الرئيسية » وظائف خالية » نصائح عند كتابة السيرة الذاتية الخاصه بك, تعلم كيف تكتب cv محترف

نصائح عند كتابة السيرة الذاتية الخاصه بك, تعلم كيف تكتب cv محترف

تعرف علي طرق كتابة سي في محترف للعمل في كبري الشركات
نصائح وملاحظات هامه تساعدك علي الابداع في كتابة السيرة الذاتية الخاصه بك لتقديمها لاصحاب العمل وتضمن اهتمام اصحاب العمل بال cv الخاص بك وقراءته كاملا وهي تعد الخطوة الاولي والاهم لحصولك علي الوظيفة التي ترغب بها

images

ملاحظات هامة فى كتابة CV
1- مفيهاش حاجه لما تتعب علي السي في بتاعك شوية .. ده الواجهة اللي بتظهر بيها قدام الناس واللي مبدئيا بيديك تقييم مبدئي او انطباع مبدئي.
2- الصيغة المقبوله و المريحة جدا للـ cv هي PDF ، ميزتها انك باعت سي في مينفعش يتعدل فيه و صيغه شغاله على اي جهاز حتى لو موبايل .. ممكن تبعتها ملف وورد واللي يفتح السي في بدون ما يقصد يضغط بالغلط على اي زرار في الكيبورد تبوظ مظهر السي في او تمسح كلام مثلا و متتوقعش منه انو هيدور هو مسح ايه ولا بوظ ايه .. ببساطة هيقفل السي في ويشوف غيرك.
3- عنوان الايميل حاول تخليه تعريف مختصر عنك ، فمثلا لو مكتوب مطلوب محاسب ممكن تخلي عنوان الايميل محاسب خبره 4 سنوات بكبرى الشركات التجارية مثلا … اعمل تشويق للي انت باعت له خليه يفتح ويقرا ، شجعه بمعنى اصح او اغرية بمعنى آخر
4- بالنسبة للسي في خلي المعلومات اللي انا او غيري بيدوروا عليها تكون واضحه جدا ، (يعنى الخبرة ) مينفعش افتح سي في افضل ادور وسط الأوبجيكتيفز و الهوايات و البيانات الشخصية و المؤهل و احتاس على ما اوصل للخبرات مثلا ، محدش هيعمل كده ببساطه اي حد معندوش وقت هيقفل السي في ويشوف غيره.
5- حاول على اد ما تقدر السي في يكون صفحة واحده بالكتير جدا صفحتين و متخليش في مسافات كتير.
6- حاول على اد ما تقدر يكون السي في منظم و الخط واضح.
7- الخبرات بتكون مسلسلة من الأحدث للأقدم مش العكس و يكون فيها تاريخ التعيين و اخر منصب اداري ، وكمان لو انت كنت في شركة بقالك 7 سنين و اخر منصب ليك كان رئيس حسابات مثلا متجيش تكتبلي 6 سنين محاسب و 1 سنه رئيس حسابات ….. لا بتكتب 7 سنين رئيس حسابات بعدين وقت المقابله بتوضح كل شئ لو اتسألت.
8- مينفعش تكون الوظيفة محاسب مثلا وانت تبعتلي اخر وظيفة ليك مثلا كانت مدير مالي ، كده انت أوفر كواليفايد ومش مريح و بتحسس اللي قدامك انت عندك مشكله.
9- ركز وشوف طلبات معلن الوظيفة ميكونش طالب محاسب وانت ترسلة سي في كل خبراتك مندوب مبيعات.
10- راعي ان السي في ميكونش فيه اي اخطاء املائية او لغوية سواء كان عربي او انجليزي.
11- معدش حد بيحط صورتة في السي في ، ولو حبكت معاك قوي يبقى تحط صورة فورمال متصورها مخصوص مش صورتك وانت في فرح مثلا او صورتك بالترينج ..
12- مساحة الملف متتجاوزش بأي حال من الأحوال 1 ميجا ، في ناس بعتولي السي في مساحته اكبر من 9 ميجا !!!
13- حاجه مهمة جدا .. ايميلك اللي في السي في يكون باسمك مش تحطلي ايميل اسموا صاصا لف مثلا Sasa love grin
أرجو منكم قراءه نصائح كتابة cv وفهمها جيدا

شاهد أيضاً

هيئة الطاقة النووية والاشعاعية

شروط وظائف هيئة الرقابة النووية والاشعاعية والتخصصات المطلوبة 2015

تفاصيل وظائف هيئة الرقابة النووية والاشعاعية المصرية 2015 المؤهلات المطلوبة والتخصصات للوظائف الشاغرة بهيئة الرقابة …