إضافة رد
  #1  
قديم 08-17-2015, 01:48 AM
هدهد محمد هدهد محمد غير متواجد حالياً
مشرفة عامة
 
تاريخ التسجيل: Jul 2015
المشاركات: 634
بمعدل: 0.73 يوميا
الإقامة: القاهرة
الوظيفة: مشرفة المنتدي
التقييم: 10
هدهد محمد is on a distinguished road
افتراضي قصة توبة

قصة توبة

صاحبة القصة بتحكي وتقول.....
احنا في البيت 7 بنات وانا كنت أصغر اخواتي سنآ
ماكنش في اهتمام بيا اوى يعنى كنت بخرج وادخل براحتي
في فتره ثانوى كنت مراهقه شوية واتعرفت ع شباب وكنا بنكلم فون !
كنت عايشة حياتي من الاخر بس كل ده مع الالترم بالحجاب الشرعي واللبس الشرعي
عشان اخد فرصتي وحريتي اكتر واعرف اخرج مع حبيبي ده كويس
لبست النقاب !!
عشان بس محدش يشوفنى من اهلي وعدت الايام والسنين وانا كده .مافيش اي جديد ف حياتي
لحد مافي كنت قاعده ع فيس عادي جدا عامله اكونت بأسم تاني وقاعدة بكلم شاب !
لاقيت حاجه اسمها ‏فريق_العفة الاسم علق معايا وقولت هو اصلا يعنى اي #‏عفة ؟
عرفت بعدها ان ليهم صفحة ع فيس اسمها (انا هكون يوسف وانتي هتكونى مريم ومش هنحب الا ازواجنا )
المهم عملت لايك وطنشت وكملت حياتي عادي جدا
جيت فيوم ومش اشمعنا اليوم ده حيست بقرف من نفسي !!
حيست باد اي انا بوشين وانى مظهر بس ولكن الباطن حاجه تانية حاجه كده زبالة اوى !
قومت فتحت الفيس عشان اكلم حبيبي ده واول مافتحت!!؟
لاقيت ف وشي بوست للفريق ده
وكأن ربنا خلاني افتح بالذات ف الوقت ده عشان اشوف البوست ده !
كان بيكلم عن ربنا وعن رحمته بينا وان ربنا بيحبنا اوى وبيكلم عن الجنة٠
خلانى أبكي بجد.ودخلت الصفحه وقعدت اقرأ ف البوستات وكانت حاجه اللهم بارك رائعة بجد
شوفت بوست عن البنت اللي مصاحبه الشباب....اللي هو انا !
الفتره دي بعدت شوية عن حبيبي ده ومش بقيت اكلمه الا بسيط جدا وكلام محددود اوى
وبقيت افكر ف التوبه واني ازاي ارجع لربنا تانى وياتري هيسامحني ولا .؟
دانا عملت ذنوب اد السماء!
مش بقيت عارفه اعمل نفسي اتغير اوي
نفسي ابقي البنت العفيفه اللي بيكلموا عنها ف البوستات دي
نمت وانا معيطه ف اليوم ومكسوفه اوى من نفسي وفي نفس الوقت خايفه جدا من ربنا
ان كما تدين تدان وان ربنا حتي لو توبت هيعاقبنى بزوج عمل نفس اللي عملته
وعرف وخرج ولمس بنات اااااد كده !
مابقتش عارفه اعمل اي ! ودماغي فيها تفكير كتير جداجدا
قلقت بالليل قبل الفجر وفتحت الفيس ووالله كانت دمعتي ع خدي بسبب التفكير
واول حاجه عملتها لاقيت دخلت صفحة فريق العفة لاقيت بوست لسه منشور من ب10 دقايق
واكنة ليا وانى قلقت من النوم مخصوص عشان اشوفه
وكان مفجأه بالنسبالي بجدبالفعل دخلت ولاقيت بوست عمري ما انساه هو ده اللي غير حياتي بفضل الله
ولحد دلوقت عمري ما انسي اللي كان كاتبه والله بدعيله لحد دلوقت
البوست كان بيكلم عن البنت اللي عرفت الشباب وعملت معاصي وارتكبت الغلط !
ان البنت دي لو تابت بجد ربنا بيغفر لها وبيسرلها امرها وبيحول ذنوبها دي كلها لحسنات
بس مش ده اللي قلب حياتي !
لاقيت كاتب وان البنت دي ربنا هيزرقها شاب عفيف لو عفت نفسها وربطت ع قلبها
ولاقيته مفسر انه شاب ممكن يكون مكلمش بنت قبلها خالص خالص وغاض بصره وصفات حلوة كتير كده
مكنتش مصدقه نفسي اقعدت اعيط كتير اوى بطريقه هستارية
انا اللي عرفت شباب كتير جدا وخرجت معاهم وماسكوا ايدي وحصلت تجاوزات بنا انا ربنا يرزقنى بواحد انا اول حب ف حياته
مستحيل ده اكيد بيكذب ! اكيد بيقول كده عشان بس نتوب
ازاي دانا لازم يجيلي واحد مش محترم زي وعرف بنات كتير زي مانا عرفت شباب
كنت اعرف واحده صاحبتي كانت ملتزمه بجد مش زي ظاهر بس روحتلها وسألتها عن الكلام قالتلي اه ده بجد
وبعتتلي فيديو عن حازم شومان وهو بيأكد الكلام ده
أقسم بالله انا من فرحتي بقيت اقرا غلط
مش عارفه اصلي من العياط والفرحة
واني كمان اطلب من ربنا مواصفات زيادة وحلوة ف الشخص ده
ساعتها بس كان نفسي اصلي واصوم واقرأ قران واعمل طاعات كتير كتير من فرحتي
وقاعدة بقول ياه بجد ربنا كريم لدرجادي؟! عفور كده رحيم بشكل ده
يعنى اتوب ويغفرلي ذنوبي كلها لا ويبدلها حسنات كمان؟ لا ويرزقنى زوج ملتزم وانا اول حب ف حياته؟
كنت حاسة انى بحلم بجد
ومن ساعتها قفلت الصفحة اللي ع فيس بكل القرف اللي فيها وغيرت رقم تليفونى
وعهدت ربنا انى مش هعمل تانى وانى توبت بجد.حفظت ع قرآن والقيام والصلاة ف مواعيدها
ومره شوفت بوست عن بنوته كاتبه حكايتها كده مع الاستغفار انها كانت مش بتخلف وراحت لدكاتره كتيره جدا وكلهم قالوا مافيش أمل!
والتزامت الاستغفار وكانت بتستغفر ف اليوم 3000 مره
وسبحان الواهب رزقت بتوأم
علي وفاطمة اللهم بارك
روحت انا كمان من ساعتها لزمت الاستغفار والله كان بيوصل معايا ل 5000 ف اليوم ازاي معرفش والله ما كنت بغفل عن الدعاء
وكنت بقول مواصفات والله العظيم حاجات قياسية وبس كنت عارفه ان ربنا هيستجب
طب والله وصلت انى كنت بقعد اقول يارب زوجي يقولي الكلام الفلانى ويخرجنى ف الكلام ف المكان الفلانى
مع كل ده كان قلبي موقن بالاجابه والله وبعدها سمعت من واحده صاحبتي ان لو نفسك في حاجه ادعي بيها لواحده صاحبتك
فضلت ادعي كتير لأصحابي ولنفسي ومع الاستغفار والقرآن والقيام
لحد والله الذي فطر السموات والارض
لاقيت بابا بيقولي جالك عريس ساعتها قلبي اتنفض بجد وقعدت اعيط كتير وكنت مرعوبه يطلع عكس ما بتمنى
قالي انزلي اقعدي معاه وبعدها نقوله مافيش نصيب سمعت كلام بابا ونزلت فعلا
قسمابرب العزه اول ما دخلت الرسباشن اكن دخلت الجنة
الخوف والتوتر ودقات قلبي السريعه راحت ف ثانية
قعدت معاه واللهم بارك وشه كان منور بجد وحلو اوى ^^
اتكلم معايا وكنت فرحانة اوى كان ملتحي زي ماطلبت وطلع حافظ القرآن كامل زي ماطلبت
بس انا مطلبتش ان يكون معاه اجازه ف القرآن .وطلع معاه اجازه وده اللي اسمه كرم ربنا وفضله
وعملنا خطوبه وبس انا مكنتش اعرف انها حرام يقولي بحبك وكده ع اساس اننا مخطوبين وبقينا حلال بقي
لاقيته بيفهمنى وعرفنى وحفظنى القرآن واحنا مخطوبين
كنت عاجزه امام شكر ربنا كنت بعيط واصلي وبس
اتخطبت سنة وشهرين وبعدها كتبنا الكتاب
طب وحياة لاإله إلاالله لاقيته بيقولي نفس الكلام اللي كنت بطلبه من ربنا ف القيام يقوله ليا
بالنص والله العظيم ولاقيته ف مره قالي عاملك مفجأه وخدنى وخارجنى وودينى نفس المكان اللي طلبته من ربنا
كنت بعيط اول ما روحنا وسألنى بتعيطي لية قولته عشان طلبت من ربنا كده وسبحان الله اتسجب ليا
وفعلا طلعت انا اول حب ف حياته والله
مكنتش مصدقه ولا مستوعبه اللي بيحصل اصلا
سجدت مكانى وبس وفضلت اعيط
وبعدها اتجوزنا وكنت فاكره ان بعد الجواز هنزهق من بعض زي اي حد بيجوز
والله والله ابدا معانا دلوقت صهيب وعمر
ولسه حب كتب الكتاب ما بنا
كده انا قصتي خلصتي بس عاوزه اقول حاجه اخيرة
لو انتي كنتي زي كده الحقي نفسك بسرعه يلا ربنا مافيش ارحم منة
اطلبي كل اللي نفسك فيه بس خليكي صادقه ف التوبه مع ربنا هيعوضك والله بأكتر ما تتمنى

شارك اصدقائك الان .. رابط الموضوع للنسخ
http://www.moolnt.com/vb/showthread.php?s=3009caf6b97b6a76b5b03fe10930c909&t=29569

التعديل الأخير تم بواسطة هدهد محمد ; 08-17-2015 الساعة 01:54 AM
رد مع اقتباس
إضافة رد
الموضوع: قصة توبة الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر
أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:14 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.