إضافة رد
  #1  
قديم 05-03-2011, 11:37 PM
الصورة الرمزية سمسمة
سمسمة سمسمة غير متواجد حالياً
عضو مثالي
 
تاريخ التسجيل: Apr 2011
المشاركات: 1,073
بمعدل: 0.44 يوميا
العمر: 27
التقييم: 10
سمسمة is on a distinguished road
Smile خطيبى شتمني ... جوزي ضربني ... حبيبى خاني

خطيبى شتمني ... جوزي ضربني ... حبيبى خاني


هاى يا بنات

انا لاحظت ان اخر فتره كترت اووووى الشكاوى من البنات واجوازهم او خطابهم او ال مرتبطين بيهم بوجه عام

الواحده اللي بتشتكي ان جوزها او حبيبها بيضربها او بيهزاها قدام الناس وقدام الولاد او بيشتمها او بيخونها خطيبى شتمني ... جوزي ضربني ... حبيبى خاني ليا كذا تعليق عليها


اولا:- ازاي ماكانش باين ايام الخطوبة؟
لا كتير من الاحوال بيبقا باين بس احنا بنخلي المركب تمشي عشان نتجوز او بنحبه
والنتيجة بعد مانجيب عيلين تلاتة نشتكي

ثانيا ماكانش باين واتغير
ماشي وانتي سكتي ليه الفترة دي كلها وبردو خلفتي كام عيل ليه مش فاهمة

ثالثا :-انا متجوزة بقالي كام سنة وخلاص زهقت من معاملته وعايزة اطلق
يعني انتي عايزة اللي باظ في كام سنة يتصلح في اسبوع؟
طبعا ده درب من دروب المستحيل

رابعا كان بيعاملني وحش وبيهزاني وبيضربني مع اني بموت فيه ومابتاخرش عنه في اي طلب وبراعي ربنا فيه !!!

مش فاهمة يعني ايه يهزاني وانا اعامله كويس
ومين قال ان مراعاة ربنا باني اخد على دماغي واسكت ده ربنا سبحانه وتعالى قال (ولهن مثل الذي عليهن)
قدمك انتي الاول وقالك ليكي وبعدين عليكي

ليه بقا بتتهاوني في حقك وتقولي اصلي براعي ربنا؟
راعي ربنا بانك توقفي بيتك على الحب والاحترام
واوعي تفتكري انك بسكوتك عن حقك بتراعي بيتك لا ابدا انتي بتدمري معنى الاسرة في عقول اولادك من حيث لا تدري
وبتضيعي كل معاني المودة والرحمة
بنتك هتطلع بتكره الرجالة بسببك وهترتبط بواحد عديم الشخصية عشان تنتقم ليكي من الرجالة
وابنك هيبهدل بنت ناس معاه عشان فاكر ان دي الرجولة الصح



طيب الحل ايه؟


اولا:- للانسات والمقبلين على الزواج
الخطوبة شئ مهم جدا
ومهما الراجل حاول في الخطوبة يخبي طباعه هتبان هتبان
اياكي ثم اياكي تعدي مواقف فيها اي نوع من الاهانة ليكي او لاهلك
واياكي تقولي اصلي خايفة اعنس او مركزه كويس او بحبه

بجد اي حاجة حلوة بتروح مع اول قلم تاخديه او اول اهانة حتى لفظية على اقل تقدير
واعرفي ان لو جوزك او حبيبك عرف انك مدلعة هيدلعك العمر كله
ولو اخدتيه انك راجل وممكن يعتمد عليكي وهتقفي جنبه دايما وتساعديه هتاخدي فوق دماغك وهيدور على اللي تدلع

مش معنى كده انك تفهميه انك مش هتقفي جنبه لا انتي تقفي جنبه في الظروف اللي مالوش يد فيها لكن حاجة بيدلع فيها لا والف لا
واعرفي انه من اول مرة اهانة لو عدتيها هتاخدي على كده طول العمر
وافهمي كويس لو من اول شهر حاسيتي انه ممكن يضربك ابعدى عنه واكيد هتلاقى اللى يقدرك الحاجات ديه مفهاش استعجال


ثانيا:-اما اللي خلاص اتجوزت وبتتهان وبتتبهدل
فاحب اقولها دماغك فين؟
فين كيد النساء؟
اعرفي ان الدعاء والصبر والتخطيط والتطبيق هما الحل
لكن تقعدي تدعي بس وتصبري من غير فعل انسي لان ده تواكل

هتقولي اعمل ايه؟
هقولك غيري جوزك هتقولي حاولت وما اقدرتش هقولك سيدنا عمر بن الخطاب كان كافر واشد الناس عداوة للرسول صلى الله عليه وسلم واسلم وبقا من هو

انتي بقا جوزك مهما عمل فهو مش كافر
واعرفي ان اللي باظ في سنين مش هيتصلح غير في سنين بردو
واوعي تياسي
وفهمي اولادك ان الجو اللي انتي فيه ده مش هو الجو الطبيعي للاسره وفهميهم انك بتحاولي تغيري ابوهم عشانهم وانك بتجاهدي


وفي الاخر هقولك كلمة حطيها حلقة في ودنك

لو انتي من جواكي بقيتي قوية هيبان عليكي قدامه وكل ما قوتك تزيد كل ما جبروته هيقل
وطول ما انتي حاسة من جواكي انك جميلة غصب عنه هيشوفك جميلة
وطول ما انتي واثقة انك ست بيت وزوجة وام شاطرة هيتنقله الاحساس ده



احب اقول في الاخر ان ده رايي من تجاربي الشخصيه وتجارب من حولي

انا بحاول اجتهد عشان دلوقتى المشاكل بقت كتيره اووووى والست بقا حقها مهضوم ورغم كده كمان الرجاله مش مرتاحين ف كده خساره من جميع النواحى والحياه هى واحده يبقى نعيشها صح ونسعد نفسنا ونسعد ال حولينا

تحيـــــــــــــــــــــــــــاتـــــــــى





شارك اصدقائك الان .. رابط الموضوع للنسخ
http://www.moolnt.com/vb/showthread.php?s=37e7440114f4102bf4a51d949c56ef21&t=1531
رد مع اقتباس
إضافة رد
الموضوع: خطيبى شتمني ... جوزي ضربني ... حبيبى خاني الرد على الموضوع
اسم العضو الخاص بك:
للعلم - لكونك زائر - بعد كتابة ردك والضغط علي زر "اعتمد المشاركة" بالأسفل
سيتم انتقالك لصفحه اخري للرد علي السؤال العشوائي
-:(اسعدنا ردك وتفاعلك):-

مواقع النشر
أضف تعليق لك من خلال الفيس بوك

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:44 PM.


Powered by vBulletin® Version 3.8.8
Copyright ©2000 - 2017, vBulletin Solutions, Inc.