللى عملته فيها
ردت ليلى : ضرب ايه لا انا ماحدش ضربنى ممكن مكان ماوقفت عالارض
الدكتور : انتى متاكده من كلامك دا
ليلى : ايوه طبعا متاكده
الدكتور : طيب ياريت ياستاذ تخلى بالك من المدام وتهتم باكلها شيه لحد ماتتحسن حالتها
اتصدم احمد من رد فعل ليلى كان متوقع هتقوله هو الى ضربنى وبهدلتى وتاخد حقها تذلنى بصحتها نزكلت ليلى متسنده على احمد علشان تركب العربيه بعيده اووى علشان تفضل حاسه بيه قريب منها
دخلها العربيه طول الطريق ليلى ساكته ماتكلمتش نص كلمه قطع احمد السكوت ولاول مره بيتكلم معاها من نفسه
احمد : ليه انكرتى انى صربتك
ردت ليلى بصوت تعبان وماسكه دموعها : وهيستفيد ايه لما يعرف
احمد : هيعملى محضر
ليلى : محضر !!
احمد : مستغربه ليه كده اول مره تعرفى ان ممكن تعمليلى محضر عدم تعدى
ليلى : زمان يااحمد كنت بتحامى من الدنيا فيك كنت انت امانى .. تفتكر دا هيفدنى بأيه بعد ماخسرت الامان دا ((ومسكت دموعها ))
ماردش احمد وماعرفش يتكلم حس بتأنيب صمير
احمد : انتى عامله اى دلوقتى طيب
ليلى : مش عارفه اهو لسه عايشه وبتنفس
احمد : عايزه حاجه اجبهالك قبل مانطلع
ليلى : لا شكرا
نزل احمد فتح الباب وسند ليلى زى ماكان مسندها فى المستشفى طلعوا البيت
حاول يخليها تاكل بس هى قالتله انها مرهقه وتعبانه ومحتاجه جدا انها تنام شويه وقالتله انها لما تصحى هتاكل ان شاء الله
سابها احمد تنام وقفل نور الاوضه وطلع يقعد شويه فى الصاله عمال يفتكر انه اللى عمله دا جنان يحبسها 3 ايام فى البيت افرض كان البيت بيولع ولا حصل حاجه كنت هتشيل ذنبها طول العمر ,, رجع افتكر منظر ليلى وهى مرميه عالارض ووشها اصفر وتعبانه حس بوجع فى قلبه وفاجأه قام وقرر انه يدخل اوضه ليلى .
دخل احمد اوضه ليلى لقاها نايمه وتعبانه ومش حاسه بأى حاجه حواليها فتح نور خفيف وارح قعد جنبها عالسرير من زمان مابصش لملامحها بوضوح كده يمكن دى اول يشوفها وهى نايمه علامات التعب والارهاق والضرب على وشها ... حاول يصحيها بس خاف لتتخض بس هو مش قادر ينام من غير مايتكلم معاها وفى نفس الوقت حاسس بالذنب لو صحاها من النوم فقرر انه بأجل كلامه لبكره لسه جاى يقوم عالسرير قلقت ليلى واتخضت لوجوده وقالتله : احمد فى ايه انت تعبان
احمد : اتى اللى بتسالينى انا تعبان ولا لا
ليلى : امال مالك فى ايه
احمد : جاى اطمن عليكى بقيتى عامله ايه دلوقتى
ابتسمت ابتسامه تعبانه وقالتله : بخير الحمد لله
احمد : انا عايز اتكلم معاكى شويه ياليلى
ليلى : انا عارفه انك هتزعقلى علشان هتقولى ان انت مش ناقص توجع دماغك وتتبهدل فى المستشفيات تانى بسببى بس انا غصب عنى
( قاطعها احمد )
احمد : انا مش جاى علشان اقولك الكلام دا ياليلى
ليلى : امال فى ايه يااحمد
احمد : ليلى انا اسف انا فعلا اتسرعت انى حكمت بسراعه لما نزلتى من غير مااستنى اسمع منك وغلطان اكتر علشان سبتك وقفلت عليكى الشقه وغيب 3 ايام وانا عارفه انك لوحدك ماخدش ميعرفك عنا
(حست ليلى انها بتحلم مستحيل يكون الكلام دا بيقوله احمد بصلته مستغربه وحاولت تقوم تعدل نفسها )
احمد : خليكى مرتاحه ياليلى مش عايزك تتعبى نفسك
ليلى : انا مش فاهمه حاجه انت ايه اللى غيرك فاجأه كده
احمد : حاسس بتأنيب صمير وانى فعلا كنت بتصرف بعباء ودا ماينفعش فأنا بتأسفلك ياريت تقبلى اسفى
(ماكنتش مصدقه ليلى الكلام اللى هي بتسمعه وفرحت ان ممكن يكون احمد قرر يتغير معاها وان ربنا استجاب دعاها ومن الفرحه عنيها دمعت )
احمد : مالك ياليلى انتى بتعيطى ليه دلوقتى
ليلى : اصل مش مصدقه نفسى يااحمد انا كنت فقدت الامل خلاص ان انت تغير فكرتك دى ونعيش طبيعين
(ابتسم احمد وهو بيقوم )
طب ياليلى ارتاحى انتى دلوقتى وكملى نومك وانا هدخل انام نبقى نكمل كلامنا بكره
( حست ليلى انه لو قام من جنبها انها هتصحى من الحلم الحلو اللى هي بتحلمه فطلبت منه انه يفضل نايم جنبها النهارده بس )
احمد : ماشى ياليلى هروح اغير هدومى بس وهاجى انام جنبك
((حست ليلى ان قلبها هيقف من الفرحه ومش قادره تصدق اللى هى بتشوفه وبتسمعه شويه وجه احمد فعلا ودخل الاوضه ونام جنبها والاول مره تحس انها مش خايفه اول ماحط اسه عالمخده ناااااام بصتله ليلى ى بتتامل فى ملامحه من زمان مشوفتكمش هادى كده يااحمد ياريت ماكونش بحلم ... ونامت ليلى وهى بتدعى ربنا انها تبتدى حياتها مع احمد من اول وجديد وهى عندها استعداد تنساله كل حاجه وتبتدى من الاول وجديد نفسها فى حاجات كتير اوى ))
صجيت الصبح بتبص جنبها ملقتش احمد اتخضت حاولت تفتكر اللى حصل امبارح وبقت شاكه مابقتش عارفه اللى شافته امبارح دا حلم لا حقيقه قامت من السرير بسراعه
بتنادى على احمد فى الشقه وللاسف ملقتهوش فى البيت
قعدت على الكنبه محبطه وبتعيط معقول انا كنت بحلم او بتخيل بس ازاى انا متاكده انى كنت صاحيه ليه يااحمد دانا مصدقت انكم اتغيت معايا معقل فوقت من الصدمه حست ليلى بالاحباط تانى
وفاجاه ..
رد: قصة غلطة حب 15 حلقة
قصه ((غلطه حب )) ..!
الحلقه الخامسه
اتفاجئت ليلى بـ احمد داخل عليها ومعاه بوكيه ورد كبير قرب عليها وباس ايديها وقال لها : انا صحيت بدرى علشان الحق اجبلك بوكيه الورد دا قبل ماتصحى بس برضو انتى سبقتينى ماكنمش مصدقه نفسها وقربت عليه وقالتله
ليلى : احمد انا مش مصدفه نفسى انا مبسوطه اوى انا حاسه انى بحلم
احمد : لا مش بتحلمى ويالا بقى خشى البسى طقم شيك كده عشان اخرجك فى مكان حلو بقالك كتير ماخرجتيش وفرحتى
(( ا ليلى زى العيله الصغيره ودخلت تجرى على اوضتها لبست هدومها ومن زمان ماحستش نفسها عايشه بصت على وشها لقت علامات ضرب خفيفه اضايقت من منظرها كده فرحت زعلانه لـ احمد ))
ليلى : وشى بايظ يااحمد شايف شكلى عامل ازاى
احمد : مالك مانتى زى القمر اهو
ليلى : لا وشى فيه اثار ضرب
احمد بهزار : مسمحولك تحطى ميك اب خفيف النهارده علشان تدارى الحاجات دى بس بعد كده ممنوع ماشى
ليلى : ضحكت ماشى طبعا انت تامرنى
ودخلت حطت ميك اب خفيف شويه كحل وبلاشر ابتدت عينها العسلى تبان حلاوتها
وحست نفسها حلوه اخر مره شافت نفسه فى المرايه وحست نفسها حلوه يوم فرحها يعنى 3 شهور
طعلت لـ احمد اتفاجئ بيها
احمد : لالا انا كده هغير رأى فى حوار المكياج طالعه حلوه اوى
ليلى : ياسلام يعنى انا من غير مكياج وحشه ولا ايه ياسى احمد
احمد : لا طبعا وانا اقدر اقول كده طول عمرك قمرايه
مسك ايديها وقالها يالا ننزل علشان متتأخرش
نزلوا سوا والاول مره من مده طويله محبوسه فى البيت وسط الدموع والنكد تنزل حاسه انها بتشوف اسكندريه لاول مره فى حياتها وحشها البحر اللى ياما مشيت عليه هيا واحمد ايام الجامعه ورايحه الهوا والناس والرحمه
وقفت العربيه قدام مطعم شيك عالبحر فى سابا باشا اسمه لاتينو
نزلو من العربيه ماسكه ايد احمد داخلين كمان ياسين مرتب كل حاجه وحاجز طربيزه
عالبحر على طول كان الجو حلو اوى لا هو حر ولا سقعه كانو فى شهر 10 كانت مبسوطه اوى
احمد : مبسوطه ياليلى
ليلى : اوى يااحمد بجد مبسوطه جدا حاسه انى بشوف البحر لاول مره فى حياتى بجد دى احلى مفاجاه حصلتلى
احمد : يارب اشوفك مبسوطه على طول
ليلى : طول مانت معايا هكون مبسوطه اكيد
( جه الويتر ومعاه المينو )
اجمد : تحبى تتغدى ايه
ليلى : اللى تختاره ياحبيبى
احمد : لا انهارده يومك شوفى انتى عايزه تاكلى ايه
ليلى : ماشى
(اختارت ليلى الاكل ونادى احمد الويتر وقاله عاللى طلبوه وجه الويتر ومعاه الطلبات قعدوا اتغدوا وبعدين طلبوا حاجه يشربوها وقعدوا شويه يتكلموا فى حاجات كتير راحو السينما
اختارت ليلى فيلم اجنبى ودخلوه وهما فى السينما كانو ماسكين ايدين بعض وليلى سانده راسها على كتف احمد ماكنتش مركزه فى الفيلم اصلا كانت مركزه مع احساسها بالفرحه واحساسها انها قريبه من قريبه من احمد ) خلص الفيلم
اتمشو ليلى قدام محل رجالى عارض جاكيت شتوى شيك جدا
ليلى : ايه رايك فى الجاكيت دا يااحمد
احمد : شكله حلو شيك
ليلى : طب يالا ندخل
احمد : ندحل فين بس تعالى يامجنونه
ليلى : علشان خاطرى يااحمد انا عايزه اشتريهولك هيبقى يجنن عليك
(دخلت ليلى المحل اشترته بفلوسها الجاكيت علشان دى هديه منها له )
(كانوا خلاص وصلو للعربيه ركبوا ومروحين عالبيت ركن احمد العربيه وقال ليلى اطلعى انتى اسبقينى وانا هطلع وراكى على طول )
وطلعت ليلى للورد بفرح وأخذته فى حضنها ودخلته اوضه النوم اخذت شاور وعبقال مخلصت كل اللى ورها كان احمد طلع
احمد :خدى الكيس دا خليه معاكى وافتحى فى اوضتك لوحدك
ليلى : ايه الكيس دا فى ايه
احمد : ادخلى اوضتك واافتحيه هتشوفيه
دخلت اوضتها وهيا طايره من الفرحه
فاتحته لقت فيه فستان بنفسجى وفى جيبه ورقه مكتوب فيها (( حبيبتى ليلى يارب تكونى انبسطتى النهارده حاولت اعمل اى حاجه علشان اعوضك عن اللى عملته الايام اللى فاتت وياريت تبقى تسمحينى ))
فرحت اوى ليلى وكانت هتموت من الفرحه ونامت وقعدت دعى ربنا انه يكون كده على طول طلع النهار صحيت ليلى علشان تحضرله الفطار
حضرت الفطار
وصحت احمد ( صحوا فطروا )
ليلى : احمد انت مارحتش الشغل انهارده صحيح
احمد : ياشيخه انتى لسه فاكره
ليلى : انا لسه مستوعبه دلوقتى والله
احمد : اانا اخذت اجازه النهارده وبكره كمان
( عدت الايام والامور كلها تمام مابين ليلى واحمد ونزل الشغل والحمد لله فى تفاهم كبير مابينهم وفى يوم حست ليلى بدوخه وحست انها حامل قررت تعملها مفاجاه لـ احمد واتصلت بيه )
ليلى : احمد ازيك
احمد : الحمد الله ياحبيبتى خير فى ايه
ليلى : انا حاسه ان انا تعبانه ياريت تيجى بدرى انهارده
احمد : فى اى ياليلى حاضر انا جاى دلوقتى مع السلامه
(( عملت ليلى الغدا وظبطت الدنيا ولاقت مسدج من احمد بيقولها ( انا قربت خلاص يدوب 10 دقائق واوصل )
ارحت ليلى تعمل تيست الحمل وزى ماتوقعت حصل فعلا حمل
كانت الفرحه مش سياعها استنت احمد عالغدا وقررت تعملهاله مفاجأه
ليلى : احمد عايزه اقولك على مفاجاه حلو اوى
احمد : يامفاجاتك ياست ليلى فاجئينى يالا
ليلى : انا حامل ياحبيبى اخيرا هتبقى اب وانا هبقى ام
وفجاه ؟؟
رد: قصة غلطة حب 15 حلقة
قصه (( غلطه حب )) ..!!
الحلقه السادسه
قام احمد من عالسفره وهو بيزعق
احمد : حامل ؟؟ حامل ازاى يعنى
ليلى : يعنى ايه حامل ازاى
اجمد : يعنى انا مش عايز عيال دلقتى
ليلى : انت بتقول ايه يااحمد ازاى مش عايز عيال يعنى
احمد : يعنى انا مش عايز عيال اقولك بالانجليزى علشان تفهمى مش عايز عيال
ليلى وهيا بتعيط : يعنى انت عايزنى انزل البيبى
احمد : ايوه هتنزليه ومن بكره كمان
ليلى : ليه انزله انا نفسى اكون ام يااحمد
احمد : وانا مش عايز اكون اب دلوقتى ياليلى وبقولك اهو يانا يا الزفت اللى فى بطنك
ليلى : زفت .. انت بتقول على ابننا زفت انا افتكرتك هتفرح
احمد : افرح ايه قرف ايه هتلخمينى بعيال من دلوقتى ليه
ليلى : دى نعمه من ربنا محدش طايلها وانا بحلم باليوم دا من زمان
احمد : انا قولتلك الى عندى ياانا يا اللى فى بطنك فكرى يابنت الناس براحتك
وقمام لبس وزع الباب ومشى
اتصدمت ليلى من رد فعل احمد وماكنتش متوقعه ابدا ان دا هيكون موقفه زيها
قعدت تعيط واتصلت بيه اكتر من مره علشان يرد عليها ويرجع البيت وتتفاهم للاسف ماكنش بيرد عليها خالص
فضلت مستنياه طول الليل ولما فقدت الامل نامت التعب
تانى يوم بليل رجع احمد
ليلى : احمد اخيرا جيت كنت فين كل دا
اجمد : ملكيش دعوه كنت فين فكرتى هتعملى ايه فى البلوه الى فى بطنك دى
ليلى : مش هنزله يااحمد انت ايه مشكلتك مش فاهمه
احمد : لا هتنزليه ياليلى انتى مش هتلوى دراعى
وسابها ودخل الاوضه طلعت تجرى وراه
ليلى : ابوس ايدك يااحمد بلاش انزله انا بجد مش عايزه اموت ابنى ااموت الحلم اللى فعدت احلمه زمان
احمد : وانا ماعنديش استعداد اكون اب منك
ليلى : اب منى !! مش فاهمه
احمد : افهمى زى ماتفهمى لكن عيال مش عايز
قربت منه ليلى وهى بتتوسله انه مايخلهاش تنزل البيبى وهو مافيش فايده عدا يومين عالوضع دا رجع هو ينام فى اوضه وهيا فى اوضه كل يوم تتحايل عليه مافيش فايده وفى يوم وهيا بتتكلم معاه بتتحايل عليه
ليلى : ابوس ايدك يااحمد انت ايه الى حصلك ان احنا رجعنا زى زمان ليه اتغيرت تانى
احمد : واضح انى كنت غلطان لما اتعاملت معاكى كبنى ادمه بس انا اللى غلطان واستاهل ضرب الجزم
ليلى : هو انا عملت ايه لـ كل دا دا ابنك اللى فى بطنى مش ابن حد تانى
احمد : وانا قولتلك مش عايزه
قربت ليلى من احمد .. يااحمد دا دمك دا ابنك انت لما هتشوفه هتغير رأيك
احمد : ابعدى عنى بقى بلا اغير رأى بلا زفت انتى كرهتينى فى عيشتى هو انا هقول كلامى مليون مره ( وزقها)
كانت ليلى مش متوقعه انه يزقها نهائى بالعنف دا ولانها ضعيفه وقعت وقعت وقعه جامده واتخبطت فى الدولاب
مافيش ثوانى كانت ليلى بتنزف دم ومش قادره تتحرك
انفزع احمد من المنظر هو ماكنش قاصد كده ابدا وماتوقعش انها هتوقع بالمنظر دا حاول يتصرف ماعرفش يعمل ايه
اتصل بالاسعاف بسرعه يجوا يلحقوه بس دول عبقال مايجوا هتكون نزفت لحد ماماتت قالت ليلى : ابنى مات خلاص وفقت الوعى
شالها احمد بسراعه واخدها عالعربيه متبهدل دم وطلع على اقرب مستشفى كانت حالتها مستعجله جدا ولازم يوقفوا النزيف باى شكل دخلت اوضه العمليات وطلعت الدكتوره وهى بتقول ضرورى لازم ننقلا دم
احمد : فصيله دمها ايه
الدكتوره : A
احمد : حاضر هتصرف اتصل احمد بسرعه بصاحبه يوسف علشان يجى يتبرغ بالدم او لو يغرف حد ينفع يتبرع
احمد : الو يوسف الحقنى انا فى المستشفى الاهلى مراتى حامل وشكلها سقطت ونزفت كتير محتاجين حد يتبرع بالدم
يوسف : ايه دا امتى حصل الكلام دا
احمد : اجز يايوسف انا لسه هحكيلك
يوسف : حاضر مسافه السكه هكون عندك سلام
قفل احمد وه مش عارف يتصرف ازاى فصيله دمه غير دمها واهلها مسافرين واهله فى محافظه تانيه تقريبا هى متعرفش حد هنا غير صحبتها شروق ايوه شروق صح اتصل بيها اخد موبايل ليلى قعد يدر فى الاسماء لحد مالقى اسم شروق
احمد : الو السلام عليكم
شروق : ايوه مين معايا
احمد : انا احمد جوز ليلى ياشروق ليلى فى المستشفى واحنا محتاجينك ضرورى
شروق : مستشفى !! مستشفى ايه وايه اللى حصل
احمد : ليلى كانت حامل وسقطت ونزفت دم ومحتاجين حد يتبرع ارجوكى تعالى بسرعه
شروق : حاضر هصحى محمود جوزى وهنلبس حالا انتو فى مستشفى ايه
احمد : الاهلى التخصصى فى وينجت
شروق : طيب دى قريبه منى جدا حالا هكون عندك
وصل يوسف وبعدها بشويه وصلت شروق وجوزها محمود
يوسف : ايه اللى حصل
احمد : مافيش من ساعه ماجينا هى فى الاوضه
شروق : هى عامل ايه دلوقتى طيب
احمد : ممش عارف احنا لازم ننعرفهم ان وصل متبرعين علشان يلحقوها
شروق : هيا نزفت كتير
احمد : للاسف اه
شروق : امال انت كنت فين وازاى تسبها تنزف كل دا
احمد : مش وقته ياشروق خلينا نشوف مين فينا ينفع يتبرع بالدم دلوقتى بعدين نفهم الى حصل ( يوسف ومحمود جوز شروق وشروق كان فصيله دمهم زى ليلى واتبرعوا بالدم وشويه وطلعت الدكتوره )
الوقت طول اوى والدقايق بتعدى ساعات وايام
احمد قرب ينهار مش فاهم اللى حصل دا
يوسف : هو حصلها ايه لكل دا
احمد : كنت بتخانق علشان كنت عايزها تنزل البيبى وزقتها غصب عنى علشان تبعد وقتها وقعت عالارض ومافيش ثوانى ولقتيها بتنزف
يوسف: يعنى انت السبب انت اهبل ياجدع امكزماى تزقها وهيا حامل
احمد : والله ماعرف انها خفيفه كده ماكنتش قاصد اسقطها بالمنظر دا
يوسف : طب وانت اساسا عايزها تنزل البيبى ليه مكش فاهمك
احمد : مش وقته انا اللى فيا مكفينى عايز اطمن عليها
شويه وخرجت الدكتوره
خرجت الدكتوره حرى عليهم كلهم
احمد : طمنيني عامله ايه
الدكتوره : حالتها حرجه شويه
شروق : والجنين
الدكتوره : للاسف مات
احمد : يعني هي المهم عامله ايه
الدكتوره : هنحطها تحت الملاحظه جسمها ضعيف جدا ونزفت كتير لو عدت الكام ساعه الجايين علي خير ان شاء الله هتبقي كويسه
شروق : انا لازم افهم دلوقتي هو حصل ايه
احمد : انا مش قادر احكي اي حاجه دلوقتي بجد .. روحي انتي ياشروق انتي وجوزك وانا معايا يوسف لو فاقت ليلي هكلمك ان شاء الله
شروق : لا مستحيل انا قاعده هنا مش هسيبها الا اما تفوق واطمن عليها بنفسي
سحب يوسف احمد من دراعه
يوسف : هي صاحبه مراتك دي عارفه ان في بينك وبين ليلي مشاكل
احمد : معرفش يايوسف بس كلامها فعلا محسسني انها عارفه ان انا السبب بس انا ماكنتش بشوف ليلي تكلمها كتير يعني وبعدين دي ماكنتش تعرف اصلا ان ليلي حامل
يوسف : امال مالها بتحقق معانا كأنها مخبر كده
احمد : مش عارفه يايوسف انا مخنوق ومش طايق نفسي
يوسف : طب متيجي ننزل نقعد علي اي قهوه برا لحد مراتك ماتفوق
احمد : خايف تفوق وماتلاقنيش
يوسف : قول للمفتش كرمبو دي تتصل بيك اول ما مراتك تفوق
احمد : طيب
راح احمد لشروق قالها معلش انا هطلع اجيب حاجات من بره وجاي علي طول لو ليلي فاقت كلميني علي طول
شروق : حاضر هتصل بيك علي تلفون ليلي
احمد : ماشي عن ازنك
شروق : اتفضل
طلع احمد ويوسف وراحو قعدوا عالقهوة طلبوا اتنين شاي
كان شكل احمد مهموم وتايه وتعبان
ساله يوسف
يوسف : مالك يااحمد انا حاسس اني في حاجه مش طبيعيه وفي حاجه انت مخبيها عليا
اتنهد احمد بتعب وهو مش عارف يبدأ الكلام مني اصلا
يوسف : واضح ان الموضوع مش طبيعي ليه رافص انها تخلف
احمد : عشان انا مش عايز اخد الخطوه دي دلوقتي يايوسف
يوسف : ايوه مش عايز تادها ليه ايه اللي حصل يعني
( حكي احمد ليوسف كل حاجه من ساعة ماكتبوا الكتاب لحد اليوم ده )
يوسف : يانهار اسود يااحمد ايه الجنان ده
احمد : في ايه انت كمان انا بحكيلك عشان تسودها في وشي اكتر ماهي سودا اصلا
يوسف : ماهو بصراحه اللي انت بتقوله ده مش منطقي وجنان انت بتحاسبها عشان عملت كده معاك وهيا مراتك انت مجنون يابني
احمد : ماعرفش بس انا حسيت انها لو جاتلها فرصه مع اي حد تاني كانت عملت كده حتي لو مش مراته
يوسف : لا يااحمد بلاش هبل اللي انت بتقوله دا مش منطقي احنا نعرف ليلي من ايام الكليه وعارفين اخلاقها ياخي دا انا عمري ماشوفتها بتكلم حد غير المفتش كرمبو اللي جوا دي
احمد : مش عارف يايوسف
يوسف : لا يااحمد الصراحه انا مش معاك في اللي انت عملته دا حرام عليك ياشيخ دي مالهاش غيرك هنا اهلها كلهم برا ومالهاش حد تشكيله وحتي لو فكرت تحكي هتقول ايه دي فضيحه وعار علي كرامتها .. لا انت كمان مش من حقك تحرمها انها تكون ام لمجرد ان انت لسه مش قادر تسامح من قلبك اوي وخايف تفشل
احمد : انا مش خايف افشل
يوسف : امال اديني مبرر واحد مدام اتصالحتو وانت اللي صالحتها وانت اللي طلبت منها تكونو زوجين وهي سامحتك علي كل الاهانه اللي عملتها فيها وبدأت معاك صفحه جديده وحبت تكون ام ملكش مبرر الصراحه
( قطع كلام يوسف صوت تليفون ليلي كانت شروق اللي بتتصل رد احمد بسرعه )
ياتري قالتله ايه ؟؟
ياتري ليلي فاقت ولا لسه في غيبوبه
ياتري احمد هيقتنع بكلام يوسف
.رد: قصة غلطة حب 15 حلقة
قصه ((غلطه حب )) ..!!
الحلقه السابعه
رد احمد علي شروق بسرعه
شروق : احمد ليلي فاقت تعالوا بسرعه
احمد : طيب طيب سلام انا جاي اهو
قام يوسف واحمد من القهوه بعد ماحاسبوا ورجعوا عالمستشفي دخلوا الاوضه عند ليلي متعلق ليها محاليل كتير ووشها شاحب واقفه جنبها شروق وماسكه ايديها وبتحاول تلفلها الطرحه علي شعرها كويس
ابتدت واحده واحده ليلي تفوق بصت لاحمد وسألته بعياط
ليلي : ابني مات صح
احمد : المهم انتي كويس
ليلي : ابني مات ياشروق مالحقتش افرح بيه راح مني ومش هعرف اعوضه تاني
شروق وهي بتهديها وبتطبطب عليها : ياحبيبتي معلش بتحصل كتير ومدام انتي كويسه وجوزك كويس هتخلفوا تاني ان شاء الله
ليلي : لا خلاص كل حاجه راحت
حاول يقرب ليها احمد شويه ويهديها
بس هي رافضت تتكلم معاه نهائي
ادخل يوسف عشان يلم الموقف والتوتر اللي بقي موجود
يوسف : انا شايف ان احنا نسبيهم مع بعض شويه وادينا اطمنا عليها الحمد لله
احمد : اه تقدروا تروحوا انتو دلوقتي تعبتكم معايا
سلمو كلهم علي ليلي واحمد وروحوا
وفضل احمد وليلي في الاوضه
جو من الهدوء والصمت مسيطر عليهم .. بيحاول احمد يتكلم معاها بس مش عارف يبتدي معاها ازاي
جرب يمسك ايديها بعدت ايدها عنه
احمد : انا اسف ياليلي ماكنتش قاصد دا
ردت ليلي بكسره وحزن : اسف علي اي مش كنت عايزني انزله اهو راح خلاص ونزلت دمعه من عنيها
احمد : بس انا ماكنتش عايز بالمنظر دا
ليلي : مش هتفرق يااحمد باي منظر خلاص اللي راح راح مش هتعرف ترجعهولي تاني خلاص
احمد : بلاش القسوه دي ياليلي
ليلي : قسوه وضحكت بتريقه .. حقيقي فعلا انا قاسيه اوي انا اللي معنديش قلب انا اللي قولت علي ابني قرف وقتلته بايدي
احمد : انتي بتقوليه اي قصدك انا اللي قتلت بأيدي
ليلي : ...................
احمد : ردي عليا ياليلي
ليلي : انا عايزه اطلق يااحمد
احمد : تتطلقي
ليلي : ايوه انا خلاص مش هقدر اسامحك بعد اللي انت عملته دا مش هقدر ابقي انا وانت في بيت واحد
احمد انتي مش في وعيك دلوقتي ياليلي
ليلي : انا اكتر مره اكون في وعي فيها النهارده من ساعه ماتجوزتك ... اول مره احس اني فوقت من الوهم اللي كنت عايشه فيه اول مره احس اني كنت عندك خدمه بكنس واطبخ وامسح عشان ارضيك اتحمل منك كل انواع الذل والاهانه والتجريح .. حولت اسعد ليله في حياتي واللي بتحلم بيها اي بنت لكابوس
خلتني عايشه ميته اتهمتني في شرفي وضربتني وحبستني 3 ايام زي الكلب ويوم ماحبيت اكون ام قتلت ابني وابنك بأيدك خليته بلوه كل ده وبتتكلم عن القسوه
( اتصدم احمد من كلام ليلي اللي مكنش متوقعه .. ضربته علي دماغه مليون ضربه .. مابقاش عارف المفروض يرد علي كلامها يقولها ايه )
احمد : اهدي ياليلي انتي منفعله احنا نقدر نعوض البيبي اللي راح
ليلي : نعوضه تاني .. لا خلاص يااحمد انا انا ا عايزه تاني ولا تالت سبحان الله دلوقتي بقي سهل نعوضه وموافق بعد ماضمنت انه راح خلاص واني مش ممكن احمل علي طول بعد النزيف اللي حصلي دا .. ومدام هو كده قتلته ليه يااحمد قولي قتلته ليه كرهته ليه قبل ماتشوفه .. كرهت انك تكو اب مني ليه يااحمد ليه قولي ليه يااحمد رد عليا وابتدت تتعصب وانهارت عياط وبقت تصوت دخلت الممرضه بسرعه
وقالتله : لو سمحت بلاش انفعال عليها
احمد : انتم ازاي سيبنها كده لازم تاخد ابره مهدئه
الممرضه : هسال الدكتور المسوؤل لو نفع هديلها حقنه مهدئه
حاول احمد يهديها من العياط والحاله اللي هي وصلتلها بس هي كانت رافضه حتي يقرب منها او تسمع صوته كانت كرهاه بكل معني الكلمه
دخلت الممرضه ومعاها الحقنه وادتهاله وشويه كانت ليلي نامت
فضل احمد سهرانم جنبها في في الاوضه وبيفكر في كل كلامها مبقاش عارف يتصرف ازاي مش ممكن يطلق ليلي .. مش هعرف اصلا اعيش من غيرها لا مستحيل مش هقدر هي اكيد منفعله دلوقتي ومش في وعيها اول ماتهدي هترجع تتعامل طبيعي انا عارف ليلي قلبها ابيض مستحيل هتتخلي عني دي بتحبني
( كانت مليون فكره وحوار بيدور جوا دماغ احمد افتكر لما قالتله انت قتلت ابنك بأيدك والكلمه وجعته اوي عشان هو عامل كده فعلا بس انا عملت كده من غير مااقصد ماكنتش عايز دا يحصل )
نام احمد عالكرسي من التعب صحي لقي ليلي صاحيه وساكته ماببتكلمش
احمد : صحيتي امتي
ليلي : .................
احمد : ليلي ردي عليا بالله عليكي
ليلي : .................
احمد : انا بس عايز اطمن عليكي
ليلي : طلقني يااحمد
احمد : انتي لسه مصممه عالموضوع دا ياليلي
ليلي : طلقني
احمد : ياليلي انا ماقدرش استغني عنك
ليلي : وانا مابقتش عايزه اعيش معاك لحظه واحده ارجوك تطلقني انا مش عايزه الجميله بتاعتك دي وشكرا انك انقذتني من الفضيحه وداريت عليا غلطتي اللي غلطتها مع جوزي
احمد : انسي اللي فات ياليلي خلينا نبتدي صفحه جديده
ليلي : اللي فات حاولت انساه واوضح انه مستحيل يموت وبعد اللي حصل لازم كل واحد فينا يكون من طريق
احمد : ياليلي
قطعته ليلي وبصتله نظره مافهماش
ليلي : انا مش عايزك تقولي ياليلي تاني انا كرهت اسمي اللي بسمعه منك كرهتك يااحمد كرهت كل حاجه طلقني يااحمد انا المرادي مش هتنازل عن الطلاق اثبتلي مره واحده انك راجل قد كلمتك وعندك دم وطلقني
احمد : دا اخر كلامك ياليلي
ليلي : ايوه دا اخر كلامي يااحمد انا مابقاش عندي كلام تاني ممكن يتقال ومن هنا لحد ماتطلقني ياريت مش عايز اشوفك هنا
احمد : وانتي هتروحي فين
ليلي : هرجع بيت اهلي كده كده معايا المفاتيح بتاعته
احمد : لا هترجعي بيتك ياليلي انا اللي هسبهولك
دا مش بيتي عمري ماحسيت انه بيتي قد ماحسيت انه سجن مستحيل هدخل البيت اللي اتكسر فيه كل حاجه حلوه جوايا
خرج احمد من الاوضه تايه وتعبان ومش مصدق ان كل حاجه انتهت مافيش فايده في ليلي مصممه علي موقفها
اتصل بشروق عشان تقعد معاها من غير مايرد علي اسئلتها الكتير اللي ماعندهوش رد ليها ورجع البيت يغير هدومه اول مره يدخل البيت ماتكونش ليلي جوا ... البيت هادي وكئيب دخل اوضه النوم واتصدم لما شاف مكان الدم عالارض قعد عالارض يعيط حس انه فعلا ماكنش بني ادم بس المرادي مافيش اي حاجه في الدنيا هقدر اعوضها بيها عن ابنها وعن الوجع اللي عملته فيها فتح الدولاب بتاعها لقي الطقم اللي جابهولها اليوم اللي اتصالحوا فيه متعلق اخده ريحتها فيه
قعد يتكلم بصوت تعبان مش هقدر اسيبك ياليلي مش هقدر اعيش لوحدي ياريت تديني فرصه اخيره ياريت تسمعيني
اخد الطقم في حضنه ونام
( في المستشفي )
وصلت شروق عند ليلي لقيتها بتعيط
شروق : عامله ايه انهارده ياليلي
ليلي : تعبانه ياشروق تعبانه اوي
شروق : اندهلك الدكتور طيب
ليلي : لا ياشروق انا التعب اللي جويا مش تعب جسدي دا تعب نفسي انا اتدمرت ياشروق اندمرت كل حاجه خسرتها خلاص
شروق : انا كنت حاسه ان الموضوع مش طبيعي
قعدت تعيط ليلي وقالتلها : لا مش طبيعي
شروق : امال حصل ايه احكيلي ماتكتميش في قلبك كل دا
ليلي : هحكيلك كل حاجه ياشروق هحكيلك
اتفاجئت شروق من اللي سمعته من ليلي
شروق : ايه اللي بتقوليه دا ياليلي انا مش قادره اصدق
ليلي : هو ده اللي حصل من يوم الفرح
شروق : وانتي ازاي رضيتي بالوضع دا انتي غلطانه
ليلي : كنت عايزه احافظ علي بيتي ماكنتش عايزه استسلم
شروق : ودلوقتي قررتي تعملي اي
ليلي : هطلق ياشروق
ليلي : هتطلق ياشروق
شروق : تتطلقي
ليلي : اه دا احسن حاجه ممكن تتعمل انا خلاص مش هقدر اعيش معاه ولا ادخل البيت بعد اللي حصل
شروق : بس انتي مفروض متاخديش القرار دا دلوقتي ياليلي لازم تفكري كويس
هفكر في اي تاني ياشروق انتي شايفه بعد كل اللي حصلي دا في امل اني افكر تاني احمد مش بيحبني ياشروق مكش بيحبني ( وهي بتعيط )
شروق : طيب خلاص اهدي انتي دلوقتي لما تطلعي من المستشفي هنبقي نتكلم في الموضوع دا
ليلي : هو انا هطلع امتي
شروق : احتمال بكره ماتستعجليش انك تخرجي عايزين نتاكد ان لاقدر الله مايحصلش نزيف تاني
ليلي : ماشي تعبتك معايا ياشروق
شروق : بطلي هبل انتي اختي يعني لو مافقتش جمبك هقف جمب مين
ليلي : طيب روحي انتي لبيتك دلوقتي قربنا عالمغرب واحمد مالهوش ذنب في كل دا
شروق : هسيبك لوحدك
ليلي : لا متقلقيش مش لوحدي الممرضات موجودين
شروق : ماشي هروح اعمل الغدا وانضف البيت واجيلك تاني علي بليل
ليلي : ماشي ياحبيبتي
( في البيت )
فاق احمد من النوم مفزوع لاقي نفسه نام للمغرب اتصل علي شروق ردت عليه
احمد : ايوه ياشروق ازيك
شروق : ازيك يااحمد خير
احمد : انتي عند ليلي في المستشفي
شروق : لا انا روحت اجهز الغدا لمحمود
احمد : ماقولتليش ليه ياشروق ازاي سيباها لوحدها
شروق : وانت محتاج عزومه عشان تروح تشوف مراتك
احمد : طيب طيب انا هروحلها
قفل احمد مع شروق وهو مخنوق من اسلوبها معاه .. هي بتهاجمني كده ليه دي .. هو انا ناقصها
فكر يقوم يلبس بس افتكر كلام ليلي انها مش عايزه تشوف وشه تاني
بس يعني ايه هيستسلم ويسبها لا طبعا
قام اخد دش لبس هدومه ونزل فورا
دخل عند ليلي الاوضه وهو خايف من رد فعلها لقاها نايمه مارضاش يصحيها
باسها من راسها حست بيه ليلي بس مارضتش تبينله انها صاحيه
قعد جنبها ومسك ايديها وباسها واتكلم بصوت واطي
احمد : انا عارف اني غلطان في حقك وجيت عليكي وعارف ان مش هعرف اعوضك عن الالم اللي عشتيه بس انا نفسي تسامحيني وتديني فرصه اخيره انا اناني فعلا
سمعت كلامه بس ماقدرتش تتكلم .. شويه وكانت شروق وصلت
اول مادخلت لقت احمد ماسك ايد ليلي قالتله عامله ايه دلوقتي
احمد : نايمه من ساعه ماجيت ومارضتش اصحيها
شروق : طيب روح انت يااحمد
احمد : اروح فين انا مستني ليلي تفوق عشان عايز اتكلم معاها واطمن عليها
شروق : معلش يااحمد اعصابها تعبانه دلوقتي اي كلام ممكن يتأجل لحد ماتطلع من المستشفي وكلها بكره ياريت بلاش نضغط عليها
احمد : خليها تطلع عالبيت انا مش هكون هناك
شروق : لا انا هاخدها عندي
احمد : تاخديها عندك فين جوزك
شروق : وايه المشكله
احمد : مراتي هترجع علي بيتها
شروق : خلاص اللي تشوفوه
احمد : عن ازنك
اول ماطلع احمد من الاوضه
صحيت ليلي وقالتلها شروق
شروق : ايه صحيتي
ليلي : انا صاحيه من قبل انتي ماتيجي
شروق : امال احمد قالي ليه انك نايمه
ليلي : انا عملت نفسي نايمه عشان مايتكلمش معايا في حاجه
شروق : طب هترجعي علي بيتك ولا عندي عالبيت
ليلي : مش عارفه والله ياشروق
شروق : انا شايفه فعلا انك ترجعي بيتك عشان دا حقك مش معقول هتخسري كل حاجه كده
ليلي : وانتي فكرك البيت دا اللي هيعوضني عن حبى واحلامى اللي ضاعت
شروق : عارفه انه مش هيعوضك بس دا ابسط حقوقك ومدام هو مش هيجي يبقي كده مافيش داعي تعترضي وانا هبقي اجي اقعد معاكي زي مابعمل هنا
ليلي : انتي شايفه كده
شروق : اه اسمعي كلامي
عدي اليوم دا وطلع النهار
شروق ومحمود وليلي في المستشفي وماشين رايحين عالبيت
دخلت ليلي البيت كانت متوقعه تلاقي احمد جوا بس مالقتش حاجه خلاص
وصلتها شروق وجهزت لها حاجه سريعه تاكلها ومشيت هي ومحمود وقعدت ليلي في البيت كانت نفسيتها تعبانه جدا ومش قادره تتخيل البيت من غير احمد
كل ماتبص علي اي ركن فيه وتفتكر ايام عشتها حلوه ووحشه
دخلت اوضه النوم واتفاجئت ...............
رد: قصة غلطة حب 15 حلقة
قصه ((غلطه حب)) ..!!
الحلقه التامنه
لما دخلت ليلي اوضه النوم وبصت علي السرير لقت الطقم البمبي اللي جابهولها احمد يوم ماتصالحوا عرفت ان احمد طالعه من دولابها لما كانت في البيت
مسكت الطقم وقعدت علي السرير تعيط
اصعب قرار ممكن تاخده في حياتها انها تسيب احمد وتبعد عنه بس مابقاش ينفع تدوس علي كرامتها اكتر من كده الموضوع هيكون اصعب عليها
مسحت دموعها وحاولت تكون قويه وتواجه الايام اللي جاي لازم تعرف اهلها علي القرار اللي هي نوياه
بس لازم تعرف الاول احمد قرر يعمل ايه
ماهو لازمك يعرفني مش معقول هيسبني معلقه بالشكل دا
دخلت ليلي الحمام تاخد دش وتغير هدومها وتاكل
وهي طالعه من الحمام اتفاجئت بـ احمد قاعد بر علي الكنبه
ليلي : اي دا انت بتعمل ايه هنا
احمد : جيت اطمن عليكي
ليلي : كان ممكن تطمن عليا في التلفون انت قولتلي انك مش هتيجيلي البيت
احمد : لازم نتكلم ياليلي
ليلي : مبقاش في كلام ممكن يتقال انا قولتلك كل حاجه يااحمد خلاص
احمد : يعني انتي مصممه علي الطلاق
ليلي : ايوه يااحمد انا مش هرجع في كلامي تاني ابدا خلاص ارجوك خلينا ننفصل من غير مشاكل خلينا بحترم بعض للاخر
احمد : يعني دا اللي هيريحك ان احنا نسيب بعض
ليلي : ايوه
احمد : بس انا مش قادر ياليلي مش هقدر
ليلي : ليه مانت كده كده كمان 4 شهور كنت هتطلقني هنكون كملنا السنه
احمد : ماكنتش هطلقك
ليلي : كنت هتمدد المده شهري كمان ولا 3 ولا 4 كده كده هتطلقني عشان هتكون خلصت مهمتك الشريقه
احمد : بلاش تعملي فيا كده انا بقالي 3 ايام مانمتش ياليلي من التفكير
ليلي : اسفه يااحمد ... ياريت المره الجايه لما اشوفك يكون عند المأذون عشان تطلقني
اتعصب احمد : انتي بتضغطي عليا فوق طاقتي وبتحطيني في امر واقع عشان اطلقك .. انا مش هطلقك ياليلي مش هطلق
وسابها ومشي ... كانت فرحانه ان احمد لسه متمسك بيها وانه مش عايز يطلقها
اتصلت بشروق وحكتلها علي اللي حصل
شروق : طب كويس اوي كده .. الحمدلله كنت فاكركي هتبوظي اللي احنا اتفقنا عليه
ليلي : احمد صعبان عليا اوي ياشروق
شروق : معلش ياليلي لازم تجمدي وتحسسيه انك فعلا خلاص بايعه لازم تمشي زي ماتفقنا لازم يحس بقيمتك .. لازم يعرف انك مش لعبه في ايديه بيبع ويشتري فيها براحته
ليلي : طب وانا المفروض دلوقتي اعمل ايه
شروق : بما انه اكيد هيجي تاني البيت فانتي تغيري مفاتيح الشقه
ليلي : بس دا بيته بردو ماينفعش
شروق : معلش مش لازم يبقي سهل كده يدخل ويخرج في الشقه لازم يعرف ان في حدود
ليلي : طب وحاجته اللي في الشقه اودهاله فيمن
شروق : مش عارفه انتي ماتعرفيش هو بيروح يبات فين
ليلي : اه عارفه بيروح يبات مع بيوسف في الشقه
شروق : خلاص بسيطه اتصلي بيوسف
ليلي : انتي هبله اتصل بيوسف اقوله ايه
شروق : قوليله الخطه اللي احنا متفقين عليها
ليلي : لا طبعا ماينفعش
شروق : ليه مينفعش
ليلي : عشان حضرتك يوسف واحمد سر بعض واكيد لو شاف احمد بالمنظر دا هيقوله اللي فيها وساعاتها احمد مش هيعبرني واللي عملناه كله هيضيع علي الفاضي
شروق : تصدقي صح .. طب والحل
ليلي : انا عندي فكره انا هتصل بيوسف واقوله اني عايزه في موضوع ضروري بخصوصي انا واحمد
شروق : ايوه اللي هو اي الموضوع الضروري دا
ليلي : هقوله اني عايزه يقنع احمد انه يطلقني وهاخد معايا هدوم احمد وحاجته
شروق : صح كده انتي صح طب هتكلميه امتي
ليلي : بفكر اكلمه دلوقتي عايزه امشي بخطوات سريعه عشان ماديش لاحمد فرصه انه يفكر في اي حاجه
شروق : تمام اتصلي بيه دلوقتي وابقي عرفيني عملتي ايه
ليلي : اوك حاضر سلام
قفلت ليلي مع شروق وهي بتدور علي رقم يوسف في التلفون عندها .. فاكره ان مره احمد كلمه من تلفونها وهي سجلت رقمه عندها عشان لما تقلق علي احمد تتكلم علي تلفون يوسف
لقت الرقم وفعلا اتصلت بيه
ليلي : الو السلام عليكم ازيك يايوسف انا ليلي مرات احمد
يوسف : ليلي ازيك دلوقتي حمدلله علي سلامتك
ليلي : الله يسلمك يايوسف بقولك هو احمد عندك
يوسف : لا مش هنا دلوقتي في الشغل قدامه ساعتي كده وهيجي
ليلي : طب كويس
يوسف : هو مبيردش عليكي ولا ايه
ليلي : لا انا متصلتش بيه اصلا انا متصله بيك انت مخصوص عايزك في موضوع ضروري
يوسف : انا ؟؟ خير ياليلي في ايه قلقتيني
ليلي : انا عايزه اقابلك دلوقتي ضروري لو ماعندكيش مانع
يوسف : حاضر تحبي اجيلك فين
ليلي : تعالي عند البيت عشان معايا شنطه وحاجات عايزك تاخدها معاك
يوسف : شنطه ايه انتي هتسبي البيت ولا ايه ياليلي
ليلي : يايوسف هفهمك كل حاجه لما تيجي
يوسف : طيب مسافه السكه هكون عندك
قفلت ليلي مع يوسف واتصلت بشروق حكتلها اللي حصل وقفلت معاها عشان تحلق تلم حاجات احمد وتلبس هدومها
مافيش ساعه الا ربع كان يوسف بيتصل بيها بيقولها انا تحت البيت ياليلي انزلي
نزلت ليلي ومعاها الشنطه ودخلتها العربيه وقفت برا
يوسف : ادخلي ياليلي هتفضلي برا
ليلي : لا انا مش هدخل انا هقولك كلمتين وهمشي
يوسف : طب انتي هتمشي وبالنسبه للشنطه دي اللي في العربيه شايهل فيها مسروقات وهتبلغي عني ولا ايه هههههههه
ليلي : لا مش الفكره دي هدوم احمد
يوسف : ههههههههههههههههه طب وهدوم احمد هعمل بيها ايه انا .. هتبرع بيها
ليلي : بطل هزار يايوسف بقي شويه دي هدوم احمد عشان مش عايزه يجيلي البيت تاني
يوسف : مش فاهم
ليلي : يعني انا واحمد هنتطلق
يوسف : تتطلقوا ؟؟؟ لالا احمد بيحبك ياليلي مش ممكن اللي انتي بتقوليه دا خلاص
ليلي : انا جيباك هنا عشان تقنعه
يوسف : اااااااااه قولي كده بقي انتي بتحطيني انا في وش الاسد
ليلي : يايوسف انت صاحبه الوحيد اللي يقدر يقنعه
يوسف : اقنعه بإيه .. انه يطلق مراته
ليلي : يوسف لازم تقف جمبي
يوسف : مالقتيش غيري اقنعه بالمصيبه دي .. دا غير كمان المصيبه اللي في العربيه دي
ليلي : معلش يايوسف جميلك دا مش هنساه وانت زي اخويا
يوسف : طيب ياستي ربنا يستر
ليلي : ياريت تبلغني لما تقوله وتديله حاجته
يوسف : والله لو فات 24 ساعه من غير ماكلمك اعرفي ان الله يرحمني وان جوزك المجنون قتلني
ليلي : هههههههههه لا مافتكرش
يوسف : اضحكي ياختي مانتي مش خسرانه حاجه .. طيب عايزه حاجه انتي دلوقتي اجبهالك قبل ماامشي
ليلي : لا شكرا يايوسف مع السلامه
يوسف : مع السلامه
طلعت ليلي وهيا حاسه انها مشيت في اول خطه صح وكانن اختيار يوسف للمهمه دي اختيار كويس
دخلت ليلي البيت كلمت ليلي وحكتلها علي اللي حصل
شروق : انا حاسه صوتك بقي احسن دلوقتي
ليلي : مش عارفه ياشروق انا فرحانه وزعلانه وخايفه في نفس الوقت
شروق : طب زعلانه وعارفينها وفرحانه بردو عارفين عشان احمد متمسك بيكي بس خايفه من ايه بقي يالولو
ليلي : خايفه لاحمد يضايق من الحركه دي ويطلقني بجد
شروق : لو طلقك بجد يبقي هو مش بيحبك وبعدين دا حقك لان انتي تعبتي معاه اوي ولازم يحس بالتعب دا بقي
ليلي : ربنا يستر كلها شويه ويوسف يتصل بيا يقولي عمل ايه مع احمد
شروق : ان شاء الله خير اوعي تنسي تكلميني بس
ليلي : حاضر يلا باي دلوقتي
قفلت ليلي وهي خايفه من اخره اللعبه دي وقلقانه ومستنيه مكالمه زياد بأي شكل من الاشكال
( في بيت يوسف )
دخل احمد البيت
احمد : يوووسف يايووووسف انت يازفت فينك
ليلي : ايوه ياعم احمد في ايه انت فاكرني مراتك هاجي اقلعك الجزمه
احمد : بطل هزار الله يكرمك مش فايقكلك انا جاي اقوك اني هروح البيت النهارده وهصالح ليلي
يوسف : لالالالالا استني الله يكرمك انت .. تروح فين بس
احمد : ايه في اي رايح بيتي انا مش هفضل في الوضع دل
يوسف : استني يااحمد بس ليلي بعتلك شنطه هدومك معايا
احمد : انت بتقول ايه
يوسف : والله زي مبقولك اهو شنطه هدومك اهي
احمد : انت مجنون ياجدع ازاي تعمل كده من غير ماتقولي
يوسف : اقولك ايه بس ليلي اتصلت بيا قالتلي عايزاك في موضوع يخصني انا واحمد وقالتلي ماقولكش افتكرت انها عايزه تصالحك ومجهزه مفاجأه خصوصا انها قالتلي انها معاها حاجات مهمه
احمد : انت مجنون ياجدغ ازاي تعمل كده بردو من غير ماتعرفيني ادي غلطتي اني مصاحب عيال
يوسف : الله يسامحك ياعم احمد بس انا كمان عندي رساله ليك
احمد : بلا رساله بلا زفت
نزل احمد زي المجنو واخد العربيه علي البيت عند ليلي
_____________________
.
.
اتصل يوسف بسرعه بـ ليلي يبلغها اللي حصل
ليلي : ايوه يايوسف حصل ايه
يوسف : حصل نيله وهباب جوزك المجنون لما عرف كده بهدلني وقعد يزعق ونزل زي الاهبل وشكله كده جايلك
ليلي : يانهار اسود جاي يعمل ايه دلوقتي
يوسف : معرفش ياختي بقي شيلي ياختي مش دي افكارك المهببه
ليلي : طيب يايوسف انا هتصرف
يوسف : خلي بالك من نفسك ياليلي احمد مش فيه عقله دلوقتي
ليلي : ماتخفش عليا
قفلت ليلي بسرعه مع يوسف واتصلت بشروق وهي خايفه
وحكتلها اللي قاله يوسف واللي حصل
ليلي : طب وايه الحل دلوقتي اعمل ايه انا خايفه يضربني ولا يعمل فيا حاجه
شروق : لا متخافيش انا جايلك حالا
ليلي : جايلي تعمليلي ايه انتي كمان عايز يقتلنا بالجمله
شروق : امال اسيبك لوحدك معاه
ليلي : طب تعالى بسراعه
جات شروق عند ليلى
وقفلو الباب بالترباس
شروق : اوعى تفتحي حتي لو هيكسر الباب فاهمه
ليلي : حاضر فاهمه
قعدت شروق فى الاوضه مع ليلي وليلى مرعوبه مش عارفه تعمل ايه واخرتها ياربي في اللعبه دي شويه ولقت حد بيدخل مفتاح الشقه وبيحاول يفتحها عرفت ان احمد وصل
جرب احمد يفتح الباب والباب مش بيفتح خالص
احمد : افتحي ياليلي انا عارف انك جوا
ليلي : ....................
احمد : افتحي ياليلي احسن اكسر الباب عليكي
ليلي : امشي يااحمد ماتفرجش الناس علينا لو سمحت امشي
احمد : امشي ايه افتحي الباب مش همشي من هنا الا لما اعرف سبب اللي انتي عملتيه دا
ليلي : انت عارف ليه انا عملته امشي يااحمد الدنيا ليل مش عايزه الجيران تتفرج علينا الليله
احمد : بقولك افتحي ... وقعد يخبط علي الباب بكل قوته وهو بيزعق افتحي ياليلي بقولك افتحي
ليلي : امشي ابوس ايدك انا قولت ليوسف يقنعك تطلقني ارجوك كفايه كده بقي
احمد : طيب ياليلي مش انتي عايزه تطلقي
انتي طالق ياليلي طاااااااااالق
ومشي احمد وساب ليلي وهي منهاره مش مصدقه اللي هي سمعته ايه دا معقوله
طلقني بالبساطه دي
قعدت ليلي تعيط شويه لشروق
شروق : طمنيني عملتي ايه
ليلي : طلقني ياشروق طلقني ( وهي بتعيط )
شروق : طلقك معقوله دا اتجنن ولا ايه
ليلي : قولتك ان احنا هنكبر الموضوع وهخسره
شروق : ماتخسريه صدقيني هيفوق وهيرجعلك تاني كده كده في كل الاحول هو غلطان
( في عربيه احمد )
سايق بسرعه عاليه جدا ومتعصب ومش طايق نفسه يوسف عمال يتصل بيه ودا مابيردش علي اي حد اخر مازهق اح عامل الموبايل بتاعه سايلنت
وصل عند البيت بتاع زياد
يوسف : ايه ياعم مابتردش عليا ليه
احمد : عشان مش عايزه اعرفك تاني انا جاي اخد حاجتي من عندك وهغور في داهيه في ايه حتي تاني
يوسف : اهدا يااحمد بس انا كانت نيتي خير
احمد : اه نيتك خير عشان كده بعتلي معاك اني اطلقها مش كده
يوسف : يااحمد انا لحد ماروحتلها وانا معرفش عايزني في ايه
احمد : عموما ارتاح انا طلقتها خلاص
يوسف : طلقتها ايه يامجنون انت اكيد اتجنيت يااحمد
احمد : مش دي كانت المهمه بتاعتك تقنعني اطلقها
اديني وفرت عليك تعب الاقناع وفررت عليها التعب
يوسف : لا بس انا مش كنت هقنعها طبعا
احمد : تقنعي ولا مش تقنعني انا خلاص زهقت مابقتش قادر اتحمل القرف اللي انا فيه
يوسف : طب اهدا بس مش هتتنزل فين دلوقتي
احمد : مالكش دعوه رايح فين
يوسف : لا ليا دعوه طبعا
احمد : بقولك ايه يايوسف اطلع من دماغي دلوقتي احسن بلاش تخليني اخسرك انت كمان للابد
يوسف : لا انا مستحيل اسيبك في الحاله اللي انت فيها دي ابدا
احمد : ليه شايفنى مجنون ولا بشد فى شعرى انا طبيعى جدا اهو سبنى بقى ياخى
يوسف : طب انا هاجى معاك
احمد : لا انا عايز ابقى لوحدى مش دى شنطه هدومى
مسك يوسف ,.. لا ياعم مش هتاخدها انزل غير جو وتعالى
احمد : ماشى خد الشنطه كلها
نزل احمد تانى وساب الشنطه بتاعته مع يوسف
كان كده كده مش ناوى يرجع عالبيت عشان ماكنش طايقه فضل ماشى بالعربيه مش عارف هيروح على فين واحر مازهق وقف بالعربيه عالبحر ونزل قعد عالرمله قدام البحر كان الوقت متاخر والجو برد جد ومافيش عيره تقريبا عالبحر سرح فى الدنيا تانيه حاسس انه فى حلم طوووووويل اوووووى عامل زى الكابوس افتكر اخر ساعه
انا انا طلقت ليلى ... مسك دماغه وهو مش مستوعب اللى عمله ... ازاى بسهوله كده طلقتها ايوه هى حركتها مستفزه وماكنش مفروض انها تعملها بس بردو ماينفعش اطلقها كان لازم اسمع كلام يوسف واهدى قبل ما اروح
لا انا مش هينفع اسكت انا لازم اقوم اروحلها دلوقتى حالا لازم انى ماكنتش اقصد ابدا اللى حصل دا
قام احمد بسرعه ركب العربيه بتاعته وص لحد بيت ليلى
قعد يخبط كذه مره مافتحتش كان حاسس انها ممكن تكون نايمه قعد بتصل بيها اكتر من مره لحد ماصحيت شروق صحت ليلى
لقت ليلى احمد بيتصل بيها ردت عليه
ليلى : ايوه يااحمد
احمد : انا عالباب ارجوكى تفتحى
ليلى : ...........
احمد : ردى عليا ياليلى ارجوكى افتحى انا هبات عالسلم لو مافتحتيش رحت شروق قالت ليها : افتحيلو عادى
راحت ليلى فتحت الباب
كان شكله مبهدل خالص وتعبان مش هو احمد اللى دايما واخد باله من شكله فتحت الباب حبه صغيرين
ليلى : ايوه يا احمد خير ادينى فتحتلك
زق احمد الباب وداخل الشقه
احمد : انا تعبان ياليلى مش قادر حتى اتحرك
ليلى : انت حاسس بايه
دخلت شروق اخذته هيا وليلى عالكنبه وليلى مسكت دماغه لقت درجه حرارته عاليه
شروق : انت كنت فين قبل ماتيجى هنا
احمد : كنت على البحر
ليلى : قاعد عالبحر بالهدوم دى يااحمد واضح ان جالك برد
ليلى : الوقت متاخر مش عندى دوا تلحق الموقف
شروق : انا هنزل اجبلك الدواء البرد
ليلى : حاول تغير هدومك عبقال ماشروق تيجى
احمد : رايحه فين
ليلى : رايحه اعمل كمدات علشان الحراره
طلعت شروق بسراعه وفتحت ليلى ليها وليلى معاها الكمدات
لقو احمد واقع على الارض ومش حسس باى حاجه
نكمل فى الحلقه الجديده بقى
_هل ياترى ليلى هتكمل مع احمد وهتسامحه
_ ياترى احمد جراله ايه هيجراله ايه
هتعرفو فى الحلقه الجديده
رد: قصة غلطة حب 15 حلقة
قصه ((غلطه حب ))
الحلقه التاسعه
.
.
.
اتخضت ليلى وشروق اكتر لما حاولو يفوقو احمد وهو مش حاسس بـ حد نهائى بس هم كانو لازم تصحيه لازم يعملولو حاجه ياكولها علشان يقدر ياخد العلاج دا قعدو يفوقو فيه مابقوش عارفين يتصرفو ازاى
ليلى : هنعمل ايه دلوقتى دا مش حاسس بحاجه خالص
شروق : اتصلى بيوسف قوليلو
اتصلت ليلى بيوسف
ليلى : يوسف ابوس ايدك الحقنى
يوسف : ليلى فى ايه خير
ليلى : الحقنى يايوسف احمد تعبان جدا
يوسف : هو فين
ليلى : عندى فى البيت
يوسف : طب انا جاى حالا
ليلى : بسرعه الله يخليك
نزل يوسف زى ماهو بهدوم البيت واخد العربيه طلع عالبيت عند ليلى لقى احمد تعبان جدا ودرجه حرارته عاليه وليلى وشروق بيفوقه فيه وليلى بتعيط
يوسف : احنا لازم ناخده المستشفى حالا
شروق : طب يلا يايوسف
يوسف : طب قولى لـ ليلى تحط عليه اى حاجه تقيله من فوق هاتيلى انا كمان
اى جاكيت من عنده البسه وانتى تقلى هدومك وليلى كمان الدنيا بتمطر تحت والجو برد جدا
شروق : حاضر حاضر
راحت ليلى عالدولاب تجيب اى حاجه تلبسها لـ احمد وحاجه ليوسف وشروق ولبست هيا البالطو بتاعها ونزلوا سندوا احمد والحمد لله ان العماره كان فيها اسانسير الا ماكنوش هيعرفوا ينزلوا بيه هما التلاته وصلو عالمستشفى ماكنش في وقتها الا الطوارئ
الدكتور : تقريبا عنده نزله شعبيه حاده
يوسف : طب وبعدين
ليلى بعياط : الله يخليك يادكتور اتصرف دا بقاله مده طويله اوى وحرارته عاليه اوى
الدكتوره : احنا هنعلقله شويه محاليل وهيكون كويس ان شاء الله
شروق : متخفيش ياليلى
ليلى : يارب ياشروق
ابتدت درجه حرارته تنزل شويه
يوسف : دكتور لو سمحت هو انا اقدر ارجعه عالبيت دلوقتى
الدكتور : اه مافيش مشكله بس لازم الادويه بتاعته ياخدها فى وقتها
شروق : اه ماتقلقش مراته اكيد هتاخد بالها منه
الدكتور : اوك اتفضل دى الادويه اللى المفروض ياخدها
ليلى : شكرا يادكتور
وطلع يوسف وشروق لقى ليلى قاعده وشكلها تعبان جدا
شروق : ليلى بقولك ايه يالا بينا نروح
ليلى : هنروح فين نسيب احمد
يوسف : لا احنا هناخد احمد
ليلى : بس دا لسه مافقش
يوسف : هنحاول نرجعه البيت مش هينفع تفضلى قاعده كده انتى وشروق مش هتفضل قاعده معاكى كل دا
شروق : اه ياليلى انا لازم اروح علشان محمود
ليلى : طب ياشروق روحى انتى علشان جوزك
روحت شروف البيت ويوسف وليلى روحو على البيت
يوسف وصل لحد اوضه احمد ونيمه
يوسف : لو حصل اى حاجه تانى كلمينى
ليلى : اسفه يايوسف صحيتك من النوم وبهدلتك معايا
يوسف : لا ابدا محصلش حاجه ابقى طمنينى عليه بقى
ليلى : حاضر تصبح على خير
يوسف : وانتى من اهله
قفلت ليلى الباب ورا يوسف ودخلت نامت فى اوضتها من تعب
صحى احمد اصبح قام احمد وغسل وشه ولبس هدومه راح اتكلم مع شيخ وساله فى موضوع الطلاق دا قاله ان هو لازم يدفع كفاره يمين وقعد يديله شويه نصايح فى معاملته مع زوجته وكده خرج احمد من الجامع وطلع علشان يدفع كفارة يمين
صحيت ليلى من النوم الساعه 7 مش لقت احمد فى البيت
اتصلت عليه لاقيته بيفتح باب الشقه
ليلى : انت كنت فين يااحمد
احمد : كنت فى الجامع بسال شيخ على موضوع الطلاق
ليلى : طب تاكل علشان تاخد الدوا
احمد : دوا ايه
ليلى : دوا البرد
احمد : برد ايه
ليلى : بعدين هفهمك دخلت ليلى المطبخ وتعمله اى لقمه ياكلها علشان تديله الدوا
اكل احمد وخدت علاج
ليلى : الدوا دلوقتى هيعمل مفعوله وهتبقى كويس
ودخلت المطبخ طلعت شويه خضار وفرخه وقالت هتعملهم عالغدا وفرصه ترد على شروق الى عماله تتصل حكلتها ليلى على اللى حصل
شروق : طب انتى هتعملى ايه دلوقتى
ليلى : اكيد مش هطرده من بيته وهو تعبان كده لازم اطمن عليه ولما يخف نبقى نتكلم
شروق : طب الف سلامه عليه ياحبيبتى لو احتجتى حاجه كلمينى
قفلت ليلى مع شروق ودخلت تكمل عمايل العدا ودخلت تطمن على احمد
ليلى : انت عامل ايه دلوقتى
احمد : احسن الحمد لله تعبتك معايا
ليلى : مش لوحدى يوسف كان معايا فى المستشفى
احمد : يوسف ؟؟
ليلى : اه لما لقيتك مابتردش عليا انا وشروق خوفت يكون حصلك حاجه اتصلت بيه وجه اخدك
احمد : كننى لبسه ايه لما يوسف جه
بصتله ليلى بصه غريبه وماردتش عليه
احمد : مش اقصد حاجه وحشه
ليلى : ولا تقصد ولا متقصدش انا هستنى لحد ماتخف لحد ماشوف انا هعمل ايه
كان خايف احمد جدا من للى ممكن يسمعه من ليلى ايه اللى ممكن تقوله
ليلى : اضمن منين يااخمد انك مش هتيجى عليا تانى .. اضمن منين انك مش هتتخلى عنى وتسبنى
احمد : مستحيل ياليلى ماانا لو عايز اسيبك او اتخلى عنك ماكنت هفضل اتحايل عليكى كل دا علشان ترجعيلى ياليلى
ليلى : نفسى اصدقك يااحمد نفسى احس بالامان وانك ممش هتغدر بيا
احمد : ادينى فرصه اخيره واوعدك انى مش هخيب املك فيا
سكتت ليلى كان خايف احمد اى كان نفسه الكابوس دا يخلص ويرجع لليلى تانى
ليلى : طب وبالنسبه لموضوع الطلاق
احمد : دا طلاق وقت غضب وسالت الشيخ عن الموضوع دا قالى لازم ادفع كفاره يمين ودفعته وجيت
ليلى : ماشى
احمد : افهم من كده انك موافقه
ليلى : ايوه موافقه يااحمد هثق فيك للمره الاخيره بس صدقنى المره الجايه قاطعها احمد صدقينى مش هيبقى فيه مره تانيه بوعدك
عدت الايام والامور مابين ليلى واحمد طبيعيه والحمد لله وفى يوم عالغدا رن تيلفون احمد
احمد : الو ايوه مين معايا
(صوت بنت ) ايه دا انت مش عرفنى
(ارتبك احمد شويه وليلى اخدت بالها )
لا مش عارف حضرتك مين
مريم : انا مريم يااحمد انت نسيتنى ولا ايه
قام احمد من عالسفره بسرعه ودخل البلكونه
احمد : انتى ايه اللى فكرك بيا بعد المده الطويله دى
مريم : انت اللى نسيتنى يااحمد انا سافرت عند اهلى امريكا وانت اللى قطعت الاتصال خالص وعرفتنى انك خطبت وبعدت
احمد : طيب كويس اديكى عارفه انى كنت خاطب ودلوقتى انا متجوز
مريم : ايه دا اتجوزت بسرعه كده
احمد : هو دا بالنسبالك بسرعه
مريم : مش عارفه
احمد : انتى متصله ليه دلوقتى
مريم : عايزه اشوفك واكلمك ضرورى
احمد : مش هينفع يامريم لو سمحتى انا مش عايزه مشاكل مع مراتى
مريم : ارجوك يااحمد فكر انا واقعه فى مشكله وماليش حد يقف جنبى غيرك
احمد : طيب ممكن نتكلم بعدين انا مش عايزه مراتى تشك فى حاجه دلوقتى لو سمحتى
مريم : اوك يااحمد انا هستنى اتصالك مع السلامه
طلع احمد وهو وشه احمر ومرتبك ومتوقع سوال ليلى
ليلى : كنت بتكلم مين يااحمد
رد: قصة غلطة حب 15 حلقة
قصه (غلطه حب ) ..!
الحلقه العاشره
.
.
سالت ليلى مين كان بيكلمك يااحمد وبأرتباك رد عليها احمد
احمد : ابدا دى مكالمه فى الشغل
ليلى : طيب مدام هى فى الشغل ماتكلمتش جنبى ليه
احمد : عادى ياليلى ماكنتش سامع كويس والشبكه وحشه
ليلى : غريبه الشبكه مش وحشه ولا حاجه
احمد بعصبيه : خلاص ياليلى
شكت ليلى فى احمد حست انه بيكذب عليها وردت بزعل طيب
قامت ليلى تلم الاكل وهى مستغربه من المكالمه الى جت فاجأه وغيرت احمد
كان احمد سرحان وبيقلب فى القنوات
ليلى : هو انت ليه من ساعه المكالمه دى مش طبيعى وسرحان
احمد : لا انا حاسس نفسى تعبان وعايز انام بس
كانت كل الادله قدام ليلى بتاكدلها ان احمد بيكدب عليها
دل احمد نام شويه وقال لـ ليلى تصحيه وقت الماتش بتاع الاهلى النهارده قعدت ليلى محتاره ومضايقه من احمد بتبص لقت موبايل احمد قدامها اترددت تاخد الرقم تجرب مين اتصل واخر مزهق جمدت قلبها واخذت الرقم وكتبته عندها على الموبايل
خافت تتصل من تلفونها قالت مفيش غير شروق
اتصلت بشروق وحكتلها كل اللى حصل
شروق : اممم طب هاتى الرقم اتصل بيه اشوفه بنت ولا ولد
اخذت شروق الرقم وقفلت مع ليلى كانت ليلى خايفه اوى يطلع اللى فى بالها صح
مرت الدقائق وشويه اتصلت شروق بليلى
ليلى : ها شروق
شروق : ايوه بنت واستهبلت عليها قولتله اكلم منى قالتلى لا الرقم غلط اصبرى اغدى احمد ونفكر نعمل ايه بقى واتعاملى عادى وماتبينيش اى حاجه فاهمه
ليلى : فاهمه حاضر
شروق : انتى جوزك هيروح الشغل امته
ليلى : 9 اصبح
شروق طيب انا بكره هيجى نتكلم فى الموضوع دا سلام
قفلت ليلى مع شروق وهى بتغلى عايزه تقوم تصحى احمد وتولع فيه وكان معاد الماتش الاهلى قرب يجى صحى احمد وقعد يتفرج عالماتش كان كلامها قليل اوى معاه
احمد : مالك ساكته وهاديه كده ليه
ليلى : لا مقيش سيباك تركز فى الماتش
احمد : ليه همتحن فيه بكره
ليلى : مش عارفه عادى بقى
كانت ليلى فى ملكوت تانى خالص حتى لو كلمه ليها علاقه بالسوال
عدت الليله دى ونزل احمد الصبح للشغل
واتصلت ليلى بشروق وجات
شروق : انتى ياستى شكل حد بصلك فى الجوازه دى
ليلى : انا مش عارفه مبقعدش كام اسبوع كده كويسين لازم يحصل حاجه
شروق : بصى جايز يكون جوزك مظلوم
ليلى : طب واجنا هنعرف ازاى
شروق : طيب بصى انتى هتتعملى عادى لحد متحسيسه انك خلاص نسيتى الموضوع شوفي لو تصرفاته مش مظبوطه يبقى نشوف هنعمل ايه لو زى ماهيا يبقى كده احمد مظلوم
(فى الشركه )
قعد احمد ماسك التيلفون مش عارف يتصل بـ مريم ولا يطنش ماهو لو متصلش ممكن تتصل عليه تانى فى البيت وساعتها هتبقى مصيبه مع ليلى قرر احمد يتصل
مريم : الو يااحمد انا كنت مستنيه اتصالك
احمد : انا اتصلت علشان اعرف الموضوع المهم قولى بقى
مريم : مينفعش فى التلفونن لازم اقبلك لو ينفع دلوقتى ماشى هقبلك فيه كوستا عالبحر
احمد : خلاص مسافه الطريق هكون عندك
قفل احمد مع مريم وهو متوتر وحب يطمن على ليلى اتصل بيها وكلمها واطمن عليها مش عارف ليه بس كان حاسس بذنب وتانيب الضمير اتجاها
ونزل راح للمريم
دخل احمد شاف مريم
مريم : ازيك عامل ايه متغيرتش يااحمد
احمد : ولا انتى اتغيرتى
اخمد : ها ياستى طمنينى ايه الموضوع المهم اوى دا خلاكى تنزل من امريكا علشان تكلمينى
مريم : بختصار يااحمد انا عايزك تتجوزينى يااحمد
اتصدم احمد من طلب مريم
احمد : نــــــعـــــــــم
مريم : بص يااحمد انا اهلى عايشين فى امريكا وكده بس تفكيرهم العربى ماتغيرش خالص مصممين انهم يجوزونى واحد اكبر منى بـ 18 سنه وانا نفسى اسس حياتى زى حلمت ويبقى ليا مشروعى الخاص وانا قولتلهم ان اتجوزت واحد مصرى لما ضغطو عليا جامد
احمد : انتى ناسيه انى متجوز
مريم : لا مش ناسيه هما كام يوم كده فى سر على سنه الله ورسوله وطلقنى
احمد : انتى اكيد اتجنينتى يامريم
مريم : انا عارفه ان الطلب صعب بس ارجوك ساعدنى
احمد : اشمعنى انا يعنى
مريم : علشان انت الوحيد الى هيطلقنى من غير مايساومنى علشان متجوز وبتحب مراتك
احمد : وانا بحب مراتى مستحيل اعمل كده فيها
مريم : متستعجلش فى الرفض يااحمد الموضوع مستاهل تفكير على فكره احنا هنتجوز كام يوم وخلاص انا عندى بيتى ومعايا مصروفى وهنتجوز عالورق بس بس يعنى مش عايزه منك اى حاجه تانى ولا حتى اى حقوق ارجوك توافق دى هى كلها ورقه وخلاص فكر يااحمد ومستنيه ردك وافتكر حته الورقه اللى هنكتبها عند المأذون
وتنقذنى بيها احسن ماتفضل عايش بالذنب انك سبتنى اتجوز واحد قد أبويا يدفنى معاه بالحياه اوعدنى انك هتفكر
احمد : حاضر يامريم انا همشى دلوقتى علشان اتاخرت ياريت انتى مماتتصليش بيا ابدا وانا هبقى اتصل بيكى اقولك قرارى
مريم : اوك حاضر بس فكر كويس لو سمحت
مشى احمد وهو مصدوم ومتفاجئ من الورطه السودا الى حطيته فيها مريم رجع الشركه وحكى ليوسف
يوسف : ايه ياعم داخل زريبه مافيش ازيك السلام عليكم عامل ايه
احمد : بس يازياد الله يخليك سبنى فى حالى
يوسف : ايه ياعم مالك مضروب شبشبين ليه
احمد : انا ورطه مايعلم بيها الا ربنا
يوسف : قول انا عارف معرفتى بيك مش هيجى من ورها خير ابد متخانق مع ليلى تانى
احمد : لا ياريت
يوسف : امال سرقت الشركه
احمد : بس بطل هزار شويه واتكلم بجد
قعد حكاله احمد اللى حصل كله
يوسف : يانهار منيل بنيله
احمد : شوفت علشان لما اقولك انى فى ورطه تصدقنى
يوسف : دى مصيبه دا لو ليلى عرفت هطين عشتك وانت مش ناقص
قام احمد وراخ مكتبه وخلص شغله ورجع عالبيت
كانت ليلى مجهزه الغدا بتتعامل معاه عادى جدا واحمد لاحظ ان هيا عاديه فاطمن
وتانى يوم راح الشغل واتصل بمريم منها يتقابلوا فى نفس المكان
(فى الكافيه)
مريم : ايه يا احمد فكرت
احمد : ايوه فكرت يامريم ..
( لسه هيتكلم ككان تيلفون مريم بيرن ردت عالتيلفون )
مريم : ايوه يابابا انا بخير الحمد لله .. بجد جايين كمان اسبوع ... طبعا طبعا مستنياكم .. جوزى تمام اهو .. اه معايا )
مدت مريم اديها بتلفون لـ احمد وهى بتقول لباباها خد يابابا احمد معاك اهو شاورلها احمد انه مش هيكلم حد لكن ضغطت عليه مريم اخد التيلفون
( ايوه ياعمى .. اهلا بيك تنور ... مستنيك انا ومريم ... هتشرفونا .. هد مع حاضرتك اهى )
احمد : انتى ازاى تعملى كده وتخطينى امر واقع يعنى ولا ايه
مريم : اصل كل مره يتصل بيا بابا ويسالنى عن جوزى اقوله انه فى الشغل اشتغليت ان انت معايا النهارده وخليتك تكلمه
احمد : انتى تصرفاتك مستحيل تكون تصرفات واحده عافله ابدا انتى عرفتى قرلاارى
اتعصب احمد وقام وسابها ومشى
رجع احمد البيت ولقى ليلى قاعده بتعيط قالها مالك ياليلى
سكتت ليلى ومردتش غليه وقعدت تعيط اكتر
احمد خاف تكون عرفت حاجه سالها تانى
مالك ياليلى فى ابه ؟؟. ......
.رد: قصة غلطة حب 15 حلقة
قصه (( غلطه جب ))
الحلقه (11)
.
.
احمد : مالك ياليلى بتعيطى ليه
ليلى : فات شهرين ولسه ماحصلش حمل
احمد : لا ياليلى مايمكن ربنا مش رايد
ليلى : لا يااحمد انا قلقانه لـ مش اخلف خالص وتكون الحادثه دى والنزيف يكون السبب
احمد : بلاش تخلى الشيطان يلعب فى دماغك ياليلى
ليلى : لا يااحمد انا لازم اروح للدكتور واتاكد
احمد : خلاص زى ماتحبى روحى للدكتور
عدى اليوم ونزل احمد الشغل
واتصل بـ مريم قالها انه موافق على موضوع الجواز دا وقالها بعد مااهلها يسافروا كل واحد فيهم هيروح من طريق وفقت مريم على كلامه
وليلى قالتله وقالتله انها حجزت معاد عند الدكتور الساعه 9 ياريت متتاخرش عليا
خلص شغله وراحت كشفت والدكتور قالها ان الحمل مش هيحصل بسهوله زى الاول بس لازم تنتظم على الادويه طلعت ليلى من عند الدكتور وهيا مضايقه ومخنوقه وبتعيط
احمد : مالك ياليلى بتعيطى ليه يابنتى اكيد هيحصل حمل بس خليكى منتظمه على الادويه
ليلى : انا مش عايزه اتكلم فى الموضوع يااحمد (بعصبيه)
وصلو البيت ليلى مش بتكلم مع احمد خالص طول اليوم ليلى زعلانه منه ومش طايقه هو السبب فى اللى هيا فيه هو اللى حرمها من انها تكون ام واحمد بيفكر فى تفكير ليلى وخايف من اللى بيجرى فى دماغها وبيفكر فى مريم وهيعمل اى معاها
كانت العلاقه ليلى مع احمد بتذداد سوء ليلى متجنبه احمد خالص وكلامها مع قليل جدا
احمد : انا مسافر اسبوع تبع الشغل ماموري ضرورى لازم اخلص
ليلى : ماشى يااحمد ترجع بسلامه
احمد : هتعملى ايه خلال وانا مسافر
ليلى : هروح اقعد عند شروق جوزها مسافر السعوديه سنتين هروح اقعد عندها
احمد : ماشى خلاص زى ماتحبى
طلع النهارد ومشى احمد راح للماذون هو ومريم وراحت ليلى عند شروق ووصت يوسف يبجلها العلاج على طول وكتبو الكتاب احمد ومريم واحمد من اول ماخرج منطقش بكلمه ومريم مستغربه وركبين العربيه علشان يجيبو اهل مريم كان شكل فى السن قبلو احمد بترحيب كبير واتكلمو معاه
وصلو البيت كانت مريم مجهزه كل حاحه مشيت تمام عدت ليلى تمام وكل شئ حصل زى ماهم عايزين واحمد اتصل بليلى اطمن عليها وكان حاسس ببرود فى صوت ليلى وتانى يوم اتصل احمد بليلى كانت الساعه 8 بليل
احمد : ايوه ياليلى عامله ايه طمنينى عليكى
ليلى : ازيك يااحمد بجد انت هتيجى امته بقى
احمد : حلاص هانت ياليلى كلها 3 ايام وجاى هانت
ليلى : مستياك اوى بقى
احمد : غريبه اى الى غير فكرتك
ليلى : حسيت انى غلطانه انى بعمل معاك وحش قبل ماتسافر
( كانت مريم بتسمع المكالمه بينهم وكانت متغاظه وخصوصن ان هيا كانت بتحب احمد حبت تغرى احمد بجمالها وفعلا نجحت فى كده وخليته يقرب منها والجواز مبقاش على ورق بس بقى زى اى اتنين متجوزين حست مريم انها انتصرت عليه وملكته فضل الوضع دا 3 ايام لحد ماهلها سافرو )
واخير فاق احمد من اللى كان وندم احمد جدا لانه خان ليلى ورجع لـ ليلى
لحظت ليلى انه بيعملها ببرود اول مادخل سلم عليها ببرود وحط شنطته على الارض ودخل على اوضته كانت فاكره ان احمد هيستقبلها احسن من كده دخل احمد اوضته وبيحاول يطرد مريم من افكاره ومش قادر ... طب ليلى ايه ذنبها لا مينفعش اظلمها انا لازم اطلق مريم وكل واحد يروح لحاله عدى اليوم وتانى يوم الصبح صحى احمد وهو مقرر انه ميردش على تليفونات مريم لحد ميطلقها ويرد يقولها انه طلقها راح حكى ليوسف اللى حصل يوسف مسكو زعقلو وبهدلو وقاله ان لازم يطلقها عدى 3 ايام ومريم عمله تتصل بيه وجات الشركه فى اليوم الـ 4 دخلت الاول على يوسف
مريم : ازيك يايوسف
يوسف : مريم ؟؟
مريم : اه مريم مالك استغربت ليه هو فين احمد ؟؟
يوسف : ابدا ابدا ايه اللى هيخلينى استغرب يعنى احمد فى مكتبه
مريم : طيب ...عن اذنك
دخلت لـ احمد
مريم : ممكن اعرف مبتردش على تلفوناتى ليه
احمد : انتى ايه اللى جابك هنا ... علشان مش عايز ارد وارجوكى امشى من هنا الناس كلها عارفه انى متجوز ووجودك هنا غلط عليا
مريم : انا مستنياك فى البيت انهارده في موضوع ضرورى تعرفه وان مجتش هروحلك البيت عند ليلى وقولهالك هنا ومشيت
رحلها احمد غصب عنه علشان خايف لليلى تعرف وساعتها مش هتسمحه طول عمرها راح لمريم البيت واتصل قال لـ ليلى انه هيتاخر ساعه كمان
احمد : خير عايزه ايه منى يامريم
مريم : احب اقول لحاضرتك يااستاذ احمد انى لعبه اللى لعبنها مش هتنتهى بسهوله زى مانت فاهم
احمد : عايزه تقولى ايه انجزى
مريم : يعنى انا حامل ياااحمد ‏‎gasp‎‏ رمز تعبيري ‏‎gasp‎‏ رمز تعبيري
نكمل بقى فى الحلقه الجايه ‏‎smile‎‏ رمز تعبيري ‏‎devil‎‏ رمز تعبيري
.
.
هل ياترى تصرف احمد هيكون ايه
ياترى هيعمل فيها زى ماعمل فى ليلى
ولو ليلى عرفت هيكون ردها ايه وهتعمل ايه فى احمد
رد: قصة غلطة حب 15 حلقة
قصه (( غلطه حب )) ..!!
الحلقه ( 12 )
اتصدم احمد من كلام مريم
احمد : بتقولي ايه حامل ازاي
مريم : يعني حامل
احمد : اكيد طبعا اللي في بطنك دا هينزل
مريم : اه يبقي انت بتحلم اسمع يااحمد انا استحملت معاملتك الزباله معايا اليومين اللي فاتوا عشان انا بحبك
احمد : بتحبيني ايه وزفت ايه انتي عايزه تقنعيني ان الاسبوع اللي قعدت فيه معاكي دا خلاكي تحبيني
مريم : لا مش الاسبوع انت انسان مش بتفهم انا بحبك من زمان .. انت فاكر ان الحوار بتاع اهلي اللي غاصبني عالجواز والرجل الكبير اللي عايز يتجوزني
والروايه اللي قولتلك عليها ديه حقيقه
احمد : امال انتي كنتي بتضحكي عليا
مريم : كله كان فيلم عملته عليك عشان تتجوزيني هو انت فاكر اني ماكنش في ايدي اتجوز اي واحد غيرك بالفلوس واخليه يطلقني بالفلوس تبقي غلطانه اوي انا كنت عايزك انت وكنت عارفه انك هتضعف قدامي
احمد : دا انتي شيطانه
مريم : ماتحسسنيش ان انت اللي ملاك اوي .. ومدام حضرتك ملاك كده وافقت ليه من الاول انك تتجوز علي مراتك وتكدب وتمثل عليها لعلمك انا وانت عينه واحده
( ضربها احمد بالقلم علي وشها )
مريم : اسمع يااحمد انا لحد دلوقتي مش عايزه اوريك الحقاره اللي علي اصولها
بس خد بالك اللي في بطني مافيش قوه هتخليني انزله وهولده وهيتسجل بأسمك ولو فكرت تقل بعقلك معايا
رقم ليلي معايا هكلمها وهحكيلها علي موقفك البطولي معايا كراجل ( بضحكه مسفزه ) بصلها احمد بقرف وهو مش عارف يتصرف ازاي
احمد : يعني انا حرمت مراتي من انها تكون ام عشان انا اكون اب من واحده غيرها كان يااحمد مش قادر يفكر ولا قادر يعمل ايه حاجه دماغه قربت تنفجر وقع في مصيبه مش عارف هيقول ايه لـ ليلي لو عرفت حاجه زي دي مستحيل هتسامحيني مستحيل
كان وقف بالعربيه تحت بيت يوسف
دخل البيت علي طول وكالعاده يوسف عارف
يوسف : يامصابيك يااحمد بيه ها ايه المصيبه بتاعه النهارده
احمد : مريم حامل
يوسف : ايييييييييييييييييييه انت بتقول ايه حامل يانهار
احمد : شوفت المصايب اللي نازله ترف علي دماغي اخر حاجه كنت اتوقعها
يوسف : دي اكبر مصيبه فعلا ممكن تكون عدت علينا لازم تنزل البيبي دا
احمد : مش راضيه وهددتني اني لو ماتعدلتش معاها هتقول لـ ليلي
يوسف : لالالالا بقولك ايه اقعد كده خلينا تفكر في حل للمصيبه السودا دي
احمد : ..................
يوسف : بقولك ايه يااحمد مش هينفع نهائي انت عارف معني انك تكون اب دلوقتي من مريم بعد المصيبه اللي عملتها مع ليلي قبل كده انك ممكن تقضي عليها
احمد : مانا عارف وبعدين انا مش عايز اكون اب اصلا من مريم ازاي دي تكون ام عيالي دي شيطانه
يوسف : مش وقته شيطانه ولا زفت انت لازم تحرقلها الكارت اللي هي بتهددك بيه
احمد : انت اتجنينت عايزني اقولك لـ ليلي
يوسف : لا طبعا
احمد : امال
يوسف : انت تبعتلها رساله بكره تقولها انك حكيت كل حاجه حصلت لـ ليلي وانها تبعد عنك
احمد : وتفتكر هتدخل عليها
يوسف : ايوه هتدخل عليها قولها كده بلاش في رساله قولها في وشها خليها تشوف ثقه في عينيك ساعاتها هتنكسر
احمد : انا خايف يايوسف الموضوع يكبر
يوسف : واضح انها كانت لعباها ومخططاها صح عشان توقعك وعارفه كويس الكارت اللي تضغط عليك بيه
احمد : انا ماكنتش متوقع انها شيطانه كده
يوسف : انا لما شوفتها في المكتب كنت حاسس ان مجيتها مش ورها خير لازم بكره تنهي معاها الموضوع دل زي ماقولتلك عشان ماتروحكش هي تتصرف وتقول لـ ليلي
وساعات مفيش قوه هتخلي ليلي تسامحك
احمد : فعلا انا همشي دلوقتي عشان اتأخرت علي ليلي
يوسف : ماشي خليكي طبيعي معاها بس
احمد : ربنا يسهل
نزل احمد من عند يوسف وهو نفسه يكون في كابوس ويصحه منه قريب
وصل عند ليلي
ليلي : ايه ياحبيبي اتاخرت كده ليه
احمد : طلعت مع يوسف شويه كان مضايق وحبيت افك عنه شويه
ليلي : ثواني اجهز العشا
احمد : لا ياحبيبتي تعبان اوي انهارده ومليش نفس اتعشي انتي
ليلي : ماشي
دخل احمد ينام وهو مش عارف ينام بس عايز يهرب منن ليلي ونظرتها اللي مليانه اسئله مله مر الليل طويل اوي ومن كتر تفكيره سرح ونام
تاني يوم راح البيت عند مريم
عشان يقولها الكلمتين اللي اتفقو عليه هو ويوسف
مريم : كنت عارفه اني مش ههون عليك انا وابني
احمد : بس متقوليش ابني .. انا لا يمكن هسمحلك تكملي في لعبتك دي للاخر
مريم : تاني هتقول الكلام دا
احمد : اسمعي يامريم لو كنتي فاكره انك بتهدديني بـ ليلي فانا اعترفتلها بكل حاجه
مريم : اعترفتلها
احمد : ايوه قولتلها كل حاجه
مريم : ايه الرجوله اللي نزلت عليك فاجأه ديه
احمد : احترمي نفسك يامريم انا راجل غصب عنك
مريم : هو في راجل يتخلي عن ابنه
احمد : ايوه لو كان ابني من واحده محترمه
مريم : انا محترمه غصب عنك
( مسكها احمد من درعها وزقها ع الارض ونزل )
اتعصبت مريم من رد فعله
ماشي يااحمد انا هوريك وريني بقي الرجوله هتوديك لفين
قامت مريم لبست هدومها واخدت اورق تحاليل الحامل وقسيمه الجواز وحطتهم في الشنطه وخدت العربيه ونزلت
وصل احمد البيت عند ليلي كالعاده ليلي حاسه انه مش طبيعي بس سكتت
وجهزت الغدا لسه قاعدين عشان يتغدوا
جرس الباب كان بيرن
.
قامت ليلي تفتح الباب كانت مريم في وشها
ليلي : ايوه حضرتك مين
مريم : ممكن تسمحيلي ادخل
ليلي : ايوه لما اعرف مين حضرتك وعايزه ايه
مريم : هتعرفي كل حاجه دلوقتي
اول ماسمع احمد صوت مريم عارف انه وقع في المصيبه خلاص
دخلت مريم وقعدت
مريم : اظن احمد موجود ياريت تنديله في القاعده الحلوه دي
ليلي : انتي تعرفي احمد منين
مريم : هتعرفي كل حاجه مش تستعجلي
ليلي : يااحمد يااحمد
جه احمد
مريم : ايه يااحمد مش المفروض انك حكتلها كل حاجه بردو
ليلي : حكالي ايه مش فاهمه
مريم : تؤتؤتؤ .. كده يااحمد تكدب عليا وتقولي انك عرفت لـ ليلي ان انا مراتك
ليلي : مراااااااااته
احمد : سيبك منها ياليلي دي واحده متخلفه عقليه
مريم : عيب كده يااحمد تشتمني قدام ليلي اه ياحبيبتي مراته
وفتحت شنطتها وطلعت منها قسيمه الجواز وادتها لـ ليلي بصت فيها ليلي
وهي مش مصدقه نفسها ومصدومه وبتزعق لاحمد
ليلي : ايه دا يااحمد اللي بتقوله الست دي حقيقي ولا لا ماترد علياااااااا يااحمد
ساكت ليه
مريم : اهدي ياليلي مش لما تعرفي جوزك كمان عايز يعمل فيا
ليلي : هو لسه في حاجه كمان ماعرفهاش
مريم : ايوه طبعا في اهم حاجه قربت مريم من ليلي وماسكتها من كتفها وقفت ورها
ليلي : ...............
مريم : يرضيكي كده ياليلي جوزك عايزني انزل اللي في بطني ... يرضيكي يعني انتي لو حامل ترضي تتخلي عن ابنك كده ببساطه .. اسفه نسيت انه صعب شويه دلوقتي انك تحاملي
كان احمد واقف مصدوم مش عارف يتكلم يقول ايه ولا يبرر ايه ولا ايه ورحت مطلعه كمان تحليل الحامل وادته لـ ليلي
مريم : عقلي جوزك ياحبيبتي
ومشيت وسابتهم
ليلي مابقتش قادره تستوعب اغمي عليها تماماُ
شالها احمد اوضه النوم وفوقها
قعدت مده طويله فاقده النطق ومش قادره تتكلم بس بتعيط
احمد : ليلي ردي عليا ياليلي انا اسف عاللي حصل
لسه بيكمل كلامه كانت ليلي بتزعق في وشه قامت من عالسرير وقفت
ليلي : كل مره تغلط في حقي وتقولي اسف مره تضيع فرحتي كعروسه وتبهدلني وتقولي اسف ومره تضيع فرحتي كاام وتقولي اسف وتتجوز عليا وتقولي اسف غصب عني لا وكمان حامل منك وتقولي اسف
اسف علي ايه ولا ايه
الغلطه مش غلطك الغلطه غلطتى انا اللى استاهل الحرق انى سامحتك انا اللى بعتلك نفسى وكرامتى علشان بحبك ياخى ملعون ابو الحب اللى يخليك تعمل فيا كده
احمد : اهدى ياليلى
ليلى : اخرس خاااالص مش عايزه اسمع اسمى على لسانك انت لسه هتقولى اهدى انت عمرك ماكنت راجل معايا فى حاجه انت دمرتنى
احمد : ليلى افهمى اللى حصل الاول
ليلى : انا اصلا كنت شاكه فيك من الاول بس بغبائى مادورتش وراك شكيت اديتك الامان والثقه ادى اخرتها تتجوز علياااا انا ليه يااخى ليه
احمد : اللى حصل دا كان غصب عنى
ليلى : فعلا كان غصب عنك اتجوززتها غصب عنك كانت عملالك تنويم مغناطيسى ولا تهديد تحت السلاح يعنى كل الوقت دا بتتضحك عليا شغل وماموريه ماكنتش اى حاجه كنت بتقول كده علشان تروح للهانم الجديده وانا المغفله الهبله اللى مضحوك عليها
انهارت من العياط واخذت شنطتها وبتلم هدومها
وفتحت باب الشقه ورزعته جامد ركبت تاكسى ورحت لشروق
واحمد قام لبس وونزل راح على مريم
اول مادخل لطشها بـالقلم احمد : انتى شكلك عايزانى اموتك دلوقتى
مريم : موتنى لعلمك انا مبلغه البوليس واهلى ان لو حصلى اي حاجه هتكون انت السبب وهتروح فى ستين دهيه
احمد : انتى مش بنى ادمه انتى فعلا شيطانه
وسابها ونزل قعد يتصل بليلى ماكنتش بترد عليه اتصل بشروق
شروق : ايوه يااحمد عايز ايه
احمد : عايز ليلى
شروق : اسمع يااحمد شرق دلوقتى منهاره روح خل مشاكلك مع الهانم الجديده وبعدين ابقى دور عالغلبانه وقفلت السكه فى وشه
كان احمد منهار جدا ومش عارف يتصرف ازاى عرف انه خسر كل حاجه بغبائه وصل لحد بيت يوسف وحكاله احمد كل اللى حصل
وفجاه ؟؟
نكمل الحلقه الجايه بقى
اى رايكم فى الحلقه
وياترى احمد هيعمل ايه
وليلى هتطلب الطلاق ولا هترجع البيت وهتسامحه
ومريم هتعمل ايه تانى فى احمد
رد: قصة غلطة حب 15 حلقة
هدهد محمد غير متواجد حالياً   رد مع اقتباس
إضافة رد
الموضوع: قصة غلطة حب 15 حلقة الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر
أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 06:48 AM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.