إضافة رد
  #1  
قديم 03-10-2015, 06:01 PM
هدير نصر محمد هدير نصر محمد غير متواجد حالياً
عضو نشيط
 
تاريخ التسجيل: Mar 2015
المشاركات: 93
بمعدل: 0.09 يوميا
التقييم: 10
هدير نصر محمد is on a distinguished road
افتراضي يوميات بنوتة تائبة

يوميات بنوتة تائبة

#‏تمهيدى_الحلقه_الاولى‬
متخليش اى وجع ف حياتك ياثر عليكى ¤
خودى وقتك ورتبى حياتك قربى من ربنا وقربى من ربنا وقربى من ربنا ♡
واعرفى ان اى حزن بعده فرح واى حد ظلمك او وجعك متدعيش ولا تشتمى عشان مبستهلش انك تشيلى ذنب بسببه
عليكى بس تقولى حسبى الله ونعم الوكيل &
عارفه يعنى ايه يعنى وكلتى امرك لربنا يحكم ف قضيتك وزعلك وهو هيجيبلك حقك ^^
خليكى مع الناس اللى بتحبك ولو حسيتى انك عاوزه تشتكى لحد ربنا اولى بيكى ^-*
عارفه يا بنوته يا عسل انتى ربنا موجعكيش عشان بيكرهك لا دا ربنا بيحبك وبيحبك اوى كمان ♡
هو بس ربنا بيغير ع قلبك مش عاوز قلبك يتعلق بحد غيره فبيبعد عن قلبك اى حد شر ليكى
وانتى مفكره ان ربنا مبيفرحكيش تؤتؤ بس كل الحكايه انه هيرزقك بعد صبرك كل حاجه حلوه
صدقينى ربنا يستاهل منك انك تحبيه ^-^
واللى يبعد عنك يلا اهو ساب مكان لناس بتحبك بجد وتتمنى تشوفك بخير
ونصيحه منى ليكى عشان انا بحبك
اوووعى تعصى ربنا عشان خاطر انسان عشان وقت ما تتوجعى مش هتلاقى جمبك غير اللى عصيته
#‏للحديث_بقيه‬
‫#‏يوميات_بنوته_تائبه‬
‫#‏بقلمى‬

شارك اصدقائك الان .. رابط الموضوع للنسخ
http://www.moolnt.com/vb/showthread.php?s=b042a45af8767d68c9757aabc42cee0b&t=26831
رد مع اقتباس
قديم 03-10-2015, 06:05 PM   #2
هدير نصر محمد
عضو نشيط
تاريخ التسجيل: Mar 2015
المشاركات: 93
بمعدل: 0.09 يوميا
معدل تقييم المستوى: 3
هدير نصر محمد is on a distinguished road
افتراضي رد: يوميات بنوتة تائبة

الحلقه الثانيه
ونبدأ حلقه جديده من ‫#‏يوميات_بنوته_منتقبه‬
يلا نفتكر مع البنت دى لحظات عدت عليها فيها لحظات فرحتها ولحظات وجعت قلبها وزعلتها لحظات ومواقف مكنتش تتخيل انها تعدى عليها وكلام مكنتش بردو تتوقع انها تقوله
البنوته دى كانت عارفه ان الحب الحلال كويس اوى ونفسها زى اى بنت تتخطب وتحب وتتحب عادى يعنى نفسها تعيش زى بنات جيلها بس كانت عمرها مكلمت شاب
وفجأه ظهر فى حياتها شاب اغراها احترامه وقالت انه شخص كويس ومحترم ولا يمكن يكون زى اى شاب من اللى بيلعبو ببنات الناس وتتطورت الامور وبقو يتكلمو ع الفيس شويه وكلامهم غاااايه فى الاحترام وحضرَتك و حضرتك طبعا يعنى الشيطان مش هيسيبهم طلب رقمها ومن كتر ما هى واثقه فيه ادتهوله لانه ايه شاب محترم واااااو ولا يمكن يتعوض واكيييد اكيييد هيجى يتقدم لها
وواحده واحده البشمهندس اعترف لها انه حبها وقلبها دق وسلمت للشيطان نفسها
وكانت حياتها بمبى وهييييح بقا
ويلا مع بعض هنبدأ لحظات الفرح
اى بنت فى اول الكلام مع شاب هيحسسها انه هيموتها من الفرح والسعاده ولا عمره هيسمح لنفسه انه يكون وجع لقلبها وانه مش هيخليها تمشى على الارض لا دا هيشيلها من على الارض شيل ومش هيخليها تقف ادام البوتجاز اصل بيغير عليها من عيون البوتجاز
فرحت اوووووووى وحست ان قلبها طاير واااو دا بيغير عليا من عيون البوتجاز وصلت لدرجه من الفرح انها ندمت على الايام اللى اعت وهى مكنتش معاه فيها فكرها انههيبقى راجل معاها واد كلمته وانه اما يخلص دراسه وظروفه تتحسن هيجى يطلب ايديها
وشويه شويه حست انها بدأت تبعد عن ربها " ودى لحظه الندم " وعلى فكره لحظه الندم هتتكر معنا كتير
حست ان اخرها دا هيبقى وجع
عقلها رجع لها وعرفت ان مفيش سعاده ف بعد عن ربنا وقررت تبعد
قالت له احنا غلطنا وانت لو عاوزنى فعلا هتيجى لى ف الحلال طبعا الباشمهندش حس انه اتدبس زعل شويه وبراحتك وانتى حره
وفعلا بعدت بس تفتكرو الشيطان هيسيبها .. لا طبعا وهى مفهمتش ده بعد كام يوم اسبوع اتنين شهر رجع رن عليها وقلبها دوم دوم تك وردت قلها انه بس بيطمن عليها وخلاص قفل
طب هو بقا لشيطان وراها انتى ايه معندكيش دم هو اتصل يطمن عليكى اتصلى انتى كمان اتطمنى عليه تانى يوم دا هو بيحبك فعلا ومش زى اى حد مش شايفه
والبنت استسلمت واتصلت يوم ورا يوم رجعو تانى زى الاول
ومواقف تاخدها وتوديها وتتكرر لحظات فرح ولحظات نكد وقالت كلام مكنتش تتخيل انها هى اللى تقوله بس الاستاذ حس انه زهق يمكن او يمكن حس انه غلط الله اعلم بقا
المهم بعتلها رساله عرفها انه هيبعد عنها وانها كانت نقطه سوده فى حياته رسالته كانت صدمه ليها وندمت انها رجعت له وبعدت عن ربنا بسببه
كان كل فتره ربنا بيبعت لها خبطه كدا على دماغها عشان تفوق اصل ربنا لسه بيحبها وعاوزها تتوب مهو مش دى البنت اللى تعمل كدا اصل ربنا بيغير على قلبها
وجه عليها فتره قربت من ربنا اوووى ومن حظها الكويس ان رمضان خلاص على الابواب وقف جمبها الصحبه الصالحه اللى فى حياتها
عدى رمضان عليها وهى همتها 100% بس الشيطان وحش بردو واتصل بيها تانى للعيد يهنيها مردتش وقالت مش هعمل حاجه تزعل منى ربنا تانى وبعتت له رساله انها خلاص مش عاوزه تعرفه وانها رجعت لعقلها وهو لسه بردو بيرن وبعت لها رساله
طب هى بقا ردت ولا لا وايه الرساله اللى هو بعتها ده هنعرفه فى الحلقه اللى جايه
وقولولى بقا توقعاتكو هترد عليه ولا هتفضل متمسكه بعد همتها ال 100%
#‏يوميات_بنوته_تائبه‬
‫#‏بقلمى‬
هدير نصر محمد غير متواجد حالياً   رد مع اقتباس
قديم 03-10-2015, 06:09 PM   #3
هدير نصر محمد
عضو نشيط
تاريخ التسجيل: Mar 2015
المشاركات: 93
بمعدل: 0.09 يوميا
معدل تقييم المستوى: 3
هدير نصر محمد is on a distinguished road
افتراضي رد: يوميات بنوتة تائبة

#‏الحلقه_الثالثه‬
ويلا نكمل حلقتنا الجديده فى ‫#‏يوميات_بنوته_تائبه‬
وبعد ما عرفنا الحلقه اللى فاتت انه رن عليها وهى فى جدال ما بين قلبها وعقلها
قلبها بيقولها ردى وشوفيه عاوز ايه يمكن اما عرف غلاوتك هيجى يتقدم لك
وعقلها بيفكرها بوعدها مع ربنا ووجع قلبها اللى هو كان سبب فيه
وهنا هتبدأ " لحظه الحنين "
يلا نشوف لحظات الحنين اللى بتعدى على كل بنت فى مكان البنوته دى لحظات الحنين لصوته وكلامه وفرحتها اما كانت بتحس انه مش بيكدب عليها ولحظه الحنين المؤلمه للى عملو فيها ووجع قلبها وكان سبب فى ان قلبها بقى مستعمل وملوث بعد ما عمر ما حد هيدخل قلبها غير زوجها كل ده بيدور فى دماغها وهو بيرن وفجأه بعت رساله
بيقولها انه تعبان جدا وانه محتاج لها وبيتأسف لها على كل حاجه زعلتها منه فى يوم وانه عرف قيمتها اما بعدت وهنا بقا صاحبتنا ضعفت و للاسف ردت عليه فضلت تتكلم وتلومه على انه وجع قلبها كتير اوووى وانهارت فى العياط وهو قالها انه مش هيسيبها تانى ومش هيسمح لحد تانى انه ياخدها منه لانه بيحبها ولالاسف ده حال بنات كتير مننا دلوقتى مهما اتوجعت بردو بتيجى على نفسها وعلى كرامتها يمكن تكون دى طيبه او ظروف محتاجه حد جمبها او يمكن مش بتحس بنفسها غير اما تلاقيه بعت رساله تانى صدمها فيها
كل ده وهى مش قادره تنطق ولا تقوله انها هتسيبه واهى مره من نفسها زى مرات كتير عملها معاها هترجع له تانى ولا مش عارفه قلبها مصدق ان المره دى هيبقى كويس ولا هيكدب عليها تانى
دماغها عماله بتودى وبتجيب وهو نازل كلام يوم ورا التانى وخلاص ضعفت وبدأت تتكلم بس اتغيرت فى انها رجعت تتكلم فى حدود فى الكلام تانى زى الاول ومش بتكلمه كل يوم يمكن كل 3-4 ايام مره ويعدى شهر اتنين على نفس الحال
وتيجى الضربه ال3 على دماغها وهو كان قايل لها قبل كدا ان ابوه عاوز يخطب له بنت عمه وهو كان مفهمها انه مش هيوافق عشانها ويتصل بيها يقولها انا مش عارف اعمل ايه بابا مصمم انه يخطبها لى دلوقتى وانا مش عاوز اسيبك ويديها رساله اللى تصدم بقا
" انا هخطبها بس دلوقتى عشان بابا يهدى كدا وكلها شهر وهفسخ الخطوبه واجيلك بقا وهعوضك عن كل حاجه وحشه فى حياتك
وردت البنت وهى فى حاله زهول طب وانا ؟؟ ما انت ينفع تخطب اهو وانت فى الدراسه ليه مش انا اللى هبقا بدلها ليه كدا حرام عليك وجع قلبى ده انت بجد بتموتنى بالبطئ ده انا قولتلك هستناك لو ل 3 سنين عشان بحبك بجد انت بتعمل فيا كدا ليه ده لو حد مصلطك عليا متخصص فى وجع قلبى مش هتعمل كدا
اتصدمت البنت صدمه عمرها لدرجه انها دخلت المستشفى اتحجزت 4 ايام متعلق لها محاليل لانها كانت مش بتاكل ولا تعمل اى حاجه من صدمتها فيه وكل اللى كان شاغل تفكيرها انها كل ما تقرب من ربنا يظهر هو فى حياتها يدمرها ويرجعها للصفر من تانى
وبدأ تفكيرها ياخدها بقا طب ياترى ربنا زعلان منى ولا مش عاوزنى قرب له
واااه نسيت اقولكم البنوته دى كانت متعرفه على بنت على الفيس من بلد البشمهدس لانها مش كانت من محافظته يعنى البنات دول عمرهم ما شافو بع ولا اتقابلو قبل كدا بس كانت حاكيه لها على الموضوع وهى اللى كاانت بتبقى جمبها وبتخفف عنها مع كل وجع كانت بيعدى عليها بس مش كانت معرفاها ان اللى بتحكى عليه ده من بلدها
وبعد كام يوم قررت البنت انها تقول لصاحبتها انه من بلدها واهى بالمره تطمنها عليه من بعيد لبعيد لانها خلاص هتبعد بعد نهائى
وفى اثناء ما البنوته بتحكى لصاحبتها وفى لحظه ما قلتلها انه من بلدها واسمه " ... " وقالت لها الاسم اتصدمت صاحبتها اييييييييييييييييييه ازاى اللى انتى بتقوليه ده ؟؟

وخلاص البنت حست ان الدنيا ف عنيها اسودت وكانت اكبر صدمه فى حياتها وان الوجع اللى اتوجعته ده كوم والصدمه دى كوووووم تانى حست ان الدنيا صغيره اوووووووى ولو كان فى امل 1% انه هيرجع لها ويتقدم لها دلوقتى بقا مستحيل انه هيفكر ف ده
طب ايه بقا اللى صاحبتها قالتلو ليها وليه هما الاتنين اتصدمو كدا وكان ايه سبب انها تعبت بالشكل ده وليه مستحيل انه يتقدم لها كل ده هنعرفو الحلقه الجايه
#‏رأيكم_يهمنى‬
#يوميات_بنوته_تائبه
‫#‏بقلمى‬
هدير نصر محمد غير متواجد حالياً   رد مع اقتباس
قديم 03-10-2015, 06:21 PM   #4
هدير نصر محمد
عضو نشيط
تاريخ التسجيل: Mar 2015
المشاركات: 93
بمعدل: 0.09 يوميا
معدل تقييم المستوى: 3
هدير نصر محمد is on a distinguished road
افتراضي رد: يوميات بنوتة تائبة

#‏الحلقه_الرابعه‬
‫#‏يوميات_بنوته_تائبه صاحبتنا بعد ما كلمت صاحبتها على الفيس صاحبتها اللى كانت بترتاح معاها صاحبتها اللى كانت بتترمى فى حضنها بالكلام صاحبتها اللى كانت سند ليها ف زعلها اللى كانت بتخفف عنها وجعها اللى كانت بتطمن اما تكلمها صاحبتها اللى طلعت بنت عم الشاب واللى هو هيخطبها
صاحبتها اللى هتتخطب لحبيبها
عن صدمتها اما عرفت
عن احساسها ان الدنيا كلها اسودت فى وشها
عن حاله الضعف اللى هى فيها
عن وجع قلبها وكسرتها عن حاجات كتير حسيتها بعد ما عرفت ان حبيبها هياخد صاحبتها
عن صدمتها فى صديقه عمرها وفى حبها واملها فى الحياه اللى كان فى يوم مصدر سعادتها
قفلت مع صاحبتها وهى مش فى ايديها اى حاجه غير البكاء وتصادف ان البنوته عند خالتها وفى كل الوجع ده لازم تدارى ومش تبين للناس اللى قاعده انها بتبكى
ودى بقا " لحظه الانكســــــار "
اللحظه اللى بتحس فيها انك عاجزه عن كل حاجه
عن الدموع المحبوسه ف عينك عشان متطلعش ادام حد
عن تدويره عنيها تحت وفوق عشان الدمعه متنزلش
عن احساسها ان حد خانقها مش قادره تتكلم مش عارفه حتى تلهى نفسها بالكلام
من كتر تفكيرها فى صاحبتها هتعمل ايه ؟؟ طب هتروح تقوله ؟؟ ولا هتتخطب لحبيبها ؟؟ ولا هتروح تقول لابوها وهو يتصرف خصوصا ان هو حد محترم ومعروف عنه انه مش ليه ف كلام البنات وفضلت تفكر طول ما هى فى الطريق لبيتها ودموعها على خدها من غير ما تحس
لحد ما وصلت بيتها ومن غير ما تغير حتى هدومها جابت المحادثه من اولها من اول ما اتعرفو على بعض وزادت فى البكاء وبقت تكلم نفسها هو ده معقوله هو ده اللى يوجعنى .. هو ده اللى كانت بيقولى انتى بتاعتى انا وبس يابت .. بقا ده الشخص اللى حلفلى انه طول ما هو عايش وربنا مديله عمرو مش هيزعلنى معقوله هو ده ؟؟؟؟؟
وتصادف تيجى مواقف كانو بيضحكو ويهزرو فيها تلاقى نفسها بتضحك ودموعها مغرقه مخدتها وفضلت تقرا فى كلامهم اللى يفرحها واللى يوجع فى قلبها ازيد لحد ما راحت فى النوم
وفجأه تقوم فزوعه من النوم تلقائى تجرى على الفيس تفتحه تشوف صاحبتها عملت ايه ؟؟ وتقولها بلاش مشاكل لحبيبها ولو انتى بتحبيه خوديه بس مش تبعدى عنى وتقولها انها فعلا بتحبها وان مش ليها حد غيرها وان هى الحضن اللى بترتاح فيه وان مش عندها غيرها اما بتبقى زعلانه او مكسوره فى وقت ضعفها بتحكى لها غيرها وانها هى سندها ده كوله بيدور فى دماغ البنوته ..
وفجأه بتفتح الرسايل وكانت الصدمه اللى البنت كانت متخيلاها " البلووووووووك "
ترن عليها على الموبيل تكنسل ومش ترد وبعد ساعه قفلت الفون خالص

قلبها وجعها اوووووى ولاول مره تدعى انها تموت الدقيقه دى قبل اللى بعدها :'(
وهى اللى كانت بتنصح الناس انهم مش يدعوا على نفسهم
واهو جه اليوم اللى اتمنت فيه الموت والبعد عن الناس كلها :'(
واصعب حاجه على اى بنت ان قلبها يوجعها من اكتر حد كانت صادقه معاه حد كانت فاكراه سندها .. :'(
قلبها كان عامل زى البركاان اللى اتفجر وحطم كل حاجه حواليه معاملتها مع اهلها اتغيرت ممكن تتنرفز على مامتها بقت تحب تقعد لواحدها على طول بقت انطوائيه اكتر من الازم حالها اتشقلب 360 درجه :'(
كل ده وصاحبتنا على السرير ومن صدمتها ومش لاقيه سبب للى صاحبتها وحبيبه عمرها عملته ودماغها عماله تلف طب يا ترى هى عملت كدا من نفسها وانها مش قالت حاجه لاهله ولا لأبوه ولا راحت قالت له انها عرفت انه كان بيكلمنى :'(
وفضلت ع الحال ده يومين مش قادره انها تتصل بالشاب ده تعرفه اللى حصل
ولا عارفه توصل لصاحبتها تفهم منها اللى حصل وتليفونها على طول مغلق >
وفى بدايه اليوم الرابع يجى لها رساله من اكونت غريب تكتشف من نص الرساله انه هو الشاب والرساله بتقول .......... 3 3 3
نعرف بقا محتوى الرساله المره اللى جايه ورد فعل البنوته ايه 3 3 3
#‏رايكم_يهمنى‬
#يوميات_بنوته_تائبه
هدير نصر محمد غير متواجد حالياً   رد مع اقتباس
قديم 03-10-2015, 06:26 PM   #5
هدير نصر محمد
عضو نشيط
تاريخ التسجيل: Mar 2015
المشاركات: 93
بمعدل: 0.09 يوميا
معدل تقييم المستوى: 3
هدير نصر محمد is on a distinguished road
افتراضي رد: يوميات بنوتة تائبة

#‏الحلقه_الخامسه‬
‫#‏يوميات_بنوته_تائبه
بما ان الشخصيات كترت بقا نسمهيهم بأسماء عشان مش نتلغبط
البنوته اللى بنحكى عليها اسمها روميساء
الشاب الى بتحبه اسمه محمد
صاحبتها اللى على النت اسمها منى
وزى ما عرفنا الحلقه اللى فاتت ان محمد بعت لروميساء رساله من اكونت غريب هى مش تعرفه وكان كاتب لها فيها
"السلام عليكم ورحمه الله وبركاته ،،
كان ليا طلب اخير ياريت حضرتك تنفذيه .. ياريت حضرتك مش تبعتى رسايل تانى لخطيبتى .. بعنى اصح انا وبنت عمى هنتخطب الموضوع منتهى وكل شئ قسمه ونصيب على الاقل دى بنت عمى وبتخاف عليا وسرى هيكون معاها وسرها هيكون معايا ومش هنعمل حاجه من ورا بعض هقدر أمن لها على كل حاجه وانا مش هعاتب كل اللى بطلبه ان محدش يوقع بينى وبين خطيبتى و اصلا محدش يقدر يعنى .. وامسحر ارقامنا وياريت ننسى اننا نعرف بعض اصلا "
دى كانت رساله محمد لروميساء تخيلو قلب روميساء فى اللحظه دى ايه كانت بتقرأ الرسله وهى مصدومه cry emoticon gasp emoticon وبدون اى مقدمات دمعها عملت مجرى على خدها ونص الرساله كلامها مش مفهوم تفكيرها عمال بيودى ويجيب طب يا ترى منى قالت لمحمد ايه ؟؟؟؟ ويعنى ايه جمله مش هنعمل حاجه من ورا بعض؟؟؟ ويعنى ايه سرها هيكون معايا؟؟؟؟ طب انا عملت ايه خلاه يفقد الثقه دى ؟؟؟ طب يا ترى منى اما حكت له قالت له ايه؟؟؟؟؟؟
حاولت بسرعه تبعت رساله لمحمد تفهم منه ايه اللى حصل بس للاسف لقته بعت الرساله وعمل لها بلوووووك من الاكونت ده كمان طب جربت ترن على موبيله لقته مقفول
حست روميساء ساعتها بالمعنى الحقيقى للوحده واد ايه هى ملهاش حد بكت اكتر دموع مصاحبه وجع فى قلبها محدش هيحسها غيرها او حد جرب نار الظلم لقت نفسها بتقول بوووجع اوى حسبى الله ونعم الوكيل
جه فى بالها تشوف اكونت منى لقتها لسه عامله لها بلووووك هى كمان وهى فى حاله الانهيار دى فكرت فى اكونت كان قديم عندها تبعت منه رساله لمنى اللى معندهاش غيرها واللى كانت متعوده انها فى اى مصيبه بتجرى عليها وهى تهديها واللى نسيت ان صاحبتها دى هتتخطب لحبيبها مدى حبها لمنى نساها انها اخدت مكانها فى حب عمرها محمد
بعتت لها رساله بتقولها الحقينى يا منى محمد بعتلى رساله بيقولى انه مش عاوز يعرفنى تانى انا محتاجه لك اووووى يا منى بالله عليكى مش تسيبينى انا بحبك اوووى أنتى وجعتينى اوى ااه بس انا مسمحاكى بس خليكى جمبى عشان انا معنديش حد تانى احكيله غيرك انا مكنتش متخيله ان هيجى اليوم اللى اتوجع منك فيه بالشكل ده بس خلاص والله ارجعيلى خلينى احكى معاكى وتطمنى قلبى زى الاول f انا عارفه انى هصعب عليكى وعارفه انك وجعتينى غصب عنك انا عارفه عارفه انك بتحبينى يا اختى يا حبيبتى انتى مش عارفه حالتى ايه وانا بكلمك انا بموووووووووووت يا منى
وقفلت الفيس وفى عز ما هى منهاره فى العيااط باب اوضتها يخبط والدها مبقتش عارفه هتقوله ايه مهو اكيد اول ما يشوفها هيسألها مالك .. اتفضل يا ابى .. شافها والدها وهى فى الحاله دى جرى عليها مالك يا روميساء فى ايه ؟؟ ليه بتبكى كدا ووشك وارم بالطريقه دى من كتر العياط ؟؟ فضلت تفكر فى ثوانى قالت له اصل اسماء صاحبتى توفت يا بابا
هداها والدها وقعد يكلمها شويه عن ربنا وأن كلنا هيجى علينا الوقت اللى هنرحل فيه وفى وسط سكوت روميساء فجأه يسكت ويسألها روميساء هو انتى متأكده ان زعلك ده سببه وفاة صاحبتك بس ؟؟؟
.. تبكى روميساء اكتر ما هى بتبكى وتقوله ايوه يا بابا متأكده وانا متقلقش عليا لو فيه اى حاجه اكيد هقولك انت حبيبى يا بابا والدها يحضنها وكأنها رمت كل هموم الدنيا ورا ظهرها ونست كل حاجه وهديت شويه
كان نفسها تحكى لباباها اوى ايه اللى مزعلها بس قطع تفكيرها صوت والدها وهو بيقولها ريمو حبيبت بابا صلت العصر ولا لسه ترد روميساء ف خجل من نفسها وباباها انا ش صليت اى حاجه النهارده
قالها طب يلا قومى يا بنوته يا جميله اتوضى وادينا هنصلى مع بعض
تقوم روميساء تتوضى وكأن ربنا بيطبطب على قلبها وتبدأ صلاه مع ابوها وفى اخر ركعه يبدأ يدعى لروميساء بدعوات كانت محتاجاها اوووووى ختها تبكى من كتر ماهى حست بالدعوات دى ♥
وبعد ما خلصو قعد هو وروميساء يتكلمو شويه وتقوله مش تنسى ي حاج بقا تدعيلى الدعوتين دول كل صلاه وخاصه ان ربنا يرزقنى الصحبه الصالحه اللى تقوينى
ويحضنها ويقولها اوعدينى يا ريمو لو فى اى حاجه مزعلاكى تيجى تحكى لبابا حبيبك على طول .. .. .. اوعدك يا ابى ^_^
تقوم روميساء تدخل اوضتها تفتح فيس تانى وتلاقى رساله من صاحبتها معاها فى الكليه اسمها ياسمين مين ياسمين دى وايه الرساله اللى كانت باعتاها لروميساء هنعرف بقا الحلقه اللى جايه 3 3 3
#يوميات_بنوته_تائبه
#‏رأيكم_يهمنى‬
‫#‏بقلمى‬
هدير نصر محمد غير متواجد حالياً   رد مع اقتباس
قديم 03-10-2015, 06:30 PM   #6
هدير نصر محمد
عضو نشيط
تاريخ التسجيل: Mar 2015
المشاركات: 93
بمعدل: 0.09 يوميا
معدل تقييم المستوى: 3
هدير نصر محمد is on a distinguished road
افتراضي رد: يوميات بنوتة تائبة

#‏الحلقه_السادسه‬
‫#‏يوميات_بنوته_تائبه عرفنا بقا الحلقه اللى فاتت ان روميساء قامت صلت مع والدها ودعالها دعوات كتير اوووى كانت محتاجاها وخلاص بقا حست بطمئنان وقلبها هدى بعد ما بكت من خشوع والدها ف دعواته واللى حست انها طلعه من قلبه
شويه وقامت فتحت فيس ولقت رساله جت لها بتفتحها لقتها من بنوته اسمها ياسمين بتقولها "السلام عليكم .. روحى يا شيخه الهى ربنا يفرح قلبك ويسعدك " بس كدا
فرحت روميساء اوى اوى بارساله دى حستها جايه من ربنا ليها تكمله طبطبه ربنا عليها بعد دعوات ابوها ليها
قلبت روميساء فى الرسايل اللى قبل كدا فعرفت انها بنوته معاها فى الكليه وقلبت فى بروفايلها باين عليها بنت ملتزمه وكويسه s فردت عليها بسرعه "
وعليكم السلام .. انا بجد مش عارفه اقولك ايه بس انا فعلا كنت محتاجه الدعوه دى اوووووى بالله عليكى تدعيلى بيها على طول
حست ياسمين ان روميساء تعبانه من حاجه او مخنوقه يعنى وانها محتاجه حد جمبها بس متعرفهاش اوى انها تسألها عن حاجه خصوصيه ليها فطلبت منها رقم تليفونها عشان تصحيها للفجر
وفجأه لقت ياسمين بتتصل فردت عليها وبتقولها ايه ده بقا هيبقى فون وفيس ايه الحلاوه دى وفضلو يتكلمو بقا شويه كتير ويتعرفو على بعض
وياسمين فى نص الكلام سألتها مالك يا روميساء انا حاسه انك مضايقه من حاجه او فى حاجه مزعلاكى حاساكى حتى وانتى بتتحكى ضحكتك مكسوره
ردت روميساء : انا فعلا مخنوقه اوووى يا يسمين وكنت محتاجه حد جمبى وانتى ربنا بعتك ليا وهى بتتكلم مع ياسمين جالها رساله من رقم غريب مكتوب فيها " لعله خير والله متزعليش واكيد ربنا هيعوضك "
استأذنت روميساء ياسمين انها تتصل تشوف مين الرقم ده وايه الرساله دى
اتصلت روميساء بالرقم ترد بنوته ايوه مين معايا ..
روميساء : حضرتك بعتى لى رساله مكتوب فيها لعله خير ممكن اعرف مين حضرتك ؟؟
البنت وكأنها بتستعيد الرقم تانى وترد متلغبطه والله انا اسفه جدا انا اتلغبطت فى الرقم كنت ببعت الرساله دى لصاحبتى انا اسفه
روميساء : عادى يا جميل ولا يهمك وهى سرحانه فى كلمات الرساله حست ان ربنا بعتها ليها بيطبطب عليها .. حست ان ربنا استجاب دعوه ابوها وهو بيدعى لها وقلبه محروق على بنته اللى مش متأكد او يمكن واثق ان زعلها و الحاله اللى شافها فيها دى مش بسبب وفاه صاحبتها
عرفت ان ربنا بعت لها ياسمين دى طريق للنجاه ليها وبعد مرور اسبوعين بقت ياسمين مداومه انها تصحى روميساء على صلاه الفجر وفى القيام وبقت تقويها على اعمال الخير حتى طلبت منها انهم ينضموا لجمعيه خيريه او اعمال خير لعلها تكون المنجيه من عذاب يوم مش هينفع فيه شئ غير العمل الصالح
فقررت روميساء انها تحكى لياسمين فتصلت بيها بليل قالتلها ياسمين انا عاوزه اتكلم معاكى فى حاجه بس اوعدنى انك مش تزعلى منى ولا تبعدى عنى
قالتها والله هزعل منك لو قولتى كدا ف ايه يا روميساء قلقتينى عليكى ؟؟؟
وتنده والده روميساء عليها فقالت لياسمين هجيلك بكره ونقعد نحكى وتفقو انهم هيتقابلو بكره وروح روميساء كلم مامتها
وتصبح تانى يوم تروح لياسمين ومن بدايه ما تبدأ تحكى وتنهار فى العياط فهدتها يامين وواحده واحده حكت لها الموضوع
فقالت لها ياسمين بقا هو ده الموضوع اللى انا هزعل منك عشانه وهبعد عنك انتى هبله ابت عادى كلنا بتغلط
وقالتلها كلمه تقريبا عمرها ما هتنساها " يا ريمو اللى ميشيلكيش تاج فوق راسه متلبسيهوش انتى فى رجلك "
فرحت روميساء اوى انها بقالها صاحبه مش هتبعد عنها صاحبه اللى ابوها دعالها بيها
روحت روميساء من عند ياسمين منشكحه اخر حاجه بصاحبتها الجديده
ولسه هتنام لقت ياسمين بترن
روميساء : السلام عليكم .. ايه يعنى لحقت وحشتك
ياسمين : اه طبعا يابنتى .. وبردو عرفت انك هتجى زى الشطره تعبانه من المشواروتنامى صح
روميساء: احم احم ايون كنت هعمل كدا
ياسمين: طب يلا يا سكرتى قبل ما تنامى قومى صلى الاول
فرحت روميساء اوى اوى ان بقا ليها صاحبه بتشجعها على الخير بالشكل ده وبقت تفهمها زى ما بيقولو من نظره عين
قامت روميساء منشكحه اتوضت وصلت وجت بقا تقلب فى صورها هى وياسمين اللى اتصوروهم على الفون
وهوووووووووووووووووووووب لقت رقم متصل عليها 5 مرات رقم ميــــــن ميـــــــن ميـــــــــــن
هقولكم عشان متضربونيش رقـــــــم " محمــد "
طب عاوز ايه منها بعد ما خطب ؟؟ وايه فكره بيها بعد 4 اسابيع ؟؟ وايه تأثير الرنات دى على روميساء ؟؟
احم احم هنعرف الحلقه الجايه مهو مش معقول هقولكم كل الحجات النهارده
#يوميات_بنوته_تائبه
‫#‏رأيكم_يهمنى‬
‫#‏بقلمى‬
هدير نصر محمد غير متواجد حالياً   رد مع اقتباس
قديم 03-10-2015, 06:38 PM   #7
هدير نصر محمد
عضو نشيط
تاريخ التسجيل: Mar 2015
المشاركات: 93
بمعدل: 0.09 يوميا
معدل تقييم المستوى: 3
هدير نصر محمد is on a distinguished road
افتراضي رد: يوميات بنوتة تائبة

#‏يوميات_بنوته_تائبه‬
‫#‏الحلقه_السابعه
حلقه النهارده بقا دامده ددى
ونفتكر بقا ان روميساء راحت اتوضت وصلت زى ما ياسمين قالت لها ورجعت بقا وهووووووب اتصدمت لقت الدكتور محمد رن عليها 5 مرات طب ليه ؟؟؟
شافت روميساء الرقم استغربت اووى اوى ؟؟ ودار فى دماغها شويه حجات
طب ايه فكره بيا بعد ده كولو ؟؟ وليه ؟؟؟ وعاوز ايه منى تانى ؟؟؟؟
وهى عماله تفكر قطع تفكيرها محمد وهو بيرن تانى هاااااا
الرقم بيرن ادامها نهااار اسوح هعمل ايه راحت مكنسله بسرعه وقافله الفون
واتصلت بياسمين من فون باباها
روميساء : السلام عليكم .. ازيك يا ياسمين
ياسمين : وعليكم السلام .. مالك صوتك فيه حاجه غريبه
روميساء : ايه يا بنتى انا لحقت اتكلم .. اه ياستى فى حاجه حصلت دلوقتى وانا مش عارفه اعمل ايه بقا ؟؟
ياسمين : خير يابت فى ايه ما تنطقى ؟؟
روميساء : بعد ما خلصت معاكى وصلت ببص فى الفون لقيت رقم محمد رن عليا خمس مرات اعمل ايه انا بقا مش عارفه اتصرف عاوزه ارد وفى نفس الوقت مش عاوزه اعمل ايه بقا ها ؟؟
ياسمين : بوصى يا ستى اهدى بس كدا واقفلى تليفونك وقومى صلى ركعتين واياكى اشوفك بتبكى انتى فاهمه واللى تعمليه بعد كدا خير ليكى
روميساء : ماشى حاضر يلا سلام عليكم
تقوم روميساء تصلى ركعتين وتدعى ربنا انه يتوب عليها من اى حاجه حرام وانه يخليها تعمل اللى فيه الخير ليها و فضلت تدعى كتير
ومن كتر تعبها طول اليوم نامت وهى على المصليه ومش صحيت غير على رنه ياسمين بتتصل على فون باباها عشان تصحيها للقيام
ردت عليها روميساء وقالتلها على اللى هى عملته فقالتها يلا قومى بقا صلى القيام ونصلى الفجر وبكره الصبح هكلمك وونشوف هنعمل ايه ؟؟.
قامت روميساء صلت قيام لحد الفجر وصلت الفجر كمان ولسه بتقول يا هادى وهتنام وهووووب لقت ايه بقا ها ها
محمد بيرن
فضلت متنحه للفون كدا وتقول يارب اعمل ايه اعمل ايه قامت فاتحه
روميساء : السلام عليكم .. وطبعا روميساء مخنوقه بالعياط بس ماسكه نفسها باعافيه
محمد : وعليكم السلام .. ازيك يا روميساء عامله ايه ؟
روميساء : وده هيفرق معاك يعنى ؟؟ انت عارف ان عملت فيا ايه ؟؟ ولسه فاكر تسأل .. انا كنت بموت بالبطئ وانت السبب .. وانت عايش حياتك عادى ولا فارق معاك وبتعرف تخطب اهو وانت فى الدراسه مش لازم تخلص يعنى ولا الجيش كان فارق والشقه خلصت والحياه بمبى
ولا هو كليه الطب متنفعش فيها خطوبه مع كليه اداب تنفع مع كليات قمه زيها بس
ما انت دكتور بقا لازم تاخد دكتوره
ده كله وهو ساكت وروميساء شغاله كلام طلعت القديم والجديد وهو بيسمعها مش عارف يقول ايه
يقطع كلامها انتى مش صونتى السر يا روميساء اللى اتفقنا عليه وروحتى قولتى لبنت عمى ومش عارفه المشاكل اللى حصلت
روميساء : وانت مفكرتش انا حكيت لبنت عمك ليه ؟؟ كل المشكله ان كان نفسى اتطمن عليك كنت عاوزه اى حاجه احس بيها انك قريب منى وعموما عادى الموضوع انتهى
المهم دلوقتى انتى عاوز منى ايه وايه المطلوب وانت واحد خاطب ؟؟
محمد : انا مش خطبت ولا حاجه انا كل الحكايه كنت عاوزك تبعدى عن منى عشان المشاكل
تقاطعه روميساء نعممممممم انت بتبرر لنفسك مبرر فى حد ذاته غلط يعنى عشان تبعد عنك المشاكل توجع قلبى وتخلينى عايشه زى الميته يجى شهر حرام عليك يا شيخ والله كفايه وجع قلب بقا
محمد : انا بس بتطمن عليكى وحبيت اعرفك انى لسه باقى عليكى
روميساء : باقى عليا اه طب عن اذنك عشان عندى كليه بدرى وانا لسه مش نمت
محمد : انتى اتغيرتى اوى يا روميساء ومش بقيتى زى اول ما حبينا بعض
روميساء : معلش بقا اصل اللى اتعمل فيا مش شويه سلام
تقفل روميساء وهى مش متخله انها كانت ممكن تقوله كدا وان ممكن قلبها يبقى قاسى اوى كدا على محمد مع انها لسه بتحبه لانه اول حب فى حياتها
بس كرامتها كانت وجعاها اوى وحست انها كدا رجعت شويه منها تانى
قفلت معاه وهى فرحانه انها قلتله االلى كان نفسها تقوله
وقامت نامت بقا كان نفسها النهار يطلع بقا عشان تكلم ياسمين تحكى لها
وتنام روميساء عشان تقوم للكليه وتقابل ياسمين
يلا بقا تصبحو على خير البت نامت واما تصحى نشوفها عملت ايه مع ياسمين وياسمين قالتلها ايه
يلا هش من هنا البت نامت اجيب كلام منين انا يعنى بقا
#يوميات_بنوته_تائبه
#‏بقلمى‬
‫#‏رأيكم_يهمنى‬
هدير نصر محمد غير متواجد حالياً   رد مع اقتباس
قديم 03-10-2015, 06:50 PM   #8
هدير نصر محمد
عضو نشيط
تاريخ التسجيل: Mar 2015
المشاركات: 93
بمعدل: 0.09 يوميا
معدل تقييم المستوى: 3
هدير نصر محمد is on a distinguished road
افتراضي رد: يوميات بنوتة تائبة

#‏يوميات_بنوته_تائبه‬
‫#‏الحلقه_الثامنه‬
احم احم دخلت روميساء تنام بعد مكالمه محمد خلاص فاضل يجى ساعتين وتصحى عشان الكليه
فضلت تفكر فى المحادثه اللى حصلت لحد ما راحت فى النوم ...
ننيجى بقا لياسمين بعد ما صحت روميساء وصلت القيام والفجر حاولت تنام بس مش جالها نوم فقالت استغل وقت اللى صاحيه فيه افكر فى موضوع روميساء
ودار افكار فى دماغها كتيييير منها
هو ممكن البنت تتوجع اووووى كدا بسبب شاب ؟؟ طب ازاى ممكن تحن للى وجعها ده وترجع له ؟؟ طب ايه اللى يخلى البنت تأمن للشاب بالسهوله دى ؟؟ طب ممكن البنت تخون اهلها وتخدع ربها ليه يعنى ومقابل ايه ؟؟ طب ايه اللى ممكن يدور بينهم يخليها تتنازل عن كل الحجات دى ؟؟؟؟ ...
ساعتها بس افتكرت ان ما اجتمع شاب والمرأه الا وكان ثالثهما الشيطان .. افتكرت الأيه اللى ربنا بيقول فيها " ولا متخذات اخدان " يعنى لا يجوز للبنت انها تصاحب ولا تسمح تدى لنفسها فرصه تحب فى الحرام
ربنا بعدنا عن الحب الحرام الحب اللى يغضبه ساعتها بس افتكرت ان الوجع اللى روميساء فيه لان ربنا بيغير على قلبها وكان عاوزها تفوق من الغفله اللى كانت فيها
وعرفت كمان ان ربنا مش بيحب يهين البنت لان البنت فى اى علاقه هى للاسف اللى بتطلع خسرانه وقلبها بيوجعها ف ربنا مش عاوز يكتب على قلب بنت اى وجع :::
فضلت ياسمين تفكر فى كلام روميساء كتييير لحد ماجه معاد الكليه وهى مش نامت فقامت لبست ورنت على روميساء عشان تخرج ويتقابلو عشان يروحو الكليه مع بعض ولسه بترن ياسمين على ريمو وهوووب فتحت من قبل اصلا ما يجى جرس تقريبا كدا كانت قاعده على الزورار
صاحبتنا بقا بتتكلم بأنشكاح فظيع
روميساء : سلام عليكم .. ازيك اسووووو يا قلبى انتى
ياسمين ايه حاله الحب واللى انتى فيها دى اساحبتى ودلع كمان لا لا لا فى ايه
روميساء : اصل انتى متعرفيش اختك طلعت جاااااامده جداا ابت
ياسمين : ايه ابت يا ريمو فى ايه ؟؟؟
روميساء : يلا بس انزلى ونتكلم فى الطريق
نزلت ياسمين وهى فرحانه ع فرح روميساء بس متعرفش ليه .. بس نزلت جرى عشان يتقابلو بقا عشان يكملو كلام وياسمين هتموت وتعرف فى ايه ؟؟
روميساء تقابل ياسمين بالحضن بقا وتقولها انا مش عارفه انتى لو مش فى حياتى كنت ممكن اعمل ايه
كل ده وياسمين متنحه ومش فاهمه حاجه بتفرح وتبوس وتحضن ولا اى اندهاش على فرح صاحبتها بس
روميساء :بوصى يا ستى عشان عارفه انك هتموتى وتعرفى امبارح بعد ما قفلنا مع بعض الدكتور محمد بذات نفسيته رن عليا وانا استكملت جميع قوايا العقليه ورديت وجمدت قلبى بقا ومعيطتش وتبدأ تحكى لها على كل اللى حصل بانشكاح فظيع n
تفرح ياسمين على فرح روميساء وتشجعها جدا على اللى هى قالته ويتعاهدو انهم مش هيعملو حاجه يغضبو فيها ربنا ابدااا باذن الله ويفضلو سند لبعض فى الطاعات وان روميساء تفضل مستمره وربنا هيعوضها خير
وادتها طاقه ايجابيه برسايل الطبطبه اللى كانت بتقصد تكتبها على صفحتها ولو مكنتش شافتها كانت ياسمين تكلمها تقولها يابت انتى مفيش منك منفعه ما تدخلى تعملى لى شويه لايكات كدا عشان تقرا الكلام وفى نفس الوقت متحسسهاش انها جرحتها لو ف كلمه شديده او انها تقصدها بالكلام
كانت نفسها روميساء تتغير بجد وربنا يرد لها قلبها لانها شافت كتيير اوى وجع قلبها من محمد
وطبعا بعد الرغى ده كوله وصلو الكليه والحمد لله طارت اول محاضره من الرغىl
يدخلو على المحاضره التانيه وتيجى من عند ربنا انها محاضره تنميه بشريه
فرحت ياسمين جدااا لان المحاضره دى هتكمل اللى ياسمين بدأته مع روميساء ووهتقويها بقا ازاى تقدر تنمى نفسها من تانى
بدأت المحاضره وبدأ يتكلم الدكتور عن اعداد النفس وازاى كل منا يطور نفسه ويعمل ورقه محاسبه تحت عنوان حاسبو انفسكم قبل ان تحاسبو كل واحد يشوف هو عمل ايه فى ايامه كل منا تقعد مع نفسها وقفه تشوفها هى ماشيه ف الطريق الايه كل حد فينا عارف الصح والغلط والحرام والحلال بس احنا اللى بقينا بنتهاون بقا يهمنا فلان وفلان وجعلنا ربنا اهون الناظرين الينا
اتكلم كتير اوى وكانت محاضره يمكن اسست فى روميساء حجات كتير كانت اتهدمت فيها
وخلاص بقا المحاضره خلصت تقوم روميساء تقول لياسمين انتى يا استاذه انتى مش واخده بالك من حاجه
ياسمين لا فى ايه مخدتش بالى
روميساء يلا يا هانم ع المسجد الظهر اذن مش عارفه هفضل اعلم فيكى لحد امتى
تضحك ياسمين اوى طب يلا يا قلبى ع المسجد انت تؤمر وربنا يلا
فرحت ياسمين اووووووى ان روميساء فاقت من اللى هى كانت فيه ده وبقت مركزه مع ربنا وقلبها بقا متعلق بالصلاه
يدخلو يصلو و يخلصو بس لفت نظر روميساء شويه حجات كدا هنعرفها بعد كدا
المهم طلعو من المسجد فقعدت ياسمين وروميساء فتحت فيس وتشوف فجأه حاجه على الفيس تفرحها وتصدمها وتلغبطها كدهون
ايه بقا بقا بقا نعرف الحلقه الجايه
#يوميات_بنوته_تائبه
هدير نصر محمد غير متواجد حالياً   رد مع اقتباس
قديم 03-10-2015, 06:57 PM   #9
هدير نصر محمد
عضو نشيط
تاريخ التسجيل: Mar 2015
المشاركات: 93
بمعدل: 0.09 يوميا
معدل تقييم المستوى: 3
هدير نصر محمد is on a distinguished road
افتراضي رد: يوميات بنوتة تائبة

#‏يوميات_بنوته_منتقبه‬
‫#‏الحلقه_التاسعه‬
وبعد ما عرفنا الحلقه اللى فاتت ان روميساء فتحت الفيس وبتقلب فى الرسايل فجه فى بالها تفتح رسايل محمد وذات فجأه تلقيه شال البلووك فرحت واتلغبطت واستغربت انه شاله بالرغم الشده اللى كلمتو بيها
قالت لياسمين بسرعه الحقى يا ياسمين محمد شالى البلوووك وعامل ع كل البوستات بتاعتى لايكات اعمل ايه بقا
حاول الشيطان يدخل لها المره دى انه بيحبها وكدا وانه لسه باقى عليها ودليل انه شالها البلوك بالرغم من شده مكالمتها الاخيره يعنى مش زعلان منها
بس ع مين الشيطان ده ميقدرش يضحك عليها وهى بدل ما كانت بتفكر مع نفسها بقت تفكر بصوت عالى مع اختها ياسمين
ياسمين طبعا غيرت فكرتها خالص على انه لسه بيحبها وانه لو حبها فعلا كان جالها زى ما فكر قبل كدا يخطب بنت عمه وفى وسط الكلام تقترح ياسمين ع روميساء انها انها تاخد راى والدها فى الموضوع ده
بس ترفض روميساء لانها مش عارفه هتكلمه ازاى ولا تبدأ معاه كلام فى ايه .. وخاصه مش عارفه رد فعل باباها ايه مع انه بيحبها اوووى وبينفذ لها كل طلباتها
بس بردو بتحس برهبه من ناحيته ومش متوقعه انها ممكن تروح تقوله يا بابا انا بحب واحد و الواحد ده وجع قلبى كتييير .. طب حتى المفروض انه هيعمل ايه اما يعرف ان بنته قلبها واجعها كدا
اتكلمو كتير ووصلو ان روميساء مش هتفتح صفحه محمد ولا كأنه شال البلوك حتى مش هتديه اهميه وتعمله هى بلوك .. لا عادى ولا كأن شئ لم يكن
معلش بقا اصل الوجع اللى هو وجعهولها كان كبير اووووى على قلبها
وتحاول ياسمين تانى مع روميساء انها تحكى لوالدها لكن ترفض
يقومو بقا يحضرو اخر محاضره ويمشو على طول عشان ميتأخروش وطول الطريق روميساء فاتحه فيس وعماله تشاور عقلها افتح صفحه محمد ولا لا طب تشوفه كاتب ايه وعقلها يقولها لا .. وقلبها لسه بردو فى حنان لمحمد وبتغير عليه ومن هنا ل هنا فتحت الصفحه تشوف هو كاتب ايه و تشوف صوره بقا وكدا
فضلت تقلب فى الصور شدت انتباها صوره مكتوب عليها " الوقت بيداوى " سكتت عند الصوره ودار فى دماغها شويه حجات .. هو فعلا ممكن يكون محمد نسينى ؟؟ طب انا ممكن يجى عليا اليوم اللى محمد ميجيش فى بالى فيه
بس بالرغم من انه وجع قلبى كتير بس للاسف لسه حاسه انى لسه بحبه
بس طبعا بحبه الحب اللى يحافظ عليا مش زى الاول بحبه شويه بعقل وفضلت تفكر وتقلب ف صوره
وحست انه وحشها بس فجأه يجى لها رساله من القرده ياسمين تقولها اكييييد فتحتى الصفحه انا عارفه الشيطان استغل نقطه انى مش معاكى
تضحك روميساء وترد تقولها اه عشان تسيبينى اوووى انتى السبب
تفتح روميساء شنطها وتطلع المصحف اللى محمد كان مديهولها تقرأ فيه لحد ما وصلت البيت
دخلت سلمت على باباها ومامتها
ودخلت اوضتها تستريح شويه من تعب الطريق جه فى بالها انها تعمل ورقه المحاسبه اللى الدكتور قال عليهاا النهارده
تجيب ورقه وقلم وتكتب ايام الاسبوع وتقعد تفتكر هى عملت ايه صح وايه غلط وفى وسط ماهى بتفكر فى ورقه المحاسبه يجى لها فكره انها تقول لباباها ع حكايتها بس بشكل مش مباشر يعنى تحكى له القصه وتقوله انها واحده صاحبتها
فراحت بسرعه لباباها .. يا بابا هو حضرتك سهران النهارده شويه فقالها ااه يا روميساء تعالى فى حاجه ولا ايه ؟؟
روميساء : لا بس كنت عاوزه اتكلم معاك واخد رأيك فى حاجه كدا تبع واحده صاحبتى هى حكت لى يعنى وانا مش عارفه اقولها ايه
والدها : طبعا فاضى وبعدين حتى لو مشغول يعنى انا عندى كام روميساء حبيبه بابا بس ما تقولى دلوقتى
روميساء : لا انا تعبانه دلوقتى والله يا بابا من المشوار وعاوزه انام هستريح بس ونقوم نحكى بليل
استأذنت والدها
وقامت اتوضت وصلت العصر ودخلت تنام
وباباها بيفكر شكل روميساء مش هو متلغبطه كدا وصوتها تحس انه فيه رعشه كدا فى الكلام شكلها مخبيه عنى حاجه .. اهو نشوف بليل بقا
دى كدا الحلقه التاسعه خلصت شويه كدا هبدأ لكم فى العاشره
مع انى تعبانه والله بس كله عشان خاطر حبايبى بس
#‏يوميات_بنوته_تائبه‬
‫#‏بقلمى‬
هدير نصر محمد غير متواجد حالياً   رد مع اقتباس
قديم 03-10-2015, 07:05 PM   #10
هدير نصر محمد
عضو نشيط
تاريخ التسجيل: Mar 2015
المشاركات: 93
بمعدل: 0.09 يوميا
معدل تقييم المستوى: 3
هدير نصر محمد is on a distinguished road
افتراضي رد: يوميات بنوتة تائبة

#‏يوميات_بنوته_تائبه‬
‫#‏الحلقه_العاشره‬
نامت روميساء لانها كانت تعبانه جدا من الكليه واتفقت ان باباها يصحيها الساعه 12 عشان يتكلمو
وفضلت نايمه روميساء لحد ما والدها دخل صحاها الساعه 12 خبط عليها وصحيت كان البيت كله نايم مفيش غير هى وباباها
سألها والدها عن الكليه وعامله ايه وبدأ بقا يسأألها على موضوع صاحبتها
فتبدأ كلام بقا وتقوله انا ليا واحده صاحبتى اوى بتحب واحد اتعرفت عليه من على الفيس مش من محافظتها يعنى كانت بتحبه اوووى يا بابا والله وكانت حاسه انه هو هيطير بيها من على االارض وبعد كدا اتغير معاها
طريقه كلام روميساء نستها نفسها وخلت والدها يتأكد انه مش مووع صاحبتها ولا حاجه وانها بتتكلم عن نفسها بس مكثوفه منه .. وهاودها فى الكلام لحد ماحكت له وهو سكت شويه كدا
سألته روميساء ها يا بابا ايه رايك فى اللى انا قولته رايك البنت دى تعمل ايه ؟؟
يفاجئها والدها بسؤال :
والدها : روميساء انتى عمرك ما خبيتى على بابا حاجه صح ؟؟
روميساء : اه طبعا يا بابا .. ليه بتقول كدا
والدها انا حاسس انك كنتى بتحكى عن نفسك وانا حاسس بيكى من فتره ومش عارف اقولك ايه حالك متلغبط وخايف اقولك حاجه اجرحك بكلامى
تسكت روميساء والدموع بتعافر انها متنزلش بس مقدرتش ومش عرفت ترد
ويقولها والدها يا بت انتى بنتى عارفه يعنى ايه بنتى يعنى عمرى ما هضرك ولا اتمنى اشوفك وحشه عاوزك احسن بنت ف الدنيا كلها
انتى حبيبتى يا روميساء وتأكدى انك لو حكيتى لى اى حاجه ولا كأنك حكيتى لحد اعتبرينى يا ستى واحده صاحبتك
روميساء قلبها اتفتح لوالده اووى وبكت جامد وقالت له كان نفسى احكيلك من زمان يا بابا من بدايه الموضوع بس مكنتش قادره كتير كنت باجى اقعد معاك وخلاص هتكلم تحصل اى حاجه تبعدنى والله يا بابا اناعارفه انى غلطت بس خلاص انا دلوقتى ياسمين معايا ومش هنبعد عن بعض ابدا وهى بنوته كويسه ااووووى وبتشجعنى على طاعه الله وبتقربنى من ربنا دايما بس بالله عليك ما تزعل منى يا ابى
والدها : ازعل منك ايه يا بت دا انتى روحى وبعدين انا هزعل منك بجد لو مش كل حاجه حصلت تيجى تقوليلى احنا خلاص هنبدأ صفحه جديده بعهد جديد اننا نفضل اصحاب
وبعدين يا هبله مين قالك انى هخرجك بره البلد انتى هتبقى جمبى هنا هون وممكن اصلا مجوزكيش واقعدك جمبى للابد يعنى مين ده اللى يستاهل انو ياخد رومتى ده
ومش غلط يا روميساء انك غلطتى احنا بشر وكولنا بنغلط بس الغلط بقا انك متتعلميش انا عاوزك تاخدى بالك من نفسك اووووووى يا روميساء بالله عليكى ومش تخافى من اى حاجه انا ف ظهرك وحمايتك فى لدنيا دى ولو على فكره محمد ده كويس فعلا وبيحبك زى ما كان بيقول ممكن يجى وساعتها بقا نبقا نشوف هينفع ولا لا وبعدين يعنى انا اللى هجيبلك العريس واقعد كدا اتشرط عليه دا هياخد عين من عينى
ويفضل يضحك فيها وهى لاول مره تضحك بجد من قلبها وكأن نقاء الدنيا كله بقا فى قلبها وتقترح على والدها انها ترجع تانى تحفظ قرءان
ويوافقها جدا وانه هيدعمها فى ده ولو عاوزه تسمع له وتيجى تتابع مع ياسمين صاحبتها
وخلاص بقا كل حاجه عن روميساء دلوقتى بقت فى النور ونفسيتها ارتاحت لانها كل فتره بتقرب من ربنا اكتر وتنتظر بقا الاسبوع ده مش هتنزل فيه الكليه مش عليها حاجات مهمه وعاوزه ترتب حالها كدا مع ياسمين عشان يتفقو هيعملو ايه ؟؟
واستاذنت روميساء والدها أنها تقوم تكمل ورقه المحاسبه بتاعتها اللى كانت بتعملها وقررت انها هتبدأ بجد كل حاجه حلوه تقربها الى ربنا وانها لازم تعمل مفجأه لياسمين اما تشوفها
هتعمل ايه بقا الاسبوع ده وايه المفجأه اللى هتحرها لياسمين نشوف الحلقه اللى جايه
مظبطاكو اهو اى خدمه
#يوميات_بنوته_تائبه
#‏قولولى_رايكم_بقا‬
هدير نصر محمد غير متواجد حالياً   رد مع اقتباس
إضافة رد
الموضوع: يوميات بنوتة تائبة الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر
أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 09:25 AM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.